ⵎⵎⵓⵏⵏⵜ ⵜⴰⴳⴳⴰⵢⵉⵏ ⴰⴽⴽⵯ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵓⵙⵙⴰⵏ ⵏ 21 ⴰⵔ 23 ⴷⵓⵊⴰⵎⴱⵉⵔ 2025 ⴳ ⵢⴰⵏ ⵓⴳⵔⴰⵡ ⵏ ⵓⵎⵔⴰⵔⴰ ⵏ ⵕⵕⴰⵢ ⴷ ⵓⵙⵡⵉⵏⴳⵎ ⴰⵙⵟⵕⴰⵜⵉⵊⵉ ⵅⴼ ⵓⵙⴳⵓⵎ : « ⴰⵙⵍⴳⵏ ⵏ ⵜⵓⵎⴰⵢⵉⵏ ⵏ ⵓⵙⵏⵖⵎⵙ ⴰⵎⵓⵟⵟⵓⵏ : ⵎⴰⵜⵜⴰ ⵜⵓⵙⵓⵔⵉⵏ ⴷ ⵎⴰⵜⵜⴰ ⵓⵙⴰⴳⵍⴰ ⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ? »
ⵜⴰⵎⵀⵍⴰ ⵜⴰⵎⴰⵜⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵢ ⵉⵙⵙⵏⵜⵉⵏ ⵜⵙⵏⵎⴰⵍⴰ ⴰⵎⵙⴳⵔⴰⵡ ⴰⴷ ⴰⵅⴰⵜⴰⵔ ⵏⵏⴰ ⵉⴳⴰⵏ ⵢⴰⵜ ⵜⵉⴽⵍⵉ ⴳ ⵓⵎⵛⴰⵡⴰⵕ ⴰⴳⵓⵏⵙⴰⵏ, ⵏ ⵜⵉⵖⵉⵙⵜ ⵜⴰⵎⴳⵔⴰⵡⵜ ⴷ ⵓⵙⵎⵏⵉⴷ ⴰⵙⵟⵕⴰⵜⵉⵊⵉ, ⴳ ⵓⵎⵏⴰⴹ ⵉⵜⵜⵓⵕⵛⵎⵏ ⵙ ⵉⵎⵓⵟⵟⵓⵢⵏ ⵏ ⵜⵡⵏⵏⴰⴹⵜ ⵜⴰⵙⵏⵖⵎⴰⵙⵜ ⴷ ⵜⵏⵖⵎⴰⵙⵜ. ⵎⴰⵙⵙ ⵄⵉⵙⵙⴰ ⵄⴰⵙⵍⵓⵏ ⴰⵢ ⴳⴰⵏ ⴰⵢ ⴳⴰⵏ ⴰⵏⵙⵙⵉⵅⴼ ⵏ ⵓⵎⵙⴳⵔⴰⵡ ⴰⴷ, ⵉⴳⴰ ⴰⵏⵎⵀⴰⵍ ⴰⵎⴰⵜⴰⵢ. ⵜⵉⵡⵓⵔⵉⵡⵉⵏ ⵏ ⵓⵎⵙⴳⵔⴰⵡ ⴰⴷ ⴳ ⵜⴰⵎⵓ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵓⵎⴰⵏ ⴽⵉⴳⴰⵏ ⵏ ⵉⵙⴳⵓⵎⵏ ⵉⵣⴷⵉⵏ ⵙ ⵜⵓⴽⴽⵉ ⵏ ⵜⵓⵔⴰⴳⵉⵏ ⴷ ⵓⵙⵎⴰⵜⴰ ⵏ ⵓⴱⵖⵓⵔ ⵏ ⵓⵙⵍⴻⵍⵍⵉ ⴳ ⵓⵣⵎⵣ ⵏ ⵓⵙⴷⵉⵎⵓⵇⵕⴰⵜ ⵏ ⵡⴰⴷⴰⴼ ⵖⵔ ⵍⴰⵏⵜⵉⵔⵏⵉⵜ, ⴰⵙⵍⴳⵏ ⵏ ⵜⵎⴰⴳⵓⵜ ⴷⴰⵜ ⵜⴳⴰⴷⴰⵢⵜ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴰⵎⵓⵟⵟⵓⵏ ⴷ ⵓⵎⵙⴳⴷⴰⵍ ⴰⴳⴷⵓⴷⴰⵏ, ⴷ ⵜⵏⵥⵕⵉⵜ ⴷ ⵉⵡⵉⵏⵜ ⵜⵓⵎⴰⵢⵉⵏ ⵉⵜⵜⵓⵣⵓⵣⵣⵓⵔⵏ ⴳ ⵉⵙⴰⵢⵔⴰⵔⵏ ⵉⵎⵓⵟⵜⵓⵏⵏ ⵏⵏⴰ ⵓⵔ ⵉⵜⵜⵓⵙⵍⴳⵏⵏ. ⵉⵎⵛⴰⵡⴰⵕⵏ ⴰⴷ ⴳⴰⵏ  ⴰⵣⵎⵣ ⵏ ⵓⵙⵙⴽⵜⵉ ⵏ ⵜⵙⵎⵉⴳⵍⵜ ⵜⴰⴷⵙⵍⴰⵏⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵢⵓⴳⴳⴰⵏ ⵅⴼ ⵓⴱⵖⵓⵔ ⴰⵎⴰⵜⴰⵢ, ⵅⴼ ⵜⵎⴰⴳⵓⵜ ⵏ ⵜⵎⵣⴰⵣⵉⵏ ⵏ ⵓⵙⵡⵉⵏⴳⵎ ⴷ ⵓⵣⵔⴰⴽ ⵏ ⵉⵎⵏⵣⴰⵢ ⴷ ⵡⵓⴷⴷⵓⵔ ⴰⵏⴼⴳⴰⵏ ⴷ ⵜⵍⴻⵍⵍⵉ ⵏ ⵓⵡⵏⵏⵉ.
ⴰⵎⵙⴳⵔⴰⵡ ⴰⴷ ⵉⵙⵙⴽⵏ ⵉⵙ ⵏ ⵉⵇⵇⴰⵏ ⵢⴰⵏ ⵓⵣⵣⵉⴳⵣ  ⴳ ⵜⵎⵢⴰⴷⴰⵙⵉⵏ ⵏ ⵓⵙⵍⴳⵏ, ⵏⵏⴰ ⵉⵇⵇⴰⵏ ⴰⴷ ⵉⵣⵔⵉ ⵙⴳ ⵢⴰⵏ ⵡⴰⵏⴰⵡ ⵉⵜⵜⵉⵏ ⵅⴼ ⵉⵎⵣⵣⵔⴰⵢⵏ ⵖⵔ ⵢⴰⵏ ⵡⴰⵏⴰⵡ ⵏ ⵓⵙⵍⴳⵏ ⵉⵡⴰⵜⵙⵏ ⵜⵓⵎⴰⵢⵉⵏ ⴷ ⵓⵣⵓⵔⵜ ⵏⵏⵙⵏⵜ ⵅⴼ ⵓⴳⴷⵓⴷ, ⵙ ⵜⵖⴹⴼⵜ ⵖⵔ ⵓⵎⵢⴰⴳⴰⵔ ⵉⵍⵍⴰⵏ ⴳⵔ ⵓⵙⵏⵖⵎⵙ ⴰⴱⵍⴷⵉ ⵉⵍⵍⴰⵏ ⴷⴷⴰⵡ ⵉⵣⵓⵛⵛⵍⵏ ⵉⴳⵣⵉⵏ, ⴷ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ. ⵢⴰⵜ ⵜⵖⴹⴼⵜ ⵉⵥⵍⵉⵏ ⵜⵜⵓⴼⴽⴰ ⵉ ⵉⵣⵓⵔⵜⵏ ⵉⵙⵏⵎⴰⵍⴰⵢⵏ ⴷ ⵉⵏⴼⴳⴰⵏⵏ ⵏ ⵓⵙⵅⵉⵜⵔ ⵏ ⵢⵉⴳⵔ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⵎⵓⵟⵟⵓⵏ. ⵉⵎⵛⴰⵡⴰⵕⵏ ⵉⵡⵉⵏⴷ ⴷⵉⵖ ⵅⴼ ⵓⵣⵣⵉⴳⵣ ⵏ ⵓⵙⵏⵎⴰⵍⴰ ⵏ ⵜⵡⵓⵔⵉ, ⴰⵙⵏⴰⵎ ⵏ ⵉⵙⴰⴳⵎⵏ ⵉⵏⴼⴳⴰⵏⵏ, ⵜⵉⴳⵎⵉ ⵏ ⵜⵙⵓⴳⴰⵔ ⵏ ⵜⴰⴳⴳⴰⵢⵉⵏ ⴷ ⵓⵙⴷⵓⵙ ⵏ ⵓⵍⴳⴷⵉⵙ ⴳⵔ ⵜⵎⵓⵣⴰⵢ, ⴳ ⵢⴰⵏ ⵓⵎⵏⴰⴹ ⴳ ⵉⵎⵇⵇⵓⵔ ⵢⵉⴽⵣ ⵏ ⵜⵎⵥⵍⴰ ⵜⴰⵍⴳⵓⵍⵉⵜⵎⵜ ⴷ ⵓⵙⵡⵓⵔⵉ ⴰⵎⵓⵟⵟⵓⵏ ⴷ ⵡⴰⵏⴰⵡⵏ ⵉⵜⵔⴰⵔⵏ ⵏ ⵓⵎⵢⴰⵡⴰⴹ.
ⵙ ⵜⵙⵏⵜⴰⵢⵜ ⴰⴷ, ⵉⵙⵙⴽⵜⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵙ ⵜⴰⵖⵓⵛⵜ ⵏ ⵜⵎⴳⴳⴰⵢⵉⵏ ⴰⴽⴽⵯ ⵏⵏⵙ, ⵜⵉⵔⴰⵜ ⵏⵏⵙ ⵏ ⴰⴷ ⵖⵓⵔⵙ ⵢⵉⵍⵉ ⵢⴰⵏ ⵓⵙⵍⴳⵏ ⴰⵜⵔⴰⵔ, ⴰⵎⵢⴰⵙ ⴷ ⵓⵎⵙⵜⴳⴳⴰⵔ, ⵉⵖⵉⵢⵏ ⴰⴷ ⵉⵎⵓⵏ ⴰⵀⴰ ⴷ ⵉⵎⵓⵜⵜⵓⵢⵏ ⵏ ⵓⵙⴰⵢⵔⴰⵔ ⴰⵖⵎⵙⴰⵏ, ⵏ ⴰⴷ ⵉⴼⵔⴳ ⵉ ⵓⵏⵎⵓⵔⵉ ⴷ ⴰⴷ ⵢⴰⵎⵓ ⴳ ⵢⴰⵏ ⵓⵎⵛⴰⵡⴰⵕ ⴰⴳⴷⵓⴷⴰⵏ ⴰⵎⴰⴳⵓⵜ, ⴰⵎⴰⴷⴰⴼ ⴷ ⵓⵎⵣⵔⴰⴽ ⵏ ⵡⴰⵜⵉⴳⵏ ⵉⴷⵉⵎⵓⵇⵕⴰⵟⵉⵢⵏ.