ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 19 ⵢⵓⵍⵢⵓⵣ 2022 ⴳ ⵓⵙⵖⵉⵎ ⵏ ⵜⵎⵔⵙⵍⵜ, ⵎⴰⵙⵙ ⵙ.ⴻ.ⵎ. ⵕⵓⴱⵉⵔ ⴷⵓⵍⴳⵔ, ⴰⵎⵙⵇⴰⴷ ⵏ ⵜⵎⵓⵔⵜ ⵏ ⴰⵍⵎⴰⵏⵉⵢⴰ ⴳ ⵍⵎⵖⵔⵉⴱ.

ⵉⵡⵏⴰⵏ ⵏ ⵓⵎⵙⴰⴳⴰⵔ ⴰⴷ, ⵜⵙⵙⵉⴽⵣ ⵎⴰⵙⵙⴰ ⴰⵅⴰⵔⴱⴰⵛ ⴰⴱⵖⵓⵔ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵢⵉⵔⵎ ⵏ ⵜⵎⵓⵔⵜ ⵏ ⴰⵍⵎⴰⵏⵉⵢⴰ ⴳ ⵢⵉⴳⵔ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⵏⵏⴰ ⵉⵚⴽⴰⵏ ⵅⴼ ⵉⵎⵉⴽⴰⵏⵉⵣⵎⵏ ⵏ ⵓⵙⵏⴰⵎ ⴰⵏⵉⵎⴰⵏ ⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⵏ ⵓⵙⵍⵉⵥⵕ ⴷ ⵜⵓⵚⴽⵉⵡⵉⵏ ⵜⵉⵏⵎⵏⴰⴹⵉⵏ ⵏ ⵓⵙⵏⴰⵎ ⵏ ⵉⵏⵣⵡⴰⵢⵏ ⴷ ⵉⵜⵉⵍⵉⴼⵉⵣⵢⵓⵏⵏ ⵓⵙⵍⵉⴳⵏ. « ⵉⵔⵎ ⵏ ⵍⴰⵏⴷⵔⵙ ⴰⵍⵍⵎⴰⵏⴷ, ⴰⵢ ⵜⵙⵙⴽⵜⵉ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⴳⴰ ⵢⴰⵏ ⵓⵙⴰⴳⵎ ⵏ ⵓⵙⵡⵉⵏⴳⵎ ⵉ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵓⵙⵔⵔⵓⵙ ⵏ ⵜⵏⵎⵏⴰⴷⵜ ⵉⵣⵣⵉⴳⵣⵏ ».

ⵜⵙⵎⵏⴷ ⴷⵉⵖ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉ ⵓⵎⵙⵇⴰⴷ ⴷⵓⴳⵍⵔ ⵢⴰⵏ ⵓⵙⴳⵣⵍ ⴰⵎⵣⵔⴰⵢ ⵅⴼ ⵓⵙⵍⴻⵍⵍⵉ ⵏ ⵢⵉⴳⵔ ⴰⵙⵍⵉⵥⵕ ⴳ ⵍⵎⵖⵔⵉⴱ ⴷ ⵉⵙⵜⴰⵢⵏ ⵉⵅⴰⵜⴰⵔⵏ ⵉⵙⵔⵜⴰⵏⵏ ⴷ ⵉⴷⵉⵎⵓⵇⵕⴰⵟⵉⵢⵏ ⵏⵏ ⵜⵙⵔⵙ ⵜⵎⵔⵙⵍⵜ ⵜⴰⵏⵉⵎⴰⵏⵜ ⵏ ⵓⵙⵏⴰⵎ ⵢⵓⵙⵉⵏ ⴰⴳⴳⵯⴰⴰ ⵏ ⵓⴼⵔⴰⴳ ⵏ ⵜⵍⴻⵍⵍⵉ ⵏ ⵓⵡⵏⵏⵉ, ⴰⴳⴳⴰⵢ ⵅⴼ ⵓⴱⵖⵓⵔ ⴰⵎⴰⵜⴰⵢ ⴷ ⵜⵏⴼⵔⵓⵜ ⵏ ⵡⴰⴷⴰⴼ ⵉ ⵓⴳⴷⵓⴷ ⴰⵎⵖⵔⴰⴱⵉ ⵖⵔ ⵜⵓⴽⴽⵉ ⵜⴰⵙⵍⵉⵥⵕⵜ ⵜⴰⵎⴰⵏⴰⵡⵜ, ⵜⴰⵎⴰⴳⵓⵜ ⵉⵍⴰⵏ ⴰⵜⵉⴳ.

ⵜⵙⵙⵉⴽⵣ ⵎⴰⵙⵙⴰ ⴰⵅⵔⴱⴰⵛ ⵉ ⵓⵏⴱⴳⵉ ⵏⵏⵙ ⵜⵉⵙⵎⵉⴳⵍⵉⵏ ⵜⵉⵎⵇⵔⴰⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵜⵙⵎⵉⴳⵍⵉⵏ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ. ⵜⵓⴷⴷⴰ ⵅⴼ ⵓⵙⵏⴰⵎ ⴰⴷⴰⵎⵙⴰⵏ ⴷ ⵓⵡⵜⵜⵓ ⵏ ⵓⵙⵎⵓⵜⵜⵔ ⴳ ⵢⵉⴳⵔ ⵏ ⵜⵥⵕⴳⵉⵜ ⵏ ⵜⵏⴰⴼⵓⵜⵉⵏ ⵏ ⵜⵏⵣⵡⴰⵢⵜ ⴷ ⵜⵉⵍⵉⴼⵉⵣⵢⵓⵏ ⴷ ⵓⵙⵏⴰⵎ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ ⴳ ⵓⴱⵔⵉⴷ ⵏ ⵓⴹⵎⴰⵏ ⵏ ⵓⵣⵔⴰⴽ ⵏ ⵉⵎⵣⴰⵢⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵕⴰⵟⵉⵢⵏ ⴳ ⵓⴱⵖⵓⵔ ⵏ ⵉⵏⵎⵓⵔⵉⵏ ⵏⵏⴰ ⴷⴰ ⵉⵙⵡⵓⵔⵉⵏ ⵉⵎⴰⵙⵙⵏ ⵏ ⵓⵙⵏⵖⵎⵙ.

ⴳ ⵜⵙⴳⴰ ⵏⵏⵙ, ⵉⵙⵙⵉⴽⵣ ⵓⵎⵙⵇⴰⴷ ⵕⵓⴱⵉⵔ ⴷⵓⴳⵍⵔ ⴰⴱⵖⵓⵔ ⵏⵏⵙ ⴳ ⵓⵙⵡⵓⴷⴷⵓ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⵉⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵏⵉⵎⴰⵏⵜ ⵏ ⵜⵖⴰⵡⵙⵉⵡⵉⵏ ⵏ ⵓⵎⵢⴰⵏⴰⵡ ⴷ ⵓⵙⴳⵓⵜ. ⵉⵙⵙⴽⵏ ⵓⴷⵉⴱⵍⵓⵎⴰⵜ ⵏ ⴰⵍⵎⴰⵏⵢⴰ ⴰⴱⵓⵔⵣ ⵏⵏⵙ ⵙ ⵉⵎⵏⴰⴷⵏ ⵏ ⵜⵉⴳⵎⵉ ⴷ ⵉⵙⵏⵉⴼⵉⵍⵏ ⴷ ⵓⵎⵢⴰⵡⴰⵙ ⴳⵔ ⵜⵎⵔⵙⵍⵜ ⵏ ⵓⵙⵏⴰⵎ ⵜⴰⵎⵖⵔⴰⴱⵉⵢⵜ ⴷ ⵜⵎⵔⵙⴰⵍ ⵜⵉⴰⵍⵎⴰⵏⵉⵢⵉⵏ ⵉⵙⵡⵓⵔⵉⵏ ⴳ ⵢⵉⴳⵔ ⴰⴷ.