ⵉⵙⵙⵓⵖⴼ ⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵢⴰⵜ ⵜⴰⵏⴰⴹⵜ ⵉⵎⵎⴰⵍⵏ ⴰⵏⴰⵡⵏ ⴷ ⵜⵎⵥⵍⴰⵢⵜ ⵏ ⵜⵣⵎⵎⴰⵔ ⵏ ⵜⴰⵎⵓⵏⵜ ⵏⵏⴰ ⵙⵙⴽⵔⵏⵜ ⵜⵏⴰⴼⵓⵜⵉⵏ ⵜⵉⵏⴰⵡⴰⵢⵉⵏ ⴷ ⵜⴻⵜⵍⴼⴰⵣⵉⵏ ⵜⵉⵏⴰⵎⵓⵔⵉⵏ, ⵉⵡⵏⴰⵏ ⵏ ⵜⴷⵓⵍⵉ ⵏ ⵍⴽⴰⵙ ⵏ ⵉⴼⵔⵉⵇⵢⴰ ⵏ ⵡⴰⵎⵓⵏⵏ ⵜⴰⵡⵜⵎⴰⵏⵜ ⵏ ⵜⵛⴰⵎⵎⴰ ⵏ ⵓⴹⴰⵕ  ⵉⵜⵜⵓⵙⵏⵎⴰⵍⴰⵏ ⴳ ⵍⵎⵖⵔⵉⴱ ⵙⴳ 2 ⴰⵔ 23 ⵢⵓⵍⵢⵓⵣ ⴳ ⴰⵎⵓⵏⵜ 12 ⵏ ⵜⵔⴰⴱⴱⵓⵜⵉⵏ, ⴳ ⵜⵍⵍⴰ ⵜⵔⴱⵉⵄⵜ ⵜⴰⵏⴰⵎⵓⵔⵜ ⵏ ⵍⵎⵖⵔⵉⴱ.

ⵜⴰⵏⴰⴹⵜ ⴰⴷ, ⵢⵓⵜⴳⵏ ⵅⴼ ⵢⴰⵏ ⵓⴹⴼⴼⵓⵕ ⵉⵕⵡⴰⵏ ⵉⵣⵎⵔⵏ ⵏ ⵢⴰⵜ ⵜⵓⵙⵙⵉⴼⵜ ⵏ ⵉⵖⴰⵡⴰⵙⵏ ⵉⵜⵜⵓⵣⵓⵣⵣⵔⵏ ⴳ ⴽⵕⴰⴹⵜ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵜⵉⵎⴰⵜⴰⵢⵉⵏ ⴷ ⵜⵙⴳⵓⵎⴰⵏⵉⵏ ⴷ ⴷⵉⵖ ⵙⴳ ⵢⴰⵜ ⵜⵏⴰⴼⵓⵜ ⵜⴰⵏⵣⵡⴰⵢⵜ ⵜⵓⵙⵍⵉⴳⵜ ⵜⴰⵙⴳⵓⵎⴰⵏⵜ, ⵉⴳⴰ ⵓⵡⵜⵜⴰⵙ ⵏⵏⵙ (ⵜⴰⵏⴰⴹⵜ) ⵏ ⴰⴷ ⵉⵜⵜⵓⵙⴽⵔ ⵢⴰⵏ ⵓⵙⴼⵙⵢ ⴰⴼⴰⵔⴰⵏ ⴷ ⵓⵙⵎⴽⵜⴰⵢ ⵏ ⵢⵉⵍⵉ ⴷ ⵓⵙⵎⴷⵢⴰ ⵏ ⵜⵎⵖⴰⵔⵉⵏ ⵙ ⵓⴱⵔⵉⴷ ⵏ ⵜⴷⵓⵍⵉ ⵜⴰⵖⵎⵙⴰⵏⵜ ⵉⵣⴷⵉⵏ ⴷ ⵓⵣⵎⵣⵣⵓ ⵢⴰⴷ ⵓⵏⵏⵓⵏ ⵉⵣⴷⵉⵏ ⴷ ⵜⵛⴰⵎⵎⴰ ⵏ ⵓⴹⴰⵕ ⵏ ⵜⵎⵖⴰⵔⵉⵏ. ⵜⵉⵔⵔⴰ ⵏ ⵜⴰⵏⴰⴹⵜ ⴰⴷ ⵢⵓⵙⴰ ⴷ ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵙⵙⴳⵎ ⵏ ⵓⵙⵎⴷⵢⴰ ⴰⵎⵙⵙⵎⵓ ⵏ ⵜⵎⵖⴰⵔⵉⵏ ⴳ ⵓⵙⵏⵖⵎⵙ ⴰⵙⵍⵉⵥⵕ, ⴰⵡⴷ ⴳ ⵓⵙⴷⵓⵙ ⵏ ⵜⴷⵍⵙⴰ ⵏ ⵓⵙⵙⵓⵎⵓ ⴷ ⵓⵙⵉⴽⵙⵍ ⴰⴳⵓⵏⵙ ⵏ ⵡⴰⵎⵓⵏ ⴰⵎⵖⵔⴰⴱⵉ.

ⵜⴰⵖⵓⵔⵉ ⵏ ⵉⵙⴼⴽⴰ ⵉⵜⵜⵓⵙⵎⵓⵜⵜⵔⵏ ⵜⵙⵙⵉⵡⴹ ⴰⴷ ⵏⵉⵙⵉⵏ ⵉⵙ ⴰⵙⵏⵖⵎⵙ ⴰⵙⵍⵉⵥⵕ ⵉⵜⵜⵓⵖⵔⴰⵏ, ⵣⵣⵔⵉⵏ 247 ⵏ ⵜⵙⴰⵔⴰⴳⵉⵏ ⴳ ⵓⵣⵓⵣⵣⵔ ⵏ ⵜⴷⵓⵍⵉ ⵏ ⵓⵣⵎⵣⵣⵓ ⵢⴰⴷ ⵏ ⵜⵛⴰⵎⵎⴰ ⵏ ⵓⴹⴰⵕ, ⴳ ⵢⵓⴷⴼ ⵓⵙⵙⴽⴰⵏ ⵓⵙⵔⵉⴷ ⵏ ⵜⵉⵎⵏⵢⵓⴳⴰⵔⵉⵏ ⴷ ⴰⵡⴷ ⴰⵙⵖⵉⵡⵙ ⵉⵥⵍⵉⵏ, ⵏⵏⴰ ⵓⵔ ⴷⵊⵉⵏ ⵉⵣⵔⵉⵏ, ⴳ ⵏⵏⵙⵏⵜ ⵜⵙⵖⵓⵏⵉⵏ ⵏ ⵉⵏⵖⵎⵉⵙⵏ ⴷ ⵉⵖⴰⵡⴰⵙⵏ ⵉⵎⵢⴰⵖⵏ ⵏ ⵓⵎⵙⴳⴷⴰⵍ ⵉⴷⵙⵏ ⵉⵣⴷⵉⵏ, ⴰⴽⴽⵯ ⵏⵖ ⵖⴰⵙ ⵉⵎⵉⴽ, ⵉ ⵓⴹⴼⴼⵓⵕ ⴷ ⵓⵎⴷⵉⵡⵍ ⵏ ⵜⴼⵔⵉⵙⵉⵏ ⵏ ⵓⵎⵣⴰⵣⵣⴰⵍ ⴰⴷ ⴰⵎⵏⵥⴰⵡ.

ⵙ ⵓⵢⴰⴷ, ⵜⴰⵏⴰⴹⵜ ⴰⴷ ⵜⵎⵍ ⴰⵖ ⵉⵙ ⵉⵜⵜⵓⴼⴽⴰ ⵡⴰⵡⴰⵍ ⵉ 278 ⵏ ⵎⴷⴷⵏ ⴳ ⵓⵙⴰⵜⵉ ⵏ ⵉⵎⴷⵉⵡⴰⵍ ⴷ ⵉⵙⴼⵙⴰⵢⵏ ⵉⵣⵍⵉⵏ ⴷ ⵓⵎⵣⴰⵣⵣⴰⵍ ⴰⴷ ⵜⴰⵎⴰⵏⵓⵏⵜ, ⴳ ⵜⵍⵍⴰ 43% ⵏ ⵜⵎⵖⴰⵔⵉⵏ. ⴰⵎⵓⵔ ⴰⴷ ⵢⵓⴳⵔ ⵜⵉⴳⵎⵉⴹⵉ ⵏⵏⴰ ⵏⵎⵢⴰⵔ ⴰⴷ ⵏⵥⵕ ⴳ ⵜⵏⵎⵎⴰⵍⵉⵏ ⵜⵉⴽⵕⴰⵢⵓⵔⵉⵏ ⵏ ⵓⵣⵎⵣ ⵏ ⵡⴰⵡⴰⵍ ⵏ ⵎⴷⴷⵏ ⵉⴳⴷⵓⴷⴰⵏⵏ ⵏⵏⴰ ⵉⵙⵔⵙ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴽ ⵏⵙⵙⵏ ⵉⵙ ⵉⵡⵏⴰⵏ ⵏ ⵎⵔⴰⵡ ⵏ ⵉⵙⴳⴳⵯⴰⵙⵏ (ⵙⴳ ⵢⵏⵏⴰⵢⵔ 2010 ⴰⵔ ⵢⵓⵏⵢⵓ 2020), ⴰⵣⵎⵣ ⵏ ⵢⵉⵎⵥ ⵏ ⵡⴰⵡⴰⵍ ⵖⵓⵔ ⵜⵎⵖⴰⵔⵉⵏ ⵉⵍⵍⴰ ⴳⵔ 8% ⴷ 15% ⵏ ⵓⴽⵙⴰⵢ ⴰⵣⵎⵣⴰⵏ ⴰⵎⴰⵜⴰⵢ. ⴳ ⵜⵙⴳⴰ ⵢⴰⴹⵏ, ⵉⵥⵕⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵙ ⴰⵙⵉⵜⴳ ⴷ ⵓⵙⵙⵉⵥⵕ ⵏ ⵜⵙⵓⴳⴰⵔ ⴷ ⵜⵎⵓⵣⴰⵢⵉⵏ ⵜⵉⵡⵜⵎⴰⵏⵉⵏ ⴳ ⵢⵉⴳⵔ ⵏ ⵜⵓⵏⵏⵓⵏⵜ, ⴳ ⵓⵙⴰⵜⵉ ⵏ ⵜⴷⵓⵍⵉ ⵜⴰⵖⵎⵙⴰⵏⵜ ⵏ ⵍⴽⴰⵙ ⵏ ⵉⴼⵔⵉⵇⵢⴰ ⵏ ⵡⴰⵎⵓⵏⵏ ⵏ ⵜⵎⵖⴰⵔⵉⵏ ⵉⵣⴷⵉⵏ ⴷ ⵜⵛⴰⵎⵎⴰ ⵏ ⵓⴹⴰⵕ 2022 ⵉⴳⴰ ⵢⴰⵏ ⵓⵎⵣⵣⵓ ⴰⴳⵓⵏⵙ ⵏ ⵓⵎⵣⵣⵓ.

ⴳ ⵜⵉⵍⴰⵡⵜ, ⵜⴰⵎⵓⵏⵜ ⴰⴷ ⵜⴰⵙⵍⵉⵥⵕⵜ ⵏ ⴱⴰⴹⴰⴹ ⴰⴳⴷⵓⴷⴰⵏ, ⵏⵏⴰ ⵓⵔ ⴷⵊⵉⵏ ⵉⴽⴽⵉⵏ ⵖⵓⵔ ⵢⴰⵜ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵡⵜⵎⴰⵏⵜ, ⵜⵉⵡⵙ ⴳ ⵓⵙⵏⵓⵍⴼⵓ ⵏ ⵢⴰⵏ ⵓⵣⵎⵣ ⴰⴷⵎⵙⴰⵏ ⵢⴰⴽⵙⵓⵍⵏ ⵉ ⵓⵙⵙⵎⵖⵔ ⵏ ⵜⵉⵕⵡⵉ ⵜⴰⵡⵜⵎⴰⵏⵜ ⴳ ⵢⵉⴳⵔ ⵏ ⵜⵏⴰⵔⴰ ⴷ ⵓⵥⵏⵥⵕ ⵏ ⵜⵎⵓⵔⵜ.

ⵙ ⵜⵓⵔⵓⵙⵜ ⵏ ⵜⴰⵎⴰⵜⴰⵢⵜ ⵏⵏⵙ ⵜⴰⴷⵓⵙⵜⵓⵔⵉⵜ ⴳ ⵢⵉⴳⵔ ⵏ ⵜⵎⴷⵔⴰⵡⵜ ⴷ ⵓⵙⵙⵎⵖⵔ ⵏ ⵓⵙⵙⵓⵎⵓ ⴷ ⵓⵎⵏⵏⵓⵖ ⵎⴳⴰⵍ ⴰⵏⴰⵡⵏ ⴰⴽⴽⵯ ⵏ ⵓⵙⵏⵓⵃⵢⵓ ⴷ ⵜⵡⵍⴰⴼⵉⵏ ⵜⵉⵡⵙⵉⵏⵉⵏ ⵉⵙⵙⵉⴷⵉⵔⵏ ⴳ ⵡⵓⴷⴷⵓⵔ ⵏ ⵜⵎⵖⴰⵔⵜ, ⵢⵓⴽⵣ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵙ ⴰⵙⵎⵓⵙⵙⵓ ⴰⵖⴰⵎⵙⴰⵏ ⵏⵏⴰ ⵉⵎⵓⵏⵏ ⴷ ⵓⵎⵓⵣⵣⵓ ⵢⴰⴷ ⵏ ⵜⵛⴰⵎⵎⴰ ⵏ ⵓⴹⴰⵕ, ⵉⵙⵏⵓⵍⴼⴰ-ⴷ ⵉⵣⵎⴰⵣ ⴷ ⵜⵎⵢⵓⵔⵉⵏ ⵏⵏⴰ ⵏ ⵉⵇⵇⴰⵏ ⴰⴷ ⵏⵙⵙⵉⴹⵏ. ⴰⵛⴽⵓ ⵜⵉⴳⵎⵉ ⵢⴰⴷ ⵔⴰⴷ ⵜⴰⵡⵙ ⵜⵉⵅⵉⵜⵔⵜ ⵏ ⵜⵓⵏⵏⵓⵏⵜ ⵜⴰⵡⵜⵎⴰⵏⵜ ⴳ ⵜⵏⴰⴼⵓⵜⵉⵏ ⵜⵉⵙⵍⵉⵥⵕⵉⵏ, ⴰⵢⴰ ⵔⴰⴷ ⵉⵙⴷⵓⵙ ⵜⵉⵍⴰⵍⵜ ⵏ ⵓⵙⵏⵖⵎⵙ ⴳ ⵓⵡⵏⵏⵉ ⵏ ⵜⵎⵢⴰⵏⴰⵡⵜ ⴷ ⴳ ⵓⵙⵎⵓⵜⵜⴳ ⵉ ⵉⵣⵔⴼⴰⵏ ⵏ ⵜⵎⵖⴰⵔⵉⵏ.

ⴰⴼⴰⴷ ⴰⴷ ⵏⵥⵕ ⵜⵉⵢⴰⴼⵓⵜⵉⵏ ⵙ ⵓⴼⵔⵓⵔⵉ ⵏ ⵜⵖⵓⵔⵉ ⵅⴼ ⵜⴷⵓⵍⵉ ⵜⴰⵖⵎⵙⴰⵏⵜ ⵏ ⵍⴽⴰⵙ ⵏ ⵉⴼⵔⵉⵇⵢⴰ ⵏ ⵡⴰⵎⵓⵏⵏ ⵜⴰⵡⵜⵎⴰⵏⵜ ⵏ ⵜⵛⴰⵎⵎⴰ ⵏ ⵓⴹⴰⵕ 2022, ⵏⵖⵉⵢ ⴰⴷ ⵏⴰⴼ ⵖⵔ ⵓⵙⵉⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏⴰⴳⵎ ⴷ ⵙⴳ ⴷⵉⴳⵙ ⵜⴰⵏⴰⴹⵜ (www.haca.ma). 
 

لتحميل التقرير