ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 16 ⵢⵓⵍⵢⵓⵣ 2025, ⵎⴰⵙⵙ ⴰⵃⵎⴰⴷ ⴰⵍⵜⴰⵎⵉⵎⵉ, ⴰⴳⵎⴰⵎ ⵏ ⵓⴳⵔⴰⵡⴰⵎⵣⵣⴳⴰⵔ ⵏ ⵜⵏⵎⴰⵍⴰⵢⵜ ⵏ ⵓⵙⴷⵔⴼⵉ ⵏ ⴼⴰⵍⴰⵇⵟⵉⵏ ⴷ ⵓⵏⵙⵙⵉⵅⴼ ⵏ ⵜⵣⵓⵏⵉ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴷ ⵡⴰⵎⵓⵏ ⵓⵖⵔⵉⵎ, ⴳ ⵓⵙⴰⵜⵉ ⵏ ⵓⵔⵣⴰⴼ ⵏ ⵜⵡⵓⵔⵉ ⵏⵏⴰ ⵉⵙⵙⴽⵔ ⵉ ⵍⵎⵖⵔⵉⴱ ⵓⵙⵙⴰⵏ ⵏ 14 ⴰⵔ 18 ⵢⵓⵍⵢⵓⵣ 2025, ⵍⵍⵉⴳ ⵉⵣⵡⴰⵔ ⵉ ⵢⴰⵏ ⵓⴽⴰⴱⴰⵕ ⴰⵅⴰⵜⴰⵔ ⴰⴼⵉⵍⵉⵙⵟⵉⵏⵉ.
ⴳ ⵜⵉⵣⵡⵉⵔⵉ ⵏ ⵓⵎⵙⴳⵔⴰⵡ ⴰⴷ, ⴳ ⵢⴰⵎⵓ ⴰⵡⴷ ⵎⴰⵙⵙ ⴱⵏⵄⵉⵙⵙⴰ ⵄⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵜⵏⵏⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⵅⴼ ⵓⵎⵢⴰⵡⴰⵙ ⴰⵙⵓⵍⴰⵏ ⵏ ⵡⴰⵎⵓⵏ ⴰⴽⴽⵯ ⴰⵎⵖⵔⴰⴱⵉ ⵉ ⵓⴳⴷⵓⴷ ⴰⴼⵉⵍⵉⵙⵟⵉⵏⵉ ⵉⴳⴰⵏ ⴳⵎⴰⵜⵏⵖ, ⴰⵎⵢⴰⵡⴰⵙ ⵏ ⵜⵉⴷⵜ ⵢⵓⴳⵎⵏ ⴳ ⵜⵎⵔⵉⵙⵜ ⴷ ⵡⴰⵜⵜⴰⴳ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴷ ⵡⵉⵙ ⵙⴹⵉⵙ, ⵕⴱⴱⵉ ⴰⴷ ⴰⵙ ⵢⴰⵡⵙ, ⴳ ⵓⴱⵖⵓⵔ ⵏ ⵜⵎⵏⵜⵉⵍⵜ ⵜⴰⴼⴰⵍⵉⵙⵟⵉⵏⵉⵜ.
ⴷⴼⴼⵉⵔ ⴰⵢⴰⴷ, ⵜⵙⵙⴽⵜⵉ ⴷ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵙ ⵙ ⵢⵉⴹⵉⵙ ⵏⵏⵙ ⴷ ⵜⵣⵎⵔⵜ ⵏⵏⵙ ⵜⴰⴱⵉⴷⴰⵖⵓⵊⵉⵜ, ⵉⴳⴰ ⵓⵙⵏⵖⵎⵙ ⵢⴰⵜ ⵜⵔⵙⵍⵜ ⵜⴰⴷⵙⵍⴰⵏⵜ ⴰⴼⴰⴷ ⵉⵙⵙⴽⵏ ⵜⵉⵍⴰⵡⵜ ⵏ ⵎⴽⵕⴹⵓⵍ ⵏ ⵓⵎⴰⵜⵏⵖ ⴰⴳⴷⵓⴷ ⴰⴼⴰⵍⵉⵙⵟⵉⵏⵉ ⴰⵔ ⵉⵇⵇⴰⵔ ⵉ ⵓⴳⵔⴰⵡ ⴰⴳⵔⴰⵖⵍⴰⵏ ⴷ ⵜⴰⵏⵏⴰⵢⵜ ⵜⴰⴳⴷⵓⴷⴰⵏⵜ ⵜⴰⵎⴰⴹⵍⴰⵏⵜ ⵅⴼ ⵉⵎⵏⵣⴰⵢ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⵏⵏⴰ ⵏ ⵉⵇⵇⴰⵏⵏ ⴰⴷ ⵜⵜⵓⵙⵎⵀⵍⵏ ⵅⴼ ⵜⵎⵙⴰⵔⵜ ⵜⴰⴼⴰⵍⴰⵙⵟⵉⵏⵉⵢⵜ ⵙ ⵉⵎⵥⵍⵉ ⴰⵢⵏⵏⴰ ⵉⵣⴷⵉⵏ ⵙ ⵜⵉⵕⵥⵉ ⵏ ⵓⵣⵔⴼ ⴰⴳⵔⴰⵖⵍⴰⵏ, ⴰⵣⵔⴼ ⴰⴳⵔⴰⵖⵍⴰⵏ ⴰⵏⴼⴳⴰⵏ ⴷ ⵉⵎⵏⵣⴰⵢ ⴰⴽⴽⵯ ⵏ ⵉⵣⵔⴼⴰⵏ ⵉⵏⴼⴳⴰⵏⵏ.
ⵜⵙⵙⵎⵏⵉⴷ ⴷⵉⵖ ⵎⴰⵙⵙⴰ ⴰⵅⴰⵔⴱⴰⵛ ⵜⵉⵙⵎⵉⴳⵍⵉⵏ ⵜⵉⴷⵙⵍⴰⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵜⵙⵙⴽⵏ ⵜⴰⵡⵓⵔⵉ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ ⴳ ⵓⵢⵏⵏⴰ ⵉⵣⴷⵉⵏ ⵙ ⵢⵉⴳⵔ ⵏ ⵜⵏⴽⵔⴰ ⵙ ⵡⴰⵜⵉⴳⵏ ⵉⴷⵉⵎⵓⵇⵔⴰⵟⵉⵢⵏ ⴷ ⵉⵎⵏⵣⴰⵢ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴰⴳⵓⵏⵙ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ ⴷ ⵜⵏⵖⵎⴰⵙⵉⵏ, ⵜⵙⵙⴽⵜⵉ ⴷ ⵉⵍⴰⵍⵜ ⵏ ⵜⴰⵎⵓⵏⵜ ⵏ ⵡⴰⵎⵓⵏ ⴰⵎⵖⵔⴰⴱⵉ ⵅⴼ ⵜⴷⵍⵙⴰ ⵏ ⵜⵎⵢⴰⵏⴰⵡⵜ, ⵏ ⵓⵙⵓⵎⵓ ⴷ ⵜⵓⴷⵔⵜ ⵜⴰⵎⴷⵔⴰⵡⵜ. ⵜⵙⵙⴼⴰⵡ ⴷⵉⵖ ⵜⵉⵍⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⴹⵎⴰⵏ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⵉ ⵜⵎⵣⴰⵣⵉⵏ ⴰⴽⴽⵯ ⵏ ⵓⵙⵡⵉⵏⴳⵎ ⴷ ⵜⴰⵏⵏⴰⵢⵜ ⴷ ⵓⵙⴷⵓⵙ ⵏ ⵜⵎⵢⴰⵎⴰⵥⵜ ⵜⴰⵏⴰⵎⵓⵏⵜ.
ⵜⵙⴰⵡⵍ ⴷⵉⵖ ⵜⵏⵙⵙⵉⵅⴼⵜ ⵅⴼ ⵉⵡⵊⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⴰⴷ ⵢⴰⵡⵙ ⴳ ⵜⵣⵎⵎⴰⵔ ⴰⴳⵓⵏⵙ ⵏ ⵜⴳⵔⴰⵡⵜ ⵜⴰⵙⵏⵖⵎⴰⵙⵜ ⵜⴰⴳⵔⴰⵖⵍⴰⵏⵜ, ⴳ ⵓⵡⵜⵜⴰⵙ ⵏ ⵜⵏⴽⵔⴰ ⵙ ⵜⵖⴰⵔⴰ ⴷ ⵜⵎⵙⴽⴰⵔⵉⵏ ⵉⵖⵓⴷⴰⵏ ⵜⵉⵣⵣⵓⵍⴰⵏⵉⵏ ⴳ ⵢⵉⴳⵔ ⵏ ⵓⵙⵏⵎⴽⵍ ⵏ ⵜⵎⵏⵜⴰⵍ ⵜⵓⵣⵔⵉⴼⵉⵏ, ⵣⵓⵏⴷ ⵜⴰⵎⵏⵜⵉⵍⵜ ⵜⴰⴼⴰⵍⴰⵙⵟⵉⵏⵉⵜ, ⴷ ⴰⴷ ⵓⵔ ⴳⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⵜⴰⵎⵓⴽⵔⵉⵙⵜ ⴰⴷⴷⴰⵢ ⴰⵖⵓⵍⵏ ⴳⴰⵏ ⵉⴽⵔⵔⴰⴷⵏ ⵏ ⵉⵎⵏⵖⴰⵏ ⵉⵛⵔⴷⴰⵍⵏ.
ⴳ ⵜⵙⴳⴰ ⵢⴰⴹⵏ, ⵉⵣⵣⵓⵍ ⵎⴰⵙⵙ ⴰⵃⵎⴰⴷ ⴰⵍⵜⴰⵎⵉⵎⵉ ⵅⴼ ⵢⵉⵜⴳ ⴰⵙⵓⵍⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙ ⵓⵙⵙⵓⴳⵓⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴷ ⵡⵉⵙ ⵙⴹⵉⵙ ⵕⴱⴱⵉ ⴰⴷ ⴰⵙ ⵢⴰⵡⵙ, ⵉⴳⴰⵏ ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ, ⵉ ⵜⵎⵏⵜⵉⵍⵜ ⵜⴰⴼⴰⵍⴰⵙⵟⵉⵏⵉⵢⵜ. ⵉⵙⵙⵎⵖⵓⵔ ⴷⵉⵖ ⵙ ⵜⵉⴳⴰⵡⵜ ⵉⵥⵍⵉⵏ ⵏⵏⴰ ⵉⵙⵙⴽⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵚⴽⴰⵏ ⵅⴼ ⵉⵎⵏⵣⴰⵢ ⵏ ⵉⵡⵜⵜⴰⵙⵏ ⵉⴷⵉⵎⵓⵇⵔⴰⵟⵉⵢⵏ ⴷ ⵉⵣⵔⴼⴰⵏ ⵉⵏⴼⴳⴰⵏⵏ. ⴰⵎⵙⵜⴳⴳⴰⵔ ⴰⴼⵉⵍⵉⵙⵟⵉⵏⵉ ⵉⵙⴰⵡⵍ ⴷⵉⵖ ⵅⴼ ⵓⵙⵉⵔⵎ ⵏⵏⵙ ⵏ ⴰⴷ ⵢⵉⵥⵉⵕ ⵢⴰⵏ ⵓⵎⵢⴰⵡⴰⵙ ⴰⵎⵙⵙⵓⵔⵓ ⴳ ⵓⵡⵜⵜⴰⵙ ⵏ ⴰⴷ ⴷⵉⴳⵙ ⵜⴰⴳⵎ ⵜⵎⴰⵣⵉⵔⵜ ⵏⵏⵙ ⵉⵔⵎ ⴰⵎⵖⵔⴰⴱⵉ ⴳ ⵢⵉⴳⵔ ⵏ ⵓⵙⵍⴳⵏ ⵏ ⵓⵙⵏⵖⵎⵙ.
ⴰⵎⵓⵏ ⴳ ⵓⵎⵏⴰⵍⴰ ⵢⴰⴷ, ⵎⴰⵙⵙ ⴼⴰⵢⵚⵍ ⴽⴰⵎⴰⵍ ⴰⵍ ⴰⵔⴰⵏⴽⵉ, ⴰⴳⵎⴰⵎ ⵏ ⵓⴳⵔⴰⵡ ⴰⵎⵣⵣⴳⵔ ⵏ ⵜⵙⵏⵎⴰⵍⴰⵢⵜ ⵜⴰⴼⵉⵍⵉⵙⵟⵉⵏⵉⵜ, ⴰⵏⵙⵙⵉⵅⴼ ⵏ ⵜⵣⵓⵏⵉ ⵏ ⵉⵎⵣⵡⴰⴳⵏ, ⵇⴰⵙⵙⴰⵎ ⴷⴷⵉⵏ ⵄⵡⵡⴰⴷ, ⴰⵏⴼⵍⵓⵙ ⴰⵎⴰⵜⴰⵢ ⴰⵎⴰⵡⴰⵙ ⵏ ⵜⵣⵓⵏⵉ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵎⵓⵏ ⵓⵖⵔⵉⵎ, ⴰⵎⵣⴷⴰⵢ ⴰⵎⴰⵜⴰⵢ ⵏ ⵜⴰⵎⵓⵏⵉ ⵜⴰⴳⵔⴰⵖⵍⴰⵏⵜ ⵉ ⵓⵎⵏⵏⵓⵖ ⵅⴼ ⵉⵣⵔⴼⴰⵏ ⵏ ⵓⴳⴷⵓⴷ ⴰⴼⵉⵍⵉⵙⵟⵉⵏⵉ ⴷ ⵓⴼⵔⴰⴳ ⵏ ⵓⵣⵔⴼ ⵏ ⵡⵓⵖⵓⵍ, ⵎⵓⵃⴰⵎⴷ ⴼⴰⵀⴷ ⵚⴰⴱⵔⵉ ⴰⵍⵛⴰⵀⵍⴰⵍⴷⴰ, ⴰⵎⴰⵡⵙⴰⵙ ⵉⵣⵡⴰⵔⵏ ⵏ ⵜⵣⵔⴼⵜ ⴷ ⴰⵏⵉⵙ ⵙⴰⵍⵉⵎ ⵙⵡⵉⴷⴰⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵉⵣⴷⴰⵢⵏ ⵉⴳⵔⴰⵖⵍⴰⵏⵏ ⴰⴳⵓⵏⵙ ⵏ ⵜⵣⵓⵏⵉ ⵏ ⵉⵣⴷⴰⵢⵏ ⵉⴳⵔⴰⵖⵍⴰⵏⵏ ⵏ ⵜⵏⵎⴰⵍⴰⵢⵜ ⵜⴰⴼⵉⵍⵉⵙⵟⵉⵏⵉⵜ.
ⴳ ⵜⴳⵉⵔⴰ ⵏ ⵓⵔⵣⴰⴼ ⴰⴷ, ⵜⵥⵕⴰ ⵜⵙⵎⵉⵔⵜ ⵜⴰⴼⵉⵍⵉⵙⵟⵉⵏⵉⵜ ⴽⵔⴰ ⵏ ⵜⵣⵓⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
