ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ, ⵜⵙⵏⴱⴳⵉ ⴰⵙⵙ ⵏ 18 ⴱⵕⴰⵢⵕ 2020 ⴱⴰⴱ ⵏ ⵓⵎⵓⵔⵙ ⵎⴰⵙⵙ ⴹⵓⵎⵓⴽⵓⵙ ⵔⵡⵉⵣ, ⴰⵎⵙⴽⴰⴷ ⵏ ⵜⴳⴷⵓⴷⴰ ⵏ ⴽⵓⴱⴰ ⴳ ⵍⵎⵖⵔⵉⴱ ⴷ ⵎⴰⵙⵙ ⵍⵡⵉⵙ ⵉⵏⵔⵉⴽ ⴳⵓⵏⵥⴰⵍⵉⵣ ⴰⵛⵄⵙⵜⴰ, ⴰⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵏ ⵜⵖⴰⵎⵙⴰ ⵏ ⴰⵎⵔⵉⴽⴰ ⵜⴰⵍⴰⵜⵉⵏⵉⵢⵜ ⴱⵔⴰⵏⵙⴰ ⵍⴰⵜⵉⵏⴰ, ⵉⵎⵓⵏⵏ ⴷ ⵓⵎⵛⵛⴰⵡⵕ ⵏⵏⵙ ⵎⴰⵙⵙ ⴼⵉⴽⵟⵓⵕ ⴽⴰⵔⵔⵉⴷⵓ ⵕⵓⴷⵔⵉⴳⵉⵣ ⵏⵏⴰ ⵢⵓⵙⴰⵏ ⵖⵔ ⵍⵎⵖⵔⵉⴱ ⴳ ⵓⵔⵣⴰⴼ ⵏ ⵜⵡⵓⵔⵉ.
ⴳ ⵓⵙⴳⵔⴰⵡ ⴰⴷ, ⵜⵙⵙⴽⵏ ⵎⴰⵙⵙⴰ ⴰⵅⵔⴱⴰⵛ ⵉ ⵓⴷⵉⴱⵍⵓⵎⴰⵟ ⴰⴽⵓⴱⵉ ⴷ ⵉ ⵓⵏⵙⵙⵉⵅⴼ ⵏ ⴱⵔⴰⵏⵙⴰ ⵍⴰⵜⵉⵏⴰ ⵜⵉⵡⵓⵔⵉⵡⵉⵏ ⴷ ⵜⵙⵎⵉⴳⵍⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏⵏⴰ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵢⵜ ⵜⴰⵙⵉⵎⴰⵏⵜ ⵏ ⵓⵙⵍⴳⵏ ⴷ ⵓⵏⴱⴰⴹ ⵉⵀⵢⵢⴰⵏ.
ⵜⵏⵏⴰ ⵉⵙⴷ ⵜⵉⴳⴰⵡⵜ ⵜⴰⵎⴰⵜⴰⵢⵜ ⵏ ⵜⵎⵔⵙⵍⵜ ⵉⴳⴰ ⵓⵡⵜⵜⴰⵙ ⴰⵎⵣⵡⴰⵔⵓ ⵏⵏⵙ ⴰⴷ ⵜⵙⵙⴳⵎ ⵜⴰⵎⵓⵖⵍⵉ ⵜⴰⵙⵍⵉⵥⵕⵜ ⵜⴰⵎⵖⵔⴰⴱⵉⵢⵜ ⵜⴰⵎⴰⴳⵓⵜ ⵜⴰⵎⵢⴰⵏⴰⵡⵜ ⵜⴰⵏⵎⵓⵔⵉⵜ. ⵎⴰⵙⵙⴰ ⴰⵅⵔⴱⴰⵛ ⵜⵙⴰⵡⵍ ⴷⵉⵖ ⵅⴼ ⵉⵎⴷⵢⴰⵜⵏ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵢⵉⴳⵔ ⵏ ⵓⵏⴱⴰⴹ ⴷ ⵓⵎⵛⴰⵡⴰⵕ ⴷ ⵜⵡⵓⵔⵉ ⵏⵏⵙ ⴳ ⵓⵙⵎⵣ. ⵜⵙⵙⴽⵏ ⴷⵉⵖ ⵜⵓⵙⵙⵏⴰ ⵜⴰⴳⵓⵏⵙⴰⵏⵜ ⴷ ⵡⴰⵜⵉⴳ ⵏ ⵜⵖⴱⵓⵍⴰ ⵜⵉⵏⴼⴳⴰⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏⵏⴰ ⵉⵥⴹⴰⵕⵏ ⴰⴷ ⵙⵔⵙⵏ ⵉⵎⴰⵙⵙⵏ ⵏ ⵢⵉⵡⵙ ⵉⵖⵓⴷⴰⵏ ⵉ ⵓⴹⴼⴼⵓⵕ ⵏ ⵉⵖⴰⵡⴰⵙⵏ ⵏⵏⴰ ⴷⴰ ⵣⵓⵣⵣⵓⵔⵏ ⵉⵎⵙⵡⵓⵔⴰ ⵉⵙⵍⵉⵥⵕⵏ.ⴰⵙⵏⵉⴼⵍ ⴷ ⵉⵎⴰⵙⴰⵢⵏ ⵉⴽⵓⴱⵉⵢⵏ ⵉⵍⵍⴰ ⴷⵉⵖ ⴳ ⵜⵣⵎⵎⴰⵔ ⵏ ⵓⵙⵏⴰⵎ ⵏ ⵓⵙⵍⴳⵏ ⴷ ⵉⵙⵏⵉⴼⵉⵍⵏ ⵉⵎⵓⵟⵟⵓⵏⵏ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴷ ⵡⵉⵏ ⵓⵎⵢⴰⵡⴰⴹ ⵏⵏⴰ ⵉⴳⴰⵏ ⵜⴰⵏⵥⵕⵜ ⵜⴰⵎⵇⵔⴰⵏⵜ ⵉ ⵓⵙⵍⴳⵏ ⴳ ⵜⵎⵓⵔⴰ ⴰⴽⴽⵯ.
ⴰⵎⵙⴽⴰⴷ ⵏ ⵜⴳⴷⵓⴷⴰ ⵏ ⴽⵓⴱⴰ ⴷ ⵓⵏⵙⵙⵉⵅⴼ ⵏ ⴱⵔⴰⵏⵙⴰ ⵍⴰⵜⵉⵏⴰ ⵙⵙⴽⵏ ⴰⵏⴰⵔⵓⵣ ⵏⵏⵙⵏ ⵉ ⵢⵉⵔⵎ ⴰⵎⵖⵔⴰⴱⵉ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⵍⴳⵏ ⵏ ⵉⵎⴰⵙⵙⵏ ⵏ ⵓⵙⵍⵉⵥⵕ ⴷ ⵜⵉⵍⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ. ⵙⴰⵡⵍⵏ ⴷⵉⵖ ⵅⴼ ⵡⴰⵜⵉⴳ ⴰⵅⴰⵜⴰⵔ ⵏ ⵓⵙⴳⵎⵉ ⵅⴼ ⵓⵙⵍⵉⵥⵕ ⴷ ⵜⵉⴳⵎⵉ ⵏ ⵓⵙⵖⴰⵏ ⵖⵓⵔ ⵉⵎⵥⵢⴰⵏⵏ ⴷ ⵉⵄⵔⵔⵉⵎⵏ ⴰⴼⴰⴷ ⴰⴷ ⵙⴱⴷⴷⵏ ⵜⵉⴷⴷⴰⵙ, ⵉⵏⵖⵎⵉⵙⵏ ⵏ ⵜⴽⵔⴽⴰⵙ, ⴷ ⵉⵏⴰⵡⵏ ⵏ ⵓⴽⵙⴰⵏ.
ⵍⵍⴰⵏ ⴳ ⵓⴳⵔⴰⵡ ⴰⴷ ⵎⴰⵙⵙ ⵎⵓⵃⴰⵎⴷ ⴰⵎⵉⵏ ⵍⴱⵓⵄⵣⵣⴰⵡⵉ ⴰⵙⴰⵜⴰⵢ ⴰⵎⴰⵜⵜⴰⵢ ⴳ ⵜⵎⵀⵍⴰ ⵏ ⵢⵉⵡⵙ ⴰⴳⵔⴰⵖⵍⴰⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.