ⵙ ⵓⵙⵏⵓⴱⴳ ⵏ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⵙⵙⴽⵔ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵏ ⵓⵙⵏⵖⵎⵙ ⴰⵙⵍⵉⵥⵕ ⵏ ⴰⵍⴱⴰⵏⵢⴰ, ⵎⴰⵙⵙⴰ ⴰⵕⵎⵉⵍⴰ ⴽⵔⵕⴰⵙⵏⵉⵇⵉ ⴰⵙⵙ ⵏ ⴰⴽⵕⴰⵙ 28 ⵎⴰⵢⵓ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵓⵙⵖⵉⵎ ⵏ  ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵕⵕⴱⴰⵟ.

ⴰⵎⵙⴳⵔⴰⵡ ⴰⴷ ⴰⵎⵣⵡⴰⵔⵓ ⴰⵙⵉⵏⵔⴰⵏ ⴳⵔ  ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷⵜⵏⴱⴰⴹⵜ ⵏ ⵓⵙⵏⵖⵎⵙ ⴰⵙⵍⵉⵥⵕ ⵏ ⴰⵍⴱⴰⵏⵢⴰ ⵢⵓⵙⴰ ⴷ ⴳ ⵓⵙⴰⵜⵉ ⵏ ⵜⵣⵎⵎⴰⵔ ⵏ ⵍⴰⵀⴰⴽⴰ ⴳ ⵢⵉⴳⵔ ⵏ ⵓⵎⵢⴰⵏⴰⵡ ⵏ ⵉⵙⵏⵉⴼⵉⵍⵏ ⴷ ⵉⵎⵢⴰⵖⵏ ⴳⵔ ⵜⵎⵔⵙⴰⵍ ⵉⵎⵎⵔⵡⴰⵙⵏ ⵉⵡⴰⵜⵙⵏ ⴰⵙⵖⵓⴷⴰ ⵏ ⵉⵍⵓⴳⵏⵏ ⵉⵣⵔⴼⴰⵏⵏ ⴷ ⵉⵜⵉⵇⵏⵉⵢⵏ ⵏ ⵓⵙⵍⴳⵏ ⵏ ⵜⵏⴰⴼⵓⵜ ⵏ ⵜⵓⴽⴽⵉ ⵜⴰⵙⵍⵉⵥⵕⵜ ⵉⵍⴰⵏ ⵜⴰⵖⴰⵔⴰ ⴰⵔ ⵜⵜⵣⵔⴰⴽ ⵉⵣⵔⴼⴰⵏ ⵏ ⵉⵏⵎⵓⵔⵉⵏ ⵉⵎⵙⵡⵓⵔⴰ ⵏ ⵓⵙⵏⵖⵎⵙ.

ⴰⵎⵙⴳⵔⴰⵡ ⴰⴷ ⵉⴷⴷⴰ ⴷ ⴷⵉⵖ ⵙ ⵜⵎⵔⴰⵔⵓⵜ ⵉ ⵢⵉⵔⵉ ⴰⵎⴳⵔⴰⵡ ⵏ ⵙⵏⴰⵜ ⵜⵎⵔⵙⴰⵍ ⴰⴷ ⴳ ⵓⵙⵎⵣⴷⴰⵢ ⵏ ⵓⵎⵢⴰⵡⴰⵙ ⴳⵔⴰⵙⵏⵜ ⴷⴼⴼⵉⵔ ⴽⵉⴳⴰⵏ ⵏ ⵉⵙⵏⵉⴼⵉⵍⵏ ⵉⵣⵡⴰⵔⵏ, ⵙ ⵉⵎⵥⵍⵉ ⴳ ⵓⵙⴰⵜⵉ ⵏ ⵉⵥⴹⵡⴰⵏ ⵏ ⵉⵎⵙⵍⴳⵏⵏ ⵏ ⵓⵙⵏⵖⵎⵙ ⴳ ⵢⴰⵎⵓ  ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵣⵓⵏⴷ ⴰⵥⵟⵟⴰ ⴰⴼⵔⴰⵏⴽⵓⴼⵓⵏ ⵏ ⵉⵎⵙⵍⴳⵏⵏ ⵏ ⵓⵙⵏⵖⵎⵙ (ⵔⵉⴼⵔⴰⵎ) ⴷ ⵓⵥⵟⵟⴰ ⵏ ⵜⵎⵔⵙⴰⵍ ⵏ ⵓⵙⵍⴳⵏ ⵏ ⵢⵉⵍⵍ ⴰⵏⴰⵎⵎⴰⵙ (ⵔⵉⵔⵎ).

ⴰⵣⵔⴰⴼ ⵏ ⵜⵏⵙⵙⵉⵅⴼⵜ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⵏ ⴰⵍⴱⴰⵏⵢⴰ, ⵉⵎⵓⵏⵏ ⴷ ⵓⵎⴰⵔⴰ ⴰⵎⴰⵜⴰⵢ ⵎⴰⵙⵙ ⵕⵓⵎⵍⴷⴰ ⵕⴰⴱⵓⵍⴰⵔⵉ, ⵉⴳⴰ ⴰⵣⵎⵣ ⵏ ⵉⵙⵎⵏⵉⴷⵏ ⵏ ⵢⵉⵔⵎⵏ ⴷ ⵓⵙⵏⵎⴰⵍⴰ ⴷ ⵓⵙⵡⵓⴷⴷⵓ ⵏ ⵙⵏⴰⵜ ⵜⵎⵔⵙⴰⵍ ⴰⴷ.

ⵉⵙⵏⵉⴼⵉⵍⵏ ⴷ ⵉⵎⵛⴰⵡⴰⵕⵏ ⴰⴷ ⵉⵃⴰⴹⵔ ⴰⵙⵏ ⵓⵏⵎⵀⴰⵍ ⴰⵎⴰⵜⴰⵢ ⵏ  ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ ⴷ ⴽⵉⴳⴰⵏ ⵏ ⵉⵏⵎⵀⴰⵍⵏ ⵏ ⵜⵣⵓⵏⵉⵏ. ⵉⵡⵉⵏ ⴷ ⵉⵎⵛⴰⵡⴰⵕⵏ ⴰⴷ ⵅⴼ ⵜⵏⵥⵕⵉⵏ ⵉⵣⴷⵉⵏ ⴷ ⵢⵉⴳⵔ ⵏ ⵓⵙⵏⴰⵎ ⵏ ⵓⵙⵍⴳⵏ ⴷ ⵓⵎⵎⵓⵜⵢ ⴰⵎⵓⵟⵟⵓⵏ ⵏ ⵓⵙⵏⵖⵎⵙ ⴷ ⵓⵎⵎⵓⵜⵢ ⵉⵖⴱⴰⵏ ⵏ ⵜⵡⵏⵏⴰⴹⵜ ⵜⴰⵏⵖⵎⴰⵙⵜ.

ⵙ ⵓⵢⴰⴷ, ⵜⵙⵎⵏⴷ ⵎⴰⵙⵙⴰ ⴽⵕⴰⵙⵏⵉⵇⵉ ⵉⵣⵣⵉⴳⵣⵏ ⵏ ⵓⵙⴰⵜⵉ ⴰⵣⵔⴼⴰⵏ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴳ ⴰⵍⴱⴰⵏⵢⴰ ⴳ ⵓⵎⵏⴰⴹ ⵏ ⵜⵉⵎⵏⴽⴷⵜ ⵏ ⵜⵎⵓⵔⵜ ⵏⵏⵙ ⴳ ⵓⵍⵜⴰⵖ ⵉ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵜⵎⵙⴰⵙⵉⵜ ⵏ ⵉⵍⵓⴳⵏⵏ ⵉⵣⵣⵉⴳⵉⵣⵏ ⴰⴽⴷ ⵡⵉⵏ ⵓⵕⵓⴱⴱⴰ ⴳ ⵢⵉⴳⵔ ⵏ ⵓⵙⵍⵉⵥⵕ.