ⵢⴰⵎⵓ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙ ⴱⵏⵄⵜⵉⵙⵙⴰ ⴰⵙⵍⵓⵏ, ⵙⴳ 1 ⴰⵔ 4 ⵏⵓⵡⴰⵏⴱⵉⵔ ⴳ ⵓⵟⴰⵡⴰ, ⵜⴰⵙⵓⵜⵍⵜ 2022 ⵏ "ⵉⵎⴰⵍⴰⵙⵙ ⵏ ⵜⵙⵔⵜⴰⵢ ⴷ ⵓⵙⵏⴰⵎ ⵏ ⵉⵎⵢⴰⵡⴰⴹⵏ" ⵏⵏⴰ ⴷⴰ ⵉⵙⵏⵎⴰⵍⴰ ⴽⵓ ⴰⵙⴳⴳⵯⴰⵙ ⵓⵙⵉⵏⴰⴳ ⴰⴳⵔⴰⵖⵍⴰⵏ ⵏ ⵉⵎⵢⴰⵡⴰⴹⵏ.

ⵙ ⵡⵓⵎⵓ ⴳ ⵜⵙⵓⵜⵍⵜ ⵉⵍⴰⵏ ⵉⵙⵎ ⵏ "ⵜⴰⵎⵙⴰⵙⵉⵜ ⵏ ⵉⵙⴰⵜⵉⵢⵏ ⵉⵙⵏⵖⵎⵉⵙⵏ" ⵜⴰⵙⴳⴰ ⵏ ⵉⵎⵙⵙⵓⴳⵓⵔⵏ ⵏ ⵉⵎⵙⵏⴰⵎⵏ ⵏ ⵓⵙⵜⵕⴰⵍⵢⴰ, ⴰⵍⵎⴰⵏⵢⴰ ⴷ ⵓⵖⴰⵏⴷⴰ, ⵉⵙⵙⴽⵏ ⵎⴰⵙⵙ ⵄⴰⵙⵍⵓⵏ ⵢⴰⵏ ⵓⵎⵏⵉⴷ ⴰⴼⵔⵉⵇⵉ ⵏ ⵜⵎⵓⴽⵔⵉⵙⵜ ⵏ ⵜⵢⴰⵖⵜ ⵏ ⵓⵙⵏⴰⵎ ⴳⵔ ⵓⵙⵏⵖⵎⵙ ⴰⵎⵢⵓⵔⴰⵏ ⴷ ⵉⵡⵔⵉⴽⵏ ⴳ ⵉⴼⵉⵍⵉ ⵉⵔⴰⵔ ⵜⴰⵖⴹⴼⵜ ⵅⴼ ⵜⵏⵥⵕⵉⵏ ⵜⵉⴷⵉⵎⵓⵇⵕⴰⵟⵉⵢⵏ, ⵜⵉⴷⵍⵙⴰⵏⵉⵏ ⴷ ⵜⵏⴰⵎⵓⵏⵉⵏ ⵏⵏⴰ ⴷⴰ ⵙⵎⴷⵢⴰⵏⵜ ⵜⵎⵙⴰⵔⵉⵏ ⴰⴷ ⴳ ⵓⵎⵏⵥⴰⵡ. ⵉⵙⵔⵙ ⴷⵉⵖ ⴰⵛⴰⵕⵉⴹ ⴷⴷⴰⵡ ⵉⵙⵏⵉⴼⵉⵍⵏ ⴷ ⵜⵖⴰⵔⴰⵙⵉⵏ ⵏ ⵓⵙⵡⵉⵏⴳⵎ ⵉⵍⵍⴰⵏ ⴰⴳⵓⵏⵙ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ ⵏⵏⴰ ⵎⵉ ⵉⴳⴰ ⵓⵏⵙⵙⵉⵅⴼ ⴰⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙⴳ ⵜⴳⵉⵔⴰ ⵏ ⵛⵜⴰⵎⴱⵉⵔ 2022, ⵉⵡⴰⵜⵙⵏ ⴰⴷ ⵉⵖⵉⵖⵏ ⵉⵎⵙⵏⴰⵎⵏ ⵉⴼⵔⵉⵇⵉⵢⵏ ⴰⴷ ⵙⵙⵉⵡⴹⵏ ⴰⵡⴰⵍ ⵏⵏⵙⵏ ⴳ ⵜⵎⵓⵔⴰ ⵏⵏⵙⵏ ⴷ ⴷⴰⵜ ⵉⵡⵔⵉⴽⵏ ⵉⵎⴰⵜⴰⵢⵏ ⵏ ⵓⵎⵢⴰⵡⴰⴹ.

ⵜⴰⵙⴳⴰ ⵏ ⵡⵓⵎⵓ ⴳ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵉⵎⵙⵏⴰⵎⵏ, ⴰⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷⵉⴳⵙ ⴷⵉⵖ ⵎⴰⵙⵙ ⴰⵎⵉⵏ ⵄⵣⵣⵉⵎⴰⵏ, ⴰⵏⵎⵀⴰⵍ ⵏ ⵜⵣⵓⵏⵉ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵢⴰⵎⵓ ⴳ ⵜⵙⴰⵡⵔⵜ ⵜⵓⵙⵍⵉⴳⵜ ⵏⵏⴰ ⵉⵙⵏⵎⴰⵍⴰ ⵓⵥⵟⵟⴰ ⴰⴼⵕⵓⵏⴽⵓⴼⵓⵏⵉ ⵏ ⵉⵎⵙⵏⴰⵎⵏ ⵏ ⵓⵙⵏⵖⵎⵙ, ⴷ ⵓⵥⵟⵟⴰ ⴰⴼⵕⵓⵏⴽⵓⴼⵓⵏⵉ ⵏ ⵓⵙⵏⴰⵎ ⵏ ⵉⵎⵢⴰⵡⴰⴹⵏ ⴳ ⵜⵙⴰⵡⵔⵜ ⵉⵜⵜⵓⵙⵏⵎⵍⴰⵏ "ⵜⵉⴳⵎⵉ ⵏ ⵜⵙⵓⴳⴰⵔ ⵏ ⵉⵎⵙⵏⴰⵎⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵉⵙⴼⴽⴰ".

ⴳ ⵜⵙⴳⴰ ⵢⴰⴹⵏ, ⵉⵙⵙⴽⵏ ⵎⴰⵙⵙ ⵄⴰⵙⵍⵓⵏ ⵉⵎⵙⵙⴼⵍⵉⴷⵏ ⵉⴳⵔⴰⵖⵍⴰⵏⵏ ⵏ ⵉⵎⵙⵏⴰⵎⵏ ⵉⴳⵔⴰⵖⵍⴰⵏⵏ ⵏ ⵓⵎⵢⴰⵡⴰⴹ, ⵙⵉⵏ ⵉⵎⴰⵙⵙⵏ ⵉⴷⵙⵍⴰⵏⵏ ⵏ ⵓⵙⵏⴰⵎ ⵏⵏⴰ ⵉⵙⵔⵙ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙ ⵜⵣⵎⵎⴰⵔ ⵜⵉⴳⵓⵏⵙⴰⵏⵉⵏ ⵏⵏⵙ. ⵏⵏⴰ ⵉⴳⴰⵏ ⴳ ⵢⴰⵜ ⵜⵙⴳⴰ, ⵜⴰⵙⵉⵍⴰ ⵜⴰⵎⵓⵟⵟⵓⵏⵜ ⵏ ⵀⴰⴽⴰ ⴱⵔⵉⴷⵊⵣ, ⵏⵏⴰ ⵉⵙⵜⵜⵎⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵖⵓⵔ ⵉⵎⵣⵡⵓⵔⴰ, ⴰⵎⴰⵙⵙ ⵏⵏⴰ ⵉⵜⵜⴰⵡⵙⵏ ⴳ ⵓⵙⵡⵓⴷⴷⵓ ⴷ ⵓⵙⴼⵙⵢ ⵏ ⵉⵙⴼⴽⴰ ⵏⵏⴰ ⵉⵅⵚⵚⴰⵏ ⴳ ⵓⵙⵏⴰⵎ ⴰⵣⴷⴳⴰⵏ ⵏ ⵢⵉⴳⵔ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.