ⵉⵥⵍⵉ ⵡⵓⵎⵓ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵙⵓⵜⵍⵜ ⵜⵉⵙⵙ 31 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ ⵙ ⵓⵙⵏⵎⴰⵍⴰ ⵏ ⴽⵉⴳⴰⵏ ⵏ ⵜⵙⴰⵡⵔⵉⵏ ⴷ ⵉⵙⵎⵏⵉⴷⵏ ⵉ ⵓⴳⴷⵓⴷ ⴰⵎⵥⵢⴰⵏ. ⵜⵉⵙⵓⵜⵍⵉⵏ ⴰⴷ ⵉⵡⵉⵏ ⴷ ⵅⴼ ⵉⵙⴳⵓⵎⵏ ⵉⵎⵉⵔⴰⵏⵏ : ⴰⵎⵏⵏⵓⵖ ⵎⴳⴰⵍ ⵉⵅⵕⵕⵉⵇⵏ, ⵉⵏⴰⵡⵏ ⵏ ⵓⴽⵙⴰⵏ ⴷ ⵜⴽⵕⴹⵉ, ⵜⴰⵏⵏⴰⵢⵉⵏ ⵜⵓⵔⵙⵉⵍⵉⵏ ⵏⵖ ⴰⵙⵡⵓⵔⵉ ⵙ ⵜⴽⵏⴷⴰⵡⵜ ⵏ ⵜⵉⵖⵉⵙⵜ ⵜⵎⵉⵍⵥⵉⵜ ⴳ ⵜⵓⵎⴰⵢⵉⵏ ⵜⵉⵙⵏⵖⵎⴰⵙⵉⵏ.
ⵜⵉⵙⴰⵡⵔⵉⵏ ⴰⴷ, ⵉⵙⵎⵓⵙⵙ ⵜⵏⵜ ⴽⵉⴳⴰⵏ ⵏ ⵉⵙⴰⵜⵉⵢⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵡⴰⵜⵙⵏⵜ ⴰⵎⵔⴰⵔⴰ ⴰⴽⴷ ⵉⵏⵔⵣⴰⴼ ⵙ ⵉⵎⵥⵍⵉ ⴰⵙⵡⵓⵔⵉ ⴰⵎⵙⵜⴳⴳⴰⵔ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴷ ⵜⵉⴹⴰⴼ ⵏ ⵉⵎⵙⵡⵓⵔⴰ ⵉⵎⵥⵢⴰⵏⵏ, ⴳⴰⵏ ⴰⵙⵏⵖⵎⵙ ⴰⵡⵔⴳⵍ ⵏⵖ ⵡⵉⵏ ⵉⵥⴹⵡⴰⵏ ⵉⵏⴰⵎⵓⵏⵏ.
ⵓⴳⴰⵔ ⵏ ⵓⵙⴳⵎⵉ ⵅⴼ ⵓⵙⵏⵖⵎⵙ, ⵜⴰⵎⴷⵔⴰⵡⵜ ⵜⴰⵙⵓⵍⴰⵏⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵏⵎⵓⴳⴳⴰⵔ ⴰⴷ ⴰⵎⵇⵔⴰⵏ ⴰⴷⵍⵙⴰⵏ, ⵉⵜⵜⵓⵣⵎⵎⴻⵎ ⴳ ⵢⴰⵜ ⵜⴽⵍⵉ ⵉⵅⴰⵜⵔⵏ ⵓⴳⴰⵔ : ⵉⵡⵙ ⵅⴼ ⵢⴰⵏ ⵓⵙⴰⴳⵍⴰ ⵢⵓⴼⵏ ⵏ ⵜⴷⵍⵙⴰ ⵏ ⵓⵙⵍⴳⵏ ⴰⵙⵉⵎⴰⵏ ⵏ ⵓⵙⵏⵖⵎⵙ ⴷ ⵓⵙⵉⵙⵙⵏ ⵏ ⵉⵣⵔⴼⴰⵏ ⵉⴷⵙⵍⴰⵏⵏ ⵏ ⵉⵏⵎⵓⵔⵉⵏ. ⴰⵙⴰⵢⵔⴰⵔ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴳ ⵍⵍⴰⵏ ⵉⵎⴰⵙⵙⵏ ⵉⵎⵢⴰⵖⵏ ⵏ ⵓⵎⵢⴰⵡⴰⴹ, ⵉⵍⵉⵏ ⵉⴷⵍⵉⵙⵏ ⵏ ⵜⵎⵔⵙⵍⵜ, ⵉⴳⴰ ⵢⴰⵏ ⵓⵙⴰⵢⵔⴰⵔ ⵉⵎⵉⵙⵉ ⵏ ⵜⴱⵉⴷⴰⵖⵓⵊⵉⵜ ⵜⴰⵎⵔⵙⴰⵍⵜ, ⵉ ⵓⴳⴷⵓⴷ ⵎⵇⵇⵓⵔⵏ ⴰⴼⴰⴷ ⴰⴷ ⵢⵉⵙⵉⵏ ⵜⵉⵙⵎⵉⴳⵍⵉⵏ, ⴷ ⵓⵙⵡⵓⵔⵉ ⴷ ⵓⵡⵜⵜⴰⵙ ⵏ ⵜⵎⵔⵙⵍⵜ ⵜⴰⵙⵉⵎⴰⵏⵜ ⵏ ⵓⵙⵍⴳⵏ.
ⵢⵓⴷⴼ ⵓⵙⴰⵢⵔⴰⵔ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⵙⴰⵢⵔⴰⵔ ⵎⵇⵇⵓⵔⵏ ⵏ ⵜⵎⵔⵙⴰⵍ ⵏ ⵜⵉⵏⵏⵓⴱⴹⴰ ⵉⵀⵢⵢⴰⵏ, ⵜⴰⵙⴳⴰ ⵏ ⵓⵙⵇⵇⵉⵎ ⴰⴷⴰⵎⵙⴰⵏ ⴰⵏⴰⵎⵓⵏ ⴰⵡⵏⵏⴰⴹ, ⴷ ⵓⵙⵇⵇⵉⵎ ⵏ ⵓⵎⵣⵉⵣⵡⵔ, ⴷ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵣⴷⴳⵉ, ⴷ ⵓⵖⴹⴰⴼ ⴷ ⵓⵎⵏⵏⵓⵖ ⵎⴳⴰⵍ ⴰⴳⵓⴼⵙⵓ, ⴷ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵉⴹⴰⴼ ⴷ ⵓⴼⵔⴰⴳ ⵏ ⵉⵙⴼⴽⴰ ⵉⵏⵉⵎⴰⵏⵏ. ⵜⵉⵍⵉⵜ ⴰⴷ ⵜⴰⴳⵔⴰⵡⴰⵏⵜ ⵜⵓⴷⵊⴰ ⴰⴳⴷⵓⴷ ⵏ ⵉⵏⵣⵔⴰⴼⵏ ⴰⴷ ⵉⵙⵉⵏⵏ ⵜⵉⵙⵎⵉⴳⵍⵉⵏ ⵏ ⴽⵓ ⵜⴰⵎⵔⵙⵍⵜ ⴷ ⵓⵎⵢⴰⵡⴰⵙ ⴳⵔⴰⵙⵏⵜ ⵅⴼ ⵜⵏⴰⴼⵓⵜ ⵏ ⵉⵣⵔⴼⴰⵏ ⴷ ⵜⵍⴻⵍⵍⵉ ⵏ ⵉⵏⵎⵓⵔⵉⵏ, ⴷ ⵜⴳⵎⵉ ⵜⴰⵏⴼⴳⴰⵏⵜ ⵜⴰⵙⵓⵍⴰⵏⵜ ⴷ ⵜⴷⵉⵎⵓⵇⵕⴰⵟⵉⵢⵜ ⵜⴰⵎⴷⵔⴰⵡⵜ.
