ⴳ ⵓⵙⴰⵜⵉ ⵏ ⵜⵎⴰⵙⴰⵢⵜ ⵏⵏⵙ ⵜⴰⴷⵓⵙⵜⵓⵔⵉⵜ ⴳ ⵢⵉⴳⵔ ⵏ ⵜⵎⴷⵔⴰⵡⵜ ⴳ ⵓⵙⴷⵓⴷ ⵏ ⵜⴷⵍⵙⴰ ⵏ ⵓⵙⵙⵓⵎⵓ ⴷ ⵓⵎⵏⵏⵓⵖ ⵎⴳⴰⵍ ⴰⵏⴰⵡⵏ ⴰⴽⴽⵯ ⵏ ⵓⵙⵏⵓⵃⵢⵓ ⴷ ⵜⴰⵏⵏⴰⵢⵜ ⵜⵓⵔⵙⵉⵍⵜ ⵓⵔ ⵉⵀⵢⵢⵉⵏ ⴰⵔ ⵜⵙⵙⵉⵣⴷⵉⵔ ⵙⴳ ⵡⴰⴷⴷⵓⵔ ⵏ ⵜⵎⵖⴰⵔⵜ, ⵜⵙⵙⵓⴼⵖ ⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵢⴰⵏ ⵉ ⵉⵣⵣⵓⵍⴰⵏⵏ ⵏ ⵓⵙⵏⵖⵎⵙ ⵢⴰⵏ ⵓⵎⴰⵏⴰⵔ ⵏ ⵉⵣⴷⵉ ⴷ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴰⴳⵓⵏⵙ ⴷ ⵙⴳ ⵉⵎⴰⵙⵙⵏ ⵏ ⵓⵙⵏⵖⵎⵙ.

ⵜⵓⵜⴳ ⵜⵎⵢⴰⴷⴰⵙⵜ ⵏⵏⴰ ⵅⴼ ⵉⵚⴽⴰ ⵓⵙⵥⵕⴳ ⴰⴷ ⵅⴼ ⵜⵉⵍⴰⵍⵜ ⵜⴰⵅⴰⵜⴰⵔⵜ ⵏ ⵓⴳⵔⴰⵡ ⴳ ⵢⵉⴳⵔ ⵏ ⵓⵙⵍⴳⵏ ⴰⵔⴰⵡⵙⴰⵏ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ ⵏⵏⴰ ⵉⵜⵜⵓⵙⵎⴷⵢⴰⵏ ⴳ ⵓⵎⵙⴰⵙⴰ ⴳⵔ ⵓⵎⵏⵣⴰⵢ ⴰⴷⵙⵍⴰⵏ ⵏ ⵜⵍⴻⵍⵍⵉ ⵏ ⵓⵡⵏⵏⵉ ⴷ ⵓⵣⴰⵛⵛⵍ ⵏ ⵓⵣⵔⴰⴽ ⵏ ⵜⵓⵎⴰⵢⵉⵏ ⴰⴷ ⵉ ⵡⴰⵜⵉⴳⵏ ⵉⵏⴼⴳⴰⵏⵏ ⴷ ⵉⴷⵉⵎⵓⵇⵔⴰⵟⵉⵢⵏ ⴳ ⵓⵙⵉⴽⵙⵍ ⵏ ⵉⵣⵔⴼⴰⵏ ⴷ ⵓⵣⵔⴰⴽ ⵏ ⵡⴰⴷⴷⵓⵔ ⴰⵏⴼⴳⴰⵏ.

ⵜⴻⵜⵜⵓⵙⴽⵔ ⵜⴰⵏⴰⴹⵜ ⴰⴷ ⵏⵏⴰ ⴳ ⵍⵍⴰⵏ ⴽⵉⴳⴰⵏ ⵏ ⵉⵙⴰⵜⵉⵢⵏ ⵉⵙⴰⵖⵓⵍⵏ ⴷ ⵉⵣⵓⵔⵜⵏ ⵏ ⵜⵙⴽⵔⵉⵡⵉⵏ ⵉⵖⵓⴷⴰⵏ ⴳ ⵢⵉⴳⵔ ⵏ ⵓⵙⵍⴳⵏ ⵏ ⵜⵓⵎⴰⵢⵜ ⵜⴰⵖⵎⵙⴰⵏⵜ ⵙ ⵓⵢⵏⵏⴰ ⵉⵎⵙⴰⵙⴰⵏ ⴷ ⵉⵎⵓⵣⴰⵢ ⵏ ⵓⵙⵉⴽⵙⵍ ⴷ ⵓⵙⵙⵓⵎⵓ, ⵜⴰⵏⴰⴹⵜ ⴰⴷ ⵜⵙⵙⴽⵔ ⵜⵜ ⵎⴰⵙⵙⴰ ⴰⵎⵉⵏⴰ ⵍⴰⵎⵔⵉⵏⵉ ⵍⵡⴰⵀⵀⴰⴱⵉ ⵜⴰⵎⵓⵙⵏⴰⵡⵜ ⵜⴰⴳⵔⴰⵖⵍⴰⵏⵜ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵜⵏⵙⵙⵉⵅⴼⵜ ⵣⵡⴰⵔ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.

ⵉⴱⴹⴰ ⵓⵙⵓⴼⵖ ⴰⴷ ⵏⵏⴰ ⵉⴳⴰⵏ ⴳ ⵜⵍⵖⴰ ⵏⵏⵙ ⴰⵎⴰⵏⴰⵔ ⴰⵎⴰⵙⵙⴰⵏ, ⵉⴱⴹⴰ ⵅⴼ ⵙⵏⴰⵜ ⵜⴳⵣⵣⵓⵎⵉⵏ ⵉⵜⵜⵎⴽⵎⵎⴰⵍⵏ. ⴷⴰ ⵜⵙⵙⴽⴰⵏ ⵜⴳⵣⵣⵓⵎⵜ ⵜⴰⵎⵣⵡⴰⵔⵓⵜ ⴽⵉⴳⴰⵏ ⵏ ⵉⵙⴼⴽⴰ ⵉⵔⵎⵎⴰⵙⵏ ⵉⵖⴰⵔⴰⵙⵏ ⵉⵜⵜⵓⵙⵜⵉⵏ ⵉ ⵓⵙⵎⴽⵍ ⵏ ⵓⵙⵎⵓⵜⵜⴳ ⵏ ⵜⵎⵙⴽⴰⵔ ⵏ ⵉⵎⵙⵙⵏ ⵉⵏⵖⵎⴰⵙⵏ ⴷ ⵓⵎⵓⵙⵙⵓ ⵏⵏⵙⵏ ⵉ ⵓⴱⴰⵖⵓⵔ ⵏ ⵡⴰⵎⵓⵏ ⴳ ⵉⵍⵍⴰ ⵓⵙⵉⴽⵙⵍ. ⵜⴰⴳⵣⵣⵓⵎⵜ ⵜⵉⵙⵙ ⵙⵏⴰⵜ ⵜⵥⵍⵉ ⴷ ⵓⵙⴼⵙⵉ ⵏ ⵜⵓⵎⴰⵢⵉⵏ ⵜⵉⵏⵖⵎⴰⵙⵉⵏ ⴳ ⵓⵡⵜⵜⴰⵙ ⵏ ⴰⴷ ⵉⵜⵜⵓⵙⵎⵓⵙⵙ ⵓⵙⵡⵉⵏⴳⵎ ⴰⵎⵣⵖⴰⵏ ⴳ ⵓⵢⵏⵏⴰ ⵢⴰⵖⵓⵍⵏ ⵜⵎⵙⴽⴰⵔ ⵜⵉⵣⵣⵓⵍⴰⵏⵉⵏ ⵉⵣⴷⵉⵏ ⴷ ⵜⵎⵙⴰⵔⵜ ⵏ ⵓⵙⵉⴽⵙⵍ ⴳⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ.

ⴳ ⵓⵙⴰⵜⵉ ⵢⴰⴷ, ⵜⵜⵓⵙⴽⵏⵏ ⴽⵉⴳⴰⵏ ⵏ ⵉⵔⵎⵎⵓⵙⵏ ⵉⴷⵙⵍⴰⵏⵏ ⵉⴳⴰⵏ ⵜⵉⵖⴰⵔⴰⵙⵉⵏ ⵜⵉⵎⵣⵡⵓⵔⴰ ⵉ ⵓⵙⵙⵓⵀⵏ ⵓⴳⴰⵔ ⵏ ⵉⵍⵓⴳⵏⵏ ⵉⵎⵉⵥⵉⵕⵏ ⵏⵏⴰ ⵙ ⴷⴰ ⵜⵣⵣⵉⴳⵉⵣ ⵜⴰⵏⵏⴰⵢⵜ ⵜⵓⵔⵙⵉⵍⵜ ⴰⵔ ⵜⵙⵙⴽⴰⵔ ⵜⴰⴷⵓⵍⵉ ⵜⴰⵎⴰⵢⵏⵓⵜ ⵏ ⵣⵣⴰⵊ ⵏⵏⴰ ⵉⵜⵜⴳⴳⴰⵏ ⵜⵉⴼⵉⴽⴽⴰⵛ ⵉ ⵜⵎⵖⴰⵔⵉⵏ. ⴰⵔ ⵉⵙⵙⴽⴰⵏ ⵓⵎⴰⵏⴰⵔ ⵜⵉⵍⴰⵍ ⵏ ⵓⵙⵏⵖⵎⵙ ⴳ ⵓⵙⴷⵓⵙ ⵏ ⵜⴰⵏⵏⴰⵢⵜ ⵜⵓⵔⵙⵉⵍⵜ ⵉⵚⴽⴰⵏ ⵅⴼ ⵡⴰⵏⴰⵡ. ⴰⵔ ⵉⵙⵏⵎⴰⵍⴰ ⵜⴰⵎⵢⴰⴷⴰⵙⵜ ⵜⴰⵙⴰⵖⵓⵍⵜ ⵏⵏⴰ ⵏ ⵉⵇⵇⴰⵏ ⴰⴷ ⵏⵙⵜⵉ ⴳ ⵓⵙⴷⵓⵙ ⵏ ⵜⵣⵎⵎⴰⵔ ⵅⴼ ⵜⵕⵓⵥⵉ ⵏ ⵜⴰⵏⵏⴰⵢⵜ ⵜⵓⵔⵙⵉⵍⵜ.

ⴷⴰ ⵉⵙⵙⵓⵎⵓⵔ ⵓⵏⵎⵎⴰⵔ ⴰⴷ ⴷⵉⵖ ⴽⵉⴳⴰⵏ ⵏ ⵜⵏⵎⵎⴰⵍⵉⵏ ⵏ ⵓⵙⵖⴰⵍ ⵏ ⵜⴼⵔⴰⵙ ⵏ ⴳⴰⵔ ⴰⵙⵉⴽⵙⵍ ⴳⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⴳ ⵢⵉⴳⵔ ⵏ ⵓⵙⵏⵖⵎⵙ, ⴳ ⵓⵙⵡⵉⵔ ⵏ ⵜⵎⵙⴽⴰⵔ ⵏ ⵜⵉⵔⵔⴰ, ⴰⵎⵎ ⵜⵓⵜⵍⴰⵢⵜ ⵜⴰⵙⴳⵓⵏⵙⴰⵏⵜ ⴷ ⵜⴰⵏⵏⴰⵢⵉⵏ ⵓⵔ ⵉⴳⵉⵏ ⵜⵓⵔⵙⵉⵍⵉⵏ, ⵏⵖ ⵅⴼ ⵓⵙⵡⵉⵔ ⵏ ⵜⵉⵏⵏⵓⴱⴹⴰ ⵜⴰⴳⵓⵏⵙⴰⵏⵜ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴰⵎⵎ ⵓⵙⵎⴷⵢⴰ ⵏ ⵜⵎⵖⴰⵔⵉⵏ ⵙ ⵓⵙⵎⵣⴰⵣⵣⵍ ⴷ ⵉⵔⴳⴰⵣⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵙⵖⴰⵏⵉⵏ, ⵜⵉⵎⵙⵜⴳⴳⴰⵔⵉⵏ ⵜⵉⵣⵣⵓⵍⴰⵏⵉⵏ, ⵉⵙⵡⵉⵔⵏ ⵏ ⵓⵙⵏⵙⵍ ⴰⵎⵙⵙⵓⴳⵓⵔ, ⴰⴷⴰⴼ ⵖⵔ ⵜⵖⵜⴰⵙⵜ… ⴰⵜⴳ.

ⴷⴰ ⵉⵙⵙⵓⵎⵓⵔ ⵓⵎⴰⵏⴰⵔ ⵙ ⵜⴰⵢⵔⵉ ⵏⵏⵙ ⵜⴰⴱⵕⴰⵖⵎⴰⵜⵉⵢⵜ ⴷ ⵡⵉⵏ ⵜⴰⵢⵔⵉ ⵏ ⵜⵓⵙⵙⵏⴰ ⴷⵉⵖ, ⵉⵜⵙ ⵏ ⵉⵎⴷⵢⴰⵜⵏ ⴷ ⵜⵎⵙⴽⴰⵔⵉⵏ ⵉⵖⵓⴷⴰⵏ ⵉ ⵓⴹⵎⴰⵏ ⵏ ⵓⵙⵎⴷⵢⴰ ⵏ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⴳ ⵓⵙⵏⵖⵎⵙ ⵏⵏⴰ ⵉⵜⵜⴰⵏⵏⴰⵢⵏ ⴰⵙⵓⵎⵓ ⴷ ⵜⵖⴷⵎⵜ ⴷ ⵓⵣⵔⴰⴽ ⵏ ⵡⴰⵜⵉⴳⵏ ⵏ ⵓⵎⵢⴰⵏⴰⵡ. ⴷⴰ ⵙⵙⵓⵎⵓⵔⵏ ⵉⵣⵓⵔⵜⵏ ⴰⴷ ⴰⵎⴰⵙⵙⴰⵏⵏ ⵙⴳ ⴽⵉⴳⴰⵏ ⵏ ⵜⵖⵎⵔⵉⵏ :