ⵙⵙⵖⵣⵏⵜ ⵜⵎⵔⵙⴰⵍ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⵏ 18 ⵏ ⵜⵎⵓⵔⴰ ⵜⵉⴼⵔⵉⵇⵉⵏ ⵢⴰⵎⵓⵏ ⴳ ⵓⵙⴳⵔⴰⵡ ⴰⴳⵔⴰⵖⵍⴰⵏ ⵏⵏⴰ ⵉⵙⵏⵎⴰⵍⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵓⵙⵙⴰⵏ ⵏ 20 ⴷ 21 ⵏⵓⵡⴰⵏⴱⵉⵔ 2025 ⴳ ⵙⵍⴰ ⵅⴼ ⵓⵙⴳⵓⵎ ⵏ “ⴰⵣⵔⴼ ⴳ ⵓⵏⵖⵎⵉⵙ ⴳ ⵓⵣⵎⵣ ⴰⵎⵓⵟⵟⵓⵏ”, ⵙⵙⵖⵣⵏⵜ ⵜⴰⵙⵖⵓⵔⵉ ⵏ ⵙⵍⴰ ⵅⴼ ⵓⵣⵔⴼ ⴳ ⵓⵏⵖⵎⵉⵙ ⴳ ⵓⵣⵎⵣ ⴰⵎⵓⵟⵟⵓⵏ.

ⵙ ⵢⵉⵜⴳ ⵅⴼ ⵜⵔⵙⴰⵍ ⵜⵉⴼⵔⵉⵇⵉⵏ ⴷ ⵜⴳⵔⴰⵖⵍⴰⵏⵉⵏ ⴳ ⵢⵉⴳⵔ ⵏ ⵡⵓⵖⵓⴷ ⵏ ⵓⵏⵖⵎⵉⵙ, ⵜⵉⵙⵓⵙⵖⵜ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⴷ ⵓⴼⵔⴰⴳ ⵏ ⵓⵣⵔⴼ ⴳ ⵡⴰⴷⴰⴼ ⵖⵔ ⵉⵏⵖⵎⵉⵙⵏ, ⵎⵙⴰⵙⴰⵏ ⵉⴳⵎⴰⵎⵏ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ (RIARC) ⵅⴼ ⴽⵉⴳⴰⵏ ⵏ ⵜⵎⵔⵉⵙⵉⵏ ⴰⵔ ⵇⵇⴰⵔⵏ ⵉ ⵢⴰⵏ ⵓⵙⵎⵓⵙⵙⵓ ⵉⴷⵓⵙⵏ ⴷⴰⵜ ⵜⴳⴰⴷⴰⵢⵜ ⵏ ⵉⵏⵖⵎⵉⵙⵏ ⵏ ⵉⵅⵔⵔⵉⵇⵏ.

ⵓⵙⵉⵏ ⵉⵙⵍⴳⴰⵏⵏ ⵜⴰⵎⵔⵉⵙⵜ ⵏ ⴰⴷ ⵙⵏⵎⵏ ⵉⵙⴰⵜⵉⵢⵏ ⵏ ⵓⵙⵍⴳⵏ ⵉ ⵉⵎⵓⵜⵜⵓⵢⵏ ⵉⵜⵉⴽⵏⵓⵍⵓⵊⵉⵢⵏ, ⴰⴷ ⵙⴳⵓⵜⵏ ⴰⵎⵛⴰⵡⴰⵕ ⴳⵔ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ, ⴰⴷ ⵙⴷⵓⵙⵏ ⵜⵉⵍⴰⵍⵜ ⵏ RIARC ⵉⴳⴰⵏ ⴰⵙⴰⵜⵉ ⴰⴼⵔⵉⵇ ⵏ ⵓⵎⵢⴰⵡⴰⵙ, ⵏ ⵓⵙⵎⵓⵜⵜⴳ ⴷ ⵓⵙⵎⵙⴰⵙⴰ ⵏ ⵜⵡⵓⵔⵉⵡⵉⵏ ⵏ ⵓⵙⵍⴳⵏ.

ⴰⵔ ⵜⵇⵇⴰⵔ ⵜⵙⴳⵓⵔⵉ ⵢⴰⴷ ⴰⵡⴷ ⵉ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵜⵉⴼⵔⵉⵇⵉⵏ, ⵜⵉⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⴹⵍⴰⵏⵉⵏ ⴷ ⵉⵙⵓⴷⵙⵏ ⵉⴳⵔⴰⵖⵍⴰⵏⵏ ⴰⴷ ⵙⵙⴽⵔⵏ ⵜⵉⵡⵓⵔⵉⵡⵉⵏ ⵜⵉⴽⴰⵢⵍⴰⵍⵉⵏ ⴰⴼⴰⴷ ⴹⵎⵏⵏ ⵢⴰⵏ ⵡⴰⴷⴰⴼ ⴰⵎⵙⵓⵎⵓ, ⴰⵎⴰⵖⵓⴷ ⴷ ⵓⵙⵓⵍⴰⵏ ⵖⵔ ⵉⵏⵖⵎⵉⵙⵏ, ⵜⴰⴼⴰⴷ ⵜⴰⴷⵙⵍⴰⵏⵜ ⵉ ⵜⵎⴷⵔⴰⵡⵜ ⵏ ⵉⵏⵎⵓⵔⵉⵏ ⴳ ⵓⵙⴷⵓⵙ ⵏ ⵜⴷⵉⵏⴰⵎⵉⵢⵉⵏ ⵜⵉⴷⵉⵎⵓⵇⵕⴰⵟⵉⵏ.

ⵜⵓⵎⴰ ⵜⵉⵏⴰⵡⵜ ⴰⴷ ⵜⴰⴳⵔⴰⵖⵍⴰⵏⵜ ⴽⵓⵥ ⵏ ⵜⵙⵓⵜⴰⵍ ⵏ ⵉⵙⴳⵓⵎⵏ, ⵜⵉⵏⴰⵡⵜ ⵏ ⵙⵍⴰ ⵜⵉⵡⴹ ⴰⴷ ⵜⵙⵙⵖⴱⵓ ⵉⵎⵙⵓⵔⴰⵙ ⵉⵎⵉⵔⴰⵏⵏ ⵉⵣⴷⵉⵏ ⵙ ⵓⵣⵔⴼ ⴳ ⵓⵏⵖⵎⵉⵙ ⴰⴳⵓⵏⵙ ⵏ ⵢⴰⵏ ⵓⵎⵏⴰⴹ ⵉⵜⵜⵓⵕⵎⵏ ⵙ ⵢⴰⵏ ⵓⵎⵢⴰⴳⴰⵔ ⴳⵔ ⵉⵡⵔⵉⴽⵏ ⵉⵅⴰⵜⴰⵔⵏ ⵉⵎⴰⵜⴰⵢⵏ ⵏ ⵓⵎⵓⵟⵟⵓⵏ ⴷ ⵜⵡⵏⵏⴰⴹⵉⵏ ⵜⵉⵙⵏⵖⵎⴰⵙⵉⵏ ⵜⵉⵏⴰⵎⵓⵔⵉⵏ.

ⵡⴰⵙⴰ ⵜⵏⵙⵙⵉⵅⴼ ⵙ ⵜⵎⵔⵙⵍⵜ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⵏ ⵙⴰⵃⵉⵍ ⵍⵄⴰⵊ, ⴷⴼⴼⵉⵔ ⵙⵉⵏ ⵉⵙⴳⴳⵯⴰⵙⵏ ⵏ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵍⵎⵖⵔⵉⴱ, ⵉⴳⴰ RIARC ⵢⴰⵏ ⵓⵙⴰⵜⵉ ⵉⴳⴰⵏ ⵜⴰⵙⴰⵖⵓⵍⵜ ⴳ ⵓⵎⵢⴰⵡⴰⵙ ⴰⴳⵜⵉⵔⴰⵏ ⴳⵔ ⵜⵏⴱⴰⴹⵉⵏ ⵜⵉⴼⵔⵉⵇⵉⵏ ⵏ ⵓⵙⵍⴳⵏ. ⵉⵙⵎⵓⵏ ⵜⵉⵡⵓⵔⵉⵡⵉⵏ ⵏⵏⵙ ⵅⴼ ⵓⵙⴷⵓⵙ ⵏ ⵢⴰⵜ ⵜⵎⵓⵖⵍⵉ ⵜⴰⵙⵍⵉⵥⵕⵜ ⵜⴰⴼⵔⵉⵇⵜ ⵜⴰⵎⴰⴳⵓⵜ, ⵉⵎⵙⴰⵙⴰⵏ ⴷ ⵜⵎⵢⴰⵏⴰⵡⵜ ⵏ ⵡⴰⵎⵓⵏⵏ ⵏ ⵜⵎⵏⵥⴰⵡⵜ, ⵉⵜⵜⵣⵔⴰⴽⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵕⴰⵟⵉⵢⵏ.

• ⵙⴽⴻⵛⵎⴷ ⵜⴰⵍⵖⴰ ⵜⴰⵄⵔⴰⴱⵜ ⵏ ⵜⴰⵏⴰⴹⵜ
• ⵙⵙⵓⴼⵖⴻⴷ ⵜⴰⵍⵖⴰ ⵜⴰⴼⵔⴰⵏⵙⵉⵙⵜ ⵏ ⵜⴰⵏⴰⴹⵜ
• ⵙⵙⵓⴼⵖⴻⴷ ⵜⴰⵍⵖⴰ ⵜⴰⴳⵍⵉⵣⵉⵜ ⵏ ⵜⴰⵏⴰⴹ