ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵔ ⴳ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵏⵏⴰ ⵉⵙⵏⵎⴰⵍⴰ ⵍⵓⵏⵉⵙⴽⵓ ⵙⴳ 3 ⴰⵔ 5 ⵛⵜⴰⵎⴱⵉⵔ 2025 ⴳ ⴱⵔⴰⵢⴰ. ⵜⵉⵏⴰⵡⵜ ⴰⴷ ⵜⵥⵍⵉ ⵙ ⵓⴼⵔⴰⴳ ⵏ ⵡⵓⵖⵓⴷ ⵏ ⵉⵏⵖⵎⵉⵙⵏ ⴳ ⵜⵎⵏⴰⴹⵜ ⵏ ⴰⴼⵔⵉⵇⵢⴰ ⵏ ⵓⵖⵍⵍⵓⵢ ⴷ ⵜⵎⵏⴰⴹⵜ ⵏ ⵙⴰⵃⵉⵍ. ⴰⴳⵣⵣⵓⵎ ⴰⵎⵇⵔⴰⵏ ⵏ ⵜⵉⵏⴰⵡⵜ ⴰⴷ ⵉⵜⵜⵓⵙⴽⵔ ⵙ ⵡⵓⵎⵓ ⵏ ⵎⴰⵙⵙ ⵓⵍⵙⵉ ⴽⵓⵔⵔⵉⵢⴰ ⵙⵉⵍⴼⴰ, ⴰⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵜⴳⴷⵓⴷⴰⵏⵜ ⵏ ⵉⵅⴼ ⴰⵣⴳⵣⴰ. ⴽⵉⴳⴰⵏ ⵏ ⵜⵙⴳⴳⵯⵉⵏ ⵏ ⵜⵎⵓⴽⵔⵉⵙⵉⵏ ⵏ ⵓⴼⵔⴰⴳ ⵏ ⵡⵓⵖⵓⴷ ⵏ ⵓⵏⵖⵎⵉⵙ ⴰⵢ ⵜⵜⵓⵙⴼⵙⵉⵏ ⴳ ⵜⵉⵏⴰⵡⵜ ⴰⴷ ⵏⵏⴰ ⵉⵙⵎⵓⵏⵏ ⵉⵎⴰⵡⵙⴰⵙⵏ ⵏ ⵓⵎⵢⴰⵡⴰⴹ ⵏ ⴽⵉⴳⴰⵏ ⵏ ⵜⵎⵓⵔⴰ ⵏ ⵜⵎⵏⴰⴹⵜ ⴷ ⵜⵉⵏ ⵜⵎⵏⵥⴰⵡⵜ, ⵉⵍⵉⵏ ⴰⵡⴷ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ ⴷ ⵉⴳⵏⵙⴰⵙ ⵏ ⵜⵏⴱⴰⴹⵉⵏ ⵜⵉⵏⴰⵎⵓⵔⵉⵏ ⵏ ⵓⴼⵔⴰⴳ ⵏ ⵉⵙⴼⴽⴰ ⵉⵏⵉⵎⴰⵏⵏ, ⵉⵍⵉⵏ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵏ ⵉⵙⵜⴰⵢⵏ ⵉⵏⴰⵎⵓⵔⵏ, ⵉⵍⵉⵏ ⵉⵎⵏⵣⴰⵢ ⴷ ⵉⴳⵏⵙⴰⵙ ⵏ ⵡⴰⵎⵓⵏ ⵓⵖⵔⵉⵎ ⴷ ⵡⴰⵎⵎⴰⵙⵏ ⵏ ⵓⵔⵣⵣⵓ.
ⵜⴰⵎⵓ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵉⵎⵛⴰⵡⴰⵕⵏ ⵉⵣⴷⵉⵏ ⵙ ⵉⵙⴳⵓⵎⵏ ⵏ ⵓⵖⴰⵡⴰⵙ ⴳ ⵜⵉⵏⴰⵡⵜ ⴰⴷ, ⵜⵙⴰⵡⵍ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⵅⴼ ⵓⵣⴷⴰⵢ ⵉⵍⵍⴰⵏ ⴳ ⵜⵡⵏⵏⴰⴹⵜ ⵜⴰⵙⵖⵎⵙⴰⵏⵜ ⵜⴰⵎⴰⵜⴰⵢⵜ ⴷ ⵜⵎⵓⵟⵟⵓⵏⵜ ⴳⵔ ⵜⵕⵓⵥⵉ ⵏ ⵡⵓⵖⵓⴷ ⵏ ⵓⵏⵖⵎⵉⵙ ⴷ ⵓⴼⵔⵓⵔⵉ ⵏ ⵡⵓⵖⵓⴷ ⵏ ⵜⵓⵙⵙⵏⴰ ⵙ ⵓⵎⴰⵜⴰ. ⵜⵏⵏⴰ ⵉⵙ ⴰⴼⵔⴰⴳ ⵏ ⵜⴷⵉⵎⵓⵇⵕⴰⵟⵉⵜ, ⵜⴰⴷⵓⵙⵉ ⵜⴰⵏⴰⵎⵓⵏⵜ ⴷ ⵜⴰⵙⵉⵎⴰⵏⵜ ⵜⴰⵙⵖⵎⵙⴰⵏⵜ ⴰⴳⵓⵏⵙ ⵏ ⵓⵎⴰⴹⴰⵍ ⵉⵜⴽⴰⵔⵏ ⵙ ⵓⵏⴳⵉ ⴰⵎⵓⵟⵟⵓⵏ, ⵉⵇⵇⴰⵏ ⵉ ⵜⵉⵎⵓⵔⴰ ⵜⵉⴼⵔⵉⵇⵉⵏ ⴰⴷ ⵙⵔⵙⵏⵜ ⵜⵉⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⵙⵙⵉⴷⴼⵏ ⵙ ⵓⴱⵔⵉⴷ ⴰⵎⵙⵎⵓⵏ ⴰⴷⵓⵙⴰⵏ ⵢⴰⵏ ⵓⵙⵍⴳⵏ ⴰⵙⵉⵎⴰⵏ ⴰⵎⵓⵣⴰⵢ, ⴰⵙⵓⵜⴳ ⵏ ⵜⵏⵖⵎⴰⵙⵜ ⵜⴰⵣⵣⵓⵍⴰⵏⵜ, ⴰⴼⵔⴰⴳ ⵏ ⵜⴷⵔⴼⵉⵡⵉⵏ ⵜⵉⴷⵙⵍⴰⵏⵉⵏ, ⵜⵉⴳⵎⵉ ⵅⴼ ⵓⵙⵏⵖⵎⵙ, ⴰⵙⴷⵓⵙ ⵏ ⵜⵙⵉⵎⴰⵏⵜ ⵜⴰⵎⵓⵟⵟⵓⵏⵜ, ⴰⵎⵢⴰⵡⴰⵙ ⴰⴳⵔⴰⵖⵍⴰⵏ… ⴰⵜⴳ.
ⵜⵉⵏⴰⵡⵜ ⴰⴷ ⵜⴻⵜⵜⵓⵙⵏⵎⴰⵍⴰ ⵙ ⵢⵉⵡⵙ ⵏ ⴽⵉⴳⴰⵏ ⵏ ⵜⵙⵏⵓⵔⴰⵢⵉⵏ ⵏ ⵜⵎⵜⵜⵉⵏ ⵎⵓⵏⵉⵏ ⴷ ⵉⵙⵓⴷⵙⵏ ⵉⴳⵔⴰⵖⵍⴰⵏⵏ ⵏ ⵜⵉⴳⵎⵉ. ⵜⵉⵏⴰⵡⵜ ⴰⴷ ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⴷⵓⵙ ⵏ ⵜⴷⵉⵎⵓⵇⵕⴰⵟⵉⵜ ⴳ ⵜⵎⵏⴰⴹⵜ ⴰⴷ ⵜⴰⴼⵔⵉⵇⵜ ⴷ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵜ ⵙ ⵓⵎⴰⵜⴰ ⵙ ⵓⵙⴷⵓⵙ ⵏ ⵜⵎⵢⴰⵎⴰⵏⵜ ⵜⴰⵙⵖⵎⵙⴰⵏⵜ ⴷ ⵢⵉⴽⵣ ⵏ ⵓⵣⵔⴼ ⵏ ⵉⵏⵎⵓⵔⵉⵏ ⴳ ⵉⵏⵖⵎⵉⵙⵏ ⵏ ⵜⵉⴷⵜ ⵉⴳⴰⵏ ⴰⴱⵖⵓⵔ ⴰⴳⴷⵓⴷⴰⵏ.
ⵜⵉⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⴳⴳⵯⵔⴰⵏⵜ ⵙ ⵓⵎⵙⴰⵙⴰ ⵅⴼ ⵢⴰⵏ ⵓⵙⴰⵜⵉ ⴰⵙⵟⵕⴰⵜⵉⵊⵉ ⴷ ⵢⴰⵏ « ⵓⵖⴰⵡⴰⵙ ⵏ ⵜⵡⵓⵔⵉ ⵏ ⴱⵔⴰⵢⴰ » ⵉⵡⴰⵜⵙⵏ ⵉⵡⵙ ⵏ ⵜⵎⵓⵔⴰ ⵜⵉⴼⵔⵉⵇⵉⵏ ⴰⴼⴰⴷ ⴰⴷ ⴰⴼⵏⵜ ⵜⵉⵎⵔⵓⵔⵉⵏ ⵜⵉⵙⵓⵍⴰⵏⵉⵏ ⵜⵉⵎⵣⵔⴰⴽⵉⵏ ⵉ ⵜⴷⵔⴼⵉⵡⵉⵏ ⵜⵉⴷⵙⵍⴰⵏⵉⵏ, ⵉ ⵓⵀⵛⵓⵛⴰ ⵓⵚⴽⵉⵡ ⵏⵏⴰ ⵉⵜⵜⴰⵎⵎⴰⵏ ⵉ ⵡⵓⵖⵓⴷ ⵏ ⵓⵏⵖⵎⵉⵙ.
ⵜⵎⵓⵏ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏⵜⵜⴰⵜ ⴷ ⵎⴰⵙⵙ ⵟⴰⵍⴰⵍ ⵚⴰⵍⴰⵃⴷⴷⵉⵏ, ⴰⵎⵙⵙⵓⴳⵓⵔ ⵏ ⵜⵖⴰⵡⵙⵉⵡⵉⵏ ⵜⵉⴼⵔⵉⵇⵉⵏ ⴷ ⵜⴳⵔⴰⵖⵍⴰⵏⵉⵏ ⴰⴳⵓⵏⵙ ⵏ ⵜⵎⵔⵙⵍⵜ.
