ⵢⵓⵙⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵙ ⵡⵓⴷⵎ ⵓⵏⵚⵉⴱ, ⵜⴰⵏⵙⵙⵉⵅⴼⵜ ⵏ  ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ (ⵔⵉⵕⴰⴽ), ⴰⵙⵙ ⵏ 23 ⵛⵜⴰⵎⴱⵉⵔ 2022, ⵜⴰⵏⵙⵙⵉⵅⴼⵜ ⴰⴷ ⵔⴰⴷ ⵜⴷⵓⵎ ⵅⴼ ⵙⵉⵏ ⵉⵙⴳⴳⵯⴰⵙⵏ ⴷⴼⴼⵉⵔ ⴰⵙⵜⴰⵢ ⵏⵏⵙ ⴳ ⴷⵓⵊⴰⵎⵖⴱⴱⵉⵔ 2018 ⵉ ⵜⵎⴰⵔⴰⵜⵢⵜ ⵏ ⵜⵏⵙⵙⵉⵅⴼⵜ ⵏ ⵜⵙⵉⵍⴰ ⵢⴰⴷ ⵜⴰⵎⵏⵥⴰⵡⵜ ⴳ ⵍⵍⴰⵏⵜ 36 ⵏ ⵜⵎⵓⵔⴰ.

ⵜⴰⴼⵓⴳⵍⴰ ⵏ ⵓⵎⵎⵣⵔⵔⴰⵢ ⴳⵔ ⵎⴰⵙⵙ ⵊⵓⵥⵉⴼ ⵛⵉⴱⵓⵏⴳⴽⵉⵏⴳ ⴽⴰⵍⴰⴱⵓⵙⴱⵓ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵓⵎⵢⴰⵡⴰⴹ ⵏ ⵍⴽⴰⵎⵉⵔⵓⵏ ⵉⴳⴰⵏ ⴰⵏⵙⵙⵉⵅⴼ ⵉⴼⴼⵖⵏ ⴳ ⵔⵉⴰⵔⴽ ⴷ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵜⵜⵓⴳⴰ ⵙ ⵡⵓⵎⵓ ⵏ ⵉⵎⵖⴰⵔⵏ ⵏ ⵉⴽⴰⴱⴰⵔⵏ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⵏ 18 ⵏ ⵜⵎⵓⵔⴰ ⵢⴰⵎⵓⵏ ⴳ ⵜⵉⵏⴰⵡⵜ ⵜⵉⵙⵙ ⵎⵔⴰⵡ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⴷ ⵓⵎⵢⴰⵡⴰⴹ ⵏ ⵜⴼⵔⵉⵇⵜ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵎⵕⵕⴰⴽⵛ ⵙⴳ 21 ⴰⵔ 23 ⵛⵜⴰⵎⴱⵉⵔ 2022. ⵉⵡⵏⴰⵏ ⵏ ⵜⵉⵏⴰⵡⵜ ⴰⴷ, ⵉⴳⴰⵏ ⵜⴰⵎⵔⵙⴰⵍⵜ ⵜⴰⵅⴰⵜⴰⵔⵜ ⵏⵏⴰ ⵉⵙⵙⴽⵔⵏ ⵢⴰⵏ ⵡⴰⵙⵙⴰⵙ ⵉ ⵜⵡⵓⵔⵉⵡⵉⵏ ⵏ  ⵔⵉⴰⵔⴽ, ⵏⵏⴰ ⵉⴱⴷⴷⵏ ⵉⵡⵏⴰⵏ ⵏ ⵡⴰⵟⵟⴰⵏ ⵏ ⴽⵓⴼⵉⴷ-19, ⵎⴰⵙⵙ ⵔⵓⵏⵉ ⴱⵓⵔⴳⵡⴰⵏ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵎⴰⵜⵜⴰⵢⵜ ⵏ ⵓⵎⵢⴰⵡⴰⴹ ⴰⵙⵍⵉⵥⵕ  ⵏ ⵙⴰⵃⵉⵍ ⵍⵄⴰⵊ ⵉⵜⵜⵓⵙⵜⵉ  ⴷ ⴰⵎⴰⵔⵉ ⵏ ⵜⵏⵙⵙⵉⵅⴼⵜ ⴳ ⵙⵉⵏ ⵉⵙⴳⴳⵯⴰⵙⵏ ⵏ 2022-2024.

ⵔⵏⵓ ⵉ ⵜⵅⵉⵜⵔⵜ ⵏ ⵓⵎⴹⴰⵏ ⵏ ⵉⵎⴷⵔⴰⵡⵏ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⵏ ⵜⵎⵓⵔⴰ ⵜⵉⴼⵔⵉⵇⵉⵏ, ⵉⵙⴰⵡⴰⵍⵏ ⵜⴰⵏⴳⵍⵉⵣⵜ, ⵜⴰⴱⵕⵟⵇⵉⵙⵉⵜ, ⵜⴰⴼⵔⴰⵏⵙⴰⵡⵉⵜ ⴷ ⵜⵄⵔⴰⴱⵜ, ⵜⵉⵏⴰⵡⵜ ⵏ ⵎⵕⵕⴰⴽⵛ ⵜⵜⵓⵕⵛⵎ ⴷⵉⵖ ⵙ ⵜⵓⵍⵖⴰ ⵏ ⵉⴳⵎⴰⵎⵏ ⵉⵎⴰⵢⵏⵓⵜⵏ ⵉ ⵔⵉⴰⵔⴽ.  ⵜⵓⵍⵖⴰ ⵢⴰⴷ ⵜⴰⵎⴰⵢⵏⵓⵜ ⵜⴳⴰ ⵜⵉⵏ ⵜⴰⵙⵏⵉⵎⴰⵏⵜ ⵏ ⵓⵙⵏⵖⵎⵙ ⵏ ⵙⵉⵢⴰⵔⴰ ⵍⵢⵓⵏ ⵏⵏⴰ ⵎⵉ ⵉⴳⴰ ⵓⵏⵙⵙⵉⵅⴼ ⵏ ⵓⴽⴰⴱⴰⵔ ⵎⴰⵙⵙ ⴰⵏⵙⵙⵉⵅⴼ ⵏⵏⵙ ⴼⵉⴽⵟⵓⵕ ⵎⴰⵙⵙⴰⵇⵡⴰ.

ⵉⵍⵓⵍⴰ ⴷ ⴰⵙⴳⴳⵯⴰⵙ ⵏ 1998 ⴳ ⵍⵉⴱⵔⵓⴼⵉⵍ, ⵔⵉⴰⵔⴽ ⵉⴳⴰ ⴰⵙⴰⵜⵉ ⵎⵉ ⴳⴳⵓⵜⵏⵜ ⵜⵙⴳⴳⵯⵉⵏ ⵏ ⵓⵎⵢⴰⵡⴰⵙ ⴷ ⵓⵎⵛⴰⵡⴰⵕ ⴰⵙⵓⵖⴰⵍ ⴳⵔ ⵜⵎⵔⵙⴰⵍ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⵏ ⵓⵎⵏⵥⴰⵡ ⴰⴼⵔⵉⵇ ⴰⵔ ⵉⵜⵜⴰⵡⵙ ⴳ ⵓⵙⵔⵔⵓⵙ ⵏ ⵜⵏⴱⴰⴹⵜ ⵜⴰⵜⵉⵇⵏⵉⵜ, ⵜⴰⵣⵣⵓⵍⴰⵏⵜ ⴷ ⵜⵎⵔⵙⴰⵍⵜ ⵏ 36 ⵏ ⵉⴳⵎⴰⵎⵏ ⵏⵏⵙ. ⴰⵡⵜⵜⴰⵙ ⵏⵏⵙ ⵉⴳⴰ ⴰⵙⴷⵓⵙ ⵏ ⵓⵎⴷⵔⴰⵡ ⵏ ⵉⵎⵙⵏⴰⵎⵏ ⵏ ⵓⵙⵏⵖⵎⵙ ⴳ ⵓⵙⵏⵓⵍⴼⵓ ⵏ ⵢⴰⵜ ⵜⵎⵓⵖⵍⵉ ⵜⴰⵙⵍⵉⵥⵕⵜ ⵜⴰⴼⵔⵉⵇⵜ ⵜⴰⵎⴰⴳⵓⵜ, ⵜⴰⵎⴰⵙⴰⵢⵜ ⵏ ⵜⵎⵢⵏⴰⵡⵜ ⵏ ⵡⴰⵎⵓⵏⵏ ⵉⴼⵔⵉⵇⵏ, ⵜⴰⵎⵣⵔⴰⴽⵜ ⵏ ⵉⵎⵓⵣⴰⵢ ⵏ ⵉⵣⵔⴼⴰⵏ ⵏ ⵓⵎⴷⴰ ⴷ ⵓⵎⴰⵡⴰⵢ ⵏ ⵡⴰⵜⵉⴳⵏ ⵉⴷⵉⵎⵓⵇⵕⵟⴰⵢⵏ ⴷ ⵉⵏⴼⴳⴰⵏⵏ.