ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵙⵍⵡⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 28 ⵛⵜⴰⵎⴱⵉⵔ, ⵎⴰⵙⵙ ⴰⵃⵎⴷ ⵏⵉⵀⴰⴷ ⵄⴰⴱⴷⵍⴰⵟⵉⴼ, ⴰⵎⵙⵇⴰⴷ ⵏ ⵜⴳⴷⵓⴷⴰⵏⵜ ⵜⴰⵄⵔⴰⴱⵜ ⵏ ⵎⵉⵚⵕ ⴳ ⵍⵎⵖⵔⵉⴱ.
ⴳ ⵜⵉⵣⵡⵉⵔⵉ ⵏ ⵓⵎⵙⴳⵔⴰⵡ, ⵜⵙⵎⵏⵉⴷ ⵎⴰⵙⵙⴰ ⴰⵅⴰⵔⴱⴰⵛ ⵜⵉⵙⵎⵉⴳⵍⵉⵏ ⵜⵉⴷⵙⵍⴰⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵉⵎⴰⵏⵜ ⵢⵓⴳⴳⴰⵏ ⵅⴼ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ. ⵜⵙⵙⴽⵏ ⵜⵉⵍⴰⵍⵜ ⵏ ⵜⵎⵔⵙⵍⵜ ⴳ ⵓⴹⵎⴰⵏ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⴰⵙⵔⵜⴰⵏ ⴳ ⵓⵣⵎⵣ ⵏ ⵉⵙⵜⴰⵢⵏ, ⴷ ⵜⵎⵔⵉⵙⵜ ⵏⵏⵙ ⴳ ⵓⴱⵖⵓⵔ ⵏ ⵓⵎⵢⴰⵏⴰⵡ, ⵏ ⵓⴽⵙⵉⵍ ⵏ ⵡⴰⵏⴰⵡ ⴷ ⵓⵣⵔⴰⴽ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴰⴳⵏⵙⵓ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ.

ⵜⵙⵎⵏⵉⴷ ⴷⵉⵖ ⵜⵙⵍⵡⴰⵢⵜ ⵉⵛⴰⵔⵉⴹⵏ ⵉⵅⴰⵜⴰⵔⵏ ⵏ ⵉⵎⴰⵙⵙⵏ ⵉⵜⵜⵓⵙⵡⵓⵔⵉⵏ ⵉ ⵓⵙⴰⵜⵉ ⵏ ⵜⴷⵓⵍⵉ ⵜⴰⵖⴰⵎⵙⴰⵏⵜ ⵏ ⵉⵙⵜⴰⵢⵏ ⵓⵣⵔⵉⴼⵏ ⵉⵎⴰⵜⴰⵢⵏ ⵏ 23 ⵛⵜⴰⵎⴱⵉⵔ 2026. ⵜⵙⵙⴽⵜⵉ ⵉⵙ ⵙ ⵓⵙⵡⵓⵔⵉ ⵏ ⵜⵖⵜⴰⵙⵜ ⵜⴰⵙⵍⴳⴰⵏⵜ ⵓⵟⵟⵓⵏ 50-26 ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵢⵓⴳⴳⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵓⴹⵎⴰⵏ ⵉ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴳ ⵡⴰⴷⴰⴼ ⴰⵎⵙⵓⵎⵓ ⴷ ⴰⵎⴰⴼⴰⵡ ⵖⵔ ⵉⵎⴰⵙⵙⵏ ⵏ ⵓⵙⵏⵖⵎⵙ ⴰⴳⴷⵓⴷⴰⵏ ⴷ ⵡⵓⵙⵙⵍⵉⴳⵏ ⵉⵡⵏⴰⵏ ⵏ ⵓⵣⵎⵣ ⵏ ⵉⵙⵜⴰⵢⵏ. ⵜⵏⵏⴰ ⵜⵙⵍⵡⴰⵢⵜ ⴷⵉⵖ ⵉⵙ ⵉⵡⵏⴰⵏ ⵏ ⵜⵎⵣⴰⵣⵣⵍⵜ, ⵉⴳⴳⵓⵜ ⵓⵙⵎⵓⵙⵙ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴰⵎⵖⵔⴰⴱⵉ ⴳ ⵓⴱⵖⵓⵔ ⵏ ⵢⵉⵡⵏ ⵓⵎⵙⴳⴷⴰⵍ ⴰⴳⴷⵓⴷⴰⵏ ⴰⵎⴰⴳⵓⵜ ⴰⵎⴰⴷⴰⴼ.
ⴰⵎⵔⴰⵔⴰ ⵢⵉⵡⵉ ⴷ ⴳ ⵜⵙⴳⴰ ⵢⴰⴹⵏ ⵅⴼ ⵜⵎⵥⵍⵉⵢⵉⵏ ⴷ ⵜⴰⵏⵏⴰⵢⵉⵏ ⵉⵎⵎⵔⵡⴰⵙⵏ ⴳⵔ ⵢⵉⵔⵎ ⴰⵎⵖⵔⴰⴱⵉ ⴷ ⵓⵎⴰⵚⵕⵉ ⴳ ⵢⵉⴳⵔ ⵏ ⵓⵙⵍⴳⵏ ⴰⵙⵍⵉⵥⵕ.
ⵉⵙⴰⵡⵍ ⵓⵎⵙⵇⴰⴷ ⴰⵃⵎⴷ ⵄⴱⴷⵍⵍⴰⵟⵉⴼ, ⴳ ⵜⵙⴳⴰ ⵏⵏⵙ ⵅⴼ ⵉⵡⵜⵜⴰⵏ ⵏⵏⵙ ⴳ ⵓⵙⴷⵓⵙ ⵏ ⵜⵡⵓⵔⵉ ⵜⴰⵄⵔⴰⴱⵜ ⵉⵛⵛⴰⵔⵏ ⴳ ⵢⵉⴳⵔ ⵏ ⵓⵙⵍⴳⵏ ⵏ ⵓⵙⵏⵖⵎⵙ, ⴰⴽⵍⴰⵙⵉⴽⵉ ⴷ ⵓⵎⵓⵟⵟⵓⵏ.