ⵉⵙⵏⵓⴱⴳ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 16 ⵏⵓⵡⴰⵏⴱⵉⵔ 2023 ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ, ⵎⴰⵙⵙ ⵊⴰⵍⴰⵍ ⵄⵜⵎⴰⵏ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵉⴹⴰⴼ ⵏ ⵜⵓⵎⴰⵢⵜ ⵜⴰⵙⵖⵎⴰⵙⵜ ⵜⴰⵍⵉⴱⵉⵢⵜ.

ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ, ⵉⵙⵎⵏⴷ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ ⵉ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵍⵉⴱⵉ ⵜⴰⵖⵍⴰⴼⵜ ⵜⴰⵎⵔⵙⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⴷ ⵜⵙⵎⵉⴳⵍⵜ ⵏⵏⵙ ⵙ ⵉⴳⴰ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⴰⵙⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ, ⵉⵙⵙⴽⵜⵉ ⴷⵉⵖ ⵜⵉⵕⵡⵉ ⵏ ⵉⵣⴷⴰⵢⵏ ⵏ ⵓⵎⵢⴰⵡⴰⵙ ⵉⵍⵍⴰⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵓⵔⵜ ⵏ ⵍⵉⴱⵢⴰ ⴷ ⵜⵣⵎⵔⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⴰⴷ ⵉⵙⵔⵙ ⵜⵉⵍⴳⴳⵯⵉⵏ ⵏ ⵓⵎⵢⴰⵡⴰⵙ ⴰⴽⴷ ⵓⴳⵔⴰⵡ ⴰⵎⴰⵜⴰⵢ ⵏ ⵜⵉⴹⴰⴼ ⵏ ⵜⵓⵎⴰⵢⵜ ⵜⴰⵙⵖⵎⵙⴰⵏⵜ ⵜⴰⵍⵉⴱⵉⵜ.

ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ, ⵉⵙⵙⴽⵜⵉ ⵎⴰⵙⵙ ⴱⵏⵄⵉⵙⵙⴰ ⵄⵙⵍⵓⵏ ⵙ ⵜⵉⵍⴰⵍⵜ ⵜⴰⴷⵙⵍⴰⵏⵜ ⵏⵏⴰ ⵉⵙⵙⴽⴰⵔ ⵓⴳⵔⴰⵡ ⴰⵎⴰⵜⵜⴰⵢ ⴳ ⵓⴱⵔⵉⴷ ⵏ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⵏ ⵓⵎⵢⴰⵡⴰⵙ ⴳⵔ ⵜⵎⵓⵔⴰ ⵜⵉⴼⵔⵉⵇⵉⵏ ⴷ ⴳⵔ ⵜⵎⵓⵔⴰ ⵜⴰⵄⵔⴰⴱⵉⵏ ⵙ ⵉⵎⵥⵍⵉ ⴰⵙⵡⵉⵏⴳⵎ ⴷ ⵜⵡⵓⵔⵉ ⵉⵛⵛⴰⵔⵏ ⵉ ⵡⵏⵏⴰⵍ ⵏ ⵜⵎⵙⵓⵔⵙⵉⵏ ⵜⵏⵥⵕⵉⵏ ⵉⵜⵜⵓⵙⵔⵙⵏ ⵉ ⵜⵎⵔⵙⴰⵍ ⵏ ⵓⵙⵍⴳⵏ, ⵉⵙⵙⴽⵜⵉ ⴷⵉⵖ ⵜⵉⵍⴰⵍⵜ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵜ ⴳ ⵓⵙⴰⵜⵉ ⵏ ⵜⵏⵙⵙⵉⵅⴼⵜ ⵏⵏⵙ ⵉ ⵓⵥⵟⵟⴰ ⴰⴼⵔⵉⵇ ⵏ ⵜⵎⵔⵙⴰⵍ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ ⵏⵏⴰ ⴳ ⵍⵍⴰⵏⵜ 37 ⵏ ⵜⵎⵓⵔⴰ.

ⴳ ⵜⵙⴳⴰ ⵏⵏⵙ, ⵉⵙⴰⵡⵍ ⵎⴰⵙⵙ ⵊⴰⵍⴰⵍ ⵄⵜⵎⴰⵏ ⵅⴼ ⵓⵎⴷⴰⵣ ⵏⵏⵙ ⵙ ⵢⵉⵔⵎ ⴰⵎⵖⵔⴰⴱⵉ ⴳ ⵢⵉⴳⵔ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ, ⵉⵔⵏⵓ ⵉⵙ ⵉⵔⴰ ⵓⴳⵔⴰⵡ ⴰⵎⴰⵜⴰⵢ ⵏ ⵜⵉⴹⴰⴼ ⵏ ⵜⵓⵎⴰⵢⵜ ⵜⴰⵙⵏⵖⵎⴰⵙⵜ ⴳ ⵜⵎⵓⵔⵜ ⵏ ⵍⵉⴱⵢⴰ ⴰⴷ ⵜⵜⵎⵢⴰⵡⴰⵙ ⵏⵜⵜⴰⵜ ⴷ ⵓⴳⵔⴰⵡ ⴰⵎⴰⵜⵜⴰⵢ ⴰⵎⵖⵔⴰⴱⵉ.

ⵉⵙⵙⴽⵔ ⴷⵉⵖ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵉⴹⴰⴼ ⵏ ⵜⵓⵎⴰⵢⵜ ⵜⴰⵙⵖⵎⵙⴰⵏⵜ ⵜⴰⵍⵉⴱⵉⵢⵜ ⵢⴰⵏ ⵓⵔⵣⴰⴼ ⵉ ⵜⵏⵎⵀⴰⵍⵉⵏ ⴷ ⵜⵏⴰⴼⵓⵜⵉⵏ ⵜⵉⵜⵉⵇⵏⵉⵢⵉⵏ ⵏ ⵜⵎⵔⵙⵍⵜ, ⵙ ⵉⵎⵥⵍⵉ ⵜⴰⵏⵎⵀⵍⵜ ⵏ ⵓⴹⴼⴼⵓⵕ ⵏ ⵉⵖⴰⵡⴰⵙⵏ ⴷ ⵜⵏⵎⵀⵍⵜ ⵏ ⵉⵏⴳⵔⴰⵡⵏ ⵉⵎⵓⵟⵟⵓⵏⵏ.

ⵢⴰⵎⵓ ⴳ ⵓⵎⵙⴳⵔⴰⵡ ⴰⴷ ⵎⴰⵙⵙ ⵟⴰⵕⵉⵇ ⴽⵔⵉⵎⵉ, ⴰⵙⴰⵜⵉ ⴰⵎⴰⵜⵜⴰⵢ ⴳ ⵜⵏⵎⵀⵍⵜ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ.