ⵉⵙⵙⵥⵕⴳ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⴰⵏⴹⵜ ⵜⴰⵙⴳⵯⵙⴰⵏⵜ ⵏⵏⵙ ⵏ ⵓⵙⴳⴳⵯⴰⵙ 2020
ⵉⵙⵙⵥⵕⴳ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⴰⵏⴹⵜ ⵏ ⵜⵡⵓⵔⵉⵡⵉⵏ ⵏⵏⵙ ⵏ ⵓⵙⴳⴳⵯⴰⵙ 2020. ⵜⴰⵏⴰⴹⵜ ⴰⴷ ⵉⵜⵜⵓⵥⵕⴳⵏ ⵙ ⴽⵕⴰⴹⵜ ⵜⵓⵜⵍⴰⵢⵉⵏ : ⵜⴰⵄⵔⴰⴱⵜ, ⵜⴰⵎⴰⵣⵉⵖⵜ ⴷ ⵜⴼⵕⴰⵏⵙⵉⵙⵜ, ⴷⴰ ⵜⵜⴰⵍⵙ ⵉ ⵜⵡⵓⵔⵉⵡⵉⵏ ⵏⵏⴰ ⵜⵙⵙⴽⵔ ⵜⵎⵔⵙⵍⵜ ⵏ ⵓⵙⵏⴰⵎ ⴷ ⵉⵏⵎⵎⴰⵍⵏ ⵉⵅⴰⵜⴰⵔⵏ ⵉⵣⴷⵉⵏ ⴷ ⵓⵣⵣⵉⴳⵣ ⵏ ⵜⵎⵓⵖⵍⵉ ⵜⴰⵙⵍⵉⵥⵕⵜ ⵜⴰⵏⴰⵎⵓⵔⵜ ⴳ ⵢⴰⵏ ⵓⵙⴳⴳⵯⴰⵙ ⵉⵥⵍⵉⵏ ⴳ ⵜⵜⵓⴹⴰⵚⵏ ⴰⴽⴽⵯ ⵢⵉⴳⵔⴰⵏ ⵏ ⵜⵡⵓⵔⵉⵡⵉⵏ ⵙ ⵜⴰⵙⵙⴰⵙⵜ ⵜⴰⴷⴰⵎⵙⴰⵏⵜ ⵏⵏⴰ ⴷ ⵢⵉⵡⵉ ⵡⴰⵟⵟⴰⵏ ⵏ ⴽⵓⴼⵉⴷ-19.
ⴳ ⵜⵎⵜⵜⴰ ⵏ ⵓⵙⵏⴰⵎ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ, ⵢⵓⵙⵉ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ 79 ⵏ ⵜⵖⵜⴰⵙⵉⵏ ⵉⵣⴷⵉⵏ ⴷ ⵉⵖⴰⵡⴰⵙⵏ ⵉⵜⵜⵓⵣⵓⵣⵣⵔⵏ ⵖⵓⵔ ⵉⵏⵣⵡⴰⵢⵏ ⴷ ⵉⵜⵉⵍⵉⴼⵉⵣⵢⵓⵏⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ. ⵜⵙⵙⵥⵕⴳ ⴷⵉⵖ ⵜⵎⵔⵙⵍⵜ ⵜⴰⵏⴰⴹⵜ ⵅⴼ ⵓⵙⵎⴽⵍ ⴰⵖⵎⵙⴰⵏ ⵏ ⵡⴰⵟⵟⴰⵏ ⵏ ⴽⵓⴼⵉⴷ-19 ⴳ ⵍⵍⴰⵏ ⵉⵙⴼⴽⴰ ⴷ ⵜⵢⴰⴼⵓⵜⵉⵏ ⵜⵉⵣⵖⴰⵏⵉⵏ ⴷ ⵉⵙⵖⵍⴰⴼ ⴰⴼⴰⴷ ⴰⴷ ⵉⵣⵔⴽ ⵓⵙⵎⴽⵍ ⴰⵖⵎⵙⴰⵏ ⵏ ⵜⴰⵙⵙⴰⵙⵜ ⵜⴰⵎⴰⴹⵓⵏⵜ ⵉⵎⵏⵣⴰⵢ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴰⵎⵎ ⵓⵣⵔⴰⴽ ⵏ ⵡⴰⴷⴷⵓⵔ ⴰⵏⴼⴳⴰⵏ ⴷ ⵓⵣⵔⴼ ⴳ ⵜⵡⵍⴰⴼⵜ ⴷ ⵜⵓⴷⵔⵜ ⵜⵓⵙⵍⵉⴳⵜ.
ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵎⴰⴳⵓⵜ ⵏ ⵓⵡⵏⵏⵉ ⵏ ⵉⵎⵣⴰⵣⵏ ⵏ ⵓⵙⵡⵉⵏⴳⵎ ⴷ ⵜⴰⵏⵏⴰⵢⵜ, ⴰⴹⴼⴼⵓⵕ ⵏⵏⴰ ⵉⵙⵙⴽⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵙⴳⴳⵯⴰⵙ 2020, ⵉⵙⵙⴽⵏ ⵉⵙⴷ 846 ⵏ ⵜⵙⴰⵔⴰⴳⵉⵏ ⴰⵢⴷ ⵉⵜⵜⵓⴼⴽⴰⵏ ⵉ ⵡⴰⵡⴰⵍ ⵏ ⵎⴷⴷⵏ ⵉⴳⴷⵓⴷⴰⵏⵏ ⴰⴳⵓⵏⵙ ⵏ ⵓⵙⵏⵖⵎⵙ ⴰⵙⵍⵉⵥⵕ. 39% ⵏ ⵓⴽⵙⴰⵢ ⴰⴷ ⴰⵣⵎⵣⴰⵏ ⴰⵎⴰⵜⴰⵢ ⵉⵜⵜⵓⴼⴽⴰ ⵉ ⵉⵎⴰⵣⵣⴰⵍⵏ ⵉⵙⵔⵜⴰⵏⵏ, 30% ⵉ ⵉⵎⴰⵣⵣⴰⵍⵏ ⵏ ⵜⵎⵙⵎⵓⵏⵉⵏ, 23% ⵉ ⵉⵎⴳⴳⴰⵢⵏ ⵉⵣⵣⵓⵍⴰⵏⵏ ⴷ 8% ⵉ ⵉⵎⴳⴳⴰⵢⵏ ⵉⵏⵎⵍⴰⵏⵏ.
ⴰⴹⴼⴼⵓⵕ ⵏ ⵜⵉⵔⵎⵜ ⵏ ⵡⴰⵡⴰⵍ ⴳ ⵜⵙⵖⵓⵏⵉⵏ ⵏ ⵉⵏⵖⵎⵉⵙⵏ ⴳ ⵜⵏⴰⴼⵓⵜⵉⵏ ⵜⵉⴳⴷⵓⴷⴰⵏⵉⵏ ⵜⵉⵙⵍⵉⵥⵕⵉⵏ, ⵏ ⵜⵏⴱⴰⴹⵜ ⴷ ⵜⵓⴳⵜ, ⴳ ⵢⴰⵜ ⵜⵙⴳⴰ, ⴷ ⵜⵓⵣⵍⵜ ⴳ ⵜⵙⴳⴰ ⵢⴰⴹⵏ, ⴷⴰ ⵉⵙⵙⴽⴰⵏ ⵉⵙⴷ ⵜⵉⵔⵎⵜ ⵏ ⵡⴰⵡⴰⵍ ⵏ ⵜⵏⴱⴰⴹⵜ-ⵜⵢⴳⵜ ⵜⵓⵎⵣ 60% ⵏ ⵡⴰⴽⵓⴷ ⴰⵎⴰⵜⴰⵢ ⵏ ⵡⴰⵡⴰⵍ, ⴷ 40% ⵏ ⵡⴰⴽⵓⴷ ⴰⴷ ⵜⵓⵎⵥ ⵜ ⵜⵓⵣⵍⵜ. ⵉⵇⵇⴰⵏ ⴰⴷ ⵏⵙⵙⴽⵜⵉ ⵉⵙⴷ ⴰⵣⵔⴰⴽ ⵏ ⵓⵎⵏⵣⴰⵢ ⵏ ⵡⴰⴷⴰⴼ ⴰⵏⵙⵙⵓⵎⵓ ⴳⵔ ⵜⵏⴱⴰⴹⵜ-ⵜⵓⴳⵜ ⴷ ⵜⵓⵣⵍⵜ ⴷⴰ ⵉⵜⵜⵓⵙⵖⴰⵍ ⵙ ⵡⴰⵜⵉⴳ ⵏ ⵓⵙⵎⴷⵢⴰ ⵏ ⵡⴰⵏⴰⵡⵏ ⴰⴷ ⴰⴳⵓⵏⵙ ⵏ ⵓⵎⵚⵕⵉ ⵏ ⵉⵙⵎⴷⵢⴰⵜⵏ (ⵢⴰⵏ ⴷⴼⴼⵉⵔ ⵡⴰⵢⴹ 59% ⴷ 41% ⴳ ⵜⴳⵉⵔⴰ ⵏ 2020).
ⴳ ⵜⵙⴳⴰ ⵢⴰⴹⵏ, ⴰⴼⴰⴷ ⴰⴷ ⵏⵔⴰⵔ ⵅⴼ ⵓⵙⵓⵖⵏ ⵏ ⵓⵙⵓⵎⵓ ⴰⵎⵓⵔⴰⵏ ⴳ ⵜⵎⵜⵜⴰ ⵏ ⵡⴰⴷⴰⴼ ⵏ ⵉⵏⵎⵓⵔⵉⵏ ⵖⵔ ⵜⵏⴰⴼⵓⵜⵉⵏ ⵜⵉⵙⵍⵉⵥⵕⵉⵏ, ⵉⵙⵡⴰⵍⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵜⵎⵙⵙⵓⵔⵜ ⵜⴰⵏⴰⵎⵓⵔⵜ ⵏ ⵕⴰⴷⵢⵓ ⴷ ⵜⵉⵍⵉⴼⵉⵣⵢⵓⵏ, 8 ⵏ ⵉⵙⵏⴰⴳⴰⵔⵏ ⴰⴼⴰⴷ ⴰⴷ ⵜⵙⵙⵎⵖⵓⵔ ⴰⵥⵟⵟⴰ ⵏⵏⵙ ⵏ ⵓⵣⵓⵣⵣⵔ ⵏ ⵜⵉⵍⵉⴼⵉⵣⵢⵓⵏ ⴰⵎⵓⵟⵟⵓⵏ ⴰⵏⴰⴽⴰⵍ. 107 ⵏ ⵉⵙⵏⴰⴳⴰⵔⵏ ⵉⴼ-ⵉⵎ ⵜⵜⵓⵡⴰⵍⴰⵏ ⵉ ⵉⵎⵡⵓⵔⴰ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ ⴰⴼⴰⴷ ⴰⴷ ⵙⵙⵎⵖⵓⵔⵏ ⵜⴰⴷⵓⵍⵉ ⵏ ⵕⴰⴷⵢⵓ ⵉⴼ-ⵉⵎ ⴳ 42 ⵏ ⵉⴷⵖⴰⵔⵏ ⴳ ⵉⴼⴼⵓⵙ ⵏ ⵜⴳⵍⴷⵉⵜ ⴷ ⵜⵎⵏⴰⴹⵉⵏ ⵜⵉⴼⴰⵔⴰⵏⵉⵏ ⵢⴰⴳⴳⵓⴳⵏ ⵅⴼ ⵜⵎⴷⵉⵏⵉⵏ.
ⴰⵔ ⵜⵙⵙⴽⴰⵏ ⵜⴰⵏⴰⴹⵜ ⴰⴷ ⵜⴰⵎⴷⵔⴰⵡⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵙⵟⵕⴰⵜⵉⵊⵉⵏ ⵏ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ, ⵙ ⵉⵎⵥⵍⵉ ⵜⴰⵎⴷⵔⴰⵡⵜ ⵏⵏⵙ ⴳ ⵓⵙⵡⵉⵏⴳⵎ ⴰⵏⴰⵎⵓⵔ ⵅⴼ ⵓⵣⵓⵔⵜ ⴰⵎⴰⵢⵏⵓ ⵏ ⵜⴳⵎⵉ.