ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 14 ⵏⵓⵡⴰⵏⴱⵉⵔ 2023, ⴳ ⵓⵙⵖⵉⵎ ⵏ ⵜⵎⵔⵙⵍⵜ, ⵎⴰⵙⵙ ⴱⵉⵢⵉⵔ ⵉⴼ ⵊⴰⵀⵓⵍⵉ, ⴰⵎⴰⵡⵙⴰⵙ-ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵏ ⵡⴰⵍⵓⵏⵉ-ⴱⵔⵓⴽⵙⵉⵍ, ⵉⵎⵓⵏⵏ ⵏⵜⵜⴰ ⴷ ⵎⴰⵙⵙ ⵛⵉⵕⴰⵣ ⵍⴼⴰⵙⵙⵉ,  ⴰⵎⵓⵔⴰⵢ ⴰⵎⴰⵜⴰⵢ ⵏ ⵡⴰⵍⵓⵏⵉ-ⴱⵔⵓⴽⵙⵉⵍ ⴳ ⵍⵎⵖⵔⵉⴱ.

ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ, ⵜⵙⵙⵎⵏⵉⴷ ⵎⴰⵙⵙⴰ ⴰⵅⴰⵔⴱⴰⵛ ⵉ ⵓⵎⴰⵡⵙⴰⵙ-ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵏ ⵡⴰⵍⵓⵏⵉ ⵉⵛⴰⵕⵉⴹⵏ ⵉⵅⴰⵜⴰⵔⵏ ⵏ ⵜⵙⵎⵉⴳⵍⵜ ⵜⴰⵎⵔⵙⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵏⵉⵎⴰⵏⵜ ⵏ ⵜⵉⵏⵏⵓⴱⴹⴰ ⵉⵀⵢⵢⴰⵏ ⴷ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ. ⵜⵙⵙⴽⵏ ⴷⵉⵖ ⵜⵉⵍⴰⵍⵜ ⵏ ⵜⵎⵔⵙⵍⵜ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵜⵍⴻⵍⵍⵉ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⴹⵎⴰⵏ ⵏ ⵉⵣⵔⴼⴰⵏ ⵏ ⵉⵏⵎⵓⵔⵉⵏ ⵉⵙⵡⵓⵔⵉⵏ ⵉⵙⵏⵖⵎⵙⵏ ⵉ ⵜⵓⵎⴰⵢⵉⵏ ⵜⵉⵙⵏⵖⵎⴰⵙ ⵜⵉⵎⴰⴳⵓⵜⵉⵏ, ⵜⵉⵎⵢⴰⵏⴰⵡⵉⵏ ⴷ ⵉⵣⵔⵔⴽⵏ ⵉⵎⵏⵣⴰⵢ ⵏ ⵉⵣⵔⴼⴰⵏ ⵏ ⵓⵎⴷⴰⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵕⴰⵟⵉⵢⵏ.

ⴳ ⵜⵙⴳⴰ ⵏⵏⵙ, ⵉⵙⵙⴽⵏ ⵓⵎⴰⵡⵙⴰⵙ-ⴰⵏⵙⵙⵉⵅⴼ ⴰⵎⴷⴰⵣ ⵏⵏⵙ ⵅⴼ ⵜⵖⴰⵔⴰ ⵏ ⵉⵎⵣⴷⴰⵢⵏ ⵏ ⵓⵎⵢⴰⵡⴰⵙ ⴳⵔ ⵓⴳⵔⴰⵡ ⴰⵎⴰⵜⵜⴰⵢ ⵏⵜⵜⴰ ⴷ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⵍⵉⵥⵕ ⵏ ⵡⴰⵍⵓⵏⵉ, ⵉⵙⵙⵎⵖⵓⵔ ⵙ ⵢⵉⵔⵉ ⵏ ⵜⵎⵔⵙⴰⵍ ⵙ ⵙⵏⴰⵜ ⴰⴷ ⵙⵡⵓⵔⵉⵏⵜ ⴳ ⵓⵙⵅⵉⵜⵔ ⵏ ⵓⵎⵢⴰⵡⴰⵙ ⴳⵔⴰⵙⵏⵜ ⴷ ⵓⵎⵢⴰⵖ ⵏⵏⵙⵏⵜ ⴷⴰⵜ ⵉⵙⴷⵉⴷⴷⵉⵢⵏ ⵉⵅⴰⵜⴰⵔⵏ ⵏⵏⴰ ⵉⵍⵍⴰⵏ ⴳ ⵜⵡⵏⵏⴰⴹⵜ ⵜⴰⵙⵖⵎⵙⴰⵏⵜ ⴳ ⵓⵎⴰⴹⴰⵍ.

ⴰⵎⵓⵏ ⴳ ⵓⵎⵙⴳⵔⴰⵡ ⴰⴷ, ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙ ⴰⵎⵉⵏ ⵍⴱⵓⵄⵣⵣⴰⵡⵉ ⵉⴳⴰⵏ ⴰⵙⴰⵜⵉ ⴰⵅⴰⵜⴰⵔ ⴳ ⵜⵏⵎⵀⵍⵜ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ.