« ⵜⴰⵎⵙⴰⵔⵜ ⵏ ⵓⵙⵏⴰⵎ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⴹⵍⴰⵏⵉⵏ ⵉⴳⴰ ⵜⴰⵎⴰⵙⴰⵢⵜ ⵜⴰⴳⵍⴷⴰⵏⵜ, ⵜⴰⵏⵎⵓⵔⴰⵏⵜ ⵜⴳ ⴷⵉⵖ ⵜⴰⴼⵍⵙⴰⴼⵜ ⴰⵛⴽⵓ ⵜⴰⴼⴰⴷⴰ ⵜⴰⵎⵓⵟⵟⵓⵏⵜ ⵏ ⵜⵉⴼⴼⵓⴳⵏⴰ ⴷⴰ ⵜⵙⵎⵓⵙⵙⵓ ⵉⵎⵙⵡⵉⵏⴳⵎⵏ ⴷ ⵉⵎⵔⵣⴰ  ⵏ ⴽⵉⴳⴰⵏ ⵏ ⵜⵎⵓⵙⵙⵏⵉⵡⵉⵏ » ⴰⵢ ⵜⵏⵏⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵎⵓⵍⵍⵉ ⵡⵉⵙⵙ ⵙⴰ ⵏ ⵜⵉⵏⴰⵡⵜ ⵏ ⵉⵏⵙⵙⵉⵅⴼⵏ ⵏ ⵓⵥⵟⵟⴰ ⴰⴼⵕⵓⵏⴽⵓⴼⵓⵏⵉ ⵏ ⵉⵎⵙⵏⴰⵎⵏ ⵏ ⵓⵙⵏⵖⵎⵙ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⵓⵙⵙⴰⵏ ⵏ 6 ⴷ 7 ⴽⵜⵓⴱⵕ ⴳ ⵓⵙⵖⵉⵎ ⵏ ⵍⵓⵏⵉⵙⴽⵓ ⴳ ⴱⴰⵔⵉⵣ, ⵜⵉⵏⴰⵡⵜ ⵏⵏⴰ ⵜⵙⵏⵎⴰⵍⴰ ⵜⵏⴱⴰⴹⵜ ⵏ ⵓⵙⵏⴰⵎ ⴷ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⵎⵓⵟⵟⵓⵏ ⴳ ⴼⵕⴰⵏⵙⴰ (ⵍⴰⵕⴽⵓⵎ) ⴷⴷⴰⵡ ⵓⵙⴳⵓⵎ « ⴰⵙⵏⴰⵎ ⵏ ⵓⵙⵍⴳⵏ ⵉ ⵎⵙⴰⵔⴰⵙⵏ ⴷ  ⵜⵏⵥⵕⵉⵏ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ”.

ⵜⵙⴰⵡⵍ ⵎⴰⵙⵙⴰ ⴰⵅⵔⴱⴰⵛ ⵉⴳⴰⵏ ⵜⴰⵏⵙⵙⵉⵅⴼⵜ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ, ⵜⵏⵏⴰ  ⴳ ⵡⴰⵡⴰⵍ ⵏⵏⵙ ⵉⵙ ⵜⴰⵏⴱⴰⴹⵜ ⵏ ⵓⴳⴰⴷⴰⵣ ⵏⵏⴰ ⵉⵍⵍⴰⵏ ⵖⵓⵔ ⵜⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ ⴷ ⵜⵣⵎⵔⵜ ⵏⵏⵙⵏⵜ ⵜⴰⵅⴰⵜⴰⵔⵜ ⴳ  ⵓⵙⵎⵓⵏⵜ, ⴳ ⵓⵙⵎⴰⴽⵍ ⴷ ⵓⵣⵓⵣⵣⵔ ⵏ ⵜⵓⵎⴰⵢⵉⵏ ⴷⴰ ⵙⴷⵉⴷⴷⵉⵢⵏ ⴰⵔ ⵙⵇⵙⴰⵏ ⵜⵉⵏⴱⴰⴹⵉⵏ ⴷ ⵉⵏⵣⵔⴰⴼⵏ, ⴰⵔ ⵜⵜⴹⴰⵙⵏ ⵜⵉⵎⵓⵙⵉⵏ ⴷ ⵜⴳⵏⵙⴰⵙⵉⵏ ⵏ ⵓⵎⴰⴹⴰⵍ. “ ⵉⵜⵜⵓⵡⴰⴽⵣ, ⴰⵢ ⵜⵔⵏⴰ, ⵉⵙ ⴷ ⵉⵙⵇⵙⵉⵜⵏ ⴰⴷ ⴷⴰ ⵜⵜⵓⵙⵔⵓⵙⵏ ⴷⵉⵖ ⵙ ⵓⴳⴰⵔ ⵏ ⵜⴰⵡⴷⴰ ⵅⴼ ⵓⵎⵏⵥⴰⵡ ⴰⴼⵔⵉⵇ ⵎⵛ ⵏⵓⵙⵉ ⵙ ⵜⵖⴹⴼⵜ ⵉⵙ ⴰⵙⴳⴳⵯⴰⵙ ⵏ 2050, ⵢⴰⵏ ⵓⵏⵎⵓⵔⵉ ⴳ ⵓⵎⴰⴹⴰⵍ ⵅⴼ ⴽⴽⵓⵥ ⵔⴰⴷ ⵉⴳ ⴰⴼⵔⵉⵇⵉ, ⴷ ⵓⵣⴳⵏ ⵏ ⵉⵎⵣⴷⴰⵖ ⵏ ⵓⵎⵏⵥⴰⵡ ⵔⴰⴷ ⵖⵓⵔⵙ ⵢⵉⵍⵉ ⴷⵔⵓⵙ ⵏ 20 ⵏ ⵉⵙⴳⴳⵯⴰⵙⵏ ⴳ ⵍⵄⵎⵕ. ⵜⴰⵙⵓⵜⴰ ⵣ ⵜⴰⴼⵔⵉⵇⵜ ⵜⵙⵜⴰⵀⵍ ⵙ  ⵓⵢⴰ, ⵖⴰⵙ ⵍⵍⵉⴳ ⴳⴳⵓⵜⵏ ⵎⴷⴷⵏ ⵏⵏⵙ, ⵢⴰⵏ ⵡⴰⵏⴰⵡ ⴰⵎⴰⵢⵏⵓ ⵏ ⵓⵙⵏⴰⵎ ⵏⵏⴰ ⵔⴰⴷ ⵉⴼⵔⴳ ⵉ ⵡⴰⵎⵓⵏ ⴱⵍⴰ ⵜⴰⵙⵙⴰⵙⵜ ⵅⴼ ⵜⵍⴻⵍⵍⵉ”.

ⵜⵔⵓⵔⴰ ⴷⵉⵖ ⵜⴰⵖⴹⴼⵜ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉ ⵜⵅⵉⵜⵔⵜ ⵜⴰⵙⵜⵕⴰⵜⵉⵊⵉⵜ ⵏ  ⵓⵙⵉⵍⵢ ⵏ ⵜⵢⴰⴼⵓⵜ ⵜⴰⵙⵍⵉⵥⵕⵜ ⵜⴰⴼⵔⵉⵇⵜ: ⵙ ⵜⵓⵙⵙⵏⴰ ⵏ ⵜⵙⴰⵍⵉⵡⵉⵏ ⵜⵉⵎⴰⵜⴰⵢⵉⵏ ⵏ ⵉⵙⴼⴽⴰ ⴷ ⵜⵡⵓⵔⵉ ⵏ ⵡⴰⵍⴳⵓⵔⵉⵜⵎ ⵏⵏⵙⵏ,  ⴳⴰⴼⴰ ⴰ ⵔⴰⴷ ⵉⴳ ⵛⵛⵉⵍ ⵉ ⵢⴰⵏ ⵡⴰⵏⴰⵡ ⵏ ⵜⵓⵎⴰⵢⵉⵏ ⵏ ⵓⵏⵎⴰⵍⴰ ⴷ ⵓⴳⵏⵙⴻⵙ ⵏ ⵓⵎⵢⴰⵏⴰⵡ ⵙ ⵜⴽⵏⴷⴰⵡⵜ, ⵎⵛ ⵓⵔ ⵉⵡⵉⴹⵏⵜ ⵜⵎⵓⵔⴰ ⵜⵉⴼⵔⵉⵇⵉⵏ ⴰⴷ ⵙⵏⵓⵍⴼⴰⵏⵜ ⵜⵉⵡⵍⴰⴼⵉⵏ ⵜⵉⵙⵉⵎⴰⵏⵉⵏ ⵏⵏⵙⵏⵜ ⵙ ⵜⵖⴰⵔⴰ ⵏ ⴷⵜⵍⴻⵍⵍⵉ ⵏⵏⴰ ⵏ ⵉⵇⵇⴰⵏⵏ, ⴷ ⴰⴷ ⵙⵔⵙⵏⵜ ⵜⵉⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵢⵓⵙⴰⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵙⵢⴰⴼⵓⵜ ⵜⴰⵏⴰⵎⵓⵔⵜ.

ⴰⵎⵓⵏ ⴳ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⵜⵉⵙⵙ ⵙⴰ ⵏ ⵓⵥⵟⵟⴰ ⴰⴼⵕⵓⵏⴽⵓⴼⵓⵏⵉ ⵏ ⵉⴳⵔⴰⵡⵏ ⵏ ⵓⵙⵍⴳⵏ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴽⵉⴳⴰⵏ ⵏ ⵉⵏⵙⵙⵉⵅⴼⵏ ⵏ ⵓⵙⵏⴰⵎ ⵏ ⵉⵙⵏⵖⵎⵙⵏ ⵉⴼⵔⵉⵇⵉⵢⵏ, ⵏ ⴽⴰⵏⴰⴷⴰ, ⵏ ⵙⵡⵉⵙⵕⴰ, ⵏ ⴱⵍⵊⵉⴽⴰ, ⵏ ⵍⴰⵍⵎⴰⵏ, ⵏ ⵍⵓⴽⵙⵓⵎⴱⵓⵔⴳ, ⵏ ⴰⵍⴱⴰⵏⵉⵢⴰ ⴷ ⵏ ⴼⵕⴰⵏⵚⴰ ⴳ ⵉⵍⵍⴰ ⵓⵎⵙⵏⴰⵎ ⴰⴽⵔⵓⵎ, ⵏⵏⴰ ⵔⴰⴷ ⵉⵏⵙⵙⵉⵅⴼ ⴰⵥⵟⵟⴰ ⵢⴰⴷ ⴳ ⵉⵙⴳⴳⵯⴰⵙⵏ ⵏ 2022-2024.

ⵜⴰⴼⵓⴳⵍⴰ ⵏ ⵓⵏⵏⵓⵕⵥⵎ ⵏ ⵜⵉⵏⴰⵡⵜ ⵜⵜⵓⵔⵎ ⵙ  ⵜⴳⵓⵔⵉⵡⵉⵏ ⵏ ⵎⴰⵙⵙⴰ ⴰⵏⴷⵔⵢ ⴰⵥⵓⵍⴰⵢ, ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵍⵓⵏⵉⵙⴽⵓ, ⴷ ⵎⴰⵙⵙ ⵜⵢⵉⵔⵢ ⴱⵔⵓⵟⵓⵏ, ⴰⵎⵃⴹⴰⵡ ⵓⵕⵓⴱⴱⵉ ⵏ ⵓⴳⴰⴷⴰⵣ ⵏ ⵓⴳⵓⵏⵙ ⴷ ⵢⴰⵏ ⵓⴳⵏⵙⴰⵙ ⵏ ⵜⵎⵙⴷⵓⵙⵜ ⵜⴰⴳⵔⴰⵖⵍⴰⵏⵜ ⵏ ⵜⴼⵕⵓⵏⴽⵓⴼⵓⵏⵉⵜ.

ⴰⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⴰⴳⵎⴰⵎ ⴰⵎⴽⵔⴰⵙ ⵏ ⵓⵥⵟⵟⴰ ⴰⴼⵕⵓⵏⴽⵓⴼⵓⵏⵉ ⵏ ⵉⴳⵔⴰⵡⵏ ⵏ ⵓⵙⵍⴳⵏ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ, ⴷ ⵉⵍⵓⵍⴰⵏ ⴳ ⵡⴰⴳⴰⴷⵓⴳⵓ ⴰⵙⴳⴳⵯⴰⵙ ⵏ 2007 ⵉⴳⴰⵏ ⵢⴰⵏ ⵓⵙⴰⵢⵔⴰⵔ ⵏ ⵓⵎⵛⴰⵡⴰⵕ ⴷ ⵓⵙⵏⵉⴼⵍ ⵏ ⵉⵏⵖⵎⵉⵙⵏ ⵅⴼ ⵜⵎⵙⴰⵍⵉⵏ ⵉⵣⴷⵉⵏ ⴷ ⵓⵙⵏⴰⵎ ⵏ ⵓⵙⵏⵖⵎⵙ ⴷ ⵜⵎⴷⵔⴰⵡⵜ ⵏ ⵉⵎⵙⵏⴰⵎⵏ ⴳ ⵓⵙⴷⵓⵙ ⵏ ⵓⵡⴰⵏⴽ ⵏ ⵓⵣⵔⴼ, ⵏ ⵜⴷⵉⵎⵓⵇⵕⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ.

ⵜⴰⵙⴳⴰ ⵏ ⵎⴰⵙⵙⴰ ⴰⵅⴰⵔⴱⴰⵛ, ⴰⴽⴰⴱⴰⵔ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ  ⴳ ⵜⵉⵏⴰⵡⵜ ⴰⴷ ⴷⵉⴳⵙ ⵎⴰⵙⵙⴰ ⵍⴰⵟⵉⴼⴰ ⵜⴰⵢⴰⵀ, ⵜⴰⵏⵎⵀⴰⵍⵜ ⵏ ⵜⵣⵓⵏⵉ ⵏ ⵜⵓⵔⵣⵉⵡⵉⵏ ⴷ ⵜⵉⴳⵎⵉ.

- ⴰⴽⵍⴰⵜ ⴷⴰ ⴰⴼⴰⴷ ⴰⴷ ⵜⵥⵕⵎ ⴰⴼⵉⴷⵢⵓ ⵏ ⵜⵙⴳⵓⵔⵉ ⵏ ⵎⴰⵙⵙⴰ ⵍⵟⵉⴼⴰ ⴰⵅⴰⵔⴱⴰⵛ  ⵉⵡⵏⴰⵏ ⵏ  ⵜⵉⵏⴰⵡⵜ  ⵜⵉⵙⵙ ⵙⴰ  ⵏ ⵓⵥⵟⵟⴰ  ⴰⴼⵕⵓⵏⴽⵓⴼⵓⵏⵉ  ⵏ  ⵉⴳⵔⴰⵡⵏ  ⵏ  ⵓⵙⵏⴰⵎ ⵏ  ⵉⵎⴰⵙⵙⵏ  ⵏ ⵓⵙⵏⵖⵎⵙ