ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⵏⵜⵜⴰⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵎⵔⵙⵍⵜ , ⴰⵙⵙ ⵏ 18 ⴱⵕⴰⵢⵕ ⴳ ⵕⵕⴱⴰⵟ, ⵢⴰⵏ ⵓⴽⴰⴱⴰⵕ ⵏ ⵉⵣⵣⵓⵍⴰⵏⵏ ⵏ ⵓⵙⵏⵖⵎⵙ ⵉⵙⵉⵏⵉⵖⴰⵍⵉⵢⵏ. ⴰⵔⵣⴰⴼ ⴰⴷ ⵏ ⵜⵡⵓⵔⵉ, ⵉⵜⵜⵓⵙⵏⵎⴰⵍⴰⵏ ⵙ ⵜⵙⵏⵜⴰⵢⵜ ⵏ ⵓⴳⵔⴰⵡ ⵍⵓⵎⴰⵜⴰⵏ, ⵉⵣⵡⴰⵔ ⴰⵙ ⵎⴰⵙⵙ ⵃⴰⴱⵉⴱⵓ ⴷⵉⵢⴰ, ⴰⵏⵎⵀⴰⵍ ⵏ ⵓⵎⵢⴰⵡⴰⴹ ⴳ ⵜⵎⴰⵡⴰⵙⵜ ⵜⴰⵙⵉⵏⵉⴳⴰⵍⵉⵜ ⵏ ⵓⵎⵢⴰⵡⴰⴹ, ⴷ ⵎⴰⵙⵙ ⵎⵓⵃⴰⵎⵎⴰⴷⵓ ⵍⴰⵎⵉⵏ ⵏⵉⵢⴰⵏⴳ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵙⵙⵓⵔⵜ ⵜⴰⵙⵉⵏⵉⵖⴰⵍⵉⵜ ⵏ ⵜⵖⴰⵎⵙⴰ ⴷ ⵓⵙⵥⵕⴳ, ⴰⵎⵙⵙⵓⴼⵖ ⵙ ⵉⵎⵥⵍⵉ ⵏ ⵓⵖⵎⵉⵙ ⴰⴽⵓⵢⴰⵙⵙ ⵍⵓⵚⵓⵍⴰⵢ. ⴰⵔⵣⴰⴼ ⴰⴷ, ⵢⵓⴷⵊⵉ ⵉⵏⵔⵣⴰⴼ ⴰⴷ ⴰⴳⴳⵏ ⵅⴼ ⵉⵎⵏⵉⴷⵏ ⵉⵅⴰⵜⴰⵔⵏ ⴷ ⵜⵎⵥⵍⵉⵢⵉⵏ ⵏ ⵓⵣⵓⵔⵜ ⴰⵎⵖⵔⴰⴱⵉ ⴳ ⵓⵙⵍⴳⵏ ⵏ ⵓⵙⵏⵖⵎⵙ.
ⵙ ⵓⵣⵎⵣⵣⵓ ⵢⴰⴷ, ⵜⵙⵙⵔⵖⵓⴷ ⵎⴰⵙⵙⴰ ⴰⵅⴰⵔⴱⴰⵛ ⴰⵎⵢⴰⵡⴰⵙ ⵉⵖⵓⴷⴰⵏ ⵉⵍⵍⴰⵏ ⴳⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵢⵉⴽⵏⵉ ⵏⵏⵙ ⴰⵙⵉⵏⵉⵖⴰⵍⵉ, ⴰⵙⵇⵇⵉⵎ ⴰⵏⴰⵎⵓⵔ ⵏ ⵓⵙⵍⴳⵏ ⵏ ⵓⵙⵍⵉⵥⵕ, ⵜⵙⴰⵡⵍ ⵅⴼ ⵜⵎⵖⵓⵍⵉ ⵉⵔⵡⴰⵙⵏ ⵅⴼ ⵜⵉⵍⴰⵍⵜ ⵜⴷⵉⵎⵓⵇⵕⴰⵜⵉⵜ ⵏ ⵜⵏⴱⴰⴹⵉⵏ ⵏ ⵓⵙⵍⴳⵏ. ⵜⴱⴷⵔ ⴷⵉⵖ ⵜⴰⵎⴷⵔⴰⵡⵜ ⵏ ⵜⵎⵔⵙⴰⵍ ⵙ ⵙⵏⴰⵜ ⴰⴳⵓⵏⵙ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ, ⵙ ⵉⵎⵥⵍⵉ ⴳ ⵜⵏⴽⵔⴰ ⵙ ⵓⴱⴰⴹ ⴰⵙⵖⵎⵙⴰⵏ ⴰⴼⵔⵉⵇ, ⴰⵎⵏⵏⵓⵖ ⵎⴳⴰⵍ ⵉⵏⵖⵎⵉⵙⵏ ⵏ ⵜⴽⵔⴽⴰⵙ ⴷ ⵉⵏⴰⵡⵏ ⵏ ⵓⴽⵙⴰⵏ, ⴰⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵙⵡⵓⵔⴰ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ, ⴰⵙⴷⵓⵙ ⵏ ⵜⵣⴷⴳⵉ ⵏ ⵉⵙⵜⴰⵢⵏ ⴷ ⵜⵎⴰⴳⵓⵜ ⵜⴰⵙⵔⵜⴰⵏⵜ ⴰⴳⵓⵏⵙ ⵏ ⵓⵙⵏⵖⵎⵙ.
ⵜⵙⵙⵎⵏⵉⴷ ⴷⵉⵖ ⵜⵏⵙⵙⵉⵅⴼⵜ ⵜⵉⵏⵥⴰⵕ ⵉⵍⵍⴰⵏ ⴷⴰⵜ ⵉⵙⵍⴳⴰⵏⵏ ⵉⴼⵔⵉⵇⵏ ⴳ ⵓⵣⵎⵣ ⵏ ⵉⵎⵓⵜⵜⵓⵢⵏ ⵉⵎⵓⵟⵟⵓⵏⵏ ⵏⵏⴰ ⵉⵇⵇⴰⵏ, ⴷⵉⴳⵙⵏ CNRA, ⴰⴷ ⵙⵅⵉⵜⵔⵏ ⵉⴳⵔ ⵏ ⵜⵡⵓⵔⵉ ⴰⴼⴰⴷ ⵢⴰⵡⴹ ⴰⵡⴷ ⵜⵓⵎⴰⵢⵉⵏ ⵉⵜⵜⵓⵣⵓⵣⵣⵓⵔⵏ ⴳ ⵜⵙⴰⵍⵉⵡⵉⵏ ⵜⵉⵏⴰⵎⵓⵏⵉⵏ. ⵙ ⵓⵣⵎⵣⵣⵓ ⵢⴰⴷ, ⵜⵙⵙⵉⵔⵎ ⴰⵎⵓⵔⵙ ⵉ ⵜⵎⵔⵙⵍⵜ ⵜⴰⵙⵉⵏⵉⵖⴰⵍⵉⵜ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴳ ⵜⵡⵓⵔⵉⵡⵉⵏ ⵏⵏⴰ ⵎⵉ ⵉⵎⵙⴰⵙⴰ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵅⴼ ⵓⵙⵙⵏⵜⵉ ⵏ ⵓⵙⵍⴳⵏ ⵏ ⵜⵍⴰⵍⵉⵜ ⴳ ⵡⴰⵢⵢⵓⵔ ⵏ ⵢⵏⵏⴰⵢⵔ ⵉⵣⵔⵉⵏ.
ⴳ ⵜⵙⴳⴰ ⵏⵏⵙ, ⵉⵙⵙⵎⵏⵉⴷ ⵎⴰⵙⵙ ⴷⵉⴰ ⵉⵛⴰⵕⵉⴹⵏ ⵉⵅⴰⵜⴰⵔⵏ ⵏ ⵓⵙⵏⴰⵎ ⵏ ⵓⵙⵍⴳⵏ ⴰⵙⵖⵎⵙⴰⵏ ⴳ ⵙⵉⵏⵉⵖⴰⵍ, ⵉⵙⴰⵡⵍ ⵅⴼ ⵓⵙⵉⵔⵎ ⵏⵏⵙ ⵏ ⵓⵙⵙⵖⴱⵓ ⵏ ⵓⵎⵢⴰⵡⴰⵙ ⴳⵔ ⵍⵎⵖⵔⵉⴱ ⴷ ⵙⵉⵏⵉⵖⴰⵍ ⴳ ⵜⵏⴰⴼⵓⵜ ⵏ ⵓⵙⴷⵓⵙ ⵏ ⵓⴱⴰⴹ ⴰⵙⵖⵎⵙⴰⵏ ⵏ ⵙⵏⴰⵜ ⵜⵎⵓⵔⴰ ⵢⴰⴷ ⵏ ⵜⵏⵥⴰⵡⵜ. ⵉⴱⴷⵔ ⵎⴰⵙⵙ ⵏⵉⵢⴰⵏⴳ ⴳ ⵜⵙⴳⴰ ⵏⵏⵙ, ⵜⵉⵏⵥⴰⵕ ⵉⵍⵍⴰⵏ ⴷⴰⵜ ⵓⵖⵎⵉⵙ ⵏ ⵍⵓⵚⵓⵍⴰⵢ ⴷ ⵜⵖⴰⵎⵙⴰ ⵜⴰⵙⵉⵏⵉⵖⴰⵍⵉⵜ, ⵙ ⵉⵎⵥⵍⵉ, ⴰⵎⵎⵓⵜⵢ ⴰⵎⵓⵟⵟⵓⵏ ⴷ ⵓⵙⵎⵓⵜⵜⵔ ⴰⵅⴰⵜⴰⵔ ⵏ ⵜⴷⵔⵉⵎⵜ ⵏ ⵓⵙⵓⵙⵙⵏ ⵖⵓⵔ ⵜⵙⴰⵍⵉⵡⵉⵏ ⵜⵉⵅⴰⵜⴰⵔⵉⵏ ⵜⵉⵎⴰⴹⵍⴰⵏⵉⵏ.
ⵉⵔⵣⴼ ⵓⴽⴰⴱⴰⵕ ⴰⴷ ⴳ ⵜⴳⵉⵔⴰ ⴽⵉⴳⴰⵏ ⵏ ⵜⵎⵀⵍⵉⵡⵉⵏ ⵜⵉⵜⵉⵇⵏⵉⵢⵉⵏ, ⴰⵎⵎⴰⵙ ⵏ ⵓⵏⵜⴰⵎ ⴷ ⵜⵎⵀⵍⴰ ⵏ ⵉⵏⴳⵔⴰⵡⵏ ⵏ ⵓⵙⵏⵖⵎⵙ. ⴰⵎⵓⵏ ⴳ ⵓⵎⵙⴳⵔⴰⵡ ⴰⴷ ⴰⵡⴷ ⵎⴰⵙⵙ ⵎⵓⵃⴰⵎⵎⴷ ⵀⴰⵢⵜⴰⵎⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⵍⵓⵎⴰⵜⵉⵏ, ⵎⵓⵙⵟⴰⴼⴰ ⴷⵉⵢⵓⴼ, ⴰⵏⵎⵀⴰⵍ ⴰⵎⴰⵡⴰⵙ ⵏ ⵓⵎⵢⴰⵡⴰⴹ, ⵎⴰⵙⵙ ⵎⵓⵃⴰⵎⴰⴷⵓ ⵙⴰⵍⵍ, ⴰⵎⴰⵙⴰⵢ ⵏ ⵓⴱⵟⵟⵓ ⴳ ⵜⵎⵙⵙⵓⵔⵜ ⵜⴰⵙⵉⵏⵉⵖⴰⵍⵉⵜ ⵏ ⵜⵖⴰⵎⵙⴰ ⴷ ⵜⵥⵕⵉⴳⵜ, ⵎⴰⵙⵙ ⵄⵓⵎⴰⵔ ⴼⵉⴷⵉⵢⵓⵔ, ⴰⵏⵖⵎⴰⵙ ⴳ ⵓⴽⵓⵢⴰⵙⵙ ⵍⵓⵚⵓⵍⴰⵢ, ⴷ ⵎⴰⵙⵙ ⵟⴰⵍⴰⵍ ⵚⴰⵍⴰⵃⴷⴷⵉⵏ, ⴰⵎⵙⵜⴳⴳⴰⵔ ⵅⴼ ⵜⵖⴰⵡⵙⵉⵡⵉⵏ ⵜⵉⴼⵔⵉⵇⵉⵏ ⴷ ⵜⴳⵔⴰⵖⵍⴰⵏⵉⵏ ⴳⴰⴳⵓⵏⵙ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.