ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵡⴰⵙⵙ ⴰⵎⵣⵡⴰⵔⵓ ⵏ ⵜⵖⵓⵔⵉⵡⵉⵏ ⵏⵏⴰ ⵜⵙⵏⵎⴰⵍⴰ ⵙ ⵎⴰ ⵉⵃⴰⴹⵕⵏ ⴷ ⵎⴰ ⵢⴰⴳⴳⵓⴳⵏ, ⴰⵙⵙ ⵏ 17 ⵏⵓⵡⴰⵏⴱⵉⵔ 22 ⵜⵏⴱⴰⴹⵜ ⵏ ⵓⵙⵏⴰⵎ ⴷ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⵎⵓⵟⵟⵓⵏ ⴳ ⴼⵕⴰⵏⵙⴰ (ⴰⵔⴽⵓⵎ), ⴰⵢⴰ ⵉⵕⵥⵎ ⴰⴱⵔⵉⴷ ⵉ ⵉⵎⵔⵣⴰ ⴳ ⵜⵓⵙⵙⵏⵉⵡⵉⵏ ⵜⵉⵏⴼⴳⴰⵏⵉⵏ ⴰⴷ ⵙⵙⵎⵏⵉⴷⵏ ⵜⵉⵡⵓⵔⵉⵡⵉⵏ ⵏⵏⵙⵏ ⵅⴼ ⵓⵙⵏⵖⵎⵙ ⴰⵙⵍⵉⵥⵕ ⴰⵎⵓⵟⵟⵓⵏ ⴷ ⴰⴷ ⵎⵛⴰⵡⴰⵕⵏ ⴰⴽⴷ ⵓⴳⴷⵓⴷ ⵏ ⵉⵎⵓⵣⴰⵢⵏ.
ⴰⵣⵎⵣⵣⵓ ⵢⴰⴷ ⵏⵏⴰ ⵉⵜⵜⵓⴹⴼⴰⵕⵏ ⵙⴳ ⵎⴰ ⵢⴰⴳⴳⵓⴳⵏ ⵙⴳ ⵖⵓⵔ ⵉⵙⴰⵜⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰ ⵢⴰⵏ ⵓⴱⵖⵓⵔ ⵉ ⵜⴳⵔⴰⵡⵜ ⴰⵎⵓⵙⵙⴰⵏⵜ, ⵜⵥⵕⴳⵜ ⴰⵔⴽⵓⵎ ⴳ ⵢⵓⵏⵢⵓ 2022, ⴰⴼⴰⴷ ⴰⴷ ⵜⵙⵜⵉ ⵜⵉⵡⵓⵔⵉⵡⵉⵏ ⵏ ⵉⵎⵔⵣⴰ ⵉⵣⴷⵉⵏ ⴷ ⵉⵙⴳⵓⵎⵏ ⵏ ⵜⵎⵉⴳⵍⵉⵏ ⵏⵏⵙ ⴷ ⴰⴷ ⵜⵙⵏⵎⴰⵍⴰ ⴰⵙⵙ ⴰⵎⵣⵡⴰⵔⵓ ⵏ ⵜⵓⵔⵣⵉⵡⵉⵏ ⵏ ⵜⵏⴱⴰⴹⵜ.
ⵙ ⵓⵃⵉⴹⵕ ⵏ ⴽⵉⴳⴰⵏ ⵏ ⵉⵎⴷⵔⴰⵡⵏ ⵉⵜⵜⵓⵙⵜⵉⵏ, ⵉⴳⵎⴰⵎⵏ ⵏ ⵓⵙⵉⵏⴰⵏ ⵏ ⴰⵔⴽⵓⵎ ⴷ ⵓⴳⵔⴰⵡ ⴰⵎⵓⵙⵙⴰⵏ ⵏⵏⵙ, ⵜⵉⵡⵓⵔⵉⵡⵉⵏ ⵏ ⵡⴰⵙⵙ ⵉⵡⵉⵏ ⴷ ⵅⴼ ⵜⵎⵓⴽⵔⵉⵙⵉⵏ, ⴰⵎⵎ ⵉⵙⵏⵉⴼⵍⵏ ⵉⴷⴰⵎⵙⴰⵏⵏ ⵏ ⵓⵏⵖⵎⵉⵙ ⴷ ⵓⵙⵏⵉⴼⵍ ⴰⵎⵓⵟⵟⵓⵏ ⵏ ⵓⵙⵏⵖⵎⵙ ⴰⵡⵔⴳⵍⴰⵏ, ⵉⵙⴰⵔⴰⵙⵏ ⵏ ⵜⴰⵎⵓⵏⵜ ⵏ ⵡⴰⵏⴰⵎⵓⵏ ⴷ ⵓⵙⵎⴷⵢⴰ ⵏ ⵡⴰⵎⵓⵏ ⴰⴳⵓⵏⵙ ⵏ ⵓⵙⵖⵎⵙ ⴳ ⵜⵙⴰⵔⴰⴳⵜ ⵏ ⵓⵎⵓⵟⵟⵓⵏ, ⴷ ⵉⵣⵓⵛⵛⵍⵏ ⵏ ⵓⵙⵏⴰⵎ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⴷ ⵉⵥⴹⵡⴰⵏ ⵉⵏⴰⵎⵓⵏⵏ.