ⵢⴰⵏ ⵓⴽⴰⴱⴰⵕ ⴰⵎⴰⵜⵜⴰⵢ ⵏ ⵓⵙⵇⵇⵉⵎ ⵏ ⵓⵎⵢⴰⵡⴰⴹ ⵏ ⵏⵉⵊⵉⵔ ⵏⵏⴰ ⵉⵙⵡⵓⴷⴷⵓ ⵓⵎⴰⵔⴰ ⵏ ⵓⵏⵙⵙⵉⵅⴼ ⵏ ⵜⵎⵔⵙⵍⵜ, ⵎⴰⵙⵙ ⵀⴰⵛⵉⵎⵓ ⵛⵉⵏⴽⴰⴼⴰ ⴰⵢ ⵙⵙⴽⵔⵏ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵙⴳ 8 ⴰⵔ 11 ⵏⵓⵡⴰⵏⴱⵉⵔ 2021 ⵖⵔ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵕⵕⴱⴰⵟ.
ⴰⵔⵣⴰⴼ ⴰⴷ, ⵉⵜⵜⵓⵣⵎⵎⴻⵎⴻⵏ ⴳ ⵓⵙⴰⵜⵉ ⵏ ⵜⵉⴳⵉ ⵜⴰⵙⵉⵏⵔⴰⵏⵜ ⵏ ⵙⵏⴰⵜ ⵜⵎⵔⵙⴰⵍ ⴰⴷ ⵏ ⵓⵙⵏⴰⵎ ⵉ ⵓⵙⴷⵓⵙ ⵏ ⵉⵙⵏⴼⵍⵏ ⴷ ⵜⵓⴽⴽⵉ ⵏ ⵢⴰⵜ ⵜⵎⵥⵍⵉⵜ ⵜⵓⵎⵀⵉⵍⵜ ⵉ ⵓⵎⵢⴰⵡⴰⵙ ⵏⵏⵙⵏⵜ, ⴰⵔⵣⴰⴼ ⴰⴷ ⵉⴳⴰ ⵢⴰⵏ ⵓⵣⵎⵣⵣⵓ ⵏ ⵓⵙⵏⵎⴰⵍⴰ ⵏ ⴽⵉⴳⴰⵏ ⵏ ⵜⵖⵉⵎⵉⵜⵉⵏ ⵏ ⵜⵡⵓⵔⵉ ⴰⴽⴷ ⴽⵉⴳⴰⵏ ⵏ ⵜⵣⵓⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ. ⵣⵣⵔⵉⵏ ⵅⴼ ⴽⵉⴳⴰⵏ ⵏ ⵉⵙⵇⵙⵉⵜⵏ ⵉⵣⴷⵉⵏ ⴷ ⵉⵎⵙⴰⵔⴰⵙⵏ ⵉⵅⴰⵜⴰⵔⵏ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴰⵙⵍⵉⵥⵕ, ⴰⵎⵎ ⵓⵜⵉⴳ ⴰⵎⵔⵏⵓ ⵏ ⵜⵎⵖⵔ ⵏ ⵓⵜⵉⵍⵉⴼⵉⵣⵢⵓⵏ ⴰⵎⵓⵟⵟⵓⵏ ⴰⵎⵓⵔⴰⵏ ⵏⵖ ⴷⵉⵖ ⴰⵎⵙⵙⴰⵏⵓⵏ ⴳ ⵜⵎⴰⴳⵓⵜ ⵜⴰⵙⵔⵜⴰⵏ ⴰⴳⵓⵏⵙ ⵏ ⵉⵙⵏⵖⵎⵉⵙⵏ ⵉⵙⵍⵉⵥⵕ.
ⴳ ⵢⴰⵏ ⵓⴳⵔⴰⵡ ⵏⵏⴰ ⵉⵜⵜⵓⵙⴽⵔⵏ ⴰⵙⵙ ⵏ ⴰⴽⵡⴰⵙ 11 ⵏⵓⵡⴰⵏⴱⵉⵔ ⴰⴽⴷ ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵎⴰⵙⵙ ⴱⵏⵄⵉⵙⵙⴰ ⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵔⵙⵍⵜ, ⵙⴰⵡⵍⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⵏⵉⵊⵉⵔⵉ ⵅⴼ ⵜⵓⵎⵔⵜ ⵏⵏⵙⵏ ⴷ ⵓⵙⵏⵎⵎⵔ ⵏⵏⵙⵏ ⵅⴼ ⵓⵖⴰⵡⴰⵙ ⵏⵏⴰ ⵙⵏ ⵙⵙⵓⵊⴷⵏ ⵉⵎⵙⵜⴳⴳⴰⵔⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴳ ⵜⵙⴳⴰ ⵢⴰⴹⵏ, ⵙⴰⵡⵍⵏ ⵙ ⵓⵖⵉⵡⵍ ⵅⴼ ⴽⵔⴰ ⵏ ⵉⵙⵖⵓⴷⵓⵜⵏ ⵏⵏⴰ ⵉⵜⵜⵓⵙⴽⵔⵏ ⵉ ⵡⴰⵍⵍⴰⵍ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴳ ⵜⵎⵜⵜⵉ ⵏ ⵢⵉⵡⵙ ⵏ ⵓⵎⵙⵙⴰⵏⵓⵏ ⵏ ⵉⵖⴰⵡⴰⵙⵏ ⵉⵙⵍⵉⵥⵕⵏ ⵙⴳ ⵎⴰ ⵙⵔⵙⵏ ⵜⴰⵙⵉⵍⴰ ⵜⴰⵖⴰⵡⴰⵙⵜ, Haca Média Solutions, ⴳ ⵡⴰⵢⵢⵓⵔ ⵏ ⵢⵏⵏⴰⵢⵔ 2016 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵏⵉⵢⴰⵎⵢ ⴷ ⴳ ⵜⵙⴳⴳⵯⵉⵏ ⵢⴰⴹⵏ ⴰⵎⵎ ⵜⵉⵍⵍⴰⴱⵉⵔⵢ, ⴷⵉⴼⴼⴰ ⴷ ⴰⴳⴰⴷⵉⵣ.
ⴰⵙⵏⴼⵍ ⴰⴷ ⵢⵉⵡⵉ ⴷ ⴷⵉⵖ ⵅⴼ ⵓⴷⵔⴰⵡ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⴳ ⵓⵙⵙⵎⵖⵓⵔ ⵏ ⵓⵙⵡⵓⵔⵉ ⴰⴷⵉⵎⵓⵇⵔⴰⵟⵉ ⵏ ⵡⴰⵎⵓⵏⵏ ⵉⴼⵔⵉⵇⵏ ⵙ ⵉⵎⵥⵍⵉ ⵙ ⵡⴰⵍⵍⴰⵍ ⵏ ⵜⵏⴼⵔⵓⵜ ⵏ ⵡⴰⴷⴰⴼ ⵏ ⵉⵏⵎⵓⵔⵉⵏ ⵉⵎⵙⵡⵓⵔⴰ ⵏ ⵓⵙⵏⵖⵎⵙ ⵖⵔ ⵢⴰⵜ ⵜⵓⴽⴽⵉ ⵜⴰⵙⵍⵉⵥⵕⵜ ⵉⵍⴰⵏ ⴰⵜⵉⴳ, ⵜⵉⵙⵓⵏⴰⴳ, ⵜⴰⵎⵣⵔⴰⴽⵜ ⵏ ⵓⵎⵢⴰⴳⵓⵜ ⵏ ⵉⵎⵣⴰⵣⵏ ⵏ ⵓⵙⵡⵉⵏⴳⵎ ⴷ ⵜⴰⵏⵏⴰⵢⵜ ⴷ ⵉⵎⵏⵣⴰⵢ ⵏ ⵉⵣⵔⴼⴰⵏ ⵉⵏⴼⴳⴰⵏⵏ.
ⴳ ⵜⴳⵉⵔⴰ ⵏ ⵓⵙⴳⵔⴰⵡ, ⵜⵙⴰⵡⵍ ⵎⴰⵙⵙⴰ ⴰⵅⵔⴱⴰⵛ ⵉ ⵓⵎⴰⵔⴰ ⵏ ⵓⵏⵙⵙⵉⵅⴼ ⵏ ⵓⵙⵏⴰⵎ ⴰⵏⵉⵊⵉⵔⵉ ⵅⴼ ⵓⵙⵡⴰⵔ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⴰⴷ ⵉⵙⵙⵖⴱⵓ ⵉⵙⴳⴳⵓⵜ ⵉⵙⵏⴼⵍⵏ ⴷ ⵉⵣⴷⴰⵢⵏ ⵏ ⵓⵎⵢⴰⵡⴰⵙ ⵏⵜⵜⴰ ⴷ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⵏ ⵏⵉⵊⵉⵔ ⴳ ⵉⵙⴳⵔⴰⵡⵏ ⵉⵏⵉⵎⴰⵍⵏ ⵏ ⵜⵎⵙⵙⴽⵜⵉⵜ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵏ ⵉⴼⵔⵉⵇⵉⵢⴰ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ ⵏⵏⴰ ⴳ ⵔⴰⴷ ⵉⴳ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵏⵙⵙⵉⵅⴼ ⴳ ⵓⵙⴳⴳⵯⴰⵙ 2022.
ⵜⴰⵙⴳⴰ ⵏ ⵓⵎⴰⵔⴰ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ, ⴰⴽⴰⴱⴰⵕ ⵏ ⵓⵙⵏⴰⵎ ⵉⵍⵍⴰ ⴷⵉⴳⵙ ⴰⵡⴷ ⵎⴰⵙⵙⴰ ⴰⵎⵉⵏⴰ ⵀⴰⵛⵉⵎⵓ ⴷ ⵎⴰⵙⵙ ⴱⵓⴱⴰⵛⴰⵔ ⴱⵓⵔⵢⵉⵎⴰ, ⵉⴳⵎⴰⵎⵏ ⵏ ⵓⵙⵇⵇⵉⵎ, ⵎⴰⵙⵙⴰ ⵎⴰⵔⵉ ⵕⵓⵥ ⵜⴰⵎⴰⴽⵍⵓ, ⵜⴰⵏⵎⵀⴰⵍⵜ ⵏ ⵜⵎⴰⴳⵓⵜ, ⵎⴰⵙⵙ ⵃⴰⵙⵙⴰⵏ ⴷⵉⴰⵍⵓ, ⴰⵎⵖⴰⵔ ⵏ ⵜⵏⴰⴼⵓⵜ ⵏ ⵓⵏⵀⵍⵍⴰ ⴷ ⵎⴰⵙⵙ ⵉⴱⵕⴰⵀⵉⵎⴰ ⵎⴰⵎⴰⴷⵓ, ⴰⵎⵖⴰⵔ ⵏ ⵜⵏⴰⴼⵓⵜ ⵏ ⵓⵕⴰⴷⵢⵓ.
