ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ ⴰⵢⵏⴰⵙ 7 ⵎⴰⵕⵚ 2022 ⴳ ⵓⵙⵇⵇⵉⵎ ⵏ ⵜⵎⵔⵙⵍⵜ ⴳ ⵕⵕⴱⴰⵟ, ⵉⵏⵖⵎⴰⵙⵏ ⵙⴳ ⵜⵎⵓⵔⵜ ⵏ ⵍⴱⵉⵔⵔⵓ ⴷ ⵉⵎⵓⵏⵏ ⴷ ⵢⴰⵏ ⵓⴽⴰⴱⴰⵔ ⴰⴱⵕⵍⴰⵎⴰⵏⵉ ⴰⴱⵉⵔⵓⴼⵉ ⵉⵙⵙⴽⵔⵏ ⴰⵔⵣⴰⴼ ⵉ ⵍⵎⵖⵔⵉⴱ ⵙⴳ 6 ⴰⵔ 12 ⵎⴰⵕⵚ 2022.

ⵙ ⵓⵣⵎⵣⵣⵓ ⵢⴰⴷ, ⵜⵙⵙⴽⵏ ⵎⴰⵙⵙⴰ ⴰⵅⴰⵔⴱⴰⵛ ⵉ ⵎⴰⵙⵙ ⵔⵉⴽⴰⵔⴷⵓ ⵙⴰⵏⵛⵉⵣ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵉⵏⵖⵎⴰⵙⵏ ⵏ ⵍⴱⵉⵔⵔⵓ ⴷ ⵎⴰⵙⵙ ⴽⴰⵕⵍⵓⵙ ⵍⵉⵏⴰⵕⵉⵙ, ⴰⵏⵎⵀⴰⵍ ⵏ ⵓⵖⵎⵉⵙ ⵍⴰⵕⴰⵥⵓⵏ, ⵜⴰⵡⵓⵔⵉ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵏⴰⵎ ⵏ ⵢⵉⴳⵔ ⵏ ⵓⵙⵍⵉⵥⵕ ⴰⵎⵖⵔⴰⴱⵉ.

ⴳ ⵜⵎⵔⴰⵔⵓⵜ ⵅⴼ ⵉⵙⵇⵙⵉⵜⵏ ⵏ ⵉⵏⵖⵎⴰⵙⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵏⵏⴰⵔ ⵏ ⵜⵉⴳⴰⵡⵜ, ⵜⵉⵖⴰⵔⴰⵙⵉⵏ ⵏ ⵢⵉⵙⵉ ⵏ ⵜⵖⵜⴰⵙⵉⵏ ⴷ ⵜⵙⵏⵉⵎⴰⵏⵜ ⵏ ⵜⵎⵔⵙⵍⵜ ⵏ ⵓⵙⵏⴰⵎ, ⵜⵙⵙⵉⴽⵣ ⵎⴰⵙⵙⴰ ⴰⵅⴰⵔⴱⴰⵛ ⵉⵙ ⴷ ⵜⵉⴳⴰⵡⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⴻⵜⵜⵓⵣⵎⵎⴻⵎ ⴳ ⵓⵙⴰⵜⵉ ⵏ ⵓⵣⵣⵉⴳⵣ ⵏ ⵓⵙⴷⵉⵎⵓⵇⵔⴰⵟ ⵏ ⵓⵡⴰⵏⴽ ⴷ ⵡⴰⵎⵓⵏ, ⵜⵙⵙⴽⵜⵉ ⴷ ⵉⵙ ⴷ ⵜⴰⵍⴰⵍⵉⵜ ⵏ ⵜⵎⵔⵙⵍⵜ ⵢⵓⵙⴰ ⴷ ⴳ ⵓⵎⵏⴰⴹ ⵏ ⵉⵙⵏⵉⴼⵉⵍⵏ ⵉⴷⵉⵎⵓⵇⵕⴰⵟⵉⵢⵏ ⵏⵏⴰ ⵜⵙⵙⵏ ⵜⵎⵓⵔⵜ ⴳ ⵜⵉⵣⵡⵉⵔⵉ ⵏ ⵉⵙⴳⴳⵯⴰⵙⵏ 2000, ⵉ ⵓⴱⴰⵖⵓⵔ ⵏ ⵓⵏⴱⴰⴹ ⴰⵎⴰⵢⵏⵓ.

ⵜⵙⴰⵡⵍ ⴷⵉⵖ ⵙ ⵓⵙⴳⵣⵍ ⵅⴼ ⵜⵉⵍⴰⵍⵜ ⵏ ⵜⵎⵔⵙⵍⵜ ⴳ ⵜⵖⴰⵔⴰⵙⵜ ⵏ ⵓⵙⴷⵓⵙ ⴰⴷⵉⵎⵓⵇⵔⴰⵟⵉ ⵙ ⵓⴱⵔⵉⴷ ⵏ ⵜⵏⴼⵔⵓⵜ ⴷ ⵓⴼⵔⴰⴳ, ⴰⴳⵓⵏⵙ ⵏ ⵓⵙⵏⵖⵎⵙ ⴰⵙⵍⵉⵥⵕ ⴰⴳⴷⵓⴷⴰⵏ ⴷ ⵡⵓⵙⵍⵉⴳ, ⵏ ⵜⵍⴻⵍⵍⵉ ⵏ ⵓⵡⵏⵏⵉ, ⵏ ⵜⵎⴰⴳⵓⵜ ⵏ ⵜⴰⵏⵏⴰⵢⵜ, ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴷ ⵡⵓⵜⵍⴰⵢ ⴷ ⵓⵣⵔⴰⴽ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⴷⴷⵓⵔ ⴰⵏⴼⴳⴰⵏ.