ⵢⴰⵎⵓ ⵓⴷⵔⴰⵡ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵙⵙ ⵏ 20 ⴽⵜⵓⴱⵕ ⴳ ⵡⴰⴳⴰⴷⵓⴳⵓ ⴳ ⵜⵡⵓⵔⵉⵡⵉⵏ ⵏ ⵜⵙⴰⵡⵔⵜ ⵅⴼ ⵓⴼⵔⴰⴳ ⵏ ⵍⴰⵕⵛⵉⴼ ⴰⵙⵍⵉⵥⵕ, ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⵏ ⴱⵓⵔⴽⵉⵏⴰ ⴼⴰⵚⵓ ⴳ ⵓⵙⴰⵜⵉ ⵏ ⵓⵙⵡⵓⵔⵉ ⵏ ⵜⵉⴼⵔⵜ ⵏ ⵓⴱⵔⵉⴷ 2021-2022 ⵏ ⵜⵙⵉⵍⴰ ⵏ ⵉⵎⵙⵏⴰⵎⵏ ⵏ ⵜⵎⵓⵔⴰ ⵢⴰⵎⵓⵏ ⴳ UEMOA  (ⵜⴰⵎⵓⵏⵜ ⵜⴰⴷⴰⵎⵙⴰⵏⵜ ⴷ ⵜⵥⵕⴼⴰⵏⵜ ⵏ ⵓⵖⵍⵍⵓⵢ ⴰⴼⵔⵉⵇⵉ) ⴷ ⵖⵉⵏⵢⴰ.

ⴽⵕⴰⴹ ⵉⵙⴳⵓⵎⵏ ⵉⵣⴷⵉⵏ ⴷ ⵓⴼⵔⴰⴳ ⴷ ⵓⵙⵡⵓⵔⵉ ⵏ ⵉⴷ ⵍⴰⵕⵛⵉⴼ ⵉⵙⵍⵉⵥⵕⵏ ⴳ ⵜⴼⵔⵉⵇⵜ ⴰⵢⴷ ⵉⵍⵍⴰⵏ ⴳ ⵜⵙⴰⵡⵔⵜ ⴰⵏ : ⵜⵉⵎⵓⴽⵔⵉⵙⵉⵏ ⵏ ⵓⵃⴹⴰⵡ ⵖⵓⵔ ⵜⵏⴰⴼⵓⵜⵉⵏ, ⵜⵉⵍⴰⵍⵉⵏ ⴷ ⵜⵎⵙⵜⴳⴳⴰⵔ ⵏ ⵉⵡⵔⵉⴽⵏ ⵢⵓⴳⴳⴰⵏ ⵅⴼ ⵓⵃⴹⴰⵡ ⵏ ⵉⴷ ⵍⴰⵕⵛⵉⴼ, ⴷ ⵜⵎⵙⴰⵔⵜ ⵏ ⵓⵣⴷⴰⵢ ⵉⵍⵍⴰⵏ ⴳⵔ ⵉⴷ ⵍⴰⵔⵛⵉⴼ ⵉⵙⵍⵉⵥⵕⵏ ⴷ ⵓⴼⵔⴰⴳ ⵏ ⵜⵎⵓⵙⵉⵏ ⵜⵉⴷⵍⵙⴰⵏⵉⵏ ⵜⵉⵏⴰⵎⵓⵔⵉⵏ.

ⴰⵎⵓⵏ ⴳ ⵉⵙⴳⵔⴰⵡⵏ ⴰⴷ, ⵎⴰⵙⵙ ⵟⴰⵍⴰⵍ ⵚⴰⵍⴰⵃⴷⴷⵉⵏ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⴼⵔⵉⵇⵉⵏ, ⵎⴰⵙⵙ ⴰⵃⵎⴷ ⵍⵄⴰⵟⵜⴰⵔⵉ ⴰⵏⵎⵀⴰⵍ ⵏ ⵉⴳⵊⴷⵉ ⴰⴷⴰⵎⵙⴰⵏ ⵏ ⵓⵙⵏⵖⵎⵙ ⴷ ⵎⴰⵙⵙ ⵢⴰⵙⵉⵏ ⵛⴰⵕⴰⴼ  ⴰⵎⴰⵙⴰⵢ ⵏ ⵜⵖⵓⵔⵉⵡⵉⵏ ⴳ ⵓⵙⴰⴹⴰⴼ ⵏ ⵓⵎⵢⴰⵏⴰⵡ ⴰⴳⵓⵏⵙ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ. ⵉⵜⵜⵓⵙⴽⵔ ⵓⵎⴳⵔⴰⵡ ⴰⴷ ⵜⴰⵙⴳⴰ ⵏ ⵓⴳⴷⵓⴷ ⵡⵉⵙⵙ 27 ⵏ ⵙⵉⵏⵉⵎⴰ ⴷ ⵜⵉⵍⵉⴼⵉⵣⵢⵓⵏ ⴰⴼⵔⵉⵇⵉ ⵏ ⵡⴰⴳⴰⴷⵓⴳⵓ ⵙⴳ 16 ⴰⵔ 23 ⴽⵜⵓⴱⵕ 2021.

ⴰⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵣⵡⴰⵔ ⴰⵙ ⵜⵏⵙⵙⵉⵅⴼⵜ ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ ⵏⵏⴰ ⵢⴰⵎⵓⵏ ⴷⵉⵖ ⴳ ⵓⵏⴳⵔⴰⵡ ⴰⴳⵔⴰⵖⵍⴰⵏ ⵅⴼ ⵙⵉⵏⵉⵎⴰ ⵏ ⵜⴼⵔⵉⵇⵜ ⴷ ⵉⵎⵣⵡⴰⴳⵏ : ⵜⴰⵏⵏⴰⵢⵉⵏ ⵜⵏⵥⵕⵉⵜⵉⵏ  ⵜⵉⵎⴰⵢⵏⵓⵜⵉⵏ, ⵓⵙⵙⴰⵏ ⵏ 18 ⴷ 19 ⴽⵜⵓⴱⵕ 2021.

ⴳⵔ ⵉⵙⵇⵙⵉⵜⵏ ⵏⵏⴰ ⵅⴼ ⵎⵙⴰⵡⴰⵍⵏ ⵉⵎⴳⵔⴰⵡⵏ ⵜⵍⵍⴰ ⵜⵓⵚⴽⵉⵡⵜ ⵜⴰⵣⵔⴼⴰⵏⵜ ⵏ ⵜⵍⴰⵍⵉⵜ ⵏ ⵉⴳⴰⴷⴰⵣⵏ ⵏ ⵙⵉⵏⵉⵎⴰ ⵜⴰⴼⵔⵉⵇⵜ ⴳ ⵢⴰⵜ ⵜⵡⵏⵏⴰⴹⵜ ⵉⵎⵎⵔⵡⴰⵙⵏ ⴷ ⵜⵓⵙⵓⵔⵜ ⵜⴰⵏⴰⵎⵓⵏⵜ ⴷ ⵜⴷⴰⵎⵙⴰⵏⵜ ⵏ ⵓⴽⵓⴼⵉⴷ-19 ⵅⴼ ⵙⵉⵏⵉⵎⴰ ⴷ ⵓⵙⵍⵉⵥⵕ.