« ⴰⵎⵢⴰⵜⴰⵢ ⵏ ⵉⵏⴰⵡⵏ ⵏ ⵓⴽⵙⴰⵏ ⵓⵔ ⵉⵖⵉⵢ ⴰⴷ ⵉⵜⵜⵓⵡⴰⴽⵣ ⵉⵙ ⵉⴳⴰ ⵖⴰⵙ ⵢⴰⵏ ⵓⵛⴳⴳⵔ ⴰⵖⵎⵙⴰⵏ ⴷ ⵢⴰⵏ ⵓⴼⵔⵔⵓⵖ ⵏ ⵓⵎⵢⴰⵡⴰⴹ », ⴰⵢ ⵜⵏⵏⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵡⵏⴰⵏ ⵏ ⵉⵏⴰⵡ ⵏⵏⵙ ⴳ ⵜⵥⵕⵉⴳⵜ ⵜⵉⵙⵙ 9 ⵏ ⵓⵎⵙⴳⵔⴰⵡ ⴰⵎⴰⴹⵍⴰⵏ ⵏ ⵓⵎⵓⵍⵍⵉ ⵏ ⵜⵖⵔⵎⵉⵡⵉⵏ ⵏ ⵜⵎⵜⵜⵉⵏ ⵎⵓⵏⵉⵏ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙⴳ 22 ⴰⵔ 23 ⵏⵓⵡⴰⵏⴱⵉⵔ 2022 ⴳ ⴼⴰⵙ, ⴷⴷⴰⵡ ⵓⵙⴳⵓⵎ ⵏ « ⵖⵔ ⵢⴰⵏ ⵓⵎⵓⵍⵍⵉ ⵏ ⵓⴼⵔⴰ : ⴰⴷ ⵏⴷⴷⵔ ⴳⵔⴰⵜⵏⵖ ⴰⵎⵎ ⵣⵓⵏⴷ ⵢⴰⵜ ⵜⴼⵓⴳⵏⴰ ».

ⵜⵔⵏⵓ ⵅⴼ ⵓⵢⴰⴷ ⴰⵔ ⵜⵜⵉⵏⵉ « ⵜⵓⵎⴰⵏⵜ ⴰⴷ ⵉⵜⵜⵅⵜⵉⵔⵏ ⵙ ⴳⴰⵔ ⵜⴰⵣⵎⵔⵜ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵏ ⴰⴷ ⵢⴰⴼ ⴰⴼⵙⵙⴰⵢ ⵉⵕⵡⴰⵏ ⵉ ⵜⵎⵓⴽⵔⵉⵙⵉⵏ ⵜⵉⵎⴰⵜⴰⵢⵉⵏ ⴰⵎⵎ ⵜⵎⵙⴰⵔⵜ ⵏ ⵓⵣⵡⴰⴳ ⵏⵖ ⵜⵉⵏ ⵓⵙⵏⵉⴼⵍ ⵏ ⵓⵏⵣⵡⵉ. ⴷⵉⵖ, ⴳⴰⵔ ⵜⴰⵖⵜⴰⵙⵜ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵎⵙⴰⵔⵉⵏ ⵏ ⵓⴱⵔⵙⵉⵡⴷ ⴷ ⵡⵉⵏ ⴱⵟⵟⵓ ⵏ ⵜⵎⵓⵔⴰ ⵏⵖ ⴷⵉⵖ ⵡⵉⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷⴰ ⵕⵥⵥⵎⵏ ⴰⴱⵔⵉⴷ ⵉ ⵉⵏⴰⵡⵏ ⵏ ⵓⴽⵙⴰⵏ ⴷ ⵡⵉⵏ ⵜⴽⵕⴹⵉ ».

ⴳ ⵡⴰⵡⴰⵍ ⵏⵏⵙ ⵉⵡⵏⴰⵏ ⵏ ⵜⵙⵓⵜⵍⵜ ⵉⴳⴰⵏ ⵙ ⵢⵉⵙⵎ : « ⴰⵎⵏⵏⵓⵖ ⴷ ⵓⵏⵏⴰⵍ ⵏ ⵉⵏⴰⵡⵏ ⵏ ⵜⴽⵙⵏⴰ ⴳ ⵉⴼⵉⵍⵉ », ⵜⴰⵙⴳⴰ ⵏ ⵎⴰⵙⵙⴰ ⵎⵉⵟⴰ ⵀⵓⵙⴰⵍⵉ, ⵜⴰⵏⵎⵀⴰⵍⵜ ⵜⴰⵎⴰⵔⴰⵢⵜ ⵏ ⵜⵣⵓⵏⵉ ⵏ ⵓⵎⵢⴰⵡⴰⴹ ⴰⵎⴰⵜⴰⵢ ⵏ ⵜⵎⵜⵜⵉⵏ ⵎⵓⵏⵉⵏ, ⵎⴰⵙⵙ ⴰⵃⵎⴷ ⵄⴱⴱⴰⴷⵉ, ⴰⵎⴰⵔⴰⵢ ⴰⵎⴰⵜⴰⵢ ⵏ ⵕⴰⴱⵉⵟⴰ ⵎⵓⵃⴰⵎⵎⴰⴷⵉⵢⴰ ⵏ ⵍⵄⵓⵍⴰⵎⴰ, ⵎⴰⵙⵙ ⵄⵉⵣⵣⴰⵜ ⵉⴱⵔⴰⵀⵉⵎ, ⴰⵎⴰⵔⴰⵢ ⴰⵎⵖⴰⵔ ⵏ ⴰⵍⴰⵀⵕⴰⵎ ⵡⵉⴽⵍⵢ ⴷ ⵎⴰⵙⵙ ⴼⴰⵡⵣⵉ ⵙⵇⴰⵍⵍⵉ, ⴰⵏⵙⵙⵉⵅⴼ ⵏ ⵓⵏⵎⵓⴳⴳⴰⵔ ⵏ ⴼⴰⵙ ⵏ ⵜⴷⵍⵙⴰ ⵜⴰⵚⵓⴼⵉⵢⵜ, ⵎⴰⵙⵙⴰ ⴰⵅⵔⴱⴰⵛ ⵜⵙⵙⴽⵜⵉ ⴷ ⴷⵉⵖ ⵉⵙ ⵜⵉⵎⵙⴽⴰⵔ ⵏ ⵉⵏⴰⵡⵏ ⵏ ⵓⴽⵙⴰⵏ, ⴷ ⵓⴱⴽⴰⴹ ⴷ ⵓⵙⵉⵏⴳⵊⴷⵉ ⵙⵓⵍⵏ ⵍⵍⴰⵏ ⵔⵏⵓ ⵢⴰⵙ ⵜⴰⵙⵙⴰⵙⵜ ⵜⴰⵎⴰⵜⴰⵢⵜ ⵏ ⵡⴰⵟⵟⴰⵏ ⵏⵏⴰ ⵉⵜⵜⵓⵢⴰⵙⵙⵏⵏ ⵙ ⵢⴰⵏ ⵡⴰⵟⵟⴰⵏ ⵏ ⴳⴰⵔ ⵉⵏⵖⵎⵉⵙⵏ ⴰⵍⵍⵉⴳ ⵉⵏⵏⴰ ⵓⵎⴰⵔⴰ ⴰⵎⵉⵔⵉ ⴰⵎⴰⵜⴰⵢ ⵏ ⵜⵎⵜⵜⵉⵏ ⵎⵓⵏⵉⵏ « ⴰⵄⴷⴰⵡ ⵏⵏⵖ ⵉⴳⴰ ⴰⵡⴷ ⴰⵙⵎⵢⴰⵜⴰⵢ ⵏ ⴳⴰⵔ ⵉⵏⵖⵎⵉⵙⵏ ⵏ ⵜⴽⵏⴷⴰⵡⵜ ».

ⴳ ⵜⵙⴳⴰ ⵢⴰⴹⵏ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵙ ⵜⴰⴷⵉⵏⴰⵎⵉⵢⵜ ⵏ ⵜⴹⵓⵚⵉ ⵏ ⵉⵥⴹⵡⴰⵏ ⵉⵏⴰⵎⵓⵏⵏ ⴳ ⵢⵉⴳⵔ ⵏ ⵓⵎⵢⴰⵣⴰⵏ ⴷ ⵢⵉⵎⵥ ⵏ ⵉⵏⴰⵡⵏ ⵏ ⵓⴽⵙⴰⵏ ⵓⵔ ⵖⵉⵢⵏ ⴰⴷ ⵕⵕⵥⵏ ⵙ ⵓⵙⴷⵓⵙ ⵏ ⵜⵉⴹⴰⴼ ⴷ ⵡⵓⴽⵓⵙ ⵏ ⵉⵙⴰⴳⵎⵏ ⵉⴱⵔⵙⴳⴳⵯⴰⴷⵏ ⵉⵎⴽⵕⴰⴹⵏ. ⵜⵔⵏⵓ ⵜⵏⵏⴰ « ⵜⵉⴳⵎⵉ ⵏ ⵓⵡⵏⴳⵉⵎ ⵏ ⵓⵣⵖⴰⵏ ⴷ ⵓⵙⵙⵉⵍⵢ ⵙ ⵜⴷⵍⵙⴰ ⵏ ⵓⵙⵙⵓⵎⵓ ⴰⵢ ⵖⵉⵢⵏ ⴰⴷ ⵉⵙⴷⵓⵙ ⵜⴰⴷⵓⵙⵉ ⵏ ⵉⵎⴷⴰⵏⵏ ⴷ ⵜⵉⵏ ⵜⴳⴰⵡⵜ ⵎⴳⴰⵍ ⵉⵏⴰⵡⵏ ⵏ ⵓⴽⵙⴰⵏ ⴷ ⴳⴰⵔ ⵉⵏⵖⵎⵉⵙⵏ ⴷ ⵜⴽⵏⴷⴰⵡⵉⵏ ⵏⵏⴰ ⵉⴷⵙⵏ ⵉⵎⵓⵏⵏ ».

ⴰⵣⵎⵣⵣⵓ ⵢⴰⴷ, ⵉⵍⵍⴰ ⵅⴼ ⵉⵅⴼ ⵏⵏⵙ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⵜⵉⵏ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⵏⵜⵜⴰ ⴷ ⵓⴳⵏⵙⴰⵙ ⴰⵎⴰⵜⵜⴰⵢ ⵉ ⵓⵎⵓⵍⵍⵉ ⵏ ⵜⵖⵔⵎⵉⵡⵉⵏ ⵏ ⵜⵎⵜⵜⵉⵏ ⵎⵓⵏⵉⵏ, ⵎⴰⵙⵙ ⵎⵉⴳⵉⵍ ⴰⵏⴳⵍ ⵎⵓⵕⴰⵜⵉⵏⵓⵙ, ⴰⵣⵎⵣⵣⵓ ⵢⴰⴷ ⵃⴰⴹⵕⵏ ⴰⵙ ⴽⵉⴳⴰⵏ ⵏ ⵎⴷⴷⵏ ⵉⵎⵇⵔⴰⵏⵏ ⴰⵎⵎ ⵙ ⵓⵎⴷⵢⴰ ⴰⵎⴰⵔⵉ ⴰⵎⴰⵜⴰⵢ ⵏ ⵜⵎⵜⵜⵉⵏ ⵎⵓⵏⵉⵏ ⵎⴰⵙⵙ ⴰⵏⵟⵓⵏⵢⵓ ⴳⵓⵜⵔⵔⵉⵙ.