ⴷⴼⴼⵉⵔ ⴰⵙⵎⵏⵉⴷ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵕⴱⴱⵉ ⴰⴷ ⴰⵙ ⵢⴰⵡⵙ, ⵉⵙⵙⵓⴼⵖ ⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵍⵉⵥⵕ ⵜⴰⵏⴰⴹⵜ ⵏⵏⵙ ⵜⴰⵙⴳⵯⵙⴰⵏⵜ ⵏ ⵓⵙⴳⴳⵯⴰⵙ 2022.
ⵜⴰⵏⴰⴹⵜ ⴰⴷ ⵉⵜⵜⵓⵥⵕⴳⵏ ⵙ ⴽⵕⴰⴹ ⵜⵓⵜⵍⴰⵢⵉⵏ : ⵜⴰⵄⵔⴰⴱⵜ, ⵜⴰⵎⴰⵣⵉⵖⵜ ⴷ ⵜⴼⵔⴰⵏⵙⵉⵙⵜ, ⴷⴰ ⵜⵙⵙⴽⵜⴰⵢ ⵜⵉⵡⵓⵔⵉⵡⵉⵏ ⵎⵇⵇⵓⵔⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵍⵉⵥⵕ ⴰⵔ ⵜⵎⵎⴰⵍ ⴰⵣⵣⵉⴳⵣ ⵏ ⵜⵎⵓⵖⵍⵉ ⵜⴰⵙⵍⵉⵥⵔⵜ ⵜⴰⵏⴰⵎⵓⵔⵜ ⵉⵡⵏⴰⵏ ⵏ ⵓⵙⴳⴳⵯⴰⵙ ⵉⴳⴰⵏ ⵜⵉⴳⵉⵔⴰ ⵏ ⵜⴰⵙⵙⴰⵙⵜ ⵉⵣⴷⵉⵏ ⵙ ⵡⴰⵟⵟⴰⵏ ⵏ ⴽⵓⴼⵉⴷ-19 ⵉⵍⵍⴰⵏ ⵉⴳⴰ ⵢⴰⵏ ⵢⵉⵔⵎ ⵏ ⵜⴷⵓⵙⵉ ⵉ ⵢⵉⴳⵔ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
ⴳ ⵓⵢⵏⵏⴰ ⵉⵣⴷⵉⵏ ⵙ ⵓⵙⵍⴳⵏ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ, ⵉⵔⵓⵔ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵜⵏⵓⵔⵣⵉⵜⵉⵏ ⵏⵏⴰ ⵢⵓⵎⵥ ⵏⵖ ⵜⵉⵏ ⵓⵕⵚⴰⴹ ⴰⵏⵉⵎⴰⵏ, 80 ⵏ ⵜⵖⵜⴰⵙⵉⵏ ⴰ ⵢⵓⵙⵉ ⵉⵣⴷⵉⵏ ⵙ ⵉⵖⴰⵡⴰⵙⵏ ⵏⵏⴰ ⵣⵓⵣⵣⵔⵏⵜ ⵜⵏⵣⵡⴰⵢⵉⵏ ⴷ ⵉⵜⵉⵍⵉⴼⵉⵣⵢⵓⵏⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ.
ⵙ ⵓⵢⵏⵏⴰ ⵉⵎⵙⴰⵙⴰⵏ ⴷ ⵓⵎⴳⵔⴰⴹ 165 ⵏ ⵜⵎⵏⴹⴰⵡⵜ, ⵢⵓⴳⴳⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵍⵉⵥⵕ ⵅⴼ ⵓⵣⵔⴰⴽ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⵏ ⵜⵎⵣⴰⵣⵉⵏ ⵏ ⵜⴰⵏⵏⴰⵢⵉⵏ ⴷ ⵓⵙⵡⵉⵏⴳⵎ ⴳ ⵢⵉⴳⵔ ⵏ ⵓⵙⵍⵉⵥⵕ.
ⴳ ⵓⵙⴰⵜⵉ ⵢⴰⴷ, ⵙ ⵜⵓⵚⴽⴰ ⵅⴼ ⴽⵓⵥ ⵏ ⵜⵏⵎⵎⴰⵍⵉⵏ ⵜⵉⴽⵕⴰⴹⵢⵓⵔⵉⵏ ⵏ ⵓⵙⴳⴳⵯⴰⵙ 2022 ⵉⵜⵜⵓⴳⴰⵏ ⵜⵜⵓⵥⵕⴳⵏⵜ ⵙⴳ ⵖⵓⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵍⵉⵥⵕ, ⴱⵟⵟⵓ ⵏ ⵓⴽⵙⴰⵢ ⴰⵎⴰⵜⴰⵢ ⵏ ⵢⵉⵎⵥ ⵏ ⵡⴰⵡⴰⵍ ⴳ ⵉⵖⴰⵡⴰⵙⵏ ⵏ ⵉⵏⵖⵎⵉⵙⵏ (ⵜⵉⵙⵖⵓⵏⵉⵏ ⴷ ⵉⵖⵎⵉⵙⵏ) ⵏⵏⴰ ⵉⵜⵜⵓⵣⵎⵎⴻⵎⵏ ⵙ ⵡⴰⵏⴰⵡⵏ ⵏ ⵉⵎⴰⵣⵣⴰⵍⵏ ⵉⴳⴷⵓⴷⴰⵏⵏ ⴷⴰ ⵜⵎⵎⴰⵍ ⵉⵙ ⴰⵎⵓⵔ ⵏ ⵉⵎⴰⵣⵣⴰⵍⵏ ⵉⵎⵙⵎⵓⵏⵏ ⵉⴳⴰ 39,41% ⵏ ⵓⴽⵙⴰⵢ ⴰⴷ, ⴷⵉⵖ, ⵉⵎⴰⵣⵣⴰⵍⵏ ⵉⵙⵔⵜⴰⵏⵏ ⵉⵡⴹⵏ 38,41% ⵏ ⵓⴽⵙⴰⵢ ⴰⴷ, ⴷ ⵉⵎⴰⵣⵣⴰⵍⵏ ⵉⵣⵣⵓⵍⴰⵏⵏ ⵉⵡⴹⵏ 15,71%, ⴳ ⵜⴳⵉⵔⴰ, ⵉⵎⴰⵣⵣⴰⵍⵏ ⵉⵏⵎⵍⴰⵏⵏ ⵉⵡⴹⵏ 6,77%.
ⴳ ⵜⵙⴳⴰ ⵢⴰⴹⵏ, ⵉⵙⵎⴰⵢⵏⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵍⵉⵥⵕ ⵜⵓⵔⴰⴳⵉⵏ ⴷ ⵓⵙⴳⵎⴹ ⵅⴼ ⵡⴰⵍⵓⴳⵏ ⵉⵎⴰⵢⵏⵓⵜⵏ ⵏ ⵡⴰⴳⴳⵯⴰ ⵉ 3 ⵉⵎⵡⵓⵔⴰ ⵓⵙⵍⵉⴳⵏ ⵏ ⵜⵙⵓⵜⴰ ⵜⴰⵎⵣⵡⴰⵔⵓⵜ ⵏ ⵜⵓⵔⴰⴳⵉⵏ ⴳ 2006.
ⴳ 31 ⴷⵓⵊⴰⵎⴱⵉⵔ 2022, ⴰⵙⴽⴰⵏ ⴰⵙⵍⵉⵥⵕ ⴰⵏⴰⵎⵓⵔ ⴰⴳⴷⵓⴷⴰⵏ ⴷ ⵡⵓⴷⵍⵉⴳ ⵢⵓⵎⴰ 13 ⵏ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴷ 34 ⵏ ⵉⵙⵔⵓⵙⵏ ⵏ ⵜⵏⵣⵡⴰⵢⵉⵏ.

• ⴰⴳⵎ ⵜⵓⵏⵖⵉⵍⵜ ⵜⴰⵄⵔⴰⴱⵜ ⵏ ⵜⴰⵏⴰⴹⵜ
• ⴰⴳⵎ ⵜⵓⵏⵖⵉⵍⵜ ⵜⴰⵎⴰⵣⵉⵖⵜ ⵏ ⵜⴰⵏⴰⴹⵜ
• ⴰⴳⵎ ⵜⵓⵏⵖⵉⵍⵜ ⵜⴰⴼⵕⴰⵏⵙⵉⵙⵜ ⵏ ⵜⴰⵏⴰⴹⵜ