ⵉⵙⵙⴽⵔ ⵢⴰⵏ ⵓⴽⴰⴱⴰⵕ ⵢⵓⵎⴰⵏ ⵙⵏⴰⵜ ⵜⵎⵔⴰⵡⵉⵏ ⵏ ⵉⵎⵃⴹⴰⵕⵏ ⵏ ⵉⵎⵃⴹⴰⵕⵏ ⵏ ⵓⵙⵉⵏⴰⴳ ⴰⵎⴰⵜⵜⴰⵢ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ ⴳ ⵕⵕⴱⴰⵟ, ⴰⵙⵙ ⵏ 03 ⵉⴱⵔⵉⵔ 2024, ⵢⴰⵏ ⵓⵔⵣⴰⴼ ⵏ ⵓⵙⵏⵖⵎⵙ ⵉ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.

ⵙ ⵓⵣⵎⵣⵣⵓ ⵢⴰⴷ, ⵃⴰⴹⵕⵏ ⵉⵎⵃⴹⴰⵕ ⵉ ⵢⴰⵏ ⵓⵙⵎⵏⵉⴷ ⵅⴼ ⵜⵙⵎⵉⴳⵍⵉⵏ, ⵜⵉⵡⵓⵔⵉⵡⵉⵏ,  ⴰⵙⵏⵎⴰⵍⴰ ⴷ ⵓⵙⵡⵓⴷⴷⵓ ⵏ  ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵢⴰⵜ ⵜⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ.  ⴷⵉⵖ, ⵜⵜⵓⵙⵏⵖⵎⵙⵏ ⵅⴼ ⵜⵉⴳⴰⵡⵜ ⵏⵏⴰ ⵜⵙⵙⴽⵔⴰ ⵜⵎⵔⵙⵍⵜ ⴳ ⵓⵢⵏⵏⴰ ⵉⵣⴷⵉⵏ ⵙ ⵓⵙⵙⵉⵍⵉ ⴷ ⵓⵙⴷⵓⵙ ⵏ ⵡⴰⵜⵉⴳⵏ ⴷ ⵉⵎⵏⵣⴰⵢ ⵏ ⵜⵍⴻⵍⵍⵉ ⵏ ⵓⵡⵏⵏⵉ, ⵜⴰⵎⴰⴳⵓⵜ ⵏ ⵓⵡⵏⵏⵉ ⴷ ⵜⵎⵣⴰⵣⵉⵏ ⵏ ⵓⵙⵡⵉⵏⴳⵎ ⴷ ⵜⴰⵏⵏⴰⵢⵜ, ⴷ ⵓⵎⵢⴰⵏⴰⵡ ⴰⴷⵍⵙⴰⵏ, ⴰⵏⴼⴳⴰⵏ, ⵓⵜⵍⴰⵢ ⴷ ⵓⵎⵏⵏⵓⵖ ⵎⴳⴰⵍ ⵜⵉⴳⵓⵔⵉⵡⵉⵏ ⵏ ⵓⵙⴽⴰⵏ ⴷ ⵜⵡⵍⴰⴼⵉⵏ ⵜⵉⵙⴰⵏⴰⵡⵢⵉⵏ ⵉⵣⴷⵉⵏ ⵙ ⴰⵏⴰⵡ ⴰⴳⵓⵏⵙ ⵏ ⵓⵙⵏⵖⵎⵙ ⴰⵙⵍⵉⵥⵕ.

ⵉⵡⵏⴰⵏ ⵏ ⵓⵔⵣⴰⴼ ⵉ ⵉⴷⵖⴰⵔⵏ ⴷ ⵉⵙⵔⵓⵙⵏ ⵉⵜⵉⵇⵏⵉⵢⵏ ⵏ ⵜⵎⵔⵙⵍⵜ, ⵥⵕⴰⵏ ⵉⵎⵃⴹⴰⵕ  ⵉⵎⴰⵙⵙⵏ ⵉⵎⵇⵔⴰⵏⵏ ⵏⵏⴰ ⵉⵙⵙⴽⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉ ⵓⵙⵍⴳⵏ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ.
ⵜⵜⵓⵙⵏⵓⴱⴳⵏ ⵉⵎⵃⴹⴰⵕⵏ ⴰⵡⴷ ⵖⵓⵔ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴷ ⵓⵏⵎⵀⴰⵍ ⴰⵎⴰⵜⴰⵢ, ⵎⴰⵙⵙ ⴱⵏⵄⵉⵙⵙⴰ ⵄⵙⵍⵓⵏ.