ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ ⵓⵙⵉⵏⴰⵙ 5 ⵛⵜⴰⵎⴱⵉⵔ 2023 ⴳ ⵓⵙⵖⵉⵎ ⵏ ⵜⵎⵔⵙⵍⵜ, ⵎⴰⵙⵙ ⵏⴰⴹⵉⵎ ⵚⴰⵎⴰⴷⵓⴼ, ⴰⵎⵙⵇⴰⴷ ⵏ ⵜⴳⴷⵓⴷⴰⵏⵜ ⵏ ⴰⵣⵉⵔⴱⴰⵢⴷⵊⴰⵏ, ⵉⵡⵉⵏ ⴷ ⵉⵎⵛⵉⵡⴰⵕ ⴳⵔ ⵙⵏⴰⵜ ⵜⵙⴳⴳⵯⵉⵏ ⴰⴷ ⵅⴼ ⵜⵉⵍⴰⵍⵜ ⵏ ⵓⵙⵍⴳⵏ ⵉⵍⴻⵍⵍⵉ ⴳ ⵓⵙⴷⵓⵙ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵕⴰⵟⵉⵢⵜ ⵏ ⵡⴰⵎⵓⵏⵏ ⵙ ⵉⵎⵥⵍⵉ ⵙ ⵜⵖⴰⵔⴰⵙⵜ ⵏ ⵓⴹⵎⴰⵏ ⵏ ⵓⵡⵏⵏⵉ ⴰⵎⴰⴳⵓⵜ ⴰⵙⵔⵜⴰⵏ ⴷ ⵓⵏⴰⵎⵓⵏ ⴳ ⵓⵙⵏⵖⵎⵙ.
ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ, ⵜⵙⵙⴽⵏ ⵎⴰⵙⵙⴰ ⴰⵅⴰⵔⴱⴰⵛ ⵉ ⵎⴰⵙⵙ ⵚⴰⵎⴰⴷⵓⴼ ⵉⵛⴰⵕⵉⴹⵏ ⵉⵅⴰⵜⴰⵔⵏ ⵏ ⵢⵉⵔⵎ ⴰⵎⵖⵔⴰⴱⵉ ⴳ ⵢⵉⴳⵔ ⵏ ⵓⵙⵍⴳⵏ ⵉⵍⴻⵍⵍⵉ ⵏ ⵓⵙⵏⵖⵎⵙ ⴰⵙⵍⵉⵥⵕ, ⵜⵙⵙⴽⵏ ⴰⵎⵏⴰⴹ ⵏ ⵉⵙⵓⵖⴷⵏ ⵉⴷⵉⵎⵓⵇⵕⴰⵟⵉⵢⵏ ⵏⵏⴰ ⵜⵥⵕⴰ ⵜⵎⵓⵔⵜ ⵙⴳ ⵎⴰ ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⵎⵓⵃⴰⵎⴷ ⵡⵉⵙⵙ ⵙⴹⵉⵙ ⵜⴰⵏⴱⴰⴹⵜ, ⵙ ⵓⵙⵍⵍⵡⵓ ⵏ ⴽⵉⴳⴰⵏ ⵏ ⵜⵎⵔⵙⴰⵍ ⵏ ⵓⵏⴱⴰⴹ ⵉⵀⵢⵢⴰⵏ ⴷ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⴳ ⴷⵉⴳⵙⵏ ⴰⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
ⵜⵙⵎⵏⴷ ⴷⵉⵖ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⵍⵍⴰⵏ ⵜⵎⵓⵏ ⴳ ⵓⵎⵙⴳⵔⴰⵡ ⴰⴷ ⵏⵜⵜⴰⵜ ⴷ ⵎⴰⵙⵙ ⵟⴰⵍⴰⵍ ⵚⴰⵍⴰⵃ ⴷⴷⵉⵏ, ⴰⵎⴰⵙⴰⵢ ⵏ ⵜⵖⴰⵡⵙⵉⵡⵉⵏ ⵜⵉⴼⵔⵉⵇⵉⵏ ⴷ ⵜⵎⴰⴹⵍⴰⵏⵉⵏ, ⵜⵉⵙⵎⵉⴳⵍⵉⵏ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵎⵍ ⵜⵉⵏⵖⴷⵉ ⵏ ⵜⵡⵓⵔⵉ ⵜⴰⵣⵔⴼⴰⵏⵜ ⵏ ⵓⴳⵔⴰⵡ ⵏ ⵓⵙⵍⴳⵏ ⵙ ⵉⵎⵥⵍⵉ ⴰⵢⵏⵏⴰ ⵉⵣⴷⵉⵏ ⵙ ⵓⵙⴽⴽⵉⵏ ⵏ ⵓⵙⴱⴷⴷⵉ ⵏ ⵜⵓⵎⴰⵢⵉⵏ ⵜⵉⵙⵏⵖⵎⴰⵙⵉⵏ ⵏⵏⴰ ⵉⵜⵜⴹⴰⵙⵏ ⵙ ⵡⴰⴷⴷⵓⵔ ⴰⵏⴼⴳⴰⵏ ⴷ ⵜⵡⵍⴰⴼⵉⵏ ⵜⵉⵙⵏⴰⵡⴰⵢⵉⵏ ⵉⵚⴽⴰⵏ ⵖⴼ ⵡⴰⵏⴰⵡ ⴷ ⵓⵡⵏⵏⵉ ⵏ ⵓⴽⵙⴰⵏ ⴷ ⵓⵙⴳⵊⴷⵉ ⴰⴷⵍⵙⴰⵏ. ⴰⵎⵙⴳⵔⴰⵡ ⴰⴷ ⵉⴳⴰ ⴰⵣⵎⵣ ⵉ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴼⴰⴷ ⴰⴷ ⵜⵙⵙⴽⵏ ⵜⴰⵡⵓⵔⵉ ⵏⵏⵙ ⴳ ⵓⵙⴷⵓⵙ ⵏ ⵉⵣⴷⴰⵢⵏ ⵏ ⵓⵎⵢⴰⵡⴰⵙ ⵉⵕⵡⴰⵏ ⴳⵔ ⵓⵙⵇⵇⵉⵎ ⵏ ⵓⵙⵍⵉⵥⵕ ⵏ ⵜⴳⴷⵓⴷⴰⵏⵜ ⵏ ⴰⵣⵔⴱⴰⵢⴷⵊⴰⵏ (ACRA) ⵏⵏⴰ ⵉⴳⴰⵏ ⴰⵎⵎ ⵓⴳⵔⴰⵡ ⴰⵎⵖⵔⴰⴱⵉ, ⴰⴳⵎⴰⵎ ⴳ ⵓⵥⵟⵟⴰ ⵏ ⵉⴳⵔⴰⵡⵏ ⵏ ⵓⵙⵍⴳⵏ ⵏ ⵜⵎⵓⵔⴰ ⵜⵉⴳⵎⴰⵎⵉⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⵏⵙⵍⵎ (IBRAF).
ⴳ ⵜⵙⴳⴰ ⵏⵏⵙ, ⵉⵙⵎⵏⴷ ⵎⴰⵙⵙ ⵏⴰⴹⵉⵎ ⵚⴰⵎⴰⴷⵓⴼ ⵙ ⵓⵣⴳⵣⵍ ⴰⵏⴳⵔⴰⵡ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴳ ⵜⵎⵓⵔⵜ ⵏⵏⵙ, ⵉⵏⵏⴰ ⵉⵙ ⵉⵕⵡⴰ ⴰⴷ ⵉⵙⵅⵉⵜⵔ ⵉⴳⵔ ⵏ ⵓⵎⵢⴰⵡⴰⵙ ⴳⵔ ⵜⵎⵓⵔⴰ ⵙ ⵙⵏⴰⵜ ⴳ ⵓⵢⵏⵏⴰ ⵉⵣⴷⵉⵏ ⵙ ⵓⵙⵍⴳⵏ ⵏ ⵓⵙⵏⵖⵎⵙ.
ⵉⵙⵙⴽⵔ ⵎⴰⵙⵙ ⴰⵎⵙⵇⴰⴷ, ⵏⵜⵜⴰ ⴷ ⵎⴰⵙⵙ ⴰⵊⵉⵍ ⵖⵡⴰⵏⵜⵛⵓⴼ, ⴰⵎⵉⵛⵛⵉⵡⵕ ⴳ ⵜⵎⵙⵇⴰⴷⵜ, ⵢⴰⵏ ⵓⵔⵣⴰⴼ ⵉ ⵜⵏⵎⵀⴰⵍⵉⵏ ⴷ ⵜⵏⴰⴼⵓⵜⵉⵏ ⵜⵉⵜⵉⵇⵏⵉⵢⵉⵏ ⵏ ⵜⵎⵔⵙⵍⵜ, ⵙ ⵉⵎⵥⵍⵉ ⵜⴰⵏⵎⵀⵍⵜ ⵉⵣⴷⵉⵏ ⵙ ⵉⵖⴰⵡⴰⵙⵏ ⴷ ⵜⵏⵎⵀⵍⵜ ⵏ ⵉⵏⴳⵔⴰⵡⵏ ⵉⵙⵏⵎⴰⵍⴰⵢⵏ.