ⵜⵙⵙⴳⵎⴹ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵜⵏⵖⵎⵙⵜ ⴷ ⵓⵙⵍⵉⵥⵕ ⵏ ⵎⵓⵔⵉⵟⴰⵏⵢⴰ, ⵎⴰⵙⵙ ⵃⵓⵙⵉⵏ ⵡⵍⴷ ⵎⴷⴷⵓ, ⴰⵙⵙ ⵏ 16 ⵢⵏⵏⴰⵢⵔ 2024 ⴳ ⵏⵡⴰⴽⵛⵓⵟ, ⵢⴰⵜ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⴷ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵎⵔⵙⴰⵍ ⴰⴷ ⵏ ⵓⵙⵍⴳⵏ.

ⴰⴹⵕⵉⵙ ⵉⵜⵜⵓⵙⴳⵎⴹⵏ ⴷⴰ ⵉⵙⵙⴽⵜⴰⵢ ⴰⵎⵙⴰⵔⴰⵙ ⴰⴷⵙⵍⴰⵏ ⵏ ⵓⵙⵍⴳⵏ ⴰⵙⵉⵎⴰⵏ ⵏ ⵓⵙⵏⵖⵎⵙ ⵉⴳⴰ ⴰⵙⴷⵓⵙ ⵏ ⵜⴷⵍⵙⴰ ⴷ ⵜⵎⵙⴽⵔⵜ ⵜⴰⴷⵉⵎⵓⵇⵕⴰⵟⵉⵜ, ⴰⵙⴷⵓⵙ ⵏ ⵓⵣⵔⴰⴽ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴳⵓⵏⵙ ⵏ ⵓⵙⵏⵖⵎⵙ, ⴰⴼⵔⴰⴳ ⵏ ⵉⴳⴷⵓⴷⵏ ⴷ ⵓⴹⵎⴰⵏ ⵏ ⵓⵣⵔⴼ ⵏⵏⵙⵏ ⴳ ⵓⵏⵖⵎⵉⵙ ⵉⵣⴷⴷⵉⴳⵏ ⵉⵍⴰⵏ ⴰⵜⵉⴳ. ⴰⵔ ⵉⵙⵏⵉⵎⴰⵍ ⴰⵙⵡⵓⵔⵉ ⵏ ⴽⵔⴰ ⵏ ⵜⵉⴳⴰⵡⵉⵏ ⵉⵡⴰⵜⵙⵏ ⴰⵙⵖⵓⴷⵓ ⵏ ⵉⵣⵣⵉⴳⵣⵏ ⴷ ⵉⵎⴰⵙⵙⵏ ⵏ ⵓⵙⵍⴳⵏ ⴳ ⵢⵉⴳⵔ ⵙ ⵉⵎⵥⵍⵉ ⵏ ⵓⵎⵙⴰⵏⵓⵏ ⴷ ⵓⴹⴼⴼⵓⵕ ⵏ ⵉⵖⴰⵡⴰⵙⵏ, ⴰⴳⴳⴰⵢ ⴰⵣⵣⵓⵍⴰⵏ ⴷ ⵜⵖⴰⵔⴰⵙⵉⵏ ⵏ ⵓⵙⵎⵙⴰⵙⴰ ⵏ ⵓⵙⵍⴳⵏ ⵉ ⵜⵡⵏⵏⴰⴹⵜ ⵜⴰⵎⴰⵢⵏⵓⵜ ⵜⴰⵎⵓⵟⵟⵓⵏⵜ ⵏ ⵓⵙⵏⵖⵎⵙ. ⴽⵉⴳⴰⵏ ⵏ ⵉⵙⴳⵓⵎⵏ ⵜⵜⵓⵙⵜⵉⵏ ⴷⵉⵖ ⵉ ⵓⵎⵛⴰⵡⴰⵕ ⴷ ⵓⵎⵔⴰⵔⴰ ⵏ ⵢⵉⵔⵎⵏ ⴳⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴽⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵜⵏⵖⵎⵙⵜ ⴷ ⵓⵙⵍⵉⵥⵕ ⵣⵓⵏ ⴷ ⴰⵙⵡⵓⴷⴷⵓ ⵏ ⵓⵡⵏⵏⵉ ⴰⵎⴰⴳⵓⵜ ⴷ ⵜⵏⴽⵔⴰ ⵙ ⵓⵎⵢⴰⵏⴰⵡ ⴰⴷⵍⵙⴰⵏ ⴷ ⵡⵓⵜⵍⴰⵢ ⴰⴳⵓⵏⵙ ⵏ ⵓⵙⵏⵖⵎⵙ ⴰⵙⵍⵉⵥⵕ.

ⵉⵡⵏⴰⵏ ⵏ ⵓⵔⵣⴰⴼ ⴰⴷ ⵏ ⵜⵡⵓⵔⵉ ⵏⵏⴰ ⵜⵙⵙⴽⵔ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵓⵙⵙⴰⵏ ⵏ 15 ⴰⵔ 17 ⵢⵏⵏⴰⵢⵔ ⴳ ⵏⵡⴰⴽⵛⵓⵟ, ⵙ ⵓⵙⵏⵓⴱⴳ ⵏ ⵢⵉⴽⵏ ⵏⵏⵙ ⴰⵎⵓⵔⵉⵟⴰⵏⵉ, ⵜⵙⵙⴽⵔ ⵎⴰⵙⵙⴰ ⴰⵅⴰⵔⴱⴰⵛ ⴽⵉⴳⴰⵏ ⵏ ⵉⴳⵉⵡⵔⵏ ⵏ ⵓⵎⵔⴰⵔⴰ ⴷ ⵓⵎⵛⴰⵡⴰⵕ ⵉⵣⴷⵉⵏ ⵙ ⵉⵣⵎⵣⵏ ⴷ ⵢⵓⵙⴰⵏ ⵏ ⵉⵥⴹⵡⴰⵏ ⵏ ⵉⵎⵙⵍⴳⵏⵏ ⴰⴳⵓⵏⵙ ⴳ ⴳⴰⵏⵜ ⵉⴳⵎⴰⵎⵏ ⵙⵏⴰⵜ ⵜⵎⵔⵙⴰⵍ ⴰⴷ. ⵙ ⵉⵎⵥⵍⵉ ⴰⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ ⵎⵉ ⵉⴳⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵏⵙⵙⵉⵅⴼ ⴳ ⵓⴽⵓⴷ ⵏ 2023-2024, ⴷ ⵓⵥⵟⵟⴰ ⴰⴼⵕⴰⵏⴽⵓⴼⵓⵏ ⵏ ⵉⵎⵙⵍⴳⵏⵏ ⵏ ⵓⵙⵍⵉⵥⵕ ⵏ ⵜⵎⵓⵔⴰ ⵜⵉⴳⵎⴰⵎⵉⵏ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⵏⵙⵍⵎ.

ⵉⵇⵇⴰⵏ ⵏ ⴰⴷ ⵏⵙⵙⴽⵜⵉ ⵉⵙ ⵉⵡⵏⴰⵏ ⵏ ⵜⴼⵓⴳⵍⴰ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ, ⵜⵙⵎⵓⵙⵙ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⴷⴰⵜ ⴽⵉⴳⴰⵏ ⵏ ⵉⴳⵏⵙⴰⵙⵏ ⵏ ⵉⵎⵡⵓⵔⴰ ⵉⵙⵍⵉⵥⵕⵏ ⴷ ⵉⵎⴰⵙⴰⵢⵏ ⵏ ⵜⵏⵖⵎⵙⵜ ⵜⴰⵎⵓⵕⵉⵟⴰⵏⵉⵜ, ⵢⴰⵜ ⵜⵉⵏⴰⵡⵜ ⵅⴼ ⵜⵏⵥⵕⵉⵏ ⵏ ⵓⵙⵏⴼⵍ ⴰⵎⵓⵟⵟⵓⵏ ⵉ ⵜⴷⴰⵎⵙⴰ ⵏ ⵓⵙⵏⵖⵎⵙ ⴰⵙⵍⵉⵥⵕ, ⴰⵙⴳⵓⵎ ⴰⴷ ⵉⵍⵍⴰ ⴳ ⵢⵉⴳⵔ ⵏ ⵓⵙⵡⵉⵏⴳⵎ ⴰⵎⴰⵛⵛⴰⵔ ⵏⵏⴰ ⵜⵙⵏⵉⵎⵍ ⵜⵎⵢⴰⵇⵇⴰⵏⵜ.

ⴰⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵜⵏⵖⵎⵙⵜ ⴷ ⵓⵙⵍⵉⵥⵕ ⵉⵍⵍⴰ ⴷⵉⴳⵙ ⴰⵡⴷ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴷ ⵎⴰⵙⵙ ⵄⵉⵎⴰⴷ ⵎⵏⵢⴰⵔⵉ, ⵉⵎⵉⵔⵉ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵎⴰⵙⵙ ⵟⴰⵍⴰⵍ ⵚⴰⵍⴰⵃⴷⴷⵉⵏ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⴼⵔⵉⵇⵉⵏ ⴰⴳⵓⵏⵙ ⵏ ⵜⵎⵔⵙⵍⵜ.