ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⴰⵙⵙ ⵏ 1 ⵢⵓⵏⵢⵓ 2022 ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙ ⵙⵉⵍⴼⵔ ⴰⴱⵓⴱⴰⴽⴰⵔ ⵎⵉⵏⴽⵓ-ⵎⵉ-ⵏⵙⵉⵎ, ⴰⵎⵙⵇⴰⴷ ⵉⵥⵍⵉⵏ ⴷ ⵓⵎⴰⵡⵙⴰⵙ ⵏ ⵜⴳⴷⵓⴷⴰⵏⵜ ⵏ ⵍⴳⴰⴱⵓⵏ ⴳ ⵍⵎⵖⵔⵉⴱ.

ⵉⵡⵏⴰⵏ ⵏ ⵓⵎⵛⴰⵡⴰⵕ ⴰ, ⵜⵙⵙⵎⵏⴷ ⵎⴰⵙⵙⴰ ⴰⵅⵔⴱⴰⵛ ⵉⵙⴳⵓⵎⵏ ⵉⵅⴰⵜⴰⵔⵏ ⵏ ⵜⵙⵎⴳⵍⵜ ⵜⴰⵎⵔⵙⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵉⵎⴰⵏⵜ ⵢⵓⵙⵉⵏ ⵜⴰⵙⵎⵉⴳⵍⵜ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴰⵙⵍⵉⵥⵕ, ⵙ ⵉⵎⵥⵍⵉ ⴳ ⵓⵢⵏⵏⴰ ⵉⵣⴷⵉⵏ  ⴷ ⵓⴹⵎⴰⵏ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⴰⵙⵔⵜⴰⵏ, ⴰⵏⴰⵎⵓⵏ ⴷ ⵓⴷⵍⵙⴰⵏ ⴰⴳⵓⵏⵙ ⵏ ⵓⵙⵏⵖⵎⵙ ⴰⵙⵍⵉⵥⵕ ⴷ ⵓⴼⵔⴰⴳ ⵏ ⵓⵣⵔⴰⴽ ⵏ ⵉⵎⵏⵣⴰⵢⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵕⴰⵟⵉⵢⵏ ⴰⴳⵓⵏⵙ ⵏ ⵜⵓⵎⴰⵢⵉⵏ ⵜⵉⵙⵏⵖⵎⴰⵙⵉⵏ ⴰⵎ ⵓⵣⵔⴰⴽ ⵏ ⵡⴰⴷⴷⵓⵔ ⴰⵏⴼⴳⴰⵏ ⴷ ⵜⵎⴰⵜⴰⵔⵜ ⵏ ⵜⵉⵣⵣⵉⴷⴳⴰ, ⴰⵙⵓⵎⵓ ⵏ ⵡⴰⵏⴰⵡ, ⴰⵙⴱⴷⴷⵉ ⵏ ⵜⵉⵏⴰⵡⵉⵏ ⵏ ⵓⴽⵙⴰⵏ ⴷ ⵓⵙⵏⵓⵃⵢⵓ ⴷ ⴰⵡⴷ ⴰⴼⵔⴰⴳ ⵏ ⵜⵓⴷⵔⵜ ⵜⵓⵙⵍⵉⴳⵜ ⴷ ⵓⴼⵔⴰⴳ ⵏ ⵓⴳⴷⵓⴷ ⴰⵎⵥⵢⴰⵏ.

ⴳ ⵜⵙⴳⴰ ⵏⵏⵙ, ⵉⵙⵙⴽⵜⵉ ⵎⴰⵙⵙ ⴰⵎⵙⵇⴰⴷ ⵙⵉⵍⴼⵔ ⴰⴱⵓⴱⴰⴽⴰⵔ ⵎⵉⵏⴽⵓ-ⵎⵉ-ⵏⵙⵉⵎ, ⵉⵣⴷⴰⵢⵏ ⵏⵏⴰ ⵉⵙⵎⵓⵏⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵍⴳⴰⴱⵓⵏ, ⵉⵙⴰⵡⵍ ⵅⴼ ⵜⵣⵎⵔⵜ ⵏⵏⵙ ⵏ ⴰⴷ ⵢⴰⵡⵙ, ⴳ ⵓⵣⵔⴰⴽ ⵏ ⵜⵙⵉⵎⴰⵏⵜ ⵏ ⵜⵎⵔⵙⴰⵍ ⵏ ⵓⵙⵏⴰⵎ, ⴳ ⵜⵡⵓⵔⵉⵡⵉⵏ ⵏ ⵓⵎⵢⴰⵡⴰⵙ ⴳⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵍⵎⵖⵔⵉⴱ ⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ, ⵏ ⵓⵙⵏⴰⵎ ⵏ ⵓⵙⵏⵖⵎⵙ ⵏ ⵍⴳⴰⴱⵓⵏ, ⵉⴳⴰⵏ ⴰⴳⵎⴰⵎ ⴰⵎⵚⴽⵓ ⵏ ⵜⵙⵉⵍⴰ ⵜⴰⵎⵏⵥⴰⵡⵜ ⵏ ⵓⵎⵢⴰⵡⴰⵙ, RIARC  (ⴰⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ).

ⴰⵎⵓⵏ ⴳ ⵓⵎⵛⴰⵡⴰⵕ ⴰ, ⵎⴰⵙⵙⴰ ⵛⵉⵎⵉⵏ ⵜⴰⵜⵉⵢⴰⵏⴰ ⵎⴰⵖⵓⵢⴰ, ⵜⴰⵏⵙⵙⴼⴰⵡⵜ ⵖⵓⵔ ⵓⵎⵙⵇⴰⴷ, ⴷ ⵎⴰⵙⵙ ⵟⴰⵍⴰⵍ ⵚⴰⵍⴰⵃⴷⴷⵉⵏ, ⴰⵎⵙⵙⴰⵏⵓⵏ ⵏ ⵜⵖⴰⵡⵙⵉⵡⵉⵏ ⵜⵉⴼⵔⵉⵇⵉⵏ ⴷ ⵜⴳⵔⴰⵖⵍⴰⵏⵉⵏ ⴷ ⵎⴰⵙⵙ ⴰⵎⵉⵏ ⵍⴱⵓⵄⵣⵣⴰⵡⵉ ⴰⵙⴰⵜⵉ ⴰⵏⴰⴼⵍⵍⴰ ⴳ ⵜⵎⵏⵀⴰⵍⵜ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵉⵣⴷⵉⵏ ⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.