ⵙⵙⴳⵎⴹⵏ ⴽⵉⴳⴰⵏ ⵏ ⵉⵥⴹⵡⴰⵏ ⵏ ⵉⴳⵔⴰⵡⵏ ⵏ ⵓⵙⵏⴰⵎ, ⵉ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ, ⴰⵙⵎⴰⵍ ⴰⵎⴷⵔⴰⵡ ⵏ ⵓⵡⵏⵏⵉ ⵅⴼ ⵓⵙⵡⵓⵔⵉ ⵏⵏⵙ ⴳ ⵉⵡⵜⵜⴰⵙⵏ ⵏⵏⴰ ⵉⵙⵜⵉ ⵍⵓⵏⵉⵙⴽⵓ ⵉⵡⴰⵜⵙⵏ ⴰⵙⵓⴷⵙ ⵏ ⵜⵍⴻⵍⵍⵉ ⵏ ⵓⵡⵏⵏⵉ ⴷ ⵜⵎⵢⵉⵎⴰⵏⵜ ⵏ ⵓⵏⵖⵎⵉⵙ ⵉⴳⴰⵏ ⵜⴰⵏⴰⴼⵓⵜ ⵜⴰⵎⴰⵜⴰⵢⵜ, ⴷ ⵓⵙⴱⴷⴷ ⵏ ⵜⵓⵎⴰⵢⵉⵏ ⵜⵉⵎⵓⵟⵟⵓⵏⵉⵏ ⵏⵏⴰ ⵉⵜⵜⴹⴰⵚⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴷ ⵉⴷⵉⵎⵓⵇⵕⴰⵟⵉⵢⵏ.

ⵙⵙⴳⵎⴹⵏ ⵅⴼ ⵓⵙⵎⴰⵍ ⴰⴷ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⵜⴰⵙⴳⴰ ⵏ ⵜⴳⵉⵔⴰ ⵏ ⵜⵡⵓⵔⵉⵡⵉⵏ ⵏ ⵓⵎⵙⴳⵔⴰⵡ ⴰⴳⵔⴰⵖⵍⴰⵏ « ⵍⴰⵏⵜⵉⵔⵏⵉⵜ ⵉ ⵜⵓⵚⴽⴰ ⵏ ⵜⵎⵢⵉⵎⴰⵏⵜ » ⵏⵏⴰ ⵜⵙⵏⵎⴰⵍⴰ ⵍⵓⵏⵉⵙⴽⵓ ⵓⵙⵙⴰⵏ ⵏ 22 ⴷ 23 ⴼⴱⵕⴰⵢⵔ 2023, ⵉⴳⵔⴰⵡⵏ ⵏ ⵓⵙⵏⴰⵎ ⵏ ⵜⵏⴰⴼⵓⵜⵉⵏ ⵏ ⵓⵙⵏⵖⵎⵙ ⴰⵙⵍⵉⵥⵕ ⵓⵕⵓⴱⴱⵉ (ERGA) ⴷ ⵜⵙⵉⵍⴰ ⵏ ⵉⴳⵔⴰⵡⵏ ⵏ ⵓⵙⵏⴰⵎ ⴰⵙⵍⵉⵥⵕ ⵉⴱⵉⵔⵓ-ⴰⵎⵔⵉⴽⵉ (PRAI) ⴷ ⵓⵥⵟⵟⴰ ⴰⴼⵔⴰⵏⴽⵓⴼⵓⵏⵉ ⵏ ⵉⴳⵔⴰⵡⵏ ⵏ ⵓⵙⵏⴰⵎ ⵏ ⵓⵙⵏⵖⵎⵙ (REFRAM) ⴷ ⵓⵥⵟⵟⴰ ⵏ ⵉⴳⵔⴰⵡⵏ ⵏ ⵓⵙⵏⴰⵎ ⵏ ⵡⴰⵎⵎⴰⵙ (RIRM) ⴷ ⵓⵥⵟⵟⴰ ⴰⴳⵔⴰⵖⵍⴰⵏ ⵏ ⵓⵙⵏⴰⵎ ⵏ ⵜⵏⴼⵔⵓⵜ ⵜⴰⵎⵓⵟⵟⵓⵏⵜ ⴷ ⵓⵥⵟⵟⴰ ⵏ ⵉⴳⵔⴰⵡⵏ ⵉⴼⵔⵉⵇⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ (RIARC) ⵏⵏⴰ ⵜⵙⵎⴷⵢⴰ ⵎⴰⵙⵙ ⵍⴰⵟⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.

ⵙⵙⵉⴽⵣⵏ ⵉⵏⵙⵙⵉⵅⴼⵏ ⵉⵙⴳⵎⴹⵏ ⴰⵙⵎⴰⵍ ⵅⴼ ⵜⵖⵜⵙⵜ ⵏⵏⵙⵏ ⵏ ⴰⴷ ⵣⵓⵛⵛⵍⵏ ⵜⵉⵎⵔⵉⵙⵉⵏ ⵅⴼ ⵜⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ. ⵜⵉⵖⵜⴰⵙ ⴰⴷ ⵣⴷⵉⵏⵜ ⴷ ⵓⵙⵙⵓⵊⴷ ⵏ ⵉⵎⴰⵙⵙⵏ ⵏ ⵜⵎⴰⴼⴰⵡⵜ, ⵙ ⵉⵎⵥⵍⵉ ⴳ ⵢⵉⴳⵔ ⵏ ⵓⵙⵡⵓⴷⴷⵓ ⵏ ⵜⵓⵎⴰⵢⵉⵏ ⵜⵉⵎⵓⵟⵟⵓⵏⵉⵏ ⴳ ⵓⵡⵜⵜⴰⵙ ⵏ ⵜⵎⵢⵉⵎⴰⵏⵜ ⵏ ⵉⵎⵙⵡⵓⵔⴰ ⵏ ⵍⴰⵏⵜⵉⵔⵏⵉⵜ, ⴷⴷⴰⵡ ⵓⵏⴳⵔⴰⵡ ⵏ ⵓⵙⵍⴳⵏ.

ⵎⵙⴰⵙⴰⵏ ⵉⵏⴳⵎⴰⴹⵏ ⵅⴼ ⵜⵅⵉⵜⵔⵜ ⵏ ⵓⵙⵔⵓⵙ ⵏ ⵜⵖⴰⵔⴰⵙⵜ ⵏ ⵓⵙⵓⵜⴳ ⵏ ⵉⵎⵉⵣⵉⵜⵏ ⴷ ⵉⵙⵡⵓⴷⴷⵓⵜⵏ ⵢⴰⴹⵏ ⵉⵣⴷⵉⵏ ⴷ ⵜⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ, ⵙ ⵉⵎⵥⵍⵉ ⴳ ⵓⵡⵜⵜⴰⵙ ⵏ ⵓⴼⵔⴰⴳ ⵏ ⵜⵕⵡⵉ ⵡⵓⵖⵓⴷ ⵏ ⵉⵙⵜⴰⵢⵏ ⴷ ⵓⵏⵏⴰⵍ ⵏ ⵜⵙⵙⴰⵙⵉⵏ ⵜⵉⵎⵇⵔⴰⵏⵉⵏ ⴰⵎⵎ ⵉⵎⵏⵖⴰⵏ ⴷ ⵜⵡⴰⵖⵉⵜⵉⵏ ⵏ ⵓⴳⴰⵎⴰ ⴷ ⵡⴰⵟⵟⴰⵏⵏ ⵏⵖ ⴽⵔⴰ ⵏ ⵜⵡⴰⵖⵉⵜⵉⵏ ⵜⵉⴳⵔⴰⵖⵍⴰⵏⵉⵏ.

ⵔⵏⵓⵏ ⴰⵔ ⵙⴷⴷⵉⴷⵏ ⵅⴼ ⵜⵣⵎⵔⵜ ⵏ ⵉⵥⴹⵡⴰⵏ ⵏⵏⴰ ⵏⵙⵙⵉⵅⴼⵏ ⵅⴼ ⵜⵎⴷⵔⴰⵡⵜ ⴳ ⵓⵙⵏⵓⵍⴼⵓ ⴷ ⵓⵙⵎⵓⵙⵙ ⵏ ⵓⵙⴰⵢⵔⴰⵔ ⴰⴳⵔⴰⵖⵍⴰⵏ ⵉⵛⵛⴰⵔⵏ ⴰⵎⴰⴳⵓⵜ ⵏ ⵜⵙⴳⴳⵯⵉⵏ ⵉ ⵓⵙⵙⵉⴷⵔ ⵏ ⵓⵎⵙⴰⵡⴰⵍ ⴷ ⵓⵎⵔⴰⵔⴰ ⵏ ⵜⵡⵓⵔⵉⵡⵉⵏ ⵜⵉⵎⵇⵔⴰⵏⵉⵏ ⴳ ⵢⵉⴳⵔ ⵏ ⵓⵙⵍⴳⵏ ⵏ ⵜⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ.

-Pour télécharger le texte de la déclaration (version française)

-Pour télécharger le texte de la déclaration (version anglaise)