ⵙ ⵓⵙⵏⵓⴱⴳ ⵏ ⵎⴰⵙⵙ ⵔⵉⵎⵉ ⴱⵔⵓⵙⴱⵉⵔ ⵎⵓⵕⵉⵜⵜⵉ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⴼⵍⵍⴰ ⵏ ⵓⵙⵍⵉⵥⵕ ⴷ ⵓⵎⵢⴰⵡⴰⴹ  ⴳ ⵍⴱⵉⵏⵉⵏ ⴷ ⵓⵏⴼⵍⵓⵙ ⴰⵙⵓⵍⴰⵏ ⵏ ⵓⵥⵟⵟⴰ ⵏ ⵉⴳⵔⴰⵡⵏ ⵉⴼⵔⵉⵇⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ, ⵜⴰⵎⵓ ⵜⵏⵙⵙⵉⵅⴼⵜ ⵏ ⵓⵥⵟⵟⴰ ⵏ ⵉⴳⵔⴰⵡⵏ ⵉⴼⵔⵉⵇⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵙⴳⴰ ⵏ ⵉⵏⵙⵙⵉⵅⴼⵏ ⵏ ⵉⴳⵔⴰⵡⵏ ⵏ ⵓⵙⵏⴰⵎ ⵏ ⴱⵓⵔⴽⵉⵏⴰ ⴼⴰⵚⵓ, ⵙⴰⵃⵉⵍ ⵍⵄⴰⵊ, ⵎⴰⵍⵉ, ⵏⵏⵉⵊⵉⵔ, ⵙⵉⵏⵉⴳⴰⵍ ⴷ ⵉⴳⵏⵙⴰⵙ ⵏ ⵉⵎⵙⵏⴰⵎⵏ ⵏ ⵖⵉⵏⵢⴰ ⴷ ⵟⵓⴳⵓ (ⴳⴰⵏ ⴰⴽⴽⵯ ⵉⴳⵎⴰⵎⵏ  ⵏ ⵜⵙⵉⵍⴰ UEMOA + ⵖⵉⵏⵢⴰ), ⴳ ⵢⴰⵜ ⵜⵙⵎⵉⴳⵍⵜ ⵏ ⵉⵏⵥⵉ ⵏ ⵜⴷⵓⵍⵉ ⵜⴰⵖⵎⵙⴰⵏⵜ ⵉ ⵉⵙⵜⴰⵢⵏ ⵓⵣⵔⵉⴼⵏ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴰⵙⵙ ⵏ 8 ⵢⵏⵏⴰⵢⵔ ⴰⵎⴳⴳⴰⵔⵓ ⴳ ⴱⵉⵏⵉⵏ.
ⵉⵡⵏⴰⵏ ⵏ ⵜⵙⵎⵉⴳⵍⵜ ⴰⴷ, ⵎⵓⵏⵏ ⵉⴽⴰⴱⴰⵕⵏ ⴳ ⵉⴳⵔⴰⵡⵏ ⴽⵉⴳⴰⵏ ⵏ ⵜⵉⴽⴽⴰⵍ ⴳ ⵜⵉⵏⵎⵍ ⵏ ⵉⵎⵛⵉⵡⴰⵕ ⴷ ⵉⴳⵔⴰⵡⵏ ⵉⵜⵉⵇⵏⵉⵢⵏ ⵓⴳⵔⴰⵡ ⴰⵏⴰⴼⵍⵍⴰ ⵏ ⵓⵙⵍⵉⵥⵕ ⴷ ⵓⵎⵢⴰⵡⴰⴹ ⵏ ⴱⵉⵏⵉⵏ, ⴰⴼⴰⴷ ⴰⴷ ⵙⵏⴼⵍⵏ ⴳⵔⴰⵙⵏ ⴽⵉⴳⴰⵏ ⵏ ⵜⵖⵜⴰⵙⵉⵏ ⵏⵏⴰ ⵉⵜⵜⵓⵢⴰⵙⵉⵏ ⵖⵓⵔ ⵉⵎⵙⵏⴰⵎⵏ ⵏ ⴱⵉⵏⵉⵏ ⴰⴼⴰⴷ ⴰⴷ ⵙⵙⴰⵜⵉⵏ ⵉ ⵓⵙⵎⴽⵍ ⴰⵖⵎⵙⴰⵏ ⵏ ⵓⵎⵣⵉⵣⵣⵍ ⵉⵡⵏⴰⵏ ⵏ ⵉⵙⵜⴰⵢⵏ.
ⴰⵖⴰⵡⴰⵙ ⵏ ⵉⴽⴰⴱⴰⵕⵏ ⵉⵜⵜⵓⵙⵏⵓⴱⴳⵏ ⴷⵉⴳⵙ ⴰⵡⴷ ⵉⵙⴳⵔⴰⵡⵏ ⵏ ⵜⵏⴰⵟⵟⵓⴼⵜ ⴷ ⵓⵣⵔⴰⴼ ⴳ ⵓⴱⴰⵔⴰⵣ ⵏ ⴽⵔⴰ ⵏ ⵉⴷⵖⴰⵔⵏ  ⵓⵙⵏⵖⵎⵙ ⴳ ⴱⵉⵏⵉⵏ, ⵙ ⵉⵎⵥⵍⵉ ⴰⵙⵉⵔⴰ ⵏ ⵜⵏⵣⵡⴰⵢⵜ ⴷ ⵓⵜⵉⵍⵉⴼⵉⵣⵢⵓⵏ ⵏ ⴱⵉⵏⵉⵏ (ORTB), ⵉⵙⵏⵖⵎⵙⵏ ⵓⵙⵍⵉⴳⵏ (CAPP FM) ⴷ ⴼⵔⵉⵙⵙⵓⵏ ⵜⵉⴼⵉ, ⴷ ⵉⵎⵙⴰⵡⴰⵍⵏ ⴰⴽⴷ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵜ ⵏ ⵉⵙⵜⴰⵢⵏ ⵉⵏⴰⵎⵓⵔⵏ ⵉⵏⵉⵎⴰⵏⵏ (CENA) ⴷ ⵜⵙⵉⵍⴰ ⵏ ⵉⵙⵜⴰⵢⵏ ⴷ ⵉⵙⵏⵎⴰⵍⴰⵢⵏ ⵏ ⵡⴰⵎⵓⵏ ⵓⵖⵔⵉⵎ ⴰⵡⴷ ⴷ ⵓⵎⵖⴰⵔ ⵏ ⵜⵙⵎⵉⴳⵍⵜ ⵏ ⵢⵉⵏⵥⵉ ⵏ ⵓⴳⵔⴰⵡ ⴰⴷⴰⵎⵙⴰⵏ ⵏ ⵜⵎⵓⵔⴰ ⵏ ⵓⵢⴼⴼⵓⵙ ⵏ ⵉⴼⵔⵉⵇⵉⵢⴰ. 
ⵉⵡⵏⴰⵏ ⵏ ⵢⵉⴹ ⵏ ⵉⵙⵜⴰⵢⵏ, ⵜⵍⵍⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⵥⵟⵟⴰ ⵏ ⵉⴳⵔⴰⵡⵏ ⵉⴼⵔⵉⵇⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ, ⴳⵔ ⵉⵎⵣⵡⵓⵔⴰ ⵏⵏⴰ ⵉⵙⴰⵡⵍⵏ ⴳ ⵓⵏⵣⵡⴰⵢ ⴷ ⵓⵜⵉⵍⵉⴼⵉⵣⵢⵓⵏ ⵜⴰⵙⴳⴰ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵉⵙⵜⴰⵢⵏ ⴷ ⵉⵙⵏⴰⵍⴰⵢⵏ ⵏ ⵡⴰⵎⵓⵏ ⵓⵖⵔⵉⵎ ⵏ ⵙⵉⵏⵉⴳⴰⵍ, ⵎⴰⵙⵙ ⴱⴰⴱⴰⵛⴰⵔ ⴷⵉⴰⴳⵏⵉ, ⵙ ⵢⵉⵙⵎ ⵏⵏⵙ ⵉⴳⴰⵏ ⴰⵏⵙⵙⵉⵅⴼ ⵏ ⵜⵙⵉⵍⴰ ⵏ ⵉⵎⵙⵏⴰⵎⵏ ⵉⵙⵍⵉⵥⵕⵏ ⵏ ⵜⵎⵓⵔⴰ ⵏ ⵓⵢⴼⴼⵓⵙ ⵏ ⵉⴼⵔⵉⵇⵉⵢⴰ ⴷ ⵖⵉⵏⵢⴰ, ⵉⴳⴰⵏ ⵉⵏⴱⴳⵉⵡ ⵏ ⵓⵙⴰⵢⵙ ⵉⵥⵍⵉⵏ ⵉ ⵉⵙⵜⴰⵢⵏ ⵅⴼ ⵜⴷⴰⴱⵓⵜ ⵜⵓⵙⵍⵉⴳⵜ ⴽⴰⵔⴼⵓⵔ ⵜⵉⴼⵉ.