ⵙ ⵓⵣⵎⵣⵣⵓ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ, ⵓⵙⵏⵎⴰⵍⴰ ⵓⴳⵔⴰⵡⴰ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵙⵙ ⵏ 10 ⵎⴰⵕⵚ 2022, ⵢⴰⵜ ⵜⵙⴰⵡⵔⵜ ⵜⴰⵙⵎⵓⵙⵙⴰⵏⵜ ⵅⴼ ⵓⵙⴳⵓⵎ « ⴰⵙⵏⵖⵎⵙ ⴷ ⵜⵏⴰⵔⴰ ⵏ ⵜⵎⵖⴰⵔⵉⵏ, ⵜⵉⵎⵙⵙⵉⵍⵉⵢⵉⵏ ⵏ ⵜⵉⴳⴰⵡⵜ ⴷ ⵜⵎⵙⴽⴰⵔⵉⵏ ⵉⵖⵓⴷⴰⵏ ».

ⵜⵉⵡⵓⵔⵉⵡⵉⵏ ⵏ ⵜⵙⴰⵡⵔⵜ ⴰⴷ ⵕⵥⵎⵏ ⴰⴱⵔⵉⴷ ⵉ ⵓⵙⵏⴼⵍ ⵉ ⵜⵎⴷⵔⴰⵡⵜ ⵏ ⵓⵙⵏⵖⵎⵙ ⵉ ⵓⵙⴷⵓⵙ ⵏ ⵜⵏⴰⵔⴰ ⵏ ⵜⵎⵖⴰⵔⵉⵏ ⴰⵔ ⵜⵙⵙⵓⵎⵓⵔ ⴽⵉⴳⴰⵏ ⵏ ⵜⵖⴰⵔⴰⵙⵉⵏ ⵏ ⵓⵙⵡⵉⵏⴳⵎ ⵉⵣⴷⵉⵏ ⵙ ⵉⵎⵥⵍⵉ ⴷ ⵜⵎⵙⴽⴰⵔⵉⵏ ⵉⵖⵓⴷⴰⵏ ⵏⵏⴰ ⵏ ⵉⵇⵇⴰⵏ ⴰⴷ ⵜⵜⵓⵙⵔⵙⵏⵜ, ⵙ ⵓⵣⵔⴰⴽ ⵏ ⵜⵍⴻⵍⵍⵉ ⵏ ⵜⵉⵔⵔⴰ ⵏ ⵓⵙⵏⵖⵎⵙ, ⴰⴼⴰⴷ ⴰⴷ ⵉⵜⵜⵓⵙⵎⵓⵙⵙ ⴷ ⴰⴷ ⴷⵓⵎⵏ ⵉⵎⵣⴷⴰⵢⵏ ⵉⵎⵚⴽⴰⵡⵏ ⵉⵕⵡⴰⵏ ⴳⵔ ⵢⵉⴳⵔ ⴰⵖⵎⵙⴰⵏ ⴷ ⵢⵉⴳⵔ ⴰⵙⵔⵜⴰⵏ, ⴰⵏⵎⵍⴰⵢ, ⴰⴷⴰⵎⵙⴰⵏ, ⴰⵜⴳ.

ⵙⴳ ⵓⵎⵏⵣⴰⵢ ⵏ ⵉⵙ ⴷ ⵜⴰⵏⴰⵔⴰ ⵏ ⵜⵎⵖⴰⵔⵉⵏ ⴷⴰ ⵜⵜⴹⴰⵚ ⵙ ⵡⵓⴷⵎ ⵓⵎⵏⵉⴳ ⴰⵎⵓⵔⵙ ⴰⵎⴰⵜⴰⵢ ⵏ ⵡⴰⵎⵓⵏ, ⵉⵎⴷⵔⴰⵡⵏ ⵏ ⵜⵙⴰⵡⵔⵜ ⵓⴽⵣⵏ ⵉⵙ ⴷ ⵜⵉⴳⵎⵉ ⵏ ⵜⵎⴷⵔⴰⵡⵜ ⴷ ⵜⵉⵏ ⵜⵏⴰⵔⴰ ⵏ ⵜⵎⵖⴰⵔⵉⵏ ⵉⴳⴰ ⴰⵣⵓⵛⵛⵍ ⵏ ⵜⵖⴷⵎⵜ, ⵏ ⵜⵉⴳⵎⵉ ⵜⴰⵏⴰⵎⵓⵏⵜ ⴷ ⵜⴷⴰⵎⵙⴰⵏⵜ, ⵜⵉⵏ ⵓⵙⵙⵓⵎⵓ ⴷ ⵓⵎⵢⴰⵏⴰⵡ  ⴷ ⵉⵣⵔⴼⴰⵏ ⵏ ⵉⵏⵎⵓⵔⵉⵏ.

ⴰⵎⵓⵏ ⴳ ⵜⵡⵓⵔⵉⵡⵉⵏ ⵏ ⵜⵙⴰⵡⵔⵜ ⵉⵜⵙ ⵏ ⵉⵏⵖⵎⴰⵙⵏ ⴷ ⵉⵎⵙⵜⴳⴳⴰⵔⵏ ⵏ ⵜⵉⵔⵔⴰ, ⵉⵎⵙⵏⵓⵍⴼⴰ ⵏ ⵜⵓⵎⴰⵢⵉⵏ ⵏ ⵓⵥⵟⵜⴰ ⵏ ⵍⵉⵏⵜⵉⵔⵏⵉⵜ, ⵉⵎⵙⵜⴰⵢⵏ, ⵉⵏⵙⵙⴼⴰⵡⵏ ⵉⴳⵔⴰⵡⴰⵏⵏ ⴷ ⵉⵙⵎⴷⵢⴰⵜⵏ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴰⵎⵎ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵇⵇⵉⵎ ⴰⴷⴰⵎⵙⴰⵏ ⴰⵏⴰⵎⵓⵏ ⴷ ⵓⵡⵏⵏⴰⴹ, ⵜⴰⵎⵙⵎⵓⵏⵜ ⵏ ⵜⵎⵏⴰⴹⵉⵏ ⵏ ⵍⵎⵖⵔⵉⴱ, ⴰⵡⴷ ⵉⵎⵓⵣⴰⵢ ⵏ ⵉⵣⵔⴰⴼⵏ ⵉⵏⴼⴳⴰⵏⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ.

ⴰⴷ ⵏⵉⵙⵉⵏ ⵉⵙ ⴷ ⴰⵙⵏⵎⵍ ⵏ ⵜⵙⴰⵡⵔⵜ ⴰⴷ ⵜⴰⵎⵢⴰⵏⴰⵡⵜ ⵉⵜⵜⵓⵣⵎⵎⴻⵎ ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⵜⴰⴷⵓⵙⵜⵓⵔⵉⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⴳⵎⵉ ⵏ ⵜⴷⵍⵙⴰ ⵏ ⵓⵙⵙⵓⵎⵓ ⴷ ⵓⵙⵉⴽⵙⵍ ⴳ ⵓⵙⵏⵖⵎⵙ ⴰⵙⵍⵉⵥⵕ. ⵜⴰⵎⴷⵔⴰⵡⵜ ⴰⴷ, ⴷⵉⴳⵙ ⴰⵡⴷ ⴰⵙⵢⴰⴼⵓ ⴰⵍⵓⴳⴰⵏ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵔⵔⵓⵙ ⵏ ⵉⵎⴰⵙⵙⵏ ⵏ ⵓⵙⵏⴰⵎ ⵉⵎⵓⵏⵏ ⴷ ⵡⴰⵏⴰⵡ ⴷ ⵓⵙⵥⵕⴳ ⵏ ⵜⵏⴰⴹⵉⵏ ⵜⵉⵙⴳⵓⵎⵉⵏ ⵉⵣⴷⵉⵏ ⴷ ⵜⵖⴰⵡⵙⴰ ⵢⴰⴷ.