ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵏⵜⵜⴰⵜ ⴷ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 05 ⴷⵓⵊⴰⵎⴱⵉⵔ 2023, ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵢⴰⵏ ⵓⴽⴰⴱⴰⵕ ⵏ ⵓⵙⴳⵔⴰⵡ ⵏ ⵚⴰⵃⵕⴰ ⵉ ⵓⵎⵙⴰⵡⴰⵍ ⴷ ⵜⴷⵍⵙⵉⵡⵉⵏ, ⵎⵉ ⵉⵣⵡⴰⵔ ⵎⴰⵙⵙ ⵚⴰⵍⵃⵉ ⴰⵙⵙⵓⵡⴰⵢⴷⵉ, ⴰⵏⵙⵙⵉⵅⴼ ⵏ ⵓⵙⴳⵔⴰⵡ, ⵉⵎⵓⵏ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴰⵏⴰⵎⵓⵔ, ⴷ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⵏ ⵓⵙⴳⵔⴰⵡ ⴷ ⵉⵎⴰⵙⴰⵢⵏ ⵏ ⵡⴰⵢⵢⴰⵡⵏ ⵉⵏⵎⵏⴰⴹⵏ ⵏ ⵓⵙⴳⵔⴰⵡ.

ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 4 ⴷⵓⵊⴰⵎⴱⵉⵔ 2923, ⵎⴰⵙⵙ ⵍⵉ ⵛⴰⵏⴳⵍⵉⵏ, ⴰⵎⵙⵇⴰⴷ ⵏ ⵜⵎⵓⵔⵜ ⵏ ⵛⵉⵏⵡⴰ ⴳ ⵍⵎⵖⵔⵉⴱ.

ⴳ ⵓⵙⴰⵜⵉ ⵏ ⵓⵏⵏⵓⵕⵥⵎ ⵏⵏⵙ ⵅⴼ ⵓⵎⴰⴹⴰⵍ ⴰⴽⴰⴷⵉⵎⵉ, ⵉⵙⵏⵓⴱⴳ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 28 ⵏⵓⵡⴰⵏⴱⵉⵔ 2023, ⵢⴰⵏ ⵓⴽⴰⴱⴰⵕ ⵏ ⵉⵎⵃⴹⴰⵕ ⵏ ⵓⵙⵉⵏⴰⴳ ⴰⵎⴰⵜⵜⴰⵢ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ (ISIC) ⴳ ⵕⵕⴱⴰⵟ.

ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵙⵣⵉⵣⵣⵍ ⵏ 16 ⵏ ⵡⵓⵙⵙⴰⵏ ⵏ ⵓⵙⵎⵓⵙⵙⵓ ⵎⴳⴰⵍ ⵜⵉⴽⵕⴹⵉ ⵉⵜⵜⵓⴳⴰⵏ ⵉ ⵜⵎⵖⴰⵔⵉⵏ ⴷ ⵜⵛⵉⵔⵔⴰⵜⵉⵏ, ⵏⵏⴰ ⵙⵏⵎⴰⵍⴰⵏⵜ ⴰⵙⴳⴳⵯⴰⵙ ⴰⴷ ⵜⵎⵜⵜⵉⵏ ⵎⵓⵏⵉⵏ ⵏ ⵜⵎⵖⴰⵔⵉⵏ ⴷⴷⴰⵡ ⵜⵥⵓⴳⴰⵢⵜ « ⵏⵎⵓⵏ ⴰⴽⴽⵯ ! ⴰⴼⵔⴰⴳ ⵎⴳⴰⵍ ⵜⵉⴽⵕⴹⵉⵡⵉⵏ ⵉⵜⵜⵓⴳⴰⵏ ⵉ ⵜⵎⵖⴰⵔⵉⵏ ⴷ ⵜⵛⵉⵔⵔⴰⵜⵉⵏ ». ⴰⵎⵣⵉⵣⵣⵍ ⵏ ⵓⵙⵎⵓⵙⵙⵓ ⵉⵙⵙⵏⵜⵉ ⴰⵙⵙ ⵏ 25 ⵏⵓⵡⴰⵏⴱⵉⵔ, ⴰⵙⵙ ⴰⴳⵔⴰⵖⵍⴰⵏ ⵏ ⵡⵓⴽⵓⵙ ⵏ ⵜⴽⵔⴹⵉ ⵎⴳⴰⵍ ⵜⵉⵎⵖⴰⵔⵉⵏ, ⴰⵎⵣⵉⵣⵣⵍ ⴰⴷ ⵔⴰⴷ ⵉⵎⴷⵓ ⴰⵙⵙ ⵏ 10 ⴷⵓⵊⴰⵎⴱⵉⵔ, ⴰⵙⵙ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⵎⴷⴰⵏ.

ⵉⵙⵏⵓⴱⴳ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 16 ⵏⵓⵡⴰⵏⴱⵉⵔ 2023 ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ, ⵎⴰⵙⵙ ⵊⴰⵍⴰⵍ ⵄⵜⵎⴰⵏ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵉⴹⴰⴼ ⵏ ⵜⵓⵎⴰⵢⵜ ⵜⴰⵙⵖⵎⴰⵙⵜ ⵜⴰⵍⵉⴱⵉⵢⵜ.

ⵜⵏⵏⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⴳⴰⵏ ⴰⵡⴷ ⵜⴰⵏⵙⵙⵉⵅⴼⵜ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ, ⴰⵙⵙ ⵏ 16 ⵏⵓⵡⴰⵏⴱⵉⵔ 2023 ⴳ ⵏⵡⴰⴽⵛⵓⵟ, ⵜⵏⵏⴰ ⵉⵙ « ⵎⵇⵇⴰⵔ ⵉⵕⵥⵎ ⵓⵙⵏⵖⵎⵙ ⴰⵎⵓⵟⵟⵓⵏ ⵏⵜⵜⴰ ⴷ ⵉⵥⴹⵡⴰⵏ ⵉⵏⴰⵎⵓⵏⵏ ⴽⵉⴳⴰⵏ ⵏ ⵜⵡⵓⵔⴰ ⵏ ⵡⴰⴷⴰⴼ ⵖⵔ ⴰⵙⵏⵖⵎⵙ ⴷ ⵜⵓⵙⵙⵏⴰ ⴷ ⵓⵙⴷⵉⵎⵓⵇⵕⴰⵟ ⵏ ⵜⵍⴻⵍⵍⵉ ⵏ ⵓⵡⵏⵏⵉ, ⵜⵉⵍⴰⵍⵜ ⵏ ⵓⵙⵏⵖⵎⵙ ⴰⵙⵍⵉⵥⵕ ⵙ ⵉⵎⵥⵍⵉ ⴰⵙⵏⵖⵎⵙ ⴰⴳⴷⵓⴷⴰⵏ, ⵉⵙⵓⵍ  ⵉⴳⴰ ⴰⴷⵙⵍⴰⵏ ⵉ ⵜⴷⵓⵙⵉ ⵜⴰⴷⵉⵎⵓⵇⵕⴰⵟ ⵏ ⵡⴰⵎⵓⵏⵏ, ⴰⵙⵎⵓⵙⵙⵓ ⵏ ⵓⵎⵙⴳⴷⴰⵍ ⴰⴳⴷⵓⴷⴰⵏ, ⴰⵡⵏⵏⵉ ⵏ ⵜⵎⴰⴳⵓⵜ ⴷ ⵓⵙⴷⵓⵙ ⵏ ⵜⴰⵎⵓⵏⵜ ⵜⴰⵏⴰⵎⵓⵏⵜ ».

ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 14 ⵏⵓⵡⴰⵏⴱⵉⵔ 2023, ⴳ ⵓⵙⵖⵉⵎ ⵏ ⵜⵎⵔⵙⵍⵜ, ⵎⴰⵙⵙ ⴱⵉⵢⵉⵔ ⵉⴼ ⵊⴰⵀⵓⵍⵉ, ⴰⵎⴰⵡⵙⴰⵙ-ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵏ ⵡⴰⵍⵓⵏⵉ-ⴱⵔⵓⴽⵙⵉⵍ, ⵉⵎⵓⵏⵏ ⵏⵜⵜⴰ ⴷ ⵎⴰⵙⵙ ⵛⵉⵕⴰⵣ ⵍⴼⴰⵙⵙⵉ,  ⴰⵎⵓⵔⴰⵢ ⴰⵎⴰⵜⴰⵢ ⵏ ⵡⴰⵍⵓⵏⵉ-ⴱⵔⵓⴽⵙⵉⵍ ⴳ ⵍⵎⵖⵔⵉⴱ.

ⵜⵖⵔⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⴰⵙⵙ ⵏ 8 ⵏⵓⵡⴰⵏⴱⵉⵔ 2023 ⴳ ⵢⴰⵡⵓⵏⴷⵉ ⵉ ⵢⴰⵏ ⵓⵎⵙⴰⵡⴰⵍ ⴰⵎⵙⴷⵓⵙ ⴳⵔ ⵉⵎⵙⵍⴳⵏⵏ ⵉⴼⵔⵉⵇⵏ ⴷ ⵓⵙⵏⵖⵎⵙ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ. ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵡⵏⴰⵏ ⵏ ⵜⵙⵓⵜⵍⵜ ⵏ ⵓⵕⵥⵥⵓⵎ ⵏ ⵓⵙⴳⵔⴰⵡ ⴰⴳⵔⴰⵖⵍⴰⵏ ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵓⵎⵢⴰⵡⴰⴹ ⵏ ⵍⴽⴰⵎⵉⵔⵓⵏ ⵅⴼ ⵓⵙⴳⵓⵎ ⵏ “ⴰⵙⵍⴳⵏ ⵏ ⵓⵙⵏⵖⵎⵙ ⴰⵏⴰⵎⵓⵏ: ⵎⴰⵜⵜⴰ ⵓⵎⵢⴰⵡⴰⵙ ⴳⵔ ⵉⵎⵙⵍⴳⵏⵏ ⵉⴼⵔⵉⵇⵏ ⵏ ⵓⵙⵏⵖⵎⵙ ⴷ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ?”, ⵜⵏⵏⴰ ⵜⵏⵙⵙⵉⵅⴼⵜ ⵏ ⵍⴰⵀⴰⴽⴰ ⵉⴳⴰⵏ ⴰⵡⴷ ⵜⴰⵏⵙⵙⵉⵅⴼⵜ ⵏ ⵓⵟⵟⴰ ⵏ ⵉⴳⵔⴰⵡⵏ ⵉⴼⵔⵉⵇⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ ⵉⵙ :” ⴰⵎⵙⴰⵡⴰⵍ ⴰⴷ ⴳⵔ ⵉⵎⵙⵍⴳⵏⵏ ⴷ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵉⵜⵜⵓⵙⵏⵜⵉ ⴰⵔ ⵉⵜⵜⵓⵙⵡⵓⴷⴷⵓ ⴳ ⵜⵙⴳⴳⵯⵉⵏ ⵢⴰⴹⵏ ⵏ ⵓⵎⴰⴹⴰⵍ ⴷ ⵓⵔ ⵉⵍⴰⵇ ⴰⴷ ⵓⵔ ⵢⵉⵍⵉ ⴰⵡⴷ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵜ ⴳ ⵓⴱⴰⵖⵓⵔ ⵏ ⵉⵏⵎⵓⵔⵉⵏ ⵉⴼⵔⵉⵇⵏ ⵏⵏⴰ ⵖⵓⵔ ⵉⵍⵍⴰ ⵓⵣⵔⴼ ⴰⵎⵎ ⵡⵉⵏ ⵎⴷⴷⵏ ⴰⴽⴽⵯ ⵏ ⵓⵎⴰⴹⴰⵍ ⴳ ⵢⴰⵏ ⵓⵙⴰⵢⵔⴰⵔ ⴰⴳⴷⵓⴷⴰⵏ ⴰⵎⵓⵟⵟⵓⵏ ⵏ ⵍⴰⵎⴰⵏ”.

ⵜⵕⵥⵎ ⵜⵙⵏⵓⵔⴰⵢⵜ ⵏ ⵜⴳⵎⵉ ⵏ ⵓⵎⵓⵟⵟⵓⵏ ⴰⵙⵙ ⵏ 27 ⴽⵜⵓⴱⵕ 2023 ⵢⴰⵏ ⵓⵎⵣⵉⵣⵣⵍ ⴰⵎⵓⵟⵟⵓⵏ ⴰⵏⴰⵎⵓⵔ ⵏ ⵓⵙⵎⵓⵙⵙⵓ ⵅⴼ ⵓⵙⴳⵎⵉ ⴰⵎⵓⵟⵟⵓⵏ. ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵎⵣⵉⵣⵣⵍ ⴰⴷ ⵜⴰⵙⴳⴰ ⵏ ⴽⵉⴳⴰⵏ ⵏ ⵉⵎⴷⵔⴰⵡⵏ ⵢⴰⴹⵏ (ⴰⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵔⵔⴰⵡ, ⵜⴰⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ, ⴰⵙⵎⵓⵜⵜⴳ ⴰⵣⵣⵓⵍⴰⵏ, ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ; ⵜⴰⵎⴰⵡⴰⵙⵜ ⵏ ⵓⵎⵢⴰⵡⴰⵙ, ⵏ ⵓⵙⵉⴷⴼ ⴰⵏⴰⵎⵓⵏ ⴷ ⵜⴰⵡⵊⴰ ; ⵜⴰⵎⴰⵡⴰⵙⵜ ⵏ ⵜⵣⵔⴼⵜ ; ⵍⴱⴰⵏⴽ ⵏ ⵍⵎⵖⵔⵉⴱ ; ⵜⵉⵊⴹⵕⵎⵜ ⵜⴰⴳⵍⴷⴰⵏⵜ ; ⵜⴰⵏⵎⵀⵍⵜ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ; ⵜⴰⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ).