ⴰⴷⵍⵉⵙ ⴰⴷ ⵏⵏⴰ ⴷ ⵉⵙⵙⵓⴼⵖ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵜⵙⵙⴽⵔ ⵜ ⵎⴰⵙⵙⴰ ⴰⵎⵉⵏⴰ ⵍⴰⵎⵔⵉⵏⵉ ⵍⵡⴰⵀⵀⴰⴱⵉ, ⵜⴰⵎⵓⵣⴰⵢⵜ ⵜⴰⴳⵔⴰⵖⵍⴰⵏⵜ ⴳ ⵉⵣⵔⴼⴰⵏ ⵏ ⵜⵎⵖⴰⵔⵉⵏ, ⴰⴷⵍⵉⵙ ⴰⴷ ⵉⵍⵍⴰ ⴳ ⵓⵙⵉⵜ ⵏ ⵜⵎⵔⵙⵍⵜ.
ⵜⵓⵎⴰ ⵜⵏⵜⴰⵎⵜ ⴰⴷ ⵉⵎⴷⴰⵏ ⵢⴰⵜ ⵜⴷⴰⵍⴰ ⵏ ⵉⵙⴰⴳⵎⵏ ⵉⵙⴰⵖⵓⵍⵏ, ⵉⵏⴱⵔⵉⴷⵏ ⴷ ⵉⵎⵙⴽⴰⵔⵏ ⵉ ⵉⵣⵣⵓⵍⴰⵏⵏ ⵏ ⵓⵙⵏⵖⵎⵙ. ⵉⴳⴰ ⵢⴰⵜ ⵜⵔⵙⵍⵜ ⵉⵖⵉⵢⵏ ⴰⴷ ⵢⴰⵡⵙ ⵉⵎⵓⵏ ⴷ ⵉⵎⵖⵔⴰⵏ ⴰⴼⴰⴷ ⴰⴷ ⴰⴽⵣⵏ, ⵔⴷⵍⵏ ⵙⴱⴷⴷⵏ ⴰⵏⵢⵓⴷⴷⵓ ⵏ ⵜⵡⵍⴰⴼⵉⵏ ⵉⵚⴽⴰⵏ ⵅⴼ ⵡⴰⵏⴰⵡ.
ⵢⵓⵎⴰ ⵓⴷⵍⵉⵙ ⴰⴷ ⵢⴰⵏ ⵓⴳⵣⵣⵓⵎ ⴰⵔⵎⵎⵓⵙⴰⵏ ⴷ ⵓⵏⴱⵔⵉⴷⴰⵏ, ⵜⵉⵍⵉ ⴳ ⵓⴳⵣⵣⵓⵎ ⵢⴰⴹⵏ ⵜⵓⵎⴰⵢⵜ ⵜⴰⵎⵙⴽⴰⵔⵜ ⵉⵜⵜⵓⵚⴽⴰⵏ ⵅⴼ ⵙⴹⵉⵙ ⵏ ⵜⴰⵔⴰⵖⵉⵏ ⵜⵉⵙⴳⵓⵎⴰⵏⵉⵏ.
- ⴰⴳⵣⵣⵓⵎ ⴰⵔⵎⵎⵓⵙⴰⵏ ⴷ ⵓⵏⴱⵔⵉⴷⴰⵏ ⴷⵉⴳⵙ ⵢⴰⵏ ⵓⵙⵎⵏⵉⴷ ⵏ ⵓⵔⵎⵎⵓⵙ ⵏ ⵡⴰⵏⴰⵡ ⴷ ⵓⴳⵣⵣⵓⵎ ⴰⴷⵉⴷⴰⴽⵜⵉⴽ ⴷⴰ ⵉⵙⵙⵎⵏⵉⴷ ⵉⵍⵓⴳⵏⵏ ⵓⵣⵔⵉⴼⵏ ⵉⵣⴷⵉⵏ ⴷ ⵓⵎⵏⵏⵓⵖ ⵎⴳⴰⵍ ⵜⵉⵡⵍⴰⴼⵉⵏ ⵉⵚⴽⴰⵏ ⵅⴼ ⵡⴰⵏⴰⵡ ⴰⴳⵓⵏⵙ ⵏⵖ ⵙ ⵓⴱⵔⵉⴷ ⵏ ⵓⵙⵏⵖⵎⵙ.
- ⵙⴹⵉⵙ ⵏ ⵜⴰⵔⴰⵖⵉⵏ ⵜⵉⵙⴳⵓⵎⴰⵏⵉⵏ ⴷⴰ ⵢⴰⵖ ⵜⵜⴰⴷⵊⴰⵏⵜ ⴰⴷ ⵏⵉⵙⵉⵏ ⴰⵜⵉⴳ ⵏ ⵡⴰⵏⴰⵡ ⴳ ⵉⵙⵎⵉⵍⵏ ⵏ ⵡⴰⵍⵍⴰⵙ ⴰⵖⵎⵙⴰⵏ ⵎⴰⵛⴰ ⴰⵡⴷ ⴳ ⵓⵙⵡⵉⵔ ⵏ ⵓⵏⴱⴰⴹ ⵏ ⵜⵎⵙⵙⵏⵜⵉⵜ ⵏ ⵜⵏⵖⵎⵙⵜ. ⵉⵙⴳⵓⵎⵏ ⴰⴷ ⵣⴷⵉⵏ ⴷ ⵜⵓⵎⴰⵢⵉⵏ ⵏ ⵉⵏⵖⵎⵉⵙⵏ ⴷ ⵉⵖⴰⵡⴰⵙⵏ ⵏ ⵡⵓⵔⴰⵔ : ⵉⵖⵎⵉⵙⵏ ⵉⵏⵣⵡⴰⵢⵏ ⴷ ⵉⵜⵍⴼⴰⵣⵏ ⴷ ⵉⴳⵔⴰⵡⵏ ⵏ ⵓⵎⵙⴳⴷⴰⵍ, ⵏ ⵓⵙⵎⴽⵍ ⵏ ⵜⴽⵕⴹⵉ ⵉⵜⵜⵓⴳⴰⵏ ⵉ ⵜⵎⵖⴰⵔⵉⵏ, ⵜⴰⴷⵓⵍⵉ ⵜⴰⵖⵎⵙⴰⵏⵜ ⵏ ⵉⵙⵜⴰⵢⵏ, ⴰⵙⵎⴽⵍ ⵏ ⵓⵙⴽⴽⵉⵏ ⵏ ⵓⵣⵡⴰⴳ ⴷ ⵓⵙⵉⵙⵙⵏ ⴷ ⵓⵙⵢⴰⴼⵓ ⴰⵙⵉⵏⵉⵎⴰⵟⵓⴳⵔⴰⴼⵉ ⵉⵙⵙⴼⵔⴽⵏ ⵙ ⵡⴰⵏⴰⵡ.