«  ⴰⵙⵎⴷⵢⴰ ⵓⵔ ⵢⴰⴽⵙⵓⵍⵏ ⵏ ⵢⵎⵖⴰⵔⵉⵏ ⴰⴳⵓⵏⵙ ⵏ ⵜⵓⵎⴰⵢⵜ ⴷ ⵉⴷⵖⴰⵔⵏ ⵏ ⵜⵖⵜⵙⵜ ⵜⴰⵙⵏⵖⵎⵙⵜ ⵖⵓⵔⵙ ⴰⵜⵉⴳ ⵉⵖⵍⴰⵏ ⴰⵏⴰⵎⵓⵏ, ⴰⴷⵎⵙⴰⵏ ⴷ ⵓⴷⵉⵎⵓⵇⵔⴰⵟⵉ » ⴰⵢⴰ ⴰⵢ ⵜⵏⵏⴰ ⴳ ⵡⴰⵡⴰⵍ ⵏⵏⵙⴳ ⵜⵉⵏⴰⵡⵜ ⵜⴰⵏⵎⵏⴰⴹⵜ ⵏⵏⴰ ⵉⵙⵏⵎⴰⵍⴰ ⵓⵙⵉⵏⴰⴳ ⴱⴰⵏⵓⵚ ⵉ ⵜⴼⵔⵉⵇⵜ ⵏ ⵓⵢⴼⴼⵓⵙ ⵙⴳ 11 ⴰⵔ 13 ⴱⵕⴰⵢⵕ 2020 ⴳ ⵙⵉⵏⵉⴳⴰⵍ ⵅⴼ ⵓⵙⴳⵓⵎ «  ⴰⴷ ⵏⵙⴽⵓ ⵏⵙⵍⴳⵏ ⵢⴰⵏ ⵓⵏⵎⵉⵍⴰ ⴰⵙⵍⵉⵥⵕ ⴰⵎⴰⵏⴰⵡ ». ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵙⵙⴽⵏ ⴳ ⵡⴰⵡⴰⵍ ⵏⵏⵙ ⵉⵙⴷ « ⴰⵙⵎⴷⵢⴰ ⴰⵎⴰⴷⵔⵓⵙ ⵏ ⵏ ⵜⵎⵖⴰⵔⵜ ⴰⴳⵓⵏⵙ ⵏ ⵜⵓⵎⴰⵢⵉⵏ ⵜⵉⵙⵏⵖⵎⵉⵙⵉⵏ ⴷⴰ ⵜⵜⴽⴽⵙ ⵉ ⵡⴰⵎⵓⵏ ⵜⴰⵏⵏⴰⵢⵜ ⵏ ⵜⵎⵖⴰⵔⵜ ⵅⴼ ⵉⵙⵇⵙⵉⵜⵏ ⵉⵅⴰⵜⴰⵔⵏ ⵏⵏⴰ ⵉⵀⵎⵎⴰⵏ ⴰⴳⴷⵓⴷ ⴰⵔ ⵉⵏⵇⵇⴰ ⵜⵉⵣⵎⵎⴰⵔ ⵏ ⵜⵎⵖⴰⵔⵜ ⴳ ⵓⵙⵡⵓⵔⵉ ⴷ ⵓⵙⴳⵎⵉ ⵏⵜⵜⴰ ⵀⴰⵏ ⵇⵇⴰⵏⵏ ⵏ ⵉⵖⴰⵍⵍⵏ ⴰⴽⴽⵯ ⵏ ⵎⴷⴷⵏ ».

ⵉⴷⴷⵖ ⵜⵓⵎⵥ ⴰⵡⴰⵍ ⴳ ⵓⵕⵥⵥⵓⵎ ⵏ ⵓⴳⵔⴰⵡ ⵏ ⵜⵉⵏⴰⵡⵜ ⴳ ⵍⵍⴰⵏ 70 ⵏ ⵓⵎⴰⵙⵙⴰⵏ ⴷ ⵉⵎⴰⵣⵣⴰⵍⵏ ⵉⵙⵏⵖⵎⴰⵙⵏ ⵏ 12 ⵏ ⵜⵎⵓⵔⵜ ⵜⴰⴼⵔⵉⵇⵜ, ⵜⵏⵏⴰ ⵎⴰⵙⵙⴰ ⴰⵅⵔⴱⴰⵛ ⵏⵏⴰ ⵉⵙⴰⵡⴰⵍⵏ ⵙ ⵢⵉⵙⵎ ⵏⵏⵙ ⵉⴳⴰⵏ ⵜⴰⵎⴰⵔⴰⵢⵜ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ, ⵜⵏⵏⴰ ⵉⵙⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⵉⴽⵙⵍ ⴳⵔ ⵡⴰⵏⴰⵡⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⵍⴳⵏ ⴷ ⵓⵙⵖⵓⴷⴰ ⵏ ⵢⵉⴳⵔ ⵏ ⵓⵙⵍⵉⵥⵕ. ⵜⴰⵡⵉ ⴷ ⵙ ⵓⵎⴷⵢⴰ ⴰⵙⵍⴳⵏ ⵉⵖⵓⴷⴰⵏ ⵏ ⵜⴷⵓⴽⴽⴰⵏⵉⵏ ⵜⵉⵎⵓⵟⵟⵓⵏⵉⵏ Expertes.ma ⴷ africawomenexperts.com  ⵏⵏⴰ ⵙⵔⵙⵏⵜ ⵜⴳⵔⴰⵡⵉⵏ ⴰⵙⵉⴽⵙⵍ ⴷ ⵓⵎⵢⴰⵏⴰⵡ ⵏ 2ⵎ ⴳ ⵓⴱⵔⵉⴷ ⵏ ⵓⵙⴳⵎⵉ ⵏ ⵜⵙⴼⴰⵡⵜ ⵜⴰⵖⵎⵙⴰⵏⵜ ⵏ ⵜⵎⵓⵙⵏⵉ ⵏ ⵜⵎⵖⴰⵔⵜ ⵜⴰⵎⵖⵔⴰⴱⵉⵢⵜ ⴷ ⵜⴰⴼⵔⵉⵇⵉⵢⵜ, ⵎⴰⵙⵙⴰ ⴰⵅⵔⴱⴰⵛ ⵜⵏⵏⴰ ⵉⵙ ⵏ ⵉⵇⵇⴰⵏ ⴰⴷ ⵏⵙⵇⵙⴰ ⵅⴼ ⵜⵖⴰⵔⴰ ⵏ ⵡⴰⵎⵓ ⵏ ⵜⵎⵖⴰⵔⵜ ⴳ ⵉⵙⴰⵢⵙⵏ ⵏ ⵓⵙⵏⵖⵎⵙ, ⵓⵔ ⵉⴷ ⵖⴰⵙ ⵜⴰⵙⵎⴽⵜⴰ ⵏ ⵡⴰⵎⵓ ⵏⵏⵙ. « ⴰⴷⴰⴼ ⵏ ⵜⵎⵖⴰⵔⵉⵏ ⴳ ⵜⵖⵜⴰⵙⵉⵏ ⵏ ⵜⵉⵙⵏⵖⵎⴰⵙⵉⵏ ⴰⴷ ⵢⴰⵡⵙ ⴳ ⵓⵙⵡⵓⵔⵉ ⵉⵖⵓⴷⴰⵏ ⵏ ⵢⵉⴳⵔ ⵏ ⵓⵙⵏⵖⵎⵙ ⴷ ⵓⵙⵢⴰⴼⵓ ⵉⴳⴳⵓⵜⵏ ⵏ ⵜⵓⵎⴰⵢⵉⵏ ⵜⵉⵎⵙⵙⴼⵔⴽⵉⵏ ⴷ ⵜⵎⵙⵙⵉⴷⴼⵉⵏ ⵏ ⵡⴰⵏⴰⵡ » ⴰⵢⴰ ⴰⵢ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.

ⴽⵉⴳⴰⵏ ⵏ ⵜⵙⵓⵜⵍⵉⵏ ⴷ ⵜⵙⴰⵡⵔⵉⵏ ⵜⵉⵙⴳⵓⵎⵉⵏ ⴰⵢ ⵜⵜⵓⵙⴽⵔⵏ ⴳ ⵜⵉⵏⴰⵡⵜ ⴰⴷ. ⵜⵉⵡⵓⵔⵉⵡⵉⵏ ⵏⵏⵙ ⴰⴷ ⵙⵇⵙⴰⵏⵜ ⵅⴼ ⵜⵙⵔⵜⵉⵢⵉⵏ ⴷ ⵜⵙⵟⵕⴰⵜⵉⵊⵉⵢⵉⵏ ⵜⵉⵏⴰⵎⵓⵔⵉⵏ ⵏ ⵓⵎⵢⴰⵡⴰⴹ ⴰⵎⴰⴷⴰⴼ ⵏ ⵡⴰⵏⴰⵡ, ⴷ ⵜⵉⴳⴰⵡⵜ ⵏ ⵉⵙⵍⴳⴰⵏⵏ ⴰⴳⵓⵏⵙ ⵏ ⵓⵙⴷⵓⵙ ⵏ ⵓⵙⵏⵎⵉⵍⵉ ⵏ ⵡⴰⵏⴰⵡ, ⵜⵉⵎⵓⴽⵔⵉⵙⵉⵏ ⵏ ⵓⵙⵍⴳⵏ ⵏ ⵜⵓⵎⴰⵢⵜ ⵅⴼ ⵜⵎⵖⴰⵔⵉⵏ ⴰⴳⵏⵙⵓ ⵏ ⵉⵥⴹⵡⴰⵏ ⴰⵏⴰⵎⵓⵏⵏ ⵏ ⵜⵏⵓⵎⵉ ⴷ ⵜⵣⵎⵔⵜ ⵏ ⵓⵙⵍⴳⵏ ⴰⵏⵎⵓⵔⴰⵏ ⵏⵖ ⵜⵉⵣⵎⵎⴰⵔ ⵏ ⵜⵎⵔⵙⵍⵉⵏ ⵜⵉⵣⵣⵓⵍⴰⵏⵉⵏ ⴷ ⵡⴰⵢⴰⵡⵏ ⵉⵙⵏⵖⵎⴰⵙⵏ ⴰⴷ ⴰⵙⵉⵏ ⵜⵉⵎⴰⵙⴰⵢⵉⵏ ⵏ ⵓⵙⵍⴳⵏ ⴷ ⵓⵙⵏⴰⵎ.

ⵎⴰⵙⵙⴰ ⴰⵅⵔⴱⴰⵛ, ⵜⴳⴰ ⵜⴰⵏⵙⵙⵉⵅⴼⵜ ⵏ ⵢⴰⵏ ⵓⴽⴰⴱⴰⵔ ⴳ ⵉⵍⵍⴰ ⵎⴰⵙⵙ ⵊⴰⵄⴼⴰⵔ ⴽⴰⵏⵙⵙⵓⵙⵉ, ⴰⵏⴳⵎⴰⵎ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵎⴰⵙⵙⴰ ⵄⵉⵛⴰ ⵡⵍⴷ ⵄⵣⵉⵣ, ⵜⴰⵎⴰⵙⴰⵢⵜ ⵏ ⵜⵡⵓⵔⵉⵡⵉⵏ ⵜⵉⵙⵏⵖⵎⴰⵙⵉⵏ ⴰⴳⵓⵏⵙ ⵏ ⵜⵣⵓⵏⵉ ⵏ ⵜⵖⵓⵔⵉⵡⵉⵏ ⴷ ⵜⵉⴳⵎⵉ.

ⴰⵙⵉⵏⴰⴳ ⴱⴰⵏⵓⵚ ⴼⵔⵉⵇ ⵏ ⵓⵢⴼⴼⵓⵙ ⵏⵏⴰ ⵉⵙⵏⵎⴰⵍⴰⵏ ⵜⵉⵏⴰⵡⵜ ⴰⴷ ⵜⴰⴳⵔⴰⵖⵍⴰⵏⵜ ⵙ ⵢⵉⵡⵙ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵓⵙⵍⴳⵏ ⴷ ⵓⵙⵍⵉⵥⵕ ⴰⵙⵉⵏⵉⴳⴰⵍⵉ ⵉⴳⴰ ⵢⴰⵜ ⵜⵎⵔⵙⵍⵜ ⵜⴰⴼⵔⵉⵇⵉⵢⵜ ⵓⵔ ⵓⵏⴱⵉⴹ ⵉⵍⵍⴰⵏ ⴳ ⴷⴰⴽⴰⵕ ⴰⵔ ⵜⵙⵡⵓⵔⵉ ⴳ ⵢⵉⴳⵔ ⵏ ⵜⵉⴳⵎⵉ ⴷ ⵓⵙⵏⵖⵎⵙ ⴷ ⵓⵎⵢⴰⵡⴰⴹ ⵉ ⵜⵉⴳⵎⵉ.