ⵜⴻⵜⵜⵓⵙⵎⵖⵔ ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵙⵙ ⵏ 18 ⴽⵜⵓⴱⵕ 2021 ⴳ ⵡⴰⴳⴰⴷⵓⴳⵓ ⵙ ⵜⵙⵎⵖⵓⵔⵜ ⵏ ⵓⵙⵓⴳⵔ ⵏ ⵜⵥⵓⵕⵉⵡⵉⵏ, ⵏ ⵜⵙⴽⵍⴰ ⴷ ⵓⵎⵢⴰⵡⴰⴹ ⵙ ⵢⵉⵙⵎ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰ ⵏ ⴱⵓⵔⴽⵉⵏⴰ ⴼⴰⵚⵓ ⵎⴰⵙⵙ ⵕⵓⵛ ⵎⴰⵕⴽ ⴽⵔⵉⵙⵜⵉⵢⴰⵏ ⴽⴰⴱⵓⵕⵉ.
ⵙ ⵜⵙⵎⵖⵓⵔⵜ ⴰⴷ, ⵢⵓⴷⴷⴰ ⵅⴼ ⵢⵉⴽⵣ ⵏ ⵜⵎⵓⵔⵜ ⵏⵏⵙ ⵉ ⵜⵣⵎⵎⴰⵔ ⵏⵏⴰ ⵉⵙⵙⴽⴰⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵙⴳⵓⵎ ⵏ ⵓⵙⵎⵓⵜⵜⵢ ⴰⵜⵉⴽⵏⵓⵍⵓⵊⵉ ⴷ ⵜⵎⵓⵣⴰⵢⵜ ⵉ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⵏ ⴱⵓⵔⴽⵉⵏⴰ ⴼⴰⵚⵓ.
ⴳ ⵜⴼⵓⴳⵍⴰ ⵢⴰⴷ, ⵎⴰⵙⵙ ⵏⴰⵊⵉⴱ ⴱⵓⵡⵣⵎⴰⵔⵏⵉ, ⵄⴰⴷⵉⵍ ⴱⵓⵕⴱⴰⵟ ⴷ ⵟⴰⵍⴰⵍ ⵚⴰⵍⴰⵃⴷⴷⵉⵏ ⵉⴳⴰⵏ ⵢⴰⵏ ⵙ ⵢⴰⵏ, ⴰⵏⵎⵀⴰⵍ ⵏ ⵜⵙⵏⵎⴰⵍⴰⵢⵜ, ⴰⵏⵎⵀⴰⵍ ⵏ ⵉⵏⴳⵔⴰⵡⵏ ⵏ ⵓⵙⵢⴰⴼⴰ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⴼⵔⵉⵇⵉⵏ ⴷ ⵜⴳⵔⴰⵖⵍⴰⵏⵉⵏ ⴰⴳⵓⵏⵙ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵡⴷ ⵏⵉⵜⵏⵉ ⵜⵜⵓⵙⵎⵖⵓⵔⵏ ⵙ ⵜⵎⴰⵜⴰⵔⵜ ⵏ ⵓⵎⵏⴰⵢ ⵉⴳⴰⵏ ⵜⵙⵎⵖⵓⵔⵜ ⵏ ⵓⵙⵓⴳⵔ ⵏ ⵜⵥⵓⵕⵉⵡⵉⵏ, ⵏ ⵜⵙⴽⵍⴰ ⴷ ⵓⵎⵢⴰⵡⴰⴹ.
ⴳ ⵜⴳⵓⵔⵉ ⵏⵏⵙ, ⵜⵙⵏⵎⵎⵔ ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ ⵜⵉⵏⴱⴰⴹⵉⵏ ⵜⵉⵎⴰⵜⵜⴰⵢⵉⵏ ⵏ ⴱⵓⵔⴽⵉⵏⴰ ⴼⴰⵚⵓ ⵅⴼ ⵜⵙⵎⵖⵓⵔⵜ ⵏⵏⵙⵏ ⵜⵔⵏⵓ ⵜⵏⵏⴰ ⵉⵙⴷ ⵜⴰⵡⵓⵔⵉ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵓⴳⵎ ⴷ ⵙⴳ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⴷ ⵡⵉⵙⵙ ⵚⴹⵉⵚ ⵏⵏⴰ ⵉⵚⴽⴰⵏ ⵅⴼ ⵓⵔⵣⵣⵓ ⵏ ⵉⵏⵓⵕⵥⵓⵎⵏ ⵉ ⵜⵎⵓⴽⵔⵉⵙⵉⵏ ⵜⵉⴼⵔⵉⵇⵉⵏ ⵙ ⵡⴰⵍⵍⴰⵍ ⵏ ⵜⵎⵓⵣⴰⵢⵉⵏ ⵜⵉⵔⵉⵇⵉⵏ ⵉ ⵓⴱⴰⵖⵓⵔ ⵏ ⵎⴷⴷⵏ ⵉⴼⵔⵉⵇⵉⵢⵏ.
ⵜⴰⴷⴷ ⵎⴰⵙⵙⴰ ⴰⵅⵔⴱⴰⵛ ⵅⴼ ⵓⵏⵏⴰⵍ ⵏⵏⵙ ⴳ ⵓⵢⵏⵏⴰ ⵉⵣⴷⵉⵏ ⴰⵙⵎⵓⵜⵜⴳ ⴰⵙⵓⵍⴰⵏ ⴳ ⵓⵡⵜⵜⴰⵙ ⵏ ⵓⵙⵔⵓⵙ ⵏ ⵉⵎⴰⵙⵙⵏ ⵉⵙⵏⵎⴰⵍⴰⵢⵏ ⵣⵓⵏⴷ Haca Media Solutions ⴳ ⵜⵎⵏⴰⴹ ⵏⵏⵙⵏ.
ⵃⴰⴹⵔⵏ ⴳ ⵜⴼⵓⴳⵍⴰ ⵢⴰⴷ ⴽⵉⴳⴰⵏ ⵏ ⵉⵎⴰⵡⵙⴰⵙⵏ ⵏ ⵜⵎⵓⵔⵜ ⵏ ⴱⵓⵔⴽⵉⵏⴰ ⴼⴰⵚⵓ, ⴰⵎⵙⵇⴰⴷ ⵏ ⵍⵎⵖⵔⵉⴱ ⴳ ⴱⵓⵔⴽⵉⵏⴰ ⴼⴰⵚⵓ ⵎⴰⵙⵙ ⵢⵓⵙⵙⴼ ⵙⵍⴰⵡⵉ, ⴽⵉⴳⴰⵏ ⵏ ⵉⵏⵙⵙⵉⵅⴼⵏ ⵏ ⵉⴳⵔⴰⵡⵏ ⵏ ⵓⵙⵏⴰⵎ ⵉⴼⵔⵉⵇⵉⵢⵏ ⴷ ⴽⵉⴳⴰⵏ ⵏ ⵎⴷⴷⵏ ⵢⴰⴹⵏ ⵏ ⵢⵉⴳⵔⴰⵏ ⵏ ⵜⵙⵔⵜⵉⵜ ⴷ ⵓⵙⵏⵎⵙ ⵏ ⴱⵓⵔⴽⵉⵏⴰ.
ⵉⵎⵓⵏ ⴷ ⵎⴰⵙⵙⴰ ⴰⵅⵔⴱⴰⵛ, ⵢⴰⵏ ⵓⴳⵔⴰⵡ ⵏ ⵎⴷⴷⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷⵉⴳⵙⵏ ⵎⴰⵙⵙ ⴰⵃⵎⴷ ⵍⵄⴰⵟⵟⴰⵕⵉ, ⵢⴰⵙⵉⵏ ⵛⴰⵔⴰⴼ ⵏⵏⴰ ⵢⴰⵎⵓⵏ ⴳ ⵜⵡⵓⵔⵉⵡⵉⵏ ⵏ ⵜⵙⵉⵍⴰ ⵏ ⵉⵎⵙⵏⴰⵎⵏ ⵏ ⵓⵙⵏⵖⵎⵙ ⴳ ⵜⵎⵓⵔⴰ ⵏ UEMOA ⵏⵏⴰ ⵉⵜⵜⵓⵙⴽⵔⵏ ⵙⴳ 18 ⴰⵔ 21 ⴽⵜⵓⴱⵕ ⴳ ⵡⴰⴳⴰⴷⵓⴳⵓ ⴳ ⵜⵙⴳⴰ ⵏ ⵓⴳⴷⵓⴷ ⵡⵉⵙⵙ 27 ⵏ ⵙⵉⵏⵉⵎⴰ ⴷ ⵜⵉⵍⵉⴼⵉⵣⵢⵓⵏ.
