ⴷⴼⴼⵉⵔ ⴰⵙⵜⴰⵢ ⵏⵏⵙⵏ ⴳ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⵙⵎⵓⵏⵜ ⵏ ⵢⵉⴳⵉⵜⵏ ⵉⵏⴰⵎⵓⵏⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵎⴰⵙⵙ ⴱⵏⵄⵉⵙⴰ ⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵙⵏⵓⴱⴳⵏ ⴰⵙⵙ ⵏ 07 ⴽⵜⵓⴱⵕ 2021, ⴰⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⴰⵔⵉ ⴰⵎⵣⵣⴳⴰⵔ ⵏ ⵜⵎⵙⵎⵓⵏⵜ ⵏ ⵢⵉⴳⵉⵜⵏ ⵉⵏⴰⵎⵓⵏⵏ.

ⵜⵙⵙⵔⵖⵓⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⴷ ⵎⴰⵙⵙ ⴰⵏⵎⵀⴰⵍ ⴰⵎⴰⵜⴰⵢ ⵉⴳⵎⴰⵎⵏ ⵏ ⵓⵙⴰⵔⵉ ⴰⵎⴰⵢⵏⵓ, ⵙⴰⵡⵍⵏ ⵅⴼ ⵜⵏⵥⵕⵉⵜⵉⵏ ⵉⵍⵍⴰⵏ ⴷⴰⵜ ⵜⵉⴳⵉⵜ ⵜⴰⵏⴰⵎⵓⵏⵜ ⴰⴳⵓⵏⵙ ⵏ ⵢⴰⵜ ⵜⵎⵔⵙⵍⵜ ⵣⵓⵏⴷ ⴰⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵉⴳⴰ ⵓⵏⴱⴰⴹ ⴰⵍⵓⴳ ⵏ ⵓⵙⵡⵓⴷⴷⵓ. ⵙⴰⵡⵍⵏ ⴰⵡⴷ ⵅⴼ ⵜⵎⵙⵜⴳⴳⴰⵔⵜ ⵏⵏⴰ ⵖⵉⴼⵙⵏ ⵉⵍⵍⴰⵏ ⴷⴰⵜ ⵉⵎⵍⵜⴰⵖ ⵏⵏⴰ ⵜⵏ ⵉⵙⵜⵉⵏ.

ⴳ ⵓⵎⵙⴰⵡⴰⵍ ⴰⴷ, ⵉⵜⵜⵓⵙⵓⵜⵔ ⴳ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵏ ⵢⵉⴳⵉⵜⵏ ⵉⵏⴰⵎⵓⵏⵏ ⴰⴷ ⵖⵓⵔⵙⵏ ⵉⵍⵉⵏ ⵢⵉⵎⴰⵏ ⵏ ⵓⵙⵏⵓⵍⴼⵓ ⴷ ⵜⵡⵓⵔⵉ ⴰⴼⴰⴷ ⴰⴷ ⴹⵎⵏⵏ ⵢⴰⵜ ⵜⵉⵕⵡⵉ ⵉ ⵢⵉⴳⵉⵜⵏ ⵏⵏⵙⵏ ⴳ ⵓⴱⵖⵓⵔ ⵏ ⵜⵎⵔⵙⵍⵜ ⴷ ⵉⵎⵍⵜⴰⵖ ⴰⴽⴽⵯ.

ⴳ ⵜⵙⴳⴰ ⵢⴰⴹⵏ, ⵉⵙⴰⵡⵍ ⵎⴰⵙⵙ ⵄⴱⴷⵙⵙⵍⴰⵎ ⵎⵓⵜⴰⵡⴽⴽⵉⵍ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵢⵉⴳⵉⵜⵏ ⵉⵏⴰⵎⵓⵏⵏ, ⵉⵙⵏⵎⵎⵔ ⵜⴰⵏⵙⵙⵉⵅⴼⵜ ⴷ ⵓⵏⵎⵀⴰⵍ ⴰⵎⴰⵜⴰⵢ ⵉ ⵓⵙⵏⵓⴱⴳ ⵏⵏⵙⵏ, ⴰⵔ ⵉⵙⵙⵎⵖⵓⵔ ⵉⵣⴷⴰⵢⵏ ⵉⵍⵍⴰⵏ ⴳⵔ ⵜⴰⵎⵀⵍⴰ ⵜⴰⵎⴰⵜⴰⵢⵜ ⴷ ⵜⵎⵙⵎⵓⵏⵜ ⵏ ⵢⵉⴳⵉⵜⵏ ⵉⵏⴰⵎⵓⵏⵏ.

ⴰⴷ ⵏⵙⵙⴽⵜⵉ ⵉⵙ ⵉⵙⵏⵎⴰⵍⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵙⵙ ⵏ 15 ⵢⵓⵍⵢⵓⵣ, ⴰⵙⵜⴰⵢ ⵏ ⵓⵙⴰⵔⵉ ⴰⵎⴰⵢⵏⵓ ⴰⵎⵣⵣⴳⴰⵔ ⵏ ⵜⵎⵙⵎⵓⵏⵜ ⵏ ⵢⵉⴳⵉⵜⵏ ⵉⵏⴰⵎⵓⵏⵏ ⴳ ⵢⵉⵡⵙ ⵏⵏⵙ ⵉ ⵜⵡⵓⵔⵉ ⵜⴰⵏⴰⵎⵓⵏⵜ ⴰⴳⵓⵏⵙ ⵏ ⵜⵎⵔⵙⵍⵜ. ⴰⵙⵜⴰⵢ ⴰⴷ ⵢⵉⵡⵉ ⴷ ⵜⴰⵢⴰⴼⵓⵜ ⴰⴷ :

- ⵎⴰⵙⵙ ⵄⴱⴷⵙⵙⵍⴰⵎ ⵎⵓⵜⴰⵡⴽⴽⵉⵍ (ⴰⵏⵙⵙⵉⵅⴼ)

- ⵎⴰⵙⵙ ⵎⵓⵙⵟⴰⴼⴰ ⵎⵣⵢⴰⵏ (ⴰⵎⴰⵔⵉ ⵏ ⵓⵏⵙⵙⵉⵅⴼ)

- ⵎⴰⵙⵙ ⵕⴰⴱⵉⵄ ⵚⴰⵔⵖⵉⵏⵉ (ⴰⵙⴱⴰⵢⵏⵓ)

- ⵎⴰⵙⵙⴰ ⵀⵓⴷⴰ ⵙⴰⴱⵉⵕⵉ (ⵜⴰⵎⴰⵔⵉⵜ ⵏ ⵓⵙⴱⴰⵢⵏⵓ)

- ⵎⴰⵙⵙ ⴰⵍⴰⵎⵉ ⵄⵓⵜⵎⴰⵏ (ⴰⵎⴰⵏⴰⴹⵜ)

- ⵎⴰⵙⵙ ⵎⵓⵃⵎⴷ ⵃⴰⵎⵣⴰ ⵃⴰⴼⵉⴹⵉ (ⴰⵎⴰⵔⵉ-ⴰⵏⵙⵎⴰⴳⵍ ⵏ ⵓⵎⵢⴰⵡⴰⴹ)

- ⵎⴰⵙⵙⴰ ⵃⴰⵏⴰⵏ ⵓⵄⵕⵓⵙ (ⵜⴰⵏⵙⵙⴼⴰⵡⵜ)

- ⵎⴰⵙⵙ ⵎⵓⵃⵎⴷ ⴱⵏⵃⴰⵙⵙⵓ (ⴰⵏⵙⵙⴼⴰⵡ)

ⵉⵙⵜⴰⵢⵏ ⴰⴷ ⵣⵔⵉⵏ ⴳ ⵓⵣⵔⴰⴽ ⵏ ⵜⵎⴳⴳⵉⵜⵉⵏ ⵏ ⵓⴼⵔⴰⴳ ⵉ ⵓⵎⵏⵏⵓⵖ ⴷ ⵡⴰⵟⵟⴰⵏ ⵏ ⴽⵓⴼⵉⴷ-19.