ⵉⵙⵏⵓⴱⴳ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙ ⴱⵏⵄⵉⵙⵙⴰ ⵄⵙⵍⵓⵏ, ⴰⵙⵙ ⵏ 25 ⵛⵜⴰⵎⴱⵉⵔ 2025 ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵓⵔⵜ ⵏ ⵓⵕⴰⴷⵢⵓ ⴷ ⵓⵜⵉⵍⵉⴼⵉⵣⵢⵓⵏ ⵏ ⴱⵉⵏⵉⵏ (SRTB), ⵎⴰⵙⵙⴰ ⴰⵏⵊⵉⵍⴰ ⴰⵇⵓⵔⴱⵓⵔⵓ ⵕⴰⴱⴰⵜⵉⵍ, ⵉⵎⵓⵏⵏ ⴷ ⵓⵏⵎⵀⴰⵍ ⴰⵜⵉⵇⵏⵉ ⵏ SRTB ⴷ ⵓⵏⵎⵀⴰⵍ ⵏ ⵓⵕⴰⴷⵢⵓ ⴰⵏⴰⵎⵓⵔ “ⵕⴰⴷⵢⵓ ⴱⵉⵏⵉⵏ”.

ⵉⵡⵏⴰⵏ ⵏ ⵓⵔⵣⴰⴼ ⴰⴷ, ⵉⵙⵎⵏⵉⴷ ⵎⴰⵙⵙ ⵄⵙⵍⵓⵏ ⵉ ⵜⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ SRTB ⴰⵣⵓⵔⵜ ⵏ ⵓⵙⵍⴳⵏ ⴰⵎⵖⵔⴰⴱⵉ, ⵜⵉⵙⵎⵉⴳⵍⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵍⴳⵏ ⵏ ⵢⵉⴳⵔ ⴰⵙⵍⵉⵥⵕ, ⵢⴰⴷⴷ ⵅⴼ ⵜⵉⵍⴰⵍⵜ ⵜⴰⵅⴰⵜⴰⵔⵜ ⵏ ⵜⵎⵔⵙⵍⵜ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵜⵍⴻⵍⵍⵉ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⴹⵎⴰⵏ ⵏ ⵉⵣⵔⴼⴰⵏ ⵏ ⵉⵏⵎⵓⵔⵉⵏ ⴳ ⵜⵓⵎⴰⵢⵉⵏ ⵜⵉⵙⵏⵖⵎⴰⵙⵉⵏ ⵉⵜⵜⵣⵔⴰⴽⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵔⴰⵟⵉⵢⵏ.

ⵉⵎⵙⵜⴳⴳⴰⵔⵏ ⴰⴷ ⵉⴼⵔⵉⵇⵏ ⵙ ⵙⵉⵏ, ⴰⴷⴷⵏ ⵅⴼ ⵉⵙ ⵏ ⵉⵇⵇⴰⵏ ⴰⴷ ⵙⴷⵓⵙⵏ ⵜⴰⴷⵉⵏⴰⵎⵉⵜ ⵜⴰⵎⴳⵔⴰⵡⵜ ⵜⴰⴼⵔⵉⵇⵜ ⴳ ⵢⵉⴳⵔ ⵏ ⵜⵉⴳⴰⵡⵜ ⴷ ⵓⵙⵡⵉⵏⴳⵎ ⴰⵎⴷⵔⴰⵡ ⵉⵣⴷⵉⵏ ⵙ ⵉⵎⵙⵓⵔⵙⵏ ⵉⵅⴰⵜⴰⵔⵏ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⴳⵓⵏⵙ ⵏ ⵜⵎⵏⵥⴰⵡⵜ ⵜⴰⴼⵔⵉⵇⵜ.

ⴳ ⵜⴳⵉⵔⴰ ⵏ ⵓⵎⵙⴳⵔⴰⵡ ⴰⴷ, ⵙⵙⴽⵔⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⵏ ⴱⵉⵏⵉⵏ ⵢⴰⵏ ⵓⵔⵣⴰⴼ ⵉ ⵜⵏⵎⵀⴰⵍⵉⵏ ⵏ ⵜⴰⵣⵣⵓⵍⵉⵏ ⴷ ⵉⵜⵉⵇⵏⵉⵢⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵥⵕⴰⵏ ⴷⵉⵖ ⵉⵎⴰⵙⵙⵏ ⴷ ⵡⴰⵍⵍⴰⵍⵏ ⵏⵏⴰ ⵉⵜⵜⵓⵙⴽⵔⵏ ⴰⴳⵓⵏⵙ ⵏ ⵜⵎⵔⵙⵍⵜ ⵉ ⵜⵓⴳⴳⴰ ⴷ ⵓⵙⵡⵓⴷⴷⵓ ⵏ ⵉⵖⴰⵡⴰⵙⵏ, ⵙ ⵉⵎⵥⵍⵉ ⴰⴳⵓⵏⵙ ⵏ ⵜⵙⵎⵉⴳⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵢⵉⴳⵔ ⵏ ⵓⴹⵎⴰⵏ ⵜⵎⴰⴳⵓⵜ ⵏ ⵓⵡⵏⵏⵉ ⵏ ⵜⵎⵣⴰⵣⵉⵏ ⴰⴽⴽⵯ ⵏ ⵜⴰⵏⵏⴰⵢⵜ ⴳ ⵉⵕⴰⴷⵢⵓⵜⵏ ⴷ ⵉⵜⵉⵍⵉⴼⵉⵣⵢⵓⵏⵏ

ⵉⴳⴷⵓⴷⴰⵏⵏ  ⴷ ⵡⵓⵙⵍⵉⴳⵏ, ⴳ ⵉⵣⵎⵣⵏ ⵏ ⵉⵙⵜⴰⵢⵏ ⴷ ⴱⵕⵕⴰ ⵏ ⵉⵣⵎⵣⵏ ⴰⴷ.

ⴰⵎⵙⴳⵔⴰⵡ ⴰⴷ ⵏ ⵜⵡⵓⵔⵉ ⵉⵜⵜⵓⵙⴽⵔ ⵙ ⵓⵃⵉⴹⵕ ⵏ ⵎⴰⵙⵙ ⴰⵎⵉⵏ ⵄⵣⵣⵉⵎⴰⵏ, ⴰⵏⵎⵀⴰⵍ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵖⵓⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.