ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵙⵙ ⵏ 7 ⵢⵓⵏⵢⵓ 2022 ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵎⴰⵙⵙ ⵜⴰⵡⴼⵉⵇ ⵊⵍⴰⵙⵙⵉ, ⴰⵏⵎⵀⴰⵍ ⴰⵎⴰⵜⵜⴰⵢ ⵡⵉⵙⵙ ⵙⵉⵏ ⵉ ⵓⵎⵢⴰⵡⴰⴹ ⴷ ⵓⵙⵏⵖⵎⵙ ⵏ ⵜⵎⵙⴷⵓⵙⵜ ⵏ ⵜⵎⵜⵜⵉⵏ ⵎⵓⵏⵉⵏ ⵉ ⵓⵙⴳⵎⵉ ⴷ ⵜⵓⵙⵙⵏⴰ - ⵍⵓⵏⵉⵙⴽⵓ. ⵉⵡⵏⴰⵏ ⵏ ⵓⵎⵙⴰⵡⴰⵍ, ⵜⵙⵙⵎⵏⴷ ⵎⴰⵙⵙⴰ ⴰⵅⴰⵔⴱⴰⵛ ⵉ ⵎⴰⵙⵙ ⵊⵍⴰⵙⵙⵉ ⵉⵛⴰⵕⵉⴹⵏ ⵉⵅⴰⵜⴰⵔⵏ ⵏ ⵜⵎⴰⵙⴰⵢⵜ ⵜⴰⵎⵔⵙⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵔ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴰⵙⵍⵉⵥⵕ. ⵜⵙⵙⴽⵜⵉ ⴷⵉⵖ ⵉⵣⴷⴰⵢⵏ ⵏ ⵓⵎⵢⴰⵡⴰⵙ ⵉⵕⵡⴰⵏ ⵏⵏⴰ ⵜⵙⴷⵓⵙ ⵜⵎⵔⵙⵍⵜ ⴰⴽⴷ ⵜⵎⵙⴷⵓⵙⵜ ⵏ ⵜⵎⵜⵜⵉⵏ ⵎⵓⵏⵉⵏ. ⴰⴳⵔⴰⵡ ⴰⵎⴰⵜⵜⵢ ⵏⵜⵜⴰ ⴷ ⵍⵓⵏⵉⵙⴽⵓ ⵙⴳⵎⴹⵏ ⴰⵙⴳⴳⵯⴰⵙ ⵏ 2016, ⵢⴰⵏ ⵓⵎⵇⵇⵓⵏ ⴳ ⵍⵍⴰⵏ ⴽⵕⴰⴹⵜ ⵜⵙⴳⴳⵯⵉⵏ ⴳ ⵜⵍⵍⴰ ⴰⵡⴷ ⵜⵎⵙⴷⵓⵙⵜ ⵏ ⵜⵎⵖⴰⵔⵉⵏ ⵉ ⵓⵙⴳⵎⵉ ⵏ ⵓⵙⴱⴷⴷⵉ ⵏ ⵜⵡⵍⴰⴼⵉⵏ ⵉⵚⴽⴰⵏ ⵅⴼ ⵡⴰⵏⴰⵡ ⴳ ⵜⵓⵎⴰⵢⵉⵏ ⵜⵉⵙⵏⵖⵎⴰⵙⵉⵏ ⴷ ⵜⴷⵍⵙⴰ ⵏ ⵓⵙⵉⴽⵙⵍ ⴳⵔ ⵜⵎⵖⴰⵔⵜ ⴷ ⵓⵔⴳⴰⵣ ⴰⴳⵓⵏⵙ ⵏ ⵓⵙⵏⵖⵎⵙ ⴰⵙⵍⵉⵥⵕ. ⵙⵏⵎⴰⵍⴰⵏ ⴷⵉⵖ, ⴳ 2017 ⴳ ⵕⵕⴱⴰⵟ, ⵢⴰⵜ ⵜⵉⵏⴰⵡⵜ ⵜⴰⴼⵔⵉⵇⵜ ⵅⴼ ⵓⴼⵔⴰⴳ ⵏ ⵉⵎⵥⵢⴰⵏⵏ ⴷ ⵓⵙⴳⵎⵉ ⵅⴼ ⵓⵙⵏⵖⵎⵙ.

ⴳ ⵜⵙⴳⴰ ⵏⵏⵙ, ⵉⵣⵣⵔⵉ ⵎⴰⵙⵙ ⵊⵍⴰⵙⵙⵉ ⵉⵜⵙ ⵏ ⵜⵉⴳⵉⵡⵉⵏ ⵏⵏⴰ ⵜⵙⵙⴽⵔ ⵍⵓⵏⵉⵙⴽⵓ ⴳ ⵍⵎⵖⵔⵉⴱ ⴰⴼⴰⴷ ⴰⴷ ⵜⵙⵙⴳⵎ ⵜⵉⵍⴻⵍⵍⵉ ⵏ ⵜⵖⴰⵎⵙⴰ ⴷ ⵜⵣⵎⵎⴰⵔ ⵜⵉⵣⵣⵓⵍⴰⵏⵉⵏ ⵏ ⵓⵙⵏⵖⵎⵙ. ⵉⵏⵏⴰ ⴷⵉⵖ ⵉⵙ ⴷ ⴰⵙⴳⵎⵉ ⵅⴼ ⵓⵙⵏⵖⵎⵙ ⴷ ⵉⵏⵖⵎⵉⵙⵏ ⵜⴰⵖⵓⵍ ⵜⴳⴰ ⵜⴰⵎⵙⴰⵔⵜ ⵜⴰⵙⵟⵕⴰⵜⵉⵊⵉⵜ ⵏ ⵍⵓⵏⵉⵙⴽⵓ ⴰⴳⵓⵏⵙ ⵏ ⵓⵎⵏⴰⴹ ⴰⵎⴰⴹⵍⴰⵏ ⵏ ⵓⵎⵓⵜⵜⵢ ⴰⵎⵓⵟⵟⵓⵏ ⵏ ⵓⵎⵢⴰⵡⴰⴹ ⴷ ⵜⵉⴳⵓⵜ ⵏ ⴳⴰⵔ ⵉⵏⵖⵎⵉⵙⵏ ⴷ ⵓⵡⵏⵏⵉ ⵏ ⵓⴽⵙⴰⵏ. ⵉⵏⵏⴰ ⵎⴰⵙⵙ ⵊⵍⴰⵙⵙⵉ ⴳ ⵜⵙⴳⴰ ⵢⴰⴹⵏ ⵉⵙ ⵏ ⵉⵇⵇⴰⵏ ⵓⵙⴷⵓⵙ ⵏ ⵉⵣⴷⴰⵢⵏ ⴳⵔ ⵓⴳⵔⴰⵡ ⴰⵎⴰⵜⵜⴰⵢ ⴷ ⵍⵓⵏⵉⵙⴽⵓ, ⴰⵛⴽⵓ ⵜⵎⵇⵇⵓⵔ ⵜⵉⵍⴰⵍⵜ ⵏ ⵜⵎⵔⵙⵍⵜ ⵏ ⵓⵙⵏⴰⵎ ⴳ ⵜⵎⵜⵜⴰ ⵏ ⵓⵙⴷⵓⵙ ⵏ ⵜⵙⵏⵙⵉⵡⵉⵏ ⵉⵖⵓⴷⴰⵏ ⴷ ⵓⵙⵙⴳⵎ ⵏ ⵡⴰⵜⵉⴳⵏ ⵉⴷⵉⵎⵓⵇⵕⴰⵟⵉⵢⵏ ⴰⴳⵓⵏⵙ ⵏ ⵓⵙⵏⵖⵎⵙ.