ⵉⵙⵙⴽⵔ ⵢⴰⵏ ⵓⴽⴰⴱⴰⵕ ⴰⵕⵓⵡⴰⵏⴷⵉ ⴰⵎⵇⵔⴰⵏ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵖⵔ ⵍⵎⵖⵔⵉⴱ ⵓⵙⵙⴰⵏ ⵏ 4 ⴰⵔ 5 ⵢⵏⵏⴰⵢⵔ 24. ⴰⴽⴰⴱⴰⵕ ⴰⴷ ⵉⵣⵡⴰⵔ ⴰⵙ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴱⴰⵟ ⵏ ⵓⵙⵍⴳⵏ ⵏ ⵜⵏⴰⴼⵢⵜⵉⵏ ⵜⵉⴳⴷⵓⴷⴰⵏⵉⵏ (RURA) ⵎⴰⵙⵙ ⵉⴼⴰⵔⵉⵙⵜ ⵔⵓⴳⵉⴳⴰⵏⴰ.

ⵉⵡⵏⴰⵏ ⵏ ⵓⵔⵣⴰⴼ ⴰⴷ ⵉⵜⵜⵓⵙⴽⵔⵏ ⵙ ⵜⵙⵏⵜⴰⵢⵜ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ, ⵙⵙⴽⵔⵏⵜ ⵜⵙⴳⴳⵯⵉⵏ ⵙ ⵙⵏⴰⵜ ⵉⵎⵛⴰⵡⴰⵕⵏ ⵉⵎⵣⵡⵓⵔⴰ ⵉⵙⵉⵏⵔⴰⵏⵏ. ⵙ ⵓⵣⵎⵣⵣⵓ ⵢⴰⴷ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⵉⵙ « ⵉⵎⵛⴰⵡⴰⵕⵏ ⴰⴷ ⵕⵥⵎⵏ ⵢⴰⵜ ⵜⴳⵣⵣⵓⵎⵜ ⵉⴱⵓⵖⵍⴰⵏ ⴳ ⵜⴷⵉⵏⴰⵎⵉⵢⵜ ⵉⵜⵜⵍⴰⵍⴰⵏ ⵏ ⵉⵙⵏⵉⴼⵉⵍⵏ ⴳⵔ ⵙⵉⵏ ⵉⵙⵍⴳⵏⵏ ⴰⴷ ⴰⵛⴽⵓ ⵍⵍⴰⵏ ⴷⴷⴰⵡ ⵜⵎⴰⵜⴰⵔⵜ ⵏ ⵓⵎⵢⴰⵡⴰⵙ ⴰⵢⴼⴼⵓⵙ-ⴰⵢⴼⴼⵓⵙ ⴰⵥⵓⵕⴰⵏ ⴷ ⵓⵏⵎⵢⴰⵍⴰⵍ ⵉⵡⴰⵜⵙⵏ ⴰⴱⴰⵖⵓⵔ ⴰⵎⴰⵜⴰⵢ ⵏ ⵡⴰⵎⵓⵏⵏ ⵉⴼⵔⵉⵇⵏ ». ⵜⵙⵙⴽⵜⵉⴷ ⴷⵉⵖ ⵉⵙ ⵉⴳⴰ ⵓⵎⵙⴰⵔⴰⵙ ⵏ ⵜⵉⴷⵜ ⴰⴳⵓⵏⵙ ⵏ ⵢⵉⴳⵔ ⴰⴷ « ⴰⵙⵙⴳⵎ ⵏ ⵓⵣⵓⵔⵜ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⵏⵏⴰ ⵔⴰⴷ ⵉⴼⵔⴳ ⵉ ⵉⵏⴳⵔⴰⵡⵏ ⵉⴷⵉⵎⵓⵇⵕⴰⵟⵉⵢⵏ ⵉⵃⴹⵓ ⵉⵥⴼⴰⵏ ⵉⴷⵙⵍⴰⵏⵏ ⵏ ⵉⵎⵙⵡⵓⵔⴰ ⵉⴳⴰⵏ ⵙ ⵉⵎⵥⵍⵉ ⴰⵣⵔⴼ ⵏⵏⵙⵏ ⴳ ⵜⵍⴻⵍⵍⵉ ⵏ ⵓⵡⵏⵏⵉ ».

ⵉⵎⵙⴳⴰⵔⵡⵏ ⴷ ⵉⵙⵎⵏⵉⴷⵏ ⵜⵜⵓⴳⴰⵏ ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙ ⵜⵎⴷⵔⴰⵡⵜ ⵏ ⵓⵏⵎⵀⴰⵍ ⴰⵎⴰⵜⴰⵢ ⵎⴰⵙⵙ ⴱⵏⵄⵉⵙⵙⴰ ⵄⵙⵍⵓⵏ ⴷ ⵉⵏⵎⵀⴰⵍⵏ ⴰⴽⴽⵯ ⵏ ⵜⵎⵔⵙⵍⵜ ⵜⴰⵎⵖⴰⵔⴰⴱⵉⵢⵜ ⵉⵡⴹⵏ ⴰⴷ ⵙⵙⴽⵏⵏ ⴽⵔⴰ ⵏ ⵜⵖⴰⵔⴰⵙⵉⵏ ⵏ ⵓⵎⵢⴰⵡⴰⵙ ⴳ ⵓⵙⵡⵉⵔ ⵏ ⵓⵣⵣⵉⴳⵣ ⵏ ⵓⵙⴰⵜⵉ ⵓⵣⵔⵉⴼ ⵏ ⵓⵙⵍⴳⵏ ⴷ ⵓⵙⵔⵔⵓⵙ ⵏ ⵉⵎⴰⵙⵙⵏ ⵉⵎⴰⵢⵏⵓⵜⵏ ⵏ ⵜⴱⵔⵉⴷⵉⵏ ⵜⵉⵎⴰⵢⵏⵓⵜⵉⵏ ⴰⴼⴰⴷ ⴰⴷ ⵏⴹⵎⵏ ⵜⴰⵏⴰⵎⵉⵜ ⵏ ⵓⵙⵍⴳⵏ, ⵉ ⵉⵙⵓⵔⵙⵏ ⴷ ⵜⵏⵥⵕⵉⵏ ⵏⵏⴰ ⵉⵣⵓⵛⵛⵍ ⵓⵙⴰⵢⵔⴰⵔ ⴰⴳⴷⵓⴷⴰⵏ ⴰⵙⵍⵉⵥⵕ ⴰⵎⴰⵜⴰⵢ ⵉⵜⵜⵓⵡⴰⴳⴳⴰⵏ ⵙ ⵜⵙⵉⵍⴰⵡⵉⵏ ⴳ ⵉⴼⵉⵍⵉ.

ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵡⵓⵔⵉⵡⵉⵏ ⵏ ⵡⴰⵙⵙ ⵏ ⵓⵎⵙⴰⴳⴰⵔ ⴰⴷ, ⴰⵡⴷ ⵓⵎⵢⴰⵡⴰⵙ ⴰⴳⵓⵜⵔⴰⵏ ⵙ ⵉⵎⵥⵍⵉ ⵜⵉⴳⴰⵡⵜ ⵜⴰⴼⵔⵉⵇⵜ ⴰⴳⵓⵏⵙ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ (RIARC) ⵏⵏⴰ ⵎⵉ ⵉⴳⴰ ⵓⵏⵙⵙⵉⵅⴼ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ. ⵙ ⵓⵢⴰⴷ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵙⵏⵓⴱⴳ RIARC ⴰⴼⴰⴷ ⴰⴷ ⵜⴰⵎⵓ ⴳ ⵓⵙⴱⵓⵖⵔ ⵏ ⵓⵖⴰⵡⴰⵙ ⵏ ⵜⵉⴳⴰⵡⵜ ⵏ RIARC 2022-2024 ⵏⵏⴰ ⵉⴳⴰⵏ ⴳ ⵓⵡⵜⵜⴰⵙ ⵏⵏⵙ ⴽⵉⴳⴰⵏ ⵏ ⵉⵣⵎⵣⵣⵓⵜⵏ ⴷ ⵜⵉⵏⴰⵡⵉⵏ ⵅⴼ ⴽⵉⴳⴰⵏ ⵏ ⵉⵙⴳⵓⵎⵏ ⵉⵎⵇⵔⴰⵏⵏ ⴰⵎⵎ ⵓⵙⵏⵉⴼⵍ ⴰⵎⵓⵟⵟⵓⵏ ⵏ ⵓⵙⵏⵖⵎⵙ ⴳ ⵜⵏⴰⴼⵓⵜ ⵏ ⵓⵣⵔⴼ ⴳ ⵓⵏⵖⵎⵉⵙ, ⴰⴱⴷⴷⵓⴷ ⵎⴳⴰⵍ ⵉⵏⵖⵎⵉⵙⵏ ⵏ ⵜⴽⵔⴽⴰⵙ, ⴰⴼⵔⴰⴳ ⵏ ⵡⵓⵖⵓⴷ ⵏ ⵜⵣⵣⵉⴳⵣⵜ ⵏ ⵉⵙⵜⴰⵢⵏ ⵏⵖ ⴷⵉⵖ ⵜⵉⴳⵎⵉ ⵏ ⵓⵎⵙⴰⵡⴰⵍ ⴳⵔ ⵉⵎⵙⵍⴳⵏⵏ ⵉⴼⵔⵉⵇⵏ ⵏ ⵓⵙⵏⵖⵎⵙ ⴷ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ.