ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵔ ⴰⵙⵙ ⵏ 20 ⵢⵏⵏⴰⵢⴻⵔ ⴳ ⵓⵙⵖⵉⵎ ⵏ ⵜⵎⵔⵙⵍⵜ, ⵎⴰⵙⵙ ⴽⵔⵉⵣⵉⵙⵟⵓⴼ ⴽⴰⵔⵡⵓⵡⵙⴽⵉ, ⴰⵎⵙⵇⴰⴷ ⵏ ⵜⴳⴷⵓⴷⴰⵏⵜ ⵏ ⴱⵓⵍⵓⵏⵢⴰ ⴳ ⵍⵎⵖⵔⵉⴱ.
ⴳ ⵜⵎⵍⴰⵍⵉⵜ ⴰⴷ, ⵜⵜⵓⵙⴽⵏⵏ ⵢⵉⵔⵎⵏ ⵏ ⴽⵓ ⵜⴰⵎⵓⵔⵜ ⴳ ⵓⵢⵏⵏⴰ ⵉⵣⴷⵉⵏ ⴷ ⵢⵉⴳⵔ ⵏ ⵓⵙⵏⴰⵎ ⵏ ⵓⵙⵏⵖⵎⵙ. ⵎⴰⵙⵙ ⴽⴰⵔⵡⵓⵡⵙⴽⵉ, ⵉⵎⵍ ⵜⵉⵎⵉⵜⴰⵔ ⵜⵉⵅⴰⵜⴰⵔⵉⵏ ⵏ ⵜⵎⵓⵖⵍⵉ ⵜⴰⵙⵍⵉⵥⵕⵜ ⵜⴰⴱⵓⵍⵓⵏⵉⵜ ⴷ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵏⵣⵡⴰⵢⵜ (ⴽⵔⵔⵉⵜ), ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴳ ⴱⵓⵍⵓⵏⵉⵢⴰ. ⴳ ⵜⵙⴳⴰ ⵢⴰⴹⵏ, ⵜⵙⴰⵡⵍ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵔ ⵅⴼ ⵜⴰⵢⵔⵉ ⵏ ⵓⵏⵏⵓⵕⵥⵎ ⵏ ⵜⵎⵔⵙⵍⵜ ⵅⴼ ⵢⵉⵔⵎⵏ ⵉⴳⵔⴰⵖⵍⴰⵏⵏ ⴳ ⵢⵉⴳⵔ ⵏ ⵓⵙⵏⴰⵎ, ⴰⵏⵏⵓⵕⵥⵎ ⴰⴷ ⵢⴰⵖⵓⵍ ⵉⴳⴰ ⴰⵣⵓⵛⵛⵍ ⴰⵛⴽⵓ ⵍⵍⴰⵏ ⴽⵉⴳⴰⵏ ⵏ ⵉⵙⵏⵉⴼⵍⵏ ⴳ ⵢⵉⴳⵔ ⵏ ⵓⵙⵍⵉⵥⵔ ⵍⵍⵉⴳ ⵣⵣⵉⴳⵣⵏⵜ ⵜⴻⵜⵉⴽⵏⵓⵍⵓⵊⵉⵏ ⵜⵉⵎⵓⵟⵟⵓⵏⵉⵏ.
ⵅⴼ ⵓⵢⴰⴷ, ⵜⵙⴰⵡⵍ ⵎⴰⵙⵙⴰ ⴰⵅⴰⵔⴱⴰⵛ ⵅⴼ ⵜⵎⵖⵔ ⵏ ⵜⵉⴹⴰⴼ ⵜⵉⵣⵣⵓⵍⴰⵏⵉⵏ ⴳ ⵢⵉⴳⵔ ⴰⴷ ⴷ ⵓⴹⴼⴼⵓⵕ ⴰⵙⵓⵍⴰⵏ ⵏ ⵜⵓⵙⵙⵏⴰ ⵙ ⵜⵖⴰⵔⴰⵙⵜ ⵏ ⵓⵙⵙⵖⴱⵓ ⵏ ⵜⵎⴰⵡⴰⵙⵜ ⴳⵔ ⵜⵙⵉⵍⴰⵡⵉⵏ ⵏ ⵉⵎⵙⵏⴰⵎⵏ. ⵜⵏⵏⴰ ⴷⵉⵖ ⵉ ⵓⵎⵙⵇⴰⴷ ⴽⴰⵔⵡⵓⵡⵙⴽⵉ ⵉⵙⴷ ⴷⴰ ⵉⵙⵎⵓⵙⵙⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵔ ⴰⴳⵓⵏⵙ ⵏ ⵢⴰⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⴷ ⵓⵎⵢⴰⵡⴰⴹ (ⵔⵉⵔⴰⴽ), ⴰⵔ ⵢⵉⴽⴽⵉ ⵜⴰⵖⴹⴼⵜ ⵜⴰⵅⴰⵜⴰⵔⵜ ⵉ ⵜⵉⴳⴰⵡⵜ ⴳ ⵢⵉⴳⵔ ⵏ ⵓⵙⵏⴰⵎ ⵉ ⵜⵙⵉⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ ⵏ ⵓⴳⵔⴰⵡ ⵏ ⵉⵎⵙⵏⴰⵎⵏ ⵓⵕⵓⴱⴱⵉⵢⵏ ⵏ ⵜⵏⴰⴼⵓⵜⵉⵏ ⵏ ⵓⵙⵏⵖⵎⵙ (ⴻⵔⴳⴰ), ⵏⵏⴰ ⴳ ⵢⴰⵎⵓ ⵓⵎⵙⵏⴰⵎ ⴰⴱⵓⵍⵓⵏⵉ.
