ⵜⵙⵙⵉⵅⴼ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵍⵎⵖⵔⵉⴱ ⵜⴳ ⴰⵡⴷ ⵜⴰⵏⵙⵙⵉⵅⴼⵜ, ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ RIARC , ⵜⵙⵙⵉⵅⴼ ⴰⵙⵙ ⵏ 14 ⴷⵓⵊⴰⵎⴱⵉⵔ 2022 ⴳ ⴰⴱⵉⴷⵊⴰⵏ, ⴰⵏⵎⵓⴳⴳⴰⵔ ⴰⵎⵣⵡⴰⵔⵓ ⵏ ⵓⴳⵔⴰⵡ ⵏ ⵓⵙⵡⴰⵍⴰ ⵏ ⵜⵙⵉⵍⴰ ⵜⴰⵎⵏⵥⴰⵡⵜ ⵉ ⵜⵉⵔⵎⵜ ⵏ ⵙⵉⵏ ⵉⵙⴳⴳⵯⴰⵙⵏ 2022-2024.

ⵙ ⵓⵃⵉⴹⵕ ⵏ ⵎⴰⵙⵙ ⵔⵓⵏⵉ ⴱⵓⵔⴳⵓⵡⴰⵏ, ⴰⵏⵙⵙⵉⵅⴼ ⵡⵉⵙⵙ ⵙⵉⵏ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⴼⵍⵍⴰ ⵏ ⵓⵎⵢⴰⵡⴰⴹ ⴷ ⵓⵙⵍⵉⵥⵕ ⵏ ⵜⵎⵓⵔⵜ ⵏ ⵙⴰⵃⵉⵍ ⵍⵄⴰⵊ ⵏⵏⴰ ⵉⵙⵏⵓⴱⴳⵏ ⴰⵏⵎⵓⴳⴳⴰⵔ ⴰⴷ ⴷ ⵎⴰⵙⵙ ⴱⵕⵓⵙⴱⵉⵔ ⵎⵓⵕⵉⵜⵜⵉ, ⴰⵏⵙⵙⵉⵅⴼ ⵏ HAAC ⴱⵉⵏⵉⵏ ⴷ ⵓⵏⴼⵍⵓⵙ ⴰⵎⵣⵣⵔⴰⴳ ⵏ ⵓⵥⵟⵟⴰ, ⵎⴰⵙⵙⴰ ⴰⵅⴰⵔⴱⴰⵛ ⵜⵙⵎⵏⴷ ⵉⵛⴰⵕⵉⴹⵏ ⵉⵅⴰⵜⴰⵔⵏ ⵏ ⵜⵡⵕⵉⵇⵜ ⵏ ⵜⵡⵓⵔⵉ ⵏ ⵜⵏⵎⴰⵍⴰⵢⵜ ⵉ ⵙⵉⵏ ⵉⵙⴳⴳⵯⴰⵙⵏ ⴷ ⵢⵓⵙⴰⵏ. ⵜⴰⵏⵜⴰⵎⵜ ⵜⵚⴽⴰ ⵅⴼ ⵙⵎⵎⵓⵙ ⵏ ⵉⵙⴳⵓⵎⵏ ⵉⴼⴰⵡⵏ: ⴰⵎⵙⴰⵙⴰ ⵏ ⵓⵙⵏⴰⵎ ⴷ ⵜⵡⵏⵏⴰⴹⵜ ⵜⴰⵎⵓⵟⵟⵓⵏⵜ ⵜⴰⵎⴰⵢⵏⵓⵜ, ⴰⵙⵏⴰⵎ ⵏ ⵜⵎⴰⴳⵓⵜ ⵜⴰⵙⵔⵜⴰⵏⵜ ⴳ ⵓⵣⵎⵣ ⵏ ⵉⵙⵜⴰⵢⵏ, ⴰⵙⵎⴽⵍ ⴰⵖⵎⵙⴰⵏ ⵏ ⵓⵙⴽⴽⵉⵏ ⵏ ⵓⵣⵡⴰⴳ, ⵜⴰⵙⵓⵍⵜ ⵜⴰⴷⴰⵎⵙⴰⵏⵜ ⵏ ⵉⵙⵏⵖⵎⵙⵏ ⴷ ⴳ ⵜⴳⵉⵔⴰ ⴰⵙⴳⵎⵉ ⵅⴼ ⵓⵙⵏⵖⵎⵙ. ⵉⵙⴳⵓⵎⵏ ⴰⴷ ⴰⴽⴽⵯ ⵜⵜⵓⵡⴰⵙⵜⵉⵏ ⵉⵡⵏⴰⵏ ⵏ ⵓⴳⵔⴰⵡ ⵉⵣⵡⴰⵔⵏ ⵉⵜⵜⵓⵙⵏⵎⴰⵍⴰⵏ ⴳ ⴽⵓⵜⵓⵏⵓ ⴳ ⴽⵜⵓⴱⵕ 2022.

ⵉⵡⵏⴰⵏ ⵏ ⵓⵏⵎⵓⴳⴳⴰⵔ ⴰⴷ, ⵎⵛⴰⵡⴰⵕⵏ ⴽⵕⴰⴹ ⵉⵏⵙⵙⵉⵅⴼⵏ ⴷⵉⵖ ⵅⴼ ⵜⵖⵜⴰⵙⵉⵏ ⵜⵉⵅⴰⵜⴰⵔⵉⵏ ⴷ ⵉⵙⵓⵎⵔⵏ ⵉⵜⵜⵓⵙⵜⵉⵏ ⵙⴳ ⵖⵓⵔ ⵜⵉⵏⴰⵡⵜ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⴷ ⵓⵎⵢⴰⵡⴰⴹ ⵏ ⴰⴼⵉⵇⵢⴰ ⵉⵜⵜⵓⵙⵏⵎⴰⵍⴰⵏ ⴳ ⵎⵕⵕⴰⴽⵛ ⵉⵡⵏⴰⵏ ⵏ ⵛⵜⴰⴱⵉⵔ ⴰⴳⴳⵯⵔⴰⵏ.

ⴳ ⵜⴳⵉⵔⴰ ⵏ ⵓⵏⵎⵓⴳⴳⴰⵔ, ⴽⵕⴰⴹ ⵉⵏⵙⵙⵉⵅⴼⵏ ⴰⴷ ⵏ ⵓⵥⵟⵟⴰ, ⵓⵙⵉⵏ ⵜⴰⵎⴰⵙⴰⵢⵜ ⵏ ⴰⴷ ⵙⵡⵓⵔⵉⵏ, ⵙ ⵜⵎⴷⵔⴰⵡⵜ ⴷ ⵓⵙⵉⵜⴳ ⵏ ⵜⵎⵔⵙⴰⵍ ⴰⴽⴽⵯ ⵜⵉⴳⵎⴰⵎⵉⵏ, ⴳ ⵓⴱⵖⵓⵔ ⵏ ⵓⵥⵉⵏⵥⵕ ⴰⴳⵔⴰⵖⵍⴰⵏ ⵏ ⵓⵥⵟⵟⴰ ⴷ ⵓⵙⴷⵓⵙ ⵏ ⵜⴳⴰⵡⵜ ⵜⴰⵎⴳⵔⴰⵡⵜ ⵏ ⵉⵎⵙⵏⴰⵎⵏ ⵏ ⵓⵎⵏⵥⴰⵡ ⴳ ⵓⴱⵔⵉⴷ ⵏ ⵜⵙⵉⵍⴰⵡⵜ ⵏ ⵢⴰⵜ ⵜⵎⵓⵖⵍⵉ ⵜⴰⵙⵍⵉⵥⵕⵜ ⵜⴰⴼⵔⵉⵇⵜ ⵜⴰⵎⴰⴳⵓⵜ, ⵉⵏⴽⴽⵔⵏ ⵙ ⵓⵎⵢⴰⵏⴰⵡ ⵏ ⵡⴰⵎⵓⵏⵏ ⵉⴼⵔⵉⵇⵏ, ⴰⵎⵣⵔⴰⴽ ⵏ ⵉⵎⵏⵣⴰⵢⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⴰⵎⴰⵡⴰⵢ ⵏ ⵡⴰⵜⵉⴳⵏ ⵉⴷⵉⵎⵓⵇⵕⴰⵟⵉⵢⵏ ⵉⵏⴼⴳⴰⵏⵏ.