ⴳ ⵓⵙⴰⵜⵉ ⵏ ⵜⵎⵔⵉⵙⵜ ⵏⵏⵙ ⵜⴰⴼⵔⵉⵇⵜ, ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵓⵙⵙⴰⵏ ⵏ 10 ⴷ 13 ⵉⴱⵔⵉⵔ 2026 ⴳ ⵜⵎⵓⵔⵜ ⵏ ⴱⵉⵏⵉⵏ, ⴳ ⵢⴰⵜ ⵜⵙⵎⵉⴳⵍⵜ ⵏ ⵜⵉⵏⵥⵉ ⵏ ⵉⵙⵜⴰⵢⵏ ⵉⵥⵍⵉⵏ ⵙ ⵜⴷⵓⵍⵉ ⵜⴰⵙⵖⵎⵙⴰⵏⵜ ⵏ ⵉⵙⵜⴰⵢⵏ ⵉⵙⵍⵡⴰⵢⵏ ⵉⵜⵜⵓⵙⵏⵎⴰⵍⴰⵏ ⴰⵙⵙ ⵏ 12 ⵉⴱⵔⵉⵔ 2026.

ⵜⴰⵙⵎⵉⴳⵍⵜ ⴰⴷ, ⵉⵙⵏⵎⴰⵍⴰ ⵜⵜ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ, ⵙ ⵜⵙⵏⵜⴰⵢⵜ ⵏ ⵜⵏⴱⴰⴹⵜ ⵜⴰⵎⴰⵜⵜⴰⵢⵜ ⵏ ⵓⵙⵍⵉⵥⵕ ⴷ ⵓⵎⵢⴰⵡⴰⴹ ⵏ ⵜⵎⵓⵔⵜ ⵏ ⴱⵉⵏⵉⵏ, ⵜⴰⵙⵎⵉⴳⵍⵜ ⴰⴷ ⵜⵓⵙⴰ ⴷ ⴳ ⵓⵙⴰⵜⵉ ⵏ ⵜⵡⵓⵔⵉ ⵏ ⵓⵥⵟⵟⴰ ⴰⴼⵔⵉⵇ ⴳ ⵓⴱⴰⵖⵓⵔ ⵏ ⵓⴼⵔⴰⴳ ⵏ ⵜⵣⴷⴳⵉ ⵏ ⵉⵙⵜⴰⵢⵏ ⴷ ⵓⵙⴷⵓⵙ ⵏ ⵜⴷⵉⵎⵓⵇⵕⴰⵟⵉⵜ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵜ.

ⵜⴰⵙⴳⴰ ⵏ ⵉⵙⵍⵡⴰⵢⵏ ⵏ ⵜⵎⵔⵙⴰⵍ ⵏ ⵓⵙⵍⴳⵏ ⵏ ⵙⴰⵃⵉⵍ ⵍⵄⴰⵊ, ⵏ ⵜⵛⴰⴷ ⴷ ⵡⵉⵏ ⵟⵓⴳⵓ, ⴰⴽⴰⴱⴰⵔ ⴰⵎⵖⵔⴰⴱⵉ ⵢⵓⵎⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵙⵍⵡⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵎⴰⵙⵙ ⵟⴰⵍⴰⵍ ⵚⴰⵍⴰⵃⴷⴷⵉⵏ, ⴰⵎⴰⵙⴰⵢ ⵏ ⵜⵖⴰⵡⵙⵉⵡⵉⵏ ⵜⵉⴳⵔⵉⵇⵉⵏ ⴷ ⵜⴳⵔⴰⵖⵍⴰⵏⵉⵏ ⴰⴳⵓⵏⵙ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ, ⵙⵙⴽⵔⵏ ⴽⵉⴳⴰⵏ ⵏ ⵉⵔⵣⴰⴼⵏ ⴷ ⴽⵉⴳⴰⵏ ⵏ ⵉⵙⴳⵔⴰⵡⵏ ⵏ ⵜⵡⵓⵔⵉ ⵉⵥⵍⵉⵏ ⵙ ⵓⴹⵎⴰⵏ ⵏ ⵜⵣⴷⴳⵉ ⵏ ⵉⵙⵜⴰⵢⵏ, ⵙ ⵉⵎⵥⵍⵉ ⴳ ⵓⵢⵏⵏⴰ ⵉⵣⴷⵉⵏ ⵙ ⵡⴰⴷⴰⴼ ⴰⵏⵙⵙⵓⵎⵓ ⵏ ⵙⵉⵏ ⵡⴰⵏⴰⵜⵏ ⵏ ⵉⵎⵏⴽⴰⴷⵏ ⵖⵔ ⵉⵎⴰⵙⵙⵏ ⵏ ⵓⵙⵏⵖⵎⵙ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ.

ⴳ ⵓⵙⵖⵉⵎ ⵏ ⵜⴷⴰⵍⴰ ⵏ ⵡⴰⴷⴷⴰⴷ ⵏ ⵓⵙⵜⴰⵢ ⵏⵏⴰ ⵜⵙⵔⵙ ⵜⵙⵉⵍⴰ ⵏ ⵉⵙⵜⴰⵢⵏ ⵏ ⵜⵙⵏⵎⴰⵍⴰⵢⵉⵏ ⵏ ⵡⴰⵎⵓⵏ ⵓⵖⵔⵉⵎ ⵏ ⵜⵎⵓⵔⵜ ⵏ ⴱⵉⵏⵉⵏ, ⴰⴽⴰⴱⴰⵕ ⵏ ⵉⵙⵍⴳⴰⵏⵏ ⵉⴼⵔⵉⵇⵏ ⵏ ⵓⵙⵏⵖⵎⵙ ⵙⵙⴽⵔⵏ ⵢⴰⵏ ⵢⴳⵔⴰⵡ ⵏ ⵓⵙⵏⵉⴼⵍ ⵉⵥⵍⵉⵏ ⵙ ⵉⵎⵉⴽⴰⵏⵉⵣⵎⵏ ⵏ ⵓⴼⴳⴳⴷ ⵏ ⵣⵉⴽ ⵏⵏⴰ ⵜⵙⴱⴷⴷ ⵜⵙⵉⵍⴰ ⵢⴰⴷ ⵜⴰⵏⵎⵓⵔⵉⵜ ⴷ ⵜⵖⴹⴼⵜ ⵏⵏⴰ ⵜⵔⵓⵔⴰ ⵉ ⵉⵎⵉⵣⵉ ⴰⵙⵏⵖⵎⴰⵙ ⴳ ⵓⵣⵎⵣ ⵏ ⵉⵙⵜⴰⵢⵏ.

ⴳ ⵜⵙⴳⴰ ⵢⴰⴹⵏ, ⵜⵜⵓⵙⵏⵎⴰⵍⴰⵏ ⴽⵉⴳⴰⵏ ⵏ ⵉⵙⴳⵔⴰⵡⵏ ⴰⴽⴷ ⵜⵉⵙⵎⵉⴳⵍⵉⵏ ⵏ ⵜⵉⵏⵥⵉ ⵜⵉⴳⵔⴰⵖⵍⴰⵏⵉⵏ ⵙ ⵓⵣⵎⵣⵣⵓ ⵏ ⵓⵙⵜⴰⵢ ⴰⴷ ⴰⵙⵍⵡⴰⵢ, ⵙ ⵉⵎⵥⵍⵉ ⴰⴽⴷ ⵜⴰⵎⵓⵏⵜ ⵜⴰⴼⵔⵉⵇⵜ, ⴰⴳⵔⴰⵡ ⴰⴷⴰⵎⵙⴰⵏ ⵏ ⵜⵎⵓⵔⴰ ⵏ ⵜⴼⵔⵉⵇⵜ ⵏ ⵓⵖⵍⵍⵓⵢ, ⴰⵙⵏⵎⴰⵍⴰ ⴰⴳⵔⴰⵖⵍⴰⵏ ⵏ ⵜⴼⵔⴰⵏⴽⵓⴼⵓⵏⵉⵜ, ⴰⵙⵇⵇⵉⵎ ⵏ ⵓⵎⵙⴰⵙⴰ, ⴷ ⵜⵙⵎⵉⴳⵍⵜ ⵏ ⵓⵎⵏⵉⴷ ⴰⵎⴰⵢⵏⵓ ⵏ ⵙⵡⵉⵙⵕⴰ ⴷ ⵡⴰⵎⵎⴰⵙ ⵏ ⵓⵣⵔⴼ ⴰⴳⴷⵓⴷⴰⵏ ⵏ ⵜⵙⴷⴰⵡⵉⵜ ⵏ ⵍⵓⵎⵉ.

ⵉⵎⵏⵣⴰⵢ ⵉⴷⵙⵍⴰⵏⵏ ⵏ ⵜⵔⴰⵡⵙⴰⵏⵜ, ⵏ ⵜⵙⵓⵙⵖⵜ ⴷ ⵓⵙⵓⵎⵓ ⵉⵙⵙⴰⵜⵉⵏ ⴰⵣⵣⵉⴳⵣ ⵏ ⵓⵙⵜⴰⵢ ⵏ ⴱⵉⵏⵉⵏ ⵍⵍⴰⵏ ⴳ ⵡⵓⵍ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵉⵡⵏⴰⵏ ⵏ ⵉⵎⵙⴳⵔⴰⵡⵏ ⴰⴽⴽⵯ ⴰⴷ.