ⵜⵙⵏⵓⴱⴳ ⵜⵙⵍⵡⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 22 ⵎⴰⵢⵓ 2026 ⴳ ⵓⵙⵖⵉⵎ ⵏ ⵜⵎⵔⵙⵍⵜ ⴳ ⵕⵕⴱⴰⵟ, ⵎⴰⵙⵙ ⴰⵍⴼⵓⵏⵙⵓ ⴳ. ⵟⵓⵡⴻⵀ, ⴰⵙⵍⵡⴰⵢ ⵏ ⵜⵎⵙⵎⵓⵏⵜ ⵏ ⵉⵎⵥⵕⴰⴳ ⵏ ⵍⵉⴱⵉⵔⵢⴰ, ⴷ ⵎⴰⵙⵙ ⵎⵓⵃⴰⵎⴷ ⵎ. ⴽⴰⵏⵏⴰⵀ, ⴰⵏⵎⵀⴰⵍ ⵏ ⵓⵖⵎⵉⵙ ⵀⵉⵔⵉⵟⴰⵊ, ⵍⴰⵏ ⴳ ⵓⵔⵣⴰⴼ ⵉ ⵍⵎⵖⵔⵉⴱ ⵙⴳ 20 ⴰⵔ 22 ⵎⴰⵢⵓ 2026, ⴳ ⵓⵙⴰⵜⵉ ⵏ ⵜⵉⵏⴰⵡⵜ ⵜⵉⵙⵙ ⵙⵏⴰⵜ ⵏ ⵉⵎⴰⵡⵙⴰⵙⵏ ⵅⴼ ⵓⵙⴳⵓⵎ ⵏ ⵜⵓⴳⴳⵓⵥⵜ ⵏ ⵓⴼⵔⴰ ⴳ ⵜⵡⵏⵏⴰⴹⵜ ⵜⴰⴼⵔⵓⵏⴽⵓⴼⵓⵏⵉⵜ.
ⵙ ⵓⵣⵎⵣⵣⵓ ⴰⴷ, ⵜⵙⵙⵎⵏⵉⴷ ⵎⴰⵙⵙⴰ ⴰⵅⴰⵔⴱⴰⵛ ⵉ ⵓⴽⴰⴱⴰⵕ ⴰⵍⵉⴱⵉⵔⵉ, ⵜⴰⵙⵎⵉⴳⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵏⵉⵎⴰⵏⵜ ⵢⵓⴳⴳⴰⵏ ⵅⴼ ⵓⵙⵍⴳⵏ ⵏ ⵢⵉⴳⵔ ⴰⵙⵍⵉⵥⵕ ⴰⵎⵖⵔⴰⴱⵉ. ⵜⵙⵙⴽⵏ ⴷⵉⵖ ⵜⵏⵙⵙⵉⵅⴼⵜ ⵜⵉⵍⴰⵍⵜ ⵏ ⵜⵎⵔⵙⵍⵜ ⴳ ⵓⵣⵣⵉⴳⵣ ⵏ ⵓⵙⴷⵓⵙ ⵏ ⵜⴷⵉⵎⵓⵇⵕⴰⵜⵉⵜ ⵙ ⵓⴱⵔⵉⴷ ⵏ ⵓⴹⵎⴰⵏ ⴷ ⵓⴼⵔⴰⴳ, ⴰⴳⵓⵏⵙ ⵏ ⵓⵙⵏⵖⵎⵙ ⴰⵙⵍⵉⵥⵕ ⴰⴳⴷⵓⴷⴰⵏ ⴷ ⵡⵓⵙⵍⵉⴳ, ⵜⵉⵍⴻⵍⵍⵉ ⵏ ⵓⵡⵏⵏⵉ, ⵜⴰⵎⴰⴳⵓⵜ ⵏ ⵜⴰⵏⵏⴰⵢⵜ, ⴰⵎⵢⴰⵏⴰⵡ ⴰⴷⵍⵙⴰⵏ ⴷ ⵓⵙⵏⵉⵍⵙ ⴷ ⵓⵣⵔⴰⴽ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴷ ⵡⴰⴷⴷⵓⵔ ⴰⵏⴼⴳⴰⵏ. ⵜⵙⵙⵎⵏⵉⴷ ⴷⵉⵖ ⵜⵉⴳⴰⵡⵜ ⵜⴰⴼⵔⵉⵇⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵙⴰⵜⵉ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⴷ ⵓⵎⵢⴰⵡⴰⴹ ⴳ ⵓⴱⵖⵓⵔ ⵏ ⵓⵙⵍⴳⵏ ⴰⴼⵔⵉⵇ ⴰⵏⴰⴱⴰⴹ, ⵉⵏⵎⵏ ⴷ ⵜⵉⵍⴰⵡⵜ ⵏ ⵜⵎⵏⵥⴰⵡⵜ.
ⵎⵏⴰⴳⴳⴰⵔⵏ ⴷⵉⵖ ⵉⵎⵙⵜⴳⴳⴰⵔⵏ ⵙ ⵙⵉⵏ ⵏ ⵜⵖⴰⵎⵙⴰ ⵜⴰⵍⵉⴱⵉⵔⵉⵜ ⴷ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵃⵉⴹⵕⵏ ⵉ ⵢⴰⵏ ⵓⵙⵙⵎⵏⵉⴷ ⵏ ⵓⵏⵎⵀⴰⵍ ⵏ ⵉⵏⴳⵔⴰⵡⵏ ⵏ ⵓⵙⵏⵖⵎⵙ ⵅⴼ ⵉⵎⴰⵙⵙⵏ ⵏ ⵜⵙⵏⵎⴰⵍⴰⵢⵜ ⵖⵓⵔ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ ⴳ ⵓⴹⴼⴼⵓⵕ ⴷ ⵓⵙⵡⵓⴷⴷⵓ ⵏ ⵉⵖⴰⵡⴰⵙⵏ ⵉⵙⵍⵉⵥⵕⵏ.
ⵜⴰⵎⵓ ⴳ ⵓⴳⵔⴰⵡ ⴰⴷ, ⴰⵡⴷ ⵎⴰⵙⵙⴰ ⵎⴰⵊⵉⴷⴰ ⵚⴰⴱⵉⵔ, ⵜⴰⵎⵙⵜⴳⴳⴰⵔⵜ ⵏ ⵉⵣⴷⴰⵢⵏ ⴰⴽⴷ ⵜⴰⵖⴰⵎⵙⴰ ⴰⴳⵓⵏⵙ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ.
