ⵉⵔⵣⴼ ⵢⴰⵏ ⵓⴽⴰⴱⴰⵕ ⴰⵎⵇⵔⴰⵏ ⵏ ⵉⵄⵔⵔⵉⵎⵏ ⵉⴷⵉⴱⵍⵓⵎⴰⵙⵏ ⵉⵎⵖⵔⴰⴱⵉⵢⵏ ⴷ ⵡⵉⵏ ⵜⵎⵓⵔⴰ ⵏ ⵉⴼⵔⵉⵇⵢⴰ, ⵉⵍⵍⴰⵏ ⴳ ⵓⵙⵎⵓⵜⵜⴳ ⴰⴳⵓⵏⵙ ⵏ ⵓⵙⵉⵏⴰⴳ ⴰⵎⵖⵔⴰⴱⵉ ⵏ ⵓⵙⵎⵓⵜⵜⴳ ⴷ ⵓⵔⵣⵣⵓ ⴷ ⵜⵖⵓⵔⵉⵡⵉⵏ ⵏ ⵜⴷⵉⴱⵍⵓⵎⴰⵙⵜ (IMFRED) ⵉⵣⴷⵉⵏ ⵙ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⴷ ⵜⵎⴰⵡⴰⵙⵜ ⵜⴰⴼⵔⵉⵇⵜ ⴷ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴱⵕⵕⴰ, ⴰⵔⵣⴰⴼ ⴰⴷ ⵉⴳⴰ ⵡⵉⵏ ⵓⵙⵏⵖⵎⵙ ⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 22 ⵢⵓⵍⵢⵓⵣ 2025.
ⴰⴽⴰⴱⴰⵕ ⴰⴷ, ⵏⵏⴰ ⵎⵉ ⵉⵣⵡⴰⵔ ⵓⵏⵎⵀⴰⵍ ⵏ IMFRED, ⵎⴰⵙⵙ ⵍⵡⴰⴼⵉ ⴱⵓⴽⵉⵍⵉ ⵎⴰⵅⵓⵅⵉ, ⵉⵎⵎⴰⴳⴳⴰⵔ ⴷ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏⵜⵜⴰⵜ ⴷ ⴱⵏⵄⵉⵙⵙⴰ ⵄⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ. ⴰⵎⵏⴰⵍⴰ ⵢⴰⴷ ⵉⵜⵜⵓⴳⴰ ⵉⵡⵏⴰⵏ ⵏ ⵢⴰⵜ ⵜⴼⵓⴳⵍⴰ ⵏ ⵓⵙⵏⵓⴱⴳ ⴳ ⵜⴻⵜⵜⵓⵙⵎⵏⵉⴷ ⵜⵉⴳⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵉⵎⵙⴰⵔⴰⵙⵏ ⵉⴳⵔⴰⵖⵍⴰⵏⵏ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⵙ ⵉⵎⵥⵍⵉ ⴰⵢⵏⵏⴰ ⵉⵣⴷⵉⵏ ⵙ ⵉⴳⵔ ⵏ ⵓⵎⵏⵏⵓⵖ ⵎⴳⴰⵍ ⵉⵏⵖⵎⵉⵙⵏ ⵏ ⵜⴽⵔⴽⴰⵙ, ⵉⵏⴰⵡⵏ ⵏ ⵓⴽⵙⴰⵏ, ⵉⵎⵛⴽⵛⴰⵎⵏ ⵉⴱⵕⵕⴰⵏⵉⵢⵏ ⴰⴳⵓⵏⵙ ⵏ ⵜⵣⵣⵉⴳⵣⵜ ⵏ ⵉⵙⵜⴰⵢⵏ ⴷ ⵉⵎⵉⵣⴰⵏ ⵉⵎⵣⴰⵔⴰⵢⵏ ⵏⵏⴰ ⴷ ⵉⵙⵍⵍⵡⴰ ⵓⵎⵓⵜⵜⵉ ⴰⵎⵓⵟⵟⵓⵏ ⵏ ⵓⵙⴰⵢⵔⴰⵔ ⴰⵖⵎⵙⴰⵏ ⴰⵎⴰⵜⴰⵢ.
ⵉⵡⵏⴰⵏ ⵏ ⵓⵔⵣⴰⴼ ⴰⴷ, ⵙⵎⵏⵉⴷⵏ ⵉⵏⵎⵀⴰⵍⵏ ⴷ ⵉⵎⴰⵙⴰⵢⵏ ⵏ ⵜⵣⵓⵏⵉⵏ ⵏ ⵜⵎⵔⵙⵍⵜ ⵉ ⵉⵄⵔⵔⵉⵎⵏ ⵉⴷⵉⴱⵍⵓⵎⴰⵙⵏ ⵜⵉⵙⵎⵉⴳⵍⵉⵏ ⵜⵉⴷⵙⵍⴰⵏⵉⵏ ⴷ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⵉⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ.
ⴷⴼⴼⵉⵔ ⴰⵢⴰⴷ, ⵥⵕⴰⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⵏ IMFRED ⵜⴰⵣⵓⵏⵉⵏ ⴷ ⵉⵎⴰⵙⵙⵏ ⵉⵜⵉⵇⵏⵉⵢⵏ ⵏ ⵓⵙⴰⵏⵓⵏ ⵏ ⵓⵙⵏⵖⵎⵙ ⵉⵙⵡⵓⵔⵉⵏ ⵉⵡⵏⴰⵏ ⵏ ⵓⴹⴼⴼⵓⵕ ⵏ ⵉⵖⴰⵡⴰⵙⵏ, ⵙ ⵉⵥⵍⵉ ⴳ ⵓⵙⴰⵜⵉ ⵏ ⵜⵙⵎⵉⴳⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵢⵉⴳⵔ ⵏ ⵓⴹⵎⴰⵏ ⵏ ⵓⵡⵏⵏⵉ ⴰⵎⴰⴳⵓⵜ ⵏ ⵜⵎⵣⴰⵣⵉⵏ ⴰⴽⴽⵯ ⵏ ⵜⴰⵏⵏⴰⵢⵜ ⴰⴳⵓⵏⵙ ⵏ ⵜⵏⵣⵡⴰⵢⵜ ⴷ ⵉⵜⵉⵍⵉⴼⵉⵣⵢⵓⵏⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ.
