ⵜⵙⵙⴽⵔ ⵢⴰⵜ ⵜⴳⵔⵓⵎⵎⴰ ⵏ 25 ⵏ ⵉⵏⵍⵎⴰⴷⵏ ⵏ ⵜⵎⴷⵉⵏⵜ ⵏ ⵜⴰⵡⵏⴰⵜ ⵉⵎⵓⵏⵏ ⴷ ⵉⴳⵎⴰⵎⵏ ⵏ ⵓⵙⴳⵔⴰⵡ ⵏ ⵜⵙⵓⴳⴰⵔ ⵏ ⵜⴰⵡⵏⴰⵜ, ⴰⵙⵙ ⵏ 22 ⵢⵓⵍⵢⵓⵣ 2024, ⵢⴰⵏ ⵓⵔⵣⴰⴼ ⵏ ⵓⵙⵏⵖⵎⵙ ⵉ ⵓⵙⵇⵇⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
ⵙ ⵓⵣⵎⵣⵣⵓ ⵢⴰⴷ, ⵃⴰⴹⵕⵏ ⵉⵏⵍⵎⴰⴷⵏ ⵉ ⵢⴰⵏ ⵓⵙⵎⵏⵉⴷ ⵅⴼ ⵜⵙⵎⵉⴳⵍⵉⵏ, ⴷ ⵜⵡⵓⵔⵉⵡⵉⵏ, ⴷ ⵓⵙⵏⵎⴰⵍⴰ, ⴷ ⵓⵙⵡⵓⴷⴷⵓ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵢⴰⵜ ⵜⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵉⵎⴰⵏⵜ ⵢⵓⴳⴳⴰⵏ ⵅⴼ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ.
ⵉⵡⵏⴰⵏ ⵏ ⵓⵔⵣⴰⴼ ⵏ ⵉⴷⵖⴰⵔⵏ ⴳ ⵍⵍⴰⵏ ⵉⵎⴰⵙⵙⵏ ⵉⵜⵉⵇⵏⵉⵢⵏ ⵏ ⵜⵎⵔⵙⵍⵜ, ⵥⵕⴰⵏ ⵉⵏⵍⵎⴰⴷⵏ ⴰⵍⵍⴰⵍⵏ ⵉⵅⴰⵜⴰⵔⵏ ⵏⵏⴰ ⵉⵙⵙⴽⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴼⴰⴷ ⴰⴷ ⵉⵙⵍⴳⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ.
ⵜⵜⵓⵙⵏⵓⴱⴳⵏ ⴷⵉⵖ ⵉⵏⵍⵎⴰⴷⵏ ⵖⵓⵔ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵎⴰⵙⵙ ⴱⵏⵄⵉⵙⵙⴰ ⵄⵙⵍⵓⵏ.
