ⴰⵏⵜⴰⵍⵢⴰ 13-14 ⴽⵜⵓⴱⵕ 2022

ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵓⵙⵙⴰⵏ ⵏ 13 ⴷ14 ⴽⵜⵓⴱⵕ 2022 ⴳ ⴰⵏⵜⴰⵏⵍⵢⴰ ⴳ ⵜⵓⵕⴽⵢⴰ, ⵢⴰⵎⵓ ⴳ ⵜⵡⵓⵔⵉⵡⵉⵏ ⵏ ⵓⵎⵙⴳⵔⴰⵡ ⵡⵉⵙⵙ 56 ⵏ ⵜⵙⵉⵍⴰ ⵜⴰⵓⵕⵓⴱⴱⵉⵢⵜ ⵏ ⵉⴳⵔⴰⵡⵏ ⵏ ⵓⵙⵏⴰⵎ.

ⵜⵉⵡⵓⵔⵉⵡⵉⵏ ⵏ ⵓⵎⵙⴳⵔⴰⵡ ⴰⴷ ⴷⴰ ⵜⴻⵜⵜⵉⵏⵜ ⵅⴼ ⵙⵏⴰⵜ ⵜⵙⵓⵜⴰⵍ ⵜⵉⵙⴳⵓⵎⴰⵏⵉⵏ : « ⴳⴰⵔ ⴰⵙⵏⵖⵎⵙ, ⵜⴰⵎⴰⴳⵓⵜ ⴷ ⵜⴼⵍⵙⵜ » ⴷ « ⵜⵉⵎⵔⵙⴰⵍ ⵏ ⵓⵙⵏⴰⵎ ⵏ ⵓⵙⵍⵉⵥⵕ ⴷ ⵜⵡⵏⵏⴰⴹⵜ ⵜⴰⵎⵓⵟⵟⵓⵏⵜ », ⵜⵉⵡⵓⵔⵉⵡⵉⵏ ⵏ ⵓⵎⵙⴳⵔⴰⵡ ⴰⴷ ⵓⴷⵊⴰⵏⵜ ⵉⵎⴷⵔⴰⵡⵏ ⴰⴷ ⵎⵎⴽⴼⴰⵏ ⵉⵔⵉⵎⵏ ⵏⵏⵙⵏ ⴷ ⴰⴷ ⵙⵎⵢⵉⴼⵏ ⵉⵎⵏⵉⴷⵏ ⵏⵏⵙⵏ ⵉⵣⴷⵉⵏ ⴷ ⵜⵎⵙⴰⵍⵜ ⵏ ⵓⵙⵎⵙⴰⵙⴰ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴷ ⵓⵣⵎⵣ ⴰⵎⵓⵟⵟⵓⵏ. ⵉⴳⵏⵙⴰⵙⵏ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⵏⵏⴰ ⴷ ⵢⵓⵙⴰⵏ ⵙⴳ ⴽⵔⴰⴹⵜ ⵜⵎⵔⴰⵡⵉⵏ ⵏ ⵜⵎⵓⵔⴰ ⵉⵍⵉⵏ ⴰⵡⴷ ⵉⴳⵏⵙⴰⵙⵏ ⵏ ⵜⵎⵙⴷⵓⵙⵉⵏ ⵜⵉⴳⵔⴰⵖⵍⴰⵏⵉⵏ ⴰⵎⵎ ⵜⴰⵎⵓⵏⵜ ⵜⴰⵓⵕⵓⴱⴱⵉⵢⵜ, ⴰⵙⴰⴹⴰⴼ ⴰⵓⵕⵓⴱⴱⵉ ⵏ ⵓⵙⵍⵉⵥⵕ ⵏⵖ ⴷⵉⵖ ⵜⴰⵙⵉⵍⴰ ⵜⴰⵓⵕⵓⴱⴱⵉⵢⵜ ⵏ ⵉⵎⵙⵏⴰⵎⵏ, ⵃⵉⴹⵕⵏ ⴷⵉⵖ ⵉ ⵓⵙⵎⵏⵉⴷ ⵏ ⵜⵢⴰⴼⵓⵜⵉⵏ ⵏ ⴽⵉⴳⴰⵏ ⵏ ⵜⵖⵓⵔⵉⵡⵉⵏ ⵏⵏⴰ ⵙⵙⴽⵔⵏⵜ ⴽⵉⴳⴰⵏ ⵏ ⵜⵎⵓⵔⴰ ⵅⴼ ⵜⵎⵙⴰⵍⵜ ⵉⵣⴷⵉⵏ ⴷ ⵜⵓⵙⵓⵔⵉⵏ ⵏ ⵓⵙⵏⴼⵍ ⵏ ⵓⵙⵏⵖⵎⵙ ⴷ ⵡⵉⵏ ⵓⵎⵢⴰⵡⴰⴹ. ⵙ ⵓⵢⴰⴷ, ⴳⵔ ⵜⵖⵓⵔⵉⵡⵉⵏ ⵏ ⵓⵎⴷⵢⴰ ⵏⵏⴰ ⵅⴼ ⵉⵍⵍⴰ ⴽⵉⴳⴰⵏ ⵏ ⵓⵎⵛⴰⵡⴰⵕ ⴷ ⵉⵙⵇⵙⵉⵜⵏ, ⵔⴰⴷ ⵏⴱⴷⵔ ⵙ ⵉⵎⵥⵍⵉ ⵜⴰⵖⵓⵔⵉ ⵅⴼ « ⴰⵍⴳⵓⵔⵉⵜⵎⵏ ⴷ ⵜⵎⴰⴳⵓⵜ » ⴷ ⵢⴰⵜ ⵜⵖⵓⵔⵉ ⵢⴰⴹⵏ ⵉⵍⴰⵏ ⵉⵙⵎ ⵏ « ⴰⵎⴽ ⵔⴰⴷ ⵏⵙⵖⵍ ⵜⵓⵙⵓⵔⵜ ⵏ ⵜⵙⵎⵓⵔⵜ ⵏ ⵓⵏⵖⵎⵉⵙ ⵅⴼ ⵜⵢⵓⴳⴰ ⵜⴰⵙⵔⵜⴰⵏⵜ ⴰⴳⵓⵏⵙ ⵏ ⵡⴰⵎⵓⵏⵏ ? ».

ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙ ⵜⵏⵙⵙⵉⵅⴼⵜ ⵏⵏⵙ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⴷ ⵎⴰⵙⵙⴰ ⴱⵓⵜⴰⵢⵏⴰ ⵣⵉⵢⵓⵜ, ⴰⵙⴰⵜⵉ ⴰⵎⵇⵔⴰⵏ ⴷ ⵜⵣⵓⵏⵉ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⴳ ⵓⵎⵙⴳⵔⴰⵡ ⴰⴷ ⴰⴳⵔⴰⵖⵍⴰⵏ ⵙ ⵓⵙⵏⵓⴱⴳ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵜⵏⵣⵡⴰⵢⵜ ⴷ ⵓⵜⵉⵍⵉⴼⵉⵣⵢⵓⵏ ⴰⵜⵓⵕⴽⵉ, ⵉⴳⴰⵏ ⵜⴰⵎⵔⵙⵍⵜ ⵏⵏⴰ ⵉⵙⵏⵎⴰⵍⴰⵏ ⴰⵎⵙⴳⵔⴰⵡ ⴰⴷ ⵜⴳ ⴷⵉⵖ ⴰⴳⵎⴰⵎ ⴰⵎⴽⵔⴰⵙ ⵏ ⵜⵙⵉⵍⴰ ⵜⴰⵓⵕⵓⴱⴱⵉⵢⵜ ⵏ ⵉⴳⵔⴰⵡⵏ ⵏ ⵓⵙⵏⴰⵎ.

ⴷⵉⴳⵙ ⴳ ⵜⵙⵉⵍⴰ ⵜⴰⵓⵕⵓⴱⴱⵉⵢⵜ ⵏ ⵉⴳⵔⴰⵡⵏ ⵏ ⵓⵙⵏⴰⵎ 55 ⵏ ⵜⵎⵔⵙⴰⵍ ⵉⵍⵍⴰⵏ ⴳ 46 ⵏ ⵜⵎⵓⵔⴰ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳⵏⵜ ⵜⵉⵏⴱⴷⴰⴷⵉⵏ ⵏ ⵜⵙⵉⵍⴰⵡⵉⵏ ⵏ ⵓⵎⵢⴰⵡⴰⵙ ⴳⵔ ⵉⵎⵙⵏⴰⵎⵏ ⵏ ⵓⵙⵍⵉⵥⵕ. ⵜⵍⵓⵍⴰ ⴷ ⵜⵙⵉⵍⴰ ⵜⴰⵓⵕⵓⴱⴱⵉⵢⵜ ⵏ ⵉⴳⵔⴰⵡⵏ ⵏ ⵓⵙⵏⴰⵎ.

 ⴰⵙⴳⴳⵯⴰⵙ ⵏ 1995, ⵜⵍⵍⴰ ⵜⴳⴰ ⴰⴳⵔⴰⵡ ⵏ ⵓⵙⵡⵉⵏⴳⵎ ⴷ ⵓⵙⵏⴼⵍ ⵅⴼ ⵉⵙⴳⵓⵎⵏ ⵉⵣⴷⵉⵏ ⴷ ⵉⵙⵏⴰⵎⵏ ⴷ ⵉⵙⵍⵓⴳⵏⵏ ⵏ ⵜⵖⴰⵔⴰⵙⵉⵏ ⵏ ⵓⵙⵏⴰⵎ ⴰⵙⵍⵉⵥⵕ ⴳ ⵓⵙⴰⵢⵔⴰⵔ ⵓⵕⵓⴱⴱⵉ. ⵜⴰⵙⴳⴰ ⵏ ⵜⵎⵔⵙⴰⵍ ⵜⵉⴳⵎⴰⵎⵉⵏ, ⵜⴰⵙⵇⵇⵉⵎⵜ ⵜⵓⵕⵓⴱⴱⵉⵢⵜ, ⴰⵙⵇⵇⵉⵎ ⵓⵕⵓⴱⴱⵉ, ⴰⵙⴰⴹⴰⴼ ⵓⵕⵓⴱⴱⵉ ⵏ ⵓⵙⵍⵉⵥⵕ ⴷ ⵓⵙⵉⵔⴰ ⵏ ⵓⴳⵏⵙⴰⵙ ⵏ ⵜⵎⵙⴷⵓⵙⵜ ⵉ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⵉ ⵜⵍⴻⵍⵍⵉ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⵉⵍⵍⴰ ⵖⵓⵔⵙⵏ ⵡⴰⴷⴷⴰⴷ ⵏ ⵉⵎⵏⵥⵉ ⴰⵙⵓⵍⴰⵏ ⴰⴳⵓⵏⵙ ⵏ ⵜⵙⵉⵍⴰ ⵜⴰⵓⵕⵓⴱⴱⵉⵢⵜ ⵏ ⵉⴳⵔⴰⵡⵏ ⵏ ⵓⵙⵏⴰⵎ.