ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵡⵓⵔⵉ ⵉⵜⵜⵓⵙⴽⵔⵏ ⴳ ⵉⴼⵉⵍⵉ, ⵙ ⵓⴱⵔⵉⴷ ⵏ ⵍⵉⵏⵜⵉⵔⵏⵉⵜ, ⵏⵏⴰ ⵉⵙⵏⵎⴰⵍⴰ ⵓⵙⵏⵜⵉ ⴰⵎⴰⴹⵍⴰⵏ ⵏ ⵓⵙⴰⴹⴰⴼ ⴰⵖⵎⵙⴰⵏ (GMMP), ⴳ ⵓⵙⴰⵜⵉ ⵏ ⵜⵡⴰⵍⴰ ⵜⵉⵙⵙ 66 ⵏ ⵜⴳⵔⴰⵡⵜ ⵏ ⵡⴰⴷⴷⴰⴷ ⵏ ⵜⵎⵖⴰⵔⵜ ⵉⵜⵜⵓⵙⴽⵔⵏ ⵙⴳ 14 ⴰⵔ 25 ⵎⴰⵕⵚ 2022.

ⴰⴳⵔⴰⵡ ⵉⵜⵜⵓⵙⴽⵔⵏ ⴰⵙⵙ ⵏ 25 ⵎⴰⵕⵚ 2022 ⴰⵎⵓⵏ ⴷⵉⴳⵙ ⵉⵎⴰⵣⴰⵏⵏ ⵏ 12 ⵏ ⵜⵎⵓⵔⵜ ⴳ ⵉⵍⵍⴰ ⵍⵎⵖⵔⵉⴱ. ⴰⵙⵎⵣⵣⵓ ⵢⴰⴷ ⵉⵜⵜⵓⵙⴽⵔⵏ ⴳ ⵉⴼⵉⵍⵉ ⵙⴳ ⵎⴰ ⵢⴰⴳⴳⵓⴳⵏ ⵎⵛⴰⵡⴰⵕⵏ ⴷⵉⴳⵙ ⵉⵎⴷⵔⴰⵡⵏ ⵅⴼ ⵜⵙⵟⵕⴰⵜⵉⵊⵉⵏ ⵉⵖⵉⵢⵏ ⴰⴷ ⵉⵙⵔⵙ ⵜⵉⵎⵖⴰⵔⵉⵏ ⴷ ⵜⵄⵔⵔⵉⵎⵉⵏ ⴳ ⵡⴰⵎⵎⴰⵙ ⵏ ⵓⵣⵣⵉⴳⵣ ⴰⵙⵔⵜⴰⵏ ⴷ ⵓⵣⵣⵓⵍⴰⵏ ⵏ ⵓⵙⵏⵖⵎⵙ. ⴰⴷⴷⵏ ⵉⵏⴽⵛⴰⵎⵏ ⵅⴼ ⵓⵙⵎⴽⵍ ⴰⵖⵎⵙⴰⵏ ⵏ ⵉⵙⵇⵙⵉⵜⵏ ⴰⵎⵎ ⵜⵉⵏ ⵜⵉⵍⴰⵍⵜ ⵜⴰⴷⵙⵍⴰⵏⵜ ⵏ ⵜⵎⵖⴰⵔⵜ ⴳ ⵜⵎⵙⴰⵔⵉⵏ ⵏ ⵜⵙⵓⵍⴰⵏⵜ ⵏⵖ ⵜⵓⵙⵓⵔⵜ ⵏ ⵓⵙⵏⵉⴼⵍ ⴰⵏⵣⵡⴰⵢ ⵅⴼ ⵜⵓⴷⵔⵜ ⵏ ⴽⵓⵢⴰⵙⵙ ⵏ ⵜⵎⵖⴰⵔⵉⵏ. ⵉⵡⵉⵏ ⴷ ⵉⵎⴷⵉⵡⴰⵍⵏ ⴰⵡⴷ ⵅⴼ ⵜⵓⵙⵓⵔⵜ ⵏ ⵓⵎⵓⵟⵟⵓⵏ ⴷ ⵉⵥⴹⵡⴰⵏ ⵉⵏⴰⵎⵓⵏⵏ ⵅⴼ ⵢⵉⵙⵉ ⵏ ⵡⴰⵡⴰⵍ ⵏ ⵜⵎⵖⴰⵔⵉⵏ, ⵙ ⵉⵎⵥⵍⵉ ⴳ ⵓⵣⵎⵣ ⵏ ⵡⴰⵟⵟⴰⵏ, ⴷ ⵜⴷⵔⵙⵉ, ⴷ ⵜⴰⵙⵙⴰⵙⵜ ⴷ ⵉⵎⵉⵣⴰⵏ ⵏⵏⴰ ⴷⴰ ⵜⵜⵏⵏⴰⵍⵏⵜ ⵜⵎⵖⴰⵔⵉⵏ ⵜⵉⵏⵖⵎⴰⵙⵉⵏ ⵅⴼ ⵓⵥⵟⵟⴰ ⴰⵎ ⵜⴽⵕⴹⵉ ⴷ ⵓⵙⴷⵉⴷⴷⵢ.

ⴰⵎⵣⵣⵓ ⵢⴰⴷ ⵜⴻⵜⵜⵓⵙⵎⵏⴷ  ⴷⵉⴳⵙ ⵜⵢⴰⴼⵓⵜ ⵏ ⵜⵥⵕⵉⴳⵜ ⵏ ⵓⵙⴳⴳⵯⴰⵙ 2021 ⵏ (GMMP) ⵉⵣⴷⵉⵏ ⴷ ⵢⵉⵙⵉ ⵏ ⵡⴰⵡⴰⵍ ⵖⵓⵔ ⵜⵎⵖⴰⵔⵉⵏ ⴳ ⵓⵙⵏⵖⵎⵙ ⴷ ⵡⵓⵎⵓ ⵏⵏⵙⵏⵜ ⴳ ⵉⵎⵣⵣⵓⵜⵏ ⵉⵎⵉⵔⴰⵏⵏ ⵏ ⵓⵙⵏⵓⵍⴼⵓ ⵏ ⵉⵏⵖⵎⵉⵙⵏ ⵉⵣⴷⵉⵏ ⴷ ⵜⵖⴰⵡⵙⵉⵡⵉⵏ ⵏ ⵓⴱⴰⵖⵓⵔ ⴰⵎⴰⵜⴰⵢ.

ⴳ ⵓⴽⵛⵛⵓⵎ ⵏⵏⵙ, ⵜⵙⴰⵡⵍ ⵎⴰⵙⵙⴰ ⵍⴰⵟⵉⴼⴰ ⵜⴰⵢⵀ, ⵜⴰⵏⵎⵀⴰⵍⵜ ⵏ ⵜⵣⵓⵏⵉ ⵏ ⵜⵖⵓⵔⵉⵡⵉⵏ ⴷ ⵜⵉⴳⵎⵉ ⴰⴳⵓⵏⵙ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵅⴼ ⵜⵢⴰⴼⵓⵜⵉⵏ ⵏ ⵜⵖⵓⵔⵉⵡⵉⵏ ⵏ (GMMP), ⴰⵔ ⵜⴻⵜⵜⴰⴷ ⵙ ⵓⵎⴰⵜⴰ ⵅⴼ ⵜⵢⴰⴼⵓⵜⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⴽⵓ ⴽⵕⴰⴹ ⵡⴰⵢⵓⵔⵏ ⴰⴼⴰⴷ ⴰⴷ ⵜⵙⵖⵍ ⵜⴰⵎⴰⴳⵓⵜ ⵙ ⵜⵖⴰⵔⴰⵙⵜ ⵏ ⵓⵣⵎⵣ ⵏ ⵜⵉⵙⵉ ⵏ ⵡⴰⵡⴰⵍ ⵖⵓⵔ ⵉⵔⴳⴰⵣⵏ ⴷ ⵖⵓⵔ ⵜⵎⵖⴰⵔⵉⵏ ⵜⵉⴳⴷⵓⴷⴰⵏⵉⵏ ⴰⴳⵓⵏⵙ ⵏ ⵉⵖⵎⵉⵙⵏ ⵏ ⵉⵏⵖⵎⵉⵙⵏ ⴷ ⵉⵙⴰⵢⵙⵏ ⵏ ⵓⵎⴷⴰⵡⴰⵍ ⵉⵜⵜⵓⵣⵓⵣⵣⵓⵔⵏ ⴳ ⵜⵏⵣⵡⴰⵢⵉⵏ ⴷ ⵉⵜⵉⵍⵉⴼⵉⵣⵢⵓⵏⵏ ⵉⵎⵖⵔⴰⴱⵉⵢⵏ.

ⵜⴰⵍⵙ ⴰⵔ ⵜⵙⵙⴽⵜⴰⵢ ⵉⵙ ⵉⵙⵢ ⵏ ⵡⴰⵡⴰⵍ ⵖⵓⵔ ⵜⵎⵖⴰⵔⵉⵏ ⵉⵙⵓⵍ ⵢⵉⵡⴹ 19% ⵏ ⵓⵣⵎⵣ ⵏ ⵉⴽⵛⵛⵓⵎⵏ ⵉⵏⵖⵎⴰⵙⵏ ⵏ ⵜⵓⵎⴰⵢⵜ ⵏ ⵉⵎⴷⴰⵏⵏ ⵉⴳⴷⵓⴷⴰⵏⵏ.

ⴰⵔ ⵉⵙⵙⴽⴰⵔ ⵓⵙⵙⵏⵜⵉ ⴰⵎⴰⴹⵍⴰⵏ ⵏ ⵓⵙⴰⴹⴰⴼ ⴰⵖⵎⵙⴰⵏ (GMMP), ⵙⴳ ⴽⵉⴳⴰⵏ ⵏ ⵉⵙⴳⴳⵯⴰⵙ, ⵜⵉⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⴷ ⵉⵙⴼⴽⴰ ⵅⴼ ⵜⵎⵙⴰⵔⵜ ⵏ ⵡⴰⵏⴰⵡ ⴰⴳⵓⵏⵙ ⵏ ⵓⵙⵏⵖⵎⵙ. 116 ⵏ ⵜⵎⵓⵔⴰ ⴳ ⵉⵍⵍⴰ ⵍⵎⵖⵔⵉⴱ, ⴷⴰ ⵜⵜⴳⴳⴰⵏⵜ ⴽⵓ ⵙⵎⵎⵓⵙ ⵏ ⵉⵙⴳⴳⵯⴰⵙⵏ, ⵢⴰⵏ ⵓⵙⴼⵙⵉ ⵏ ⵉⵖⵎⵉⵙⵏ ⵏ ⵓⵙⵏⵖⵎⵙ ⴳ ⵢⴰⵏ ⵡⴰⵙⵙ ⴳ ⵢⴰⵜ ⵜⵉⴽⴽⵍⵜ ⴰⴼⴰⴷ ⴰⴷ ⵔⴰⵔⵏ ⵅⴼ ⵓⵙⵇⵙⵉ « ⵎⴰ ⴷⴰ ⵉⵙⵙⴽⴰⵔⵏ ⴰⵏⵖⵎⵉⵙ ? ».